Канон святому священномученику Петру Капетолийскому, Дамасскому, пресвитеру
Припев: Священному́чениче Пе́тре, моли́ Бо́га о на́с.
Память: 17 октября (04 октября ст. ст.)
Глас 4.
Пе́снь 1.
Ирмо́с: Отве́рзу уста́ моя́, и напо́лнятся Ду́ха, и сло́во отры́гну Цари́це Ма́тери, и явлю́ся, све́тло торжеству́я, и воспою́, ра́дуяся, Тоя́ чудеса́.
Нача́ло бы́л еси́ му́чеником, Христе́, при Понти́йстем Пила́те му́ченик бы́в, возлю́бль же немощно́е плотски́м страда́нием.
Служи́л еси́, преподо́бне, без поро́ка Бо́жию же́ртву, лю́ди очища́я, же́ртву же кро́вию себе́ прине́сл еси́.
Ме́ртв у́бо те́лом яви́ся, душе́ю же оживе́, тяклоимени́те Пе́тре, ве́ры основа́ние, бесо́в я́зва.
Богоро́дичен: Пою́ Тя́, Го́споди Бо́же мо́й, я́ко роди́ся от Ма́тере, Де́вы Чи́стыя, и Ту́ яви́л еси́ наде́жду душа́м на́шим.
Пе́снь 3.
Ирмо́с: Лу́к си́льных изнемо́же и немощству́ющии препоя́сашася си́лою: сего́ ра́ди утверди́ся в Го́споде се́рдце мое́.
Я́ко старе́йшина прече́стна наказа́, Пе́тре, удо́м исправле́ние, супру́зе и вну́ком, ко Христу́ приводя́.
Скве́рну отмы́л еси́ всю́, Пе́тре, очи́стив ду́шу с те́лом, яви́л еси́ Боже́ственный хра́м, священному́чениче, духо́вный.
Дело́м де́латель быва́я, теле́сное же преше́д средогра́дие, яви́лся еси́ Боже́ственней добро́те, страстоте́рпче Пе́тре сла́вный.
Богоро́дичен: Да Ада́мово паде́ние Созда́вый Ада́ма воздви́гнет, от Де́вы милосе́рдия ра́ди па́че словесе́ роди́лся еси́.
Пе́снь 4.
Ирмо́с: Небеса́ доброде́тель Твоя́ покры́ла е́сть, и земля́ испо́лнися сла́вы Твоея́, Христе́, те́мже ве́рно вопие́м: сла́ва си́ле Твое́й, Го́споди.
Облече́ся любо́вию, Пе́тре, я́ко щито́м, я́ко шле́мом, упова́нием обложи́вся, щито́м ве́ры соста́вы победи́л еси́ бесо́вския.
Я́ростно боря́ше на тя́ пра́ведных вра́г, но не́мощен терпе́нием твои́м явля́шеся, и́мже вопия́ше, сла́вне: сла́ва си́ле Твое́й, Го́споди.
Боже́ственную ре́вность от любве́ восприи́м, злове́рных не стерпе́л еси́ хуле́ния, но, я́ко в се́ть, вве́рже, Пе́тре, обличе́нием безу́мныя.
Си́лою ума́ в не́мощи пло́тской до́брое испове́дание устро́ив, отмета́ющимся испове́да, Пе́тре, Иису́сово Божество́.
Богоро́дичен: Отроча́ на́м дано́ бы́сть от проро́чества, Рожде́нное пре́жде боле́зни Бо́жия Ма́тере, его́же нача́льство на ра́ме Его́ Боже́ственный Иса́ия пропове́даше.
Пе́снь 5.
Ирмо́с: Ты́, Го́споди, мо́й све́т в ми́р прише́л еси́, Све́т Святы́й, обраща́яй из мра́чна неве́дения ве́рою воспева́ющия Тя́.
Поста́ви Христо́с Себе́ обита́лище тебе́, преподо́бне, любве́ ра́ди нело́жныя Тебе́ пре́жде возлюби́вшаго.
Му́ченика Христо́ва Бо́жия усыне́ния тебе́, преподо́бне, подо́бника Его́ страсте́м Боже́ственная любы́ яви́ла е́сть.
До́бр ревни́тель, не я́ко Петро́во отверже́ние, ты́, преподо́бне, яви́ся Богосло́вия, о Пе́тре преблаже́нне.
Богоро́дичен: Тя́, ору́жие необори́мо, на враги́ предлага́ем, Тя́, исправле́ние и наде́жду на́шему спасе́нию, Богоневе́стная, и́мам.
Пе́снь 6.
Ирмо́с: Возопи́, прообразу́я погребе́ние тридне́вное, проро́к Ио́на, в ки́те моля́ся: от тли́ изба́ви мя́, Иису́се Царю́ Си́л.
Глаго́лы твои́ми собо́р пога́нский, обостря́яся неи́стовством, и сме́рть совеща́ша преждесу́дную нанести́ на тя́, страстоте́рпче Христо́в, Пе́тре сла́вный.
Лю́тостное вра́г Христо́вых и проти́вное от боле́зней ча́емая разруши́ сме́рть, но ты́ избы́л еси́ пропове́данием Христо́вым, Пе́тре сла́вный.
Избы́л еси́, страстоте́рпче, без наде́жды сме́рти и здра́в бы́сть, и́же душе́ю кре́пкий и те́лом, беззако́нным я́зва, Христо́в ви́димый ме́стник.
Богоро́дичен: Зачала́ еси́ во утро́бе вся́ческая Устро́ившаго, Богоро́дице, во вре́мени Безвре́меннаго родила́ еси́ и по Рождестве́, я́коже и пре́жде Рождества́, пребыла́ еси́ Нетле́нная.
Пе́снь 7.
Ирмо́с: Авраа́мстии иногда́ в Вавило́не о́троцы, пе́щный пла́мень попра́ша, пе́сньми взыва́юще: оте́ц на́ших Бо́же, благослове́н еси́.
Боговеща́нный тво́й пред мучи́тельскими суди́щи с дерзнове́нием, Пе́тре сла́вный, язы́к взыва́ше: оте́ц на́ших Бо́же, благослове́н еси́.
Украше́нный душе́ю, я́ко жени́х в черто́зе, в злоде́йсцей, Пе́тре сла́вне, темни́це взыва́ше: оте́ц на́ших Бо́же, благослове́н еси́.
Избавле́нный душе́ю, свя́занный у́зы, му́ченический, всехва́льне, пу́ть, о́тче, проше́л еси́, благослове́н еси́, вопия́, та́ко Изво́ливый.
Богоро́дичен: Проро́честии гла́си о тебе́, Де́во Ма́ти, име́ша коне́ц, я́ве Христа́ бо родила́ еси́, милосе́рдия мно́га ра́ди на́м уподо́бльшася.
Пе́снь 8.
Ирмо́с: На Кресте́ пло́тию пригвожде́ннаго и показа́вшаго на́м ору́жие во спасе́ние, о́троцы, превозноси́те Христа́ Бо́га на́шего во ве́ки.
Беззако́нный сы́н к отцу́ мучи́телю свя́зана, страстоте́рпче, приво́дит тя́, вопию́ща: благослови́те вся́ дела́ Госпо́дня Го́спода.
Испра́вил е́сть Христо́с к цесаре́м Богосло́вный тво́й гла́с, вопи́ти без тре́пета, блаже́нне: благослови́те вся́ дела́ Госпо́дня Го́спода.
Твоего́ не стерпя́ дерзнове́ния, богоненави́стный цеса́рь, сме́рти богоразли́чней, Пе́тре, ве́рный ра́бе Христо́в, осужда́ет тя́, Богосло́вяща: благослови́те вся́ дела́ Госпо́дня Го́спода.
Богоро́дичен: Из Отца́ пре́жде ве́к и по́сле же из Ма́тере неизрече́нно воплоти́вшагося, о́троцы, превозноси́те Христа́ Бо́га на́шего во ве́ки.
Пе́снь 9.
Ирмо́с: Е́ва у́бо неду́гом преслуша́ния кля́тву всели́ла е́сть, Ты́ же, Де́во Богоро́дице, Прозябе́нием чревоноше́ния ми́рови благослове́ние процвела́ еси́, те́м Тя́ вси́ велича́ем.
Отре́зан ти́ бы́сть язы́к всечестны́й и кро́вию оте́чество благослови́. Язы́ком же Ду́ха о́гненным Боже́ственная веща́юща ти́ веле́ния, неве́рных неи́стовство облича́теся, те́м же тя́, му́чениче, блажи́м.
Побежде́н бы́сть, ви́дя, вра́г, приснопа́мятне, язы́ка твоего́ отъя́тие, ру́це и но́зе отсече́ние, иждага́еме жага́лы о́чи, к Христу́ пригважда́ем и раздробля́ем, огне́ви тя́ и воде́ разделя́ем.
Воздви́г пя́ту на врага́, вседо́блий, и главу́ того́ сокруши́л еси́, венце́м же побе́дным увязе́ся от руки́ Иису́совы Вседержи́теля, Капетолео́ну приснопа́мятное похвале́ние.
Богоро́дичен: Е́ва у́бо от дре́ва Живо́тнаго изгна́на бы́сть, возбране́на наслажде́ния. Ты́ же, Де́во Богоро́дице, Живо́т Преве́чный ввела́ еси́, ми́рови живоно́сное поспеше́ние, подава́емое ве́ры ра́ди.
Святой Петр жил на рубеже VII–VIII веков и был родом из города Капитолии. Он восхищал всех мудростью и умом. Петр женился и имел трех сыновей. Но поскольку его любовь к Богу была сильнее любви к семье, он расстался с женой и стал монахом. Затем епископ Бостры, против воли Петра, рукоположил его в пресвитера.
Тяжело заболев в возрасте шестидесяти лет, Петр сокрушался, что мученический венец может миновать его. Тогда, созвав именитых мусульман, он вместо обещанного завещания пламенно исповедовал перед ними христианскую веру и закончил резкими обличениями ислама. Против всякого ожидания Петр выздоровел и, все больше стремясь приобщиться к славе мучеников, начал ревностно проповедовать, осуждая заблуждения мусульман на улицах и в общественных местах. Мусульмане Капитолии составили донос, который послали Омару, сыну халифа Валида I.
При встрече с чиновником, посланным допросить его, Петр выказал такую же решимость, как и раньше, и поэтому был брошен в темницу. В это время халиф заболел и созвал в Дамаск своих детей. Пользуясь случаем, Омар изложил отцу дело христианского священника. Валид приказал немедленно привести обвиняемого. Боясь не увидеть больше своего священника, христиане Капитолии объединились и следовали за ним часть пути.
Как только Петр прибыл во дворец халифа, Омар призвал его и предложил выбирать между жизнью и смертью. Святой отвечал пылко и живо, недвусмысленно дав понять, что желает смерти, так что разгневанный Омар немедленно отослал его к отцу. Халиф объявил святому, что тот волен считать Иисуса Христа Богом, но называть пророка Мухаммеда отцом лжи непозволительно. Петр ответил таким образом, что халиф отказался от дальнейшего суда и объявил приговор, выбрав изощренно жестокую казнь.
10 января 715 года святой мученик был привезен обратно в Капитолию и выставлен перед всем народом. В первых рядах зрителей находились его сын и дочь, которых для этого заставили покинуть кельи, где они жили с детства. Следуя приказам халифа, палач вырвал мученику язык. На другой день он отсек ему стопу и кисть руки. В воскресенье, при еще большем стечении народа, он отрезал святому Петру другую стопу и другую кисть, затем ослепил его, вслед за этим распял возле монастыря, в который тот поместил своих дочерей и рядом с которым и умер, пронзенный тремя ударами копья.
Воины стерегли тело святого в течение пяти дней, после чего сожгли и бросили останки в ближайший речной поток и даже вымыли с осторожностью всякий предмет, который мог коснуться святых мощей, чтобы помешать верующим воздавать им почитание.
См. также: "Память преподобномученика Петра, пресвитера Капитолийского" в изложении свт. Димитрия Ростовского.
