Акафист Честному и Животворящему Кресту Господню (второй)
Не утвержден для общецерковного использования.
Конда́к 1.
О, треблаже́нный Кре́сте и всечестны́й, тебе́ покланя́емся, ве́рнии, и велича́ем, ра́дующеся о боже́ственном возвыше́нии твое́м. Но я́ко победи́тельное, и ору́жие непобеди́мое, огради́ и покры́й твое́ю благода́тию зову́щия ти́:
Ра́дуйся, Дре́во треблаже́нное.
Икос 1.
Ангели от небе́с неви́димо окружа́ют Кре́ст живоно́сный со стра́хом, и светопода́тельную благода́ть све́тло подаю́щий ны́не ве́рным зря́ще, ужаса́ются и стоя́т, зову́ще к нему́ такова́я:
Ра́дуйся, Кре́сте, вселе́нныя храни́телю; ра́дуйся, сла́во Це́ркве.
Ра́дуйся, источа́яй незави́стно исцеле́ния; ра́дуйся, просвеща́яй мирски́я концы́.
Ра́дуйся, живото́чное Дре́во и чуде́с сокро́вище; ра́дуйся, требога́тое сложе́ние и благода́тей пода́телю.
Ра́дуйся, я́ко подно́жие еси́ Бо́жие; ра́дуйся, я́ко предлежи́ши в поклоне́ние все́м.
Ра́дуйся, ча́ше испо́лнь сла́дости; ра́дуйся, све́щниче вы́шния све́тлости.
Ра́дуйся, и́м же благослови́тся тва́рь; ра́дуйся, и́м же покланя́емся Творцу́.
Ра́дуйся, Дре́во треблаже́нное.
Конда́к 2.
Ви́дящи Еле́на себе́ посыла́ему, глаго́лет царю́ великоду́шно: «всежела́тельство души́ твоея́ благоприя́тнее тща́тельству моему́ явля́ется». «Ищущи у́бо, — отвеща́ о́н, — держа́внейшия тебе́ побе́ды, я́коже глаго́леши, зови́: Аллилу́ия».
Икос 2.
Ра́зум, пре́жде недоразумева́емый, цари́ца позна́вши, возопи́ к служа́щим: «потщи́теся вско́ре от не́др земны́х обрести́ и да́ти мне́ Кре́стъ». На́нь же взира́я, рече́ со стра́хом, оба́че зову́щи си́це:
Ра́дуйся, ра́дости и́стинныя изображе́ние; ра́дуйся пе́рвыя кля́твы разреше́ние.
Ра́дуйся, сокро́вище в земли́ за́вистию сокрове́нное; ра́дуйся, зна́мение на небесе́х я́вльшееся.
Ра́дуйся, четверолу́чный и огнезра́чный Кре́сте; ра́дуйся, ле́ствице высокоутвержде́нная предзре́нная иногда́.
Ра́дуйся, а́нгелов радостотво́рное чу́до, ра́дуйся, бесо́в многоплаче́вный стру́пе.
Ра́дуйся, сла́дкое Сло́ва прия́телище; ра́дуйся, огня́ пре́лести гаси́лище.
Ра́дуйся, Кре́сте, блужда́ющим предста́телю; ра́дуйся, благопутеше́ствующим вожде́.
Ра́дуйся, Дре́во треблаже́нное.
Конда́к 3.
Си́ла Дре́ва яви́ся тогда́ к увере́нию и́стинному все́х, когда́ безгла́сну же и ме́ртву к животу́ возста́ви. Ужа́сно виде́ние хотя́щим получи́ти спасе́ние, внегда́ пе́ти си́це: Аллилу́ия.
Икос 3.
Иму́щи Еле́на непреодоле́нное ору́жие, тече́ к сы́ну своему́. То́й же зело́ увеселе́н, а́бие позна́в велича́йший Кре́ст, веселя́шеся, и игра́ньми, я́коже пе́сньми, возопи́ к нему́ такова́я:
Ра́дуйся, Кре́сте, све́та прия́телище; ра́дуйся, Кре́сте, жи́зни сокро́вище.
Ра́дуйся, пода́телю даро́в Ду́ха; ра́дуйся, приста́нище по мо́рю пла́вающих небу́рное.
Ра́дуйся, трапе́зо, нося́щая я́коже же́ртву Христа́; ра́дуйся розго́, гро́зд согре́явшая, нося́щь вино́ та́инственное.
Ра́дуйся, я́ко ски́петры ца́рския храни́ши; ра́дуйся, я́ко главы́ зми́ев сокруша́еши.
Ра́дуйся, све́тлое ве́ры позна́ние; ра́дуйся, всего́ ми́ра спасе́ние.
Ра́дуйся, Бо́жие к сме́ртным благослове́ние; ра́дуйся, сме́ртных к Бо́гу посре́дствие.
Ра́дуйся, Дре́во треблаже́нное.
Конда́к 4.
Ре́вность вну́трь Боже́ственную Еле́на прие́мши, взыска́ и обре́те то́щно в земли́ кры́емый Кре́ст, и явля́емый на небеси́ царе́ви. Его́ же воздви́же, и смотря́ на лю́ди ве́рою рече́: Аллилу́ия.
Икос 4.
Солнцезра́чный яви́ся Кре́ст в ми́ре, и вси́ све́та испо́лншеся, и те́кше я́коже к заре́, зря́т его́, я́ко благи́х вино́вна, в рука́х боже́ственных воздви́женна, его́же пою́ще ре́ша:
Ра́дуйся, луче́ мы́сленнаго со́лнца; ра́дуйся, исто́чниче неистощи́маго мо́ря.
Ра́дуйся, Ада́ма и Евы воззва́ние; ра́дуйся, князе́й а́дских умерщвле́ние.
Ра́дуйся, я́ко возноси́мый, на́с ны́не совозно́сиши; ра́дуйся, я́ко покланя́емый, освяща́еши ду́ши.
Ра́дуйся, апо́столов мировеща́нная сла́во; ра́дуйся, страстоно́сцев благоприя́тная си́ло.
Ра́дуйся, Кре́сте, евре́ев обличе́ние; ра́дуйся, ве́рных челове́ков похвало́.
Ра́дуйся, и́м же низложи́ся а́д; ра́дуйся, и́м же возсия́ благода́ть.
Ра́дуйся, Дре́во треблаже́нное.
Конда́к 5.
Боже́ственное и победоно́сное Дре́во ви́дяще, под кро́в его́ вси́ ны́не присту́пим, я́ко ору́жие то́ держа́ще, победи́м враго́в ополче́ния, и, прикаса́ющеся некаса́емому Христу́, усты́ Тому́ воззове́м: Аллилу́ия.
Икос 5.
Ви́де Константи́н Вели́кий с небесе́ све́т, указу́ющий ему́ зна́мение Креста́ звезда́ми, и те́м побежда́ти мно́жество враго́в, Дре́во яви́ти, и зва́ти потща́ся к нему́ такова́я:
Ра́дуйся, сове́та неизрече́ннаго сы́й коне́ц; ра́дуйся люде́й благоче́ствующих сы́й ро́г.
Ра́дуйся, враго́в отвраща́яй полки́; ра́дуйся, я́коже пла́мень попаля́яй бе́сы.
Ра́дуйся, ски́петро небе́сный во́иства ца́рскаго; ра́дуйся, непобеди́мая побе́до во́инства христолюби́ваго.
Ра́дуйся, ва́рварскую го́рдость низверга́яй; ра́дуйся, челове́ческия ду́ши соблюда́яй.
Ра́дуйся, мно́гих зо́л прогони́телю; ра́дуйся, мно́гих бла́г пособи́телю.
Ра́дуйся, о не́м же христоно́снии лю́дие игра́ют; ра́дуйся, его́ же ра́ди иуде́е рыда́ют.
Ра́дуйся, Дре́во треблаже́нное.
Конда́к 6.
Ле́ствица, небесе́ каса́ющаяся, бы́сть Кре́ст Госпо́день, все́х от земли́ возводя́й к высоте́ небе́сной, во е́же спребыва́ти лико́м а́нгельским всегда́, оста́вльших я́же ны́не су́щая, я́ко же несу́щая, и ве́дущих пе́ти: Аллилу́ия.
Икос 6.
Возсия́в све́т всю́ду, Спа́се, просвети́л еси́ до́лу в а́де спя́щия: вра́тницы же а́довы не терпя́ще зре́ти блиста́ния Твоего́, падо́ша, а́ки ме́ртви, си́х же изба́вльшиися, ны́не Кре́ст зря́ще, зову́т:
Ра́дуйся, воста́ние усо́пших; ра́дуйся, утеше́ние ско́рбных.
Ра́дуйся, а́довых сокро́вищь испраздне́ние; ра́дуйся ра́йских сла́достей наслажде́ние.
Ра́дуйся, же́зле, потопи́вший еги́петское во́инство; ра́дуйся, па́ки погрузи́вый евре́йския лю́ди.
Ра́дуйся, одушевле́нное дре́во, разбо́йнику спасе́ние; ра́дуйся, благово́нная ро́жо [ро́за], благочести́вых благоуха́ние.
Ра́дуйся, пи́ще а́лчущих ду́хом; ра́дуйся, печа́те, ю́же прия́ша челове́цы.
Ра́дуйся, Кре́сте, та́ин две́ре; ра́дуйся, от него́ же пролива́ются Боже́ственнии пото́цы.
Ра́дуйся, Дре́во треблаже́нное.
Конда́к 7.
Хотя́щу Моисе́ю многоутружде́нный наро́д свободи́ти от рабо́ты, вда́лся еси́ е́му, а́ки же́зл, но позна́лся еси́ ему́ и Бо́жие бы́ти та́инство. Те́мже удиви́ся твое́й, Кре́сте, си́ле, зовы́й: Аллилу́ия.
Икос 7.
Зако́н, Иже да́вый иногда́ на Сина́йстей горе́ богови́дцу, на Кресте́ во́лею пригвожда́ется за беззако́нныя лю́ди, и кля́тву дре́внюю разруши́л е́сть, да, ви́дяще Креста́ си́лу, вси́ ны́не зове́м:
Ра́дуйся, па́дших исправле́ние; ра́дуйся, мирослужи́телей низпаде́ние.
Ра́дуйся, Воскресе́ния Христо́ва обновле́ние; ра́дуйся, мона́шествующих боже́ственное услажде́ние.
Ра́дуйся, дре́во благосенноли́ственное, и́м же покрыва́ются ве́рнии; ра́дуйся, дре́во, проро́ки предвозвеще́нное, насажде́нное на земли́.
Ра́дуйся, ца́рствия на враги́ побо́рствие; ра́дуйся, гражда́нства держа́вное предста́тельство.
Ра́дуйся, Судии́ Пра́веднаго явле́ние; ра́дуйся, па́дших челове́ков осужде́ние.
Ра́дуйся, Кре́сте, си́рых защи́тниче; ра́дуйся, Кре́сте, ни́щих обогати́телю.
Ра́дуйся, Дре́во треблаже́нное.
Конда́к 8.
Стра́нное чу́до ви́дяще, стра́нное житие́ поживе́м, у́м к небеси́ вознося́ще: того́ бо ра́ди Христо́с на Кресте́ пригвозди́ся, и пло́тию пострада́, хотя́ привлещи́ к Себе́ зову́щия: Аллилу́ия.
Икос 8.
Ве́сь прии́де с высоты́, нося́ Божество́ еди́но Преве́чное Сло́во, ро́ждься же от Де́вы Ма́тере, и я́влься ми́ру смире́нный Челове́к, Кре́ст восприе́мый оживи́ вопию́щия такова́я:
Ра́дуйся, Кре́сте, ми́рное ору́жие; ра́дуйся, путеше́ствующих нача́ло.
Ра́дуйся, спаса́емых прему́дросте и утвержде́ние; ра́дуйся, вредя́щих обуя́ние и сокруше́ние.
Ра́дуйся, благопло́дная безсме́ртная и живоно́сная ле́торасле; ра́дуйся, цве́те, процве́тший на́м спасе́ние.
Ра́дуйся, я́ко земна́я с го́рними совокупля́еши; ра́дуйся, я́ко сердца́ до́льних просвеща́еши.
Ра́дуйся, и́м же тля́ отгна́ся; ра́дуйся, и́м же боле́знь потреби́ся.
Ра́дуйся, благи́х тмочи́сленное сокро́вище; ра́дуйся, ве́рных многоимени́тая сла́во.
Ра́дуйся, Дре́во треблаже́нное.
Конда́к 9.
Паде́ де́монов многоме́рзкий по́лк и ро́д евре́йский посра́млен бы́сть, зря́ Кре́ст от все́х жела́тельно покланя́емый, при́сно же источа́ющий цельбы́ вопию́щим: Аллилу́ия.
Икос 9.
То́ки злосла́вных мудрова́ний преста́ша, пригво́ждшуся Тебе́, Христе́, на Кресте́: недоуме́ют бо вои́стинну, ка́ко и Кре́ст подъя́л еси́, и тле́ния избе́гл еси́. Мы́ же, воста́ние Твое́ сла́вяще, взыва́ем:
Ра́дуйся, прему́дрости Бо́жия высото́; ра́дуйся, про́мысла Его́ глубино́.
Ра́дуйся, я́ко тобо́ю буесло́вцев безслове́сных неразу́мие явля́ется; ра́дуйся, я́ко тобо́ю гада́телей неразу́мных па́губа сбыва́ется.
Ра́дуйся, я́ко Воскресе́ние Христо́во явля́еши; ра́дуйся, я́ко Стра́сти Его́ на́м возобновля́еши.
Ра́дуйся, первозда́нных преступле́ние разреши́вый; ра́дуйся, вхо́ды ра́йския отве́рзый.
Ра́дуйся, Кре́сте, ве́рным честны́й; ра́дуйся, неве́рных язы́ков сопротивобо́рче.
Ра́дуйся, Кре́сте, неду́гующих врачу́; ра́дуйся, при́сный помо́щниче зову́щим.
Ра́дуйся, Дре́во треблаже́нное.
Конда́к 10.
Спасти́ хотя́ ми́р, Иже ми́ра Украси́тель, прии́де в о́нь неизрече́нно, и Кре́ст подъя́т, Бо́г сы́й, на́с же ра́ди вся́ по на́м подъе́млет. Те́мже и Изба́вивый на́с слы́шит от все́х: Аллилу́ия.
Икос 10.
Сте́ну тебе́ вселе́нныя, о Кре́сте жизноно́сный, необори́мую и боже́ственную разуме́ем: и́бо небесе́ и земли́ Творе́ц устро́ив тя́, распростира́ет на тебе́ ру́це, — стра́нное слы́шание, — и вся́ научи́ вопи́ти:
Ра́дуйся, сто́лпе благоче́стия; ра́дуйся, ве́чносте насле́дия.
Ра́дуйся, мы́сленнаго Амали́ка побежда́яй; ра́дуйся, Иа́ковлеми рука́ма прообразу́емый.
Ра́дуйся, ты́ бо ветхозако́нную се́нь преобрази́л еси́; ра́дуйся, ты́ бо пророковеща́нныя глаго́лы испо́лнил еси́.
Ра́дуйся, Спа́са все́х носи́вый; ра́дуйся, тли́теля ду́ш упраздни́вый.
Ра́дуйся, его́ же ра́ди соедини́хомся а́нгелом; ра́дуйся, его́ же ра́ди озари́хомся све́том.
Ра́дуйся, тебе́ бо покланя́емся, почита́юще; ра́дуйся, тебе́ бо приглаша́ем, зову́ще:
Ра́дуйся, Дре́во треблаже́нное.
Конда́к 11.
Пе́ние вся́кое изнемога́ет, спростре́тися хотя́щее мно́жеству мно́гих твои́х чуде́с, похва́л бо мно́жество а́ще и принесе́м тебе́, Кре́сте честны́й, ничто́же соверша́ем досто́йно, я́же возда́л еси́ на́м, оба́че зове́м: Аллилу́ия.
Икось 11.
Светопода́тельную зарю́, во тме́ су́щим, подае́т жизнопода́тельный Кре́ст: невеще́ственный бо прия́т све́т, и к ра́зуму Боже́ственному наставля́ет все́х, возвыша́ет же ны́не возвыша́емый у́м на́ш, во е́же пе́ти сицева́я:
Ра́дуйся, свети́ло, су́щия в тме́ просвеща́ющее; ра́дуйся, звездо́, ми́р озаря́ющая.
Ра́дуйся, звездо́, христоуби́йцев помрача́ющая; ра́дуйся, гро́ме, неве́рныя устраша́ющий.
Ра́дуйся, я́ко просвети́л еси́ правосла́вных собо́ры; ра́дуйся, я́ко опрове́ргл еси́ и́дольския же́ртвища.
Ра́дуйся, его́ же о́браз с небесе́ яви́ся; ра́дуйся, его́ же благода́ть лука́вствия прогоня́ет.
Ра́дуйся, и́же пло́ти зна́менаеши умерщвле́ние; ра́дуйся, и́же страсте́й утоля́еши воста́ние.
Ра́дуйся, на не́м же Христо́с распя́ся; ра́дуйся и́м же ве́сь ми́р спасе́ся.
Ра́дуйся, Дре́во треблаже́нное.
Конда́к 12.
Благода́ть да́ти восхоте́в Христо́с челове́ком, ру́це на Кресте́ распростира́ет, созыва́ет же язы́ки вся́, и да́рует Ца́рство все́м небе́сное, пою́щим пе́снь досто́йно и ве́рно зову́щим: Аллилу́ия.
Икос 12.
Пою́ще твою́ пе́снь, хва́лим тя́ усе́рдно, я́ко одушевле́нное Дре́во Госпо́дне: на тебе́ бо пригво́ждся пло́тию, Влады́чествуяй го́рними си́лами, освяти́, просла́ви и научи́ пе́ти тебе́ такова́я:
Ра́дуйся, Кре́сте, мы́сленный мечу́; ра́дуйся, святы́х свято́е зре́ние.
Ра́дуйся, проро́ков и пра́ведных предвеща́ние; ра́дуйся, всесве́тлая Христо́ва побе́до.
Ра́дуйся, держа́во и огражде́ние царе́й благочести́вых; ра́дуйся, украше́ние и ве́нче иере́ев благогове́йных.
Ра́дуйся, и́стины пресве́тлое удобре́ние; ра́дуйся, спасе́ния благополу́чнейшее утвержде́ние.
Ра́дуйся, све́тлое все́х весе́лие; ра́дуйся, сыно́в ага́рянских прогна́ние.
Ра́дуйся, нетле́ннаго Све́та све́щниче; ра́дуйся, души́ моея́ ра́дование.
Ра́дуйся, Дре́во треблаже́нное.
Конда́к 13.
О, всепе́тое Дре́во, носи́вшее все́х святы́х святе́йшее Сло́во! Прие́мши на́ша поклоне́ния, от вся́каго изба́ви злоключе́ния все́х, и ве́чныя изми́ му́ки, тебе́ вопию́щих: Аллилу́ия.
[Се́й конда́к глаго́лется три́жды. Та́же и́кос 1-й: Ангели от небе́с... И конда́к 1-й: О, треблаже́нный Кре́сте...]
Моли́тва ко Го́споду на́шему Иису́су Христу́.
Го́споди Иису́се Христе́, Сы́не Бо́га Жива́го, Тво́рче не́ба и земли́, Спаси́телю ми́ра, се́ а́з недосто́йный и па́че все́х гре́шнейший, смире́нно коле́не се́рдца моего́ пред сла́вою вели́чества Твоего́ приклоня́я, воспева́ю и велича́ю безме́рное страда́ние Твое́, и благодаре́ние Тебе́, Царю́ все́х и Бо́гу, приношу́, я́ко благоизво́лил еси́ сни́ти с небе́снаго престо́ла Твоего́ и воплоти́тися от Пречи́стыя Де́вы Мари́и, спасе́ния ра́ди челове́ческаго: безпло́тен сы́й, плотско́е естество́ Божеству́ совокупля́я; бога́т сы́й, во́лею обнища́в, да челове́ка в Ца́рствии Твое́м обогати́ши; труды́ и вся́кия челове́ческия беды́, я́ко челове́к, поне́сл еси́, да все́м во вся́ких печа́лех и ну́ждах посо́бствуеши; четы́редесят дне́й пости́выйся, все́м к воздержа́нию пу́ть показа́л еси́; от лука́вых искуше́н бы́в, все́х от искуше́ний вся́ких избавля́еши. Ве́м, всели́льне Влады́ко, я́ко сия́ Тебе́ непотре́бна бы́ша, но челове́ческаго ра́ди спасе́ния, вся́ претерпе́л еси́. Пре́дан бы́л еси́ за три́десят сре́бреник, да челове́ка иску́пиши от лю́тыя рабо́ты вра́жия. От неми́лостивых иуде́й, [я́ко] незло́бивый Агнец похи́щен бы́л еси́, ро́д челове́ческий от поглоще́ния во́лка мы́сленнаго исторга́яй. На суди́щи предста́л еси́, все́х от осужде́ния огня́ ве́чнаго отводя́й. Свя́зан, пору́ган, оплева́н, от ло́жных свиде́телей оклевета́н, и на поно́сную сме́рть осужде́н, челове́ка от вся́кия напа́сти, муче́ния и от ве́чныя сме́рти свобожда́яй. Пила́ту, нико́его зла́ соде́явый, пре́дан бы́л еси́, и ко Ироду по́слан, и па́ки пору́ган, челове́ка от зла́го обстоя́ния и от поруга́ний вра́жиих избавля́яй. Что́ у́бо возда́м Тебе́, Влады́ко Человеколю́бче, о все́х, я́же претерпе́л еси́, мене́ ра́ди гре́шнаго? Не ве́м. Душа́ бо и те́ло, и вся́ блага́я, от Тебе́ су́ть, и вся́ моя́ Твоя́ су́ть, и а́з Тво́й е́смь. То́чию на безчи́сленное Твое́ милосе́рдие, благоутро́бне Го́споди, наде́яся, пою́ Твое́ неизрече́нное долготерпе́ние, велича́ю неисповеди́мое смотре́ние Твое́, сла́влю Твою́ безме́рную ми́лость, е́юже приклони́лся еси́, мене́ ра́ди осужде́ннаго, да опра́вдан бу́ду. К столпу́, Спа́се, привя́зан и без ми́лости бие́н, ми́лостив сы́й, разреши́ мя, молю́ся, от грехо́в мои́х! Те́рнием венча́н, души́ моея́ грехо́вное те́рние искорени́; тро́стию бие́н по главе́, сокруши́ главу́ зми́я, уязвля́ющаго мя́ жа́лом греха́! В багря́ну ри́зу оболче́н бы́л еси́, и мучи́телем пре́дан, просвети́ ми, Царю́ Пресвяты́й, одея́ние душе́вное, да вни́ду в черто́г Тво́й всекра́сный. С разбо́йниками вмене́ный, и Кре́ст на ра́му Свою́ понесы́й, разбо́йника врага́, и́щущаго ду́шу мою́ уби́ти, Твои́м Кресто́м прожени́. Ве́м Тя́, Иису́се долготерпели́ве, лю́те уя́звленнаго: от верху́ главы́ Твоея́ святы́я, да́же до стопы́ ножны́я, не бе́ в Тебе́ ме́ста це́ла! Что́ же возглаго́лю о неизрече́нном человеколю́бии Твое́м, Христе́ Спаси́телю? То́чию в сокруше́нии се́рдца моего́, покланя́яся Твои́м пречи́стым Страсте́м, и вселюбе́зно я́ лобыза́я, вопию́: поми́луй мя́ гре́шнаго! На Кресте́ пригвозди́тися изво́ливый, пригвозди́ за́поведем Твои́м се́рдце мое́. Воздви́жен с Кресто́м на горе́ Голго́фе, воздви́гни мы́сли моя́ к небеси́, да всегда́ го́рняя му́дрствую. Же́лчию с о́цтом напое́н, огорче́нное мое́ грехо́м се́рдце, услади́ любо́вию Твое́ю, и жа́ждуща мя́ напо́й пото́ком сла́дости Твоея́. Ру́це Твои́ пречи́стеи распростры́й на прия́тие все́х, приими́ мя гре́шнаго. Но́зе пригвожде́нны име́вый, хотя́ всегда́ с гре́шники бы́ти, бу́ди со мно́ю гре́шным, возбраня́яй нога́м мои́м от вся́каго пути́ лука́ваго. Се́рдце отве́рзтое име́вый, яви́ благода́ть Твою́ мне́ гре́шному. Главу́ пречи́стую на Кресте́ преклони́вый, услы́ши недосто́йныя моли́твы моя́. О, пречу́дная и неизме́римая глубино́ милосе́рдия, Христе́ Бо́же! За враги́, распина́тели Твоя́, Бо́гу Отцу́ моли́выйся, да́ждь и мне́ гре́шному сию́ благода́ть, е́же люби́ти враги́ моя́, и моли́тися за ни́х. Разбо́йнику ка́ющемуся ра́й отве́рзл еси́, воззри́, Све́те мо́й, на мене́ гре́шнаго, пода́ждь покая́ние, и отве́рзи мне́ две́ри ми́лости Твоея́, и помяни́ мя недосто́йнаго во Ца́рствии Твое́м. Наконе́ц, в ру́це ду́х Тво́й пресвяты́й преда́вый Бо́гу Отцу́, приими́, Созда́телю, ду́х мо́й, в вре́мя кончи́ны моея́. С креста́ сня́т и в гро́бе, я́ко ме́ртв, положе́н бы́л еси́, Спа́се, живы́й в све́те непристу́пнем, возьми́ от мене́ тя́жкое бре́мя грехо́вное и не возгнуша́йся, Человеколю́бче, всели́тися в гро́б се́рдца моего́ недосто́йнаго, на умервщле́ние плотска́го моего́ мудрова́ния. Яко да не ктому́ себе́, бре́нное созда́ние Твое́, но Тебе́, Го́сподеви и Бо́гу моему́ живы́й, Твои́м же, о Всеми́лостиве, благоутро́бием, сподо́блюся ви́дети Тебе́, Созда́теля и Спаси́теля моего́, за прия́тие сме́рти кре́стныя, сла́вою и че́стию венча́ннаго, в све́те непрекоснове́нныя Твоея́ сла́вы, иде́же со безнача́льным Твои́м Отце́м, и с Пресвяты́м, благи́м, животворя́щим и единосу́щным Твои́м Ду́хом ца́рствуеши пре́жде ве́к, и ны́не и при́сно, и во ве́ки веко́в. Ами́нь.
Ака́ѳистъ Свято́му и Животворя́щему Кресту́ Госпо́дню
Конда́къ 1.
О, треблаже́нный Кре́сте и всечестны́й, тебѣ́ покланя́емся, вѣ́рніи, и велича́емъ, ра́дующеся о боже́ственномъ возвыше́ніи твое́мъ. Но я́ко побѣди́тельное, и ору́жіе непобѣди́мое, огради́ и покры́й твое́ю благода́тію зову́щія ти́:
Ра́дуйся, Дре́во треблаже́нное.
Икосъ 1.
Ангели отъ небе́съ неви́димо окружа́ютъ Кре́стъ живоно́сный со стра́хомъ, и свѣтопода́тельную благода́ть свѣ́тло подаю́щій ны́нѣ вѣ́рнымъ зря́ще, ужаса́ются и стоя́тъ, зову́ще къ нему́ такова́я:
Ра́дуйся, Кре́сте, вселе́нныя храни́телю; ра́дуйся, сла́во Це́ркве.
Ра́дуйся, источа́яй незави́стно исцѣле́нія; ра́дуйся, просвѣща́яй мірскíя концы́.
Ра́дуйся, живото́чное Дре́во и чуде́съ сокро́вище; ра́дуйся, требога́тое сложе́ніе и благода́тей пода́телю.
Ра́дуйся, я́ко подно́жіе еси́ Бо́жіе; ра́дуйся, я́ко предлежи́ши въ поклоне́ніе всѣ́мъ.
Ра́дуйся, ча́ше испо́лнь сла́дости; ра́дуйся, свѣ́щниче вы́шнія свѣ́тлости.
Ра́дуйся, и́мъ же благослови́тся тва́рь; ра́дуйся, и́мъ же покланя́емся Творцу́.
Ра́дуйся, Дре́во треблаже́нное.
Конда́къ 2.
Ви́дящи Еле́на себе́ посыла́ему, глаго́летъ царю́ великоду́шно: «всежела́тельство души́ твоея́ благопрія́тнѣе тща́тельству моему́ явля́ется». «Ищущи у́бо, — отвѣща́ о́нъ, — держа́внѣйшія тебѣ́ побѣ́ды, я́коже глаго́леши, зови́: Аллилу́ія».
Икосъ 2.
Ра́зумъ, пре́жде недоразумѣва́емый, цари́ца позна́вши, возопи́ къ служа́щимъ: «потщи́теся вско́рѣ отъ нѣ́дръ земны́хъ обрѣсти́ и да́ти мнѣ́ Кре́стъ». На́нь же взира́я, рече́ со стра́хомъ, оба́че зову́щи си́це:
Ра́дуйся, ра́дости и́стинныя изображе́ніе; ра́дуйся пе́рвыя кля́твы разрѣше́ніе.
Ра́дуйся, сокро́вище въ земли́ за́вистію сокрове́нное; ра́дуйся, зна́меніе на небесѣ́хъ я́вльшееся.
Ра́дуйся, четверолу́чный и огнезра́чный Кре́сте; ра́дуйся, лѣ́ствице высокоутвержде́нная предзрѣ́нная иногда́.
Ра́дуйся, а́нгеловъ радостотво́рное чу́до, ра́дуйся, бѣсо́въ многоплаче́вный стру́пе.
Ра́дуйся, сла́дкое Сло́ва прія́телище; ра́дуйся, огня́ пре́лести гаси́лище.
Ра́дуйся, Кре́сте, блужда́ющимъ предста́телю; ра́дуйся, благопутеше́ствующимъ вожде́.
Ра́дуйся, Дре́во треблаже́нное.
Конда́къ 3.
Си́ла Дре́ва яви́ся тогда́ къ увѣре́нію и́стинному всѣ́хъ, когда́ безгла́сну же и ме́ртву къ животу́ возста́ви. Ужа́сно видѣ́ніе хотя́щимъ получи́ти спасе́ніе, внегда́ пѣ́ти си́це: Аллилу́ія.
Икосъ 3.
Иму́щи Еле́на непреодолѣ́нное ору́жіе, тече́ къ сы́ну своему́. То́й же зѣло́ увеселе́нъ, а́біе позна́въ велича́йшій Кре́стъ, веселя́шеся, и игра́ньми, я́коже пѣ́сньми, возопи́ къ нему́ такова́я:
Ра́дуйся, Кре́сте, свѣ́та прія́телище; ра́дуйся, Кре́сте, жи́зни сокро́вище.
Ра́дуйся, пода́телю даро́въ Ду́ха; ра́дуйся, приста́нище по мо́рю пла́вающихъ небу́рное.
Ра́дуйся, трапе́зо, нося́щая я́коже же́ртву Христа́; ра́дуйся розго́, гро́здъ согрѣ́явшая, нося́щь вино́ та́инственное.
Ра́дуйся, я́ко ски́петры ца́рскія храни́ши; ра́дуйся, я́ко главы́ змíевъ сокруша́еши.
Ра́дуйся, свѣ́тлое вѣ́ры позна́ніе; ра́дуйся, всего́ мíра спасе́ніе.
Ра́дуйся, Бо́жіе къ сме́ртнымъ благослове́ніе; ра́дуйся, сме́ртныхъ къ Бо́гу посре́дствіе.
Ра́дуйся, Дре́во треблаже́нное.
Конда́къ 4.
Ре́вность вну́трь Боже́ственную Еле́на пріе́мши, взыска́ и обрѣ́те то́щно въ земли́ кры́емый Кре́стъ, и явля́емый на небеси́ царе́ви. Его́ же воздви́же, и смотря́ на лю́ди вѣ́рою рече́: Аллилу́ія.
Икосъ 4.
Солнцезра́чный яви́ся Кре́стъ въ мíрѣ, и вси́ свѣ́та испо́лншеся, и те́кше я́коже къ зарѣ́, зря́тъ его́, я́ко благи́хъ вино́вна, въ рука́хъ боже́ственныхъ воздви́женна, его́же пою́ще рѣ́ша:
Ра́дуйся, луче́ мы́сленнаго со́лнца; ра́дуйся, исто́чниче неистощи́маго мо́ря.
Ра́дуйся, Ада́ма и Евы воззва́ніе; ра́дуйся, князе́й а́дскихъ умерщвле́ніе.
Ра́дуйся, я́ко возноси́мый, на́съ ны́нѣ совозно́сиши; ра́дуйся, я́ко покланя́емый, освяща́еши ду́ши.
Ра́дуйся, апо́столовъ міровѣща́нная сла́во; ра́дуйся, страстоно́сцевъ благопрія́тная си́ло.
Ра́дуйся, Кре́сте, евре́евъ обличе́ніе; ра́дуйся, вѣ́рныхъ человѣ́ковъ похвало́.
Ра́дуйся, и́мъ же низложи́ся а́дъ; ра́дуйся, и́мъ же возсія́ благода́ть.
Ра́дуйся, Дре́во треблаже́нное.
Конда́къ 5.
Боже́ственное и побѣдоно́сное Дре́во ви́дяще, подъ кро́въ его́ вси́ ны́нѣ присту́пимъ, я́ко ору́жіе то́ держа́ще, побѣди́мъ враго́въ ополче́нія, и, прикаса́ющеся некаса́емому Христу́, усты́ Тому́ воззове́мъ: Аллилу́ія.
Икосъ 5.
Ви́дѣ Константи́нъ Вели́кій съ небесе́ свѣ́тъ, указу́ющій ему́ зна́меніе Креста́ звѣзда́ми, и тѣ́мъ побѣжда́ти мно́жество враго́въ, Дре́во яви́ти, и зва́ти потща́ся къ нему́ такова́я:
Ра́дуйся, совѣ́та неизрече́ннаго сы́й коне́цъ; ра́дуйся люде́й благоче́ствующихъ сы́й ро́гъ.
Ра́дуйся, враго́въ отвраща́яй полки́; ра́дуйся, я́коже пла́мень попаля́яй бѣ́сы.
Ра́дуйся, ски́петро небе́сный во́иства ца́рскаго; ра́дуйся, непобѣди́мая побѣ́до во́инства христолюби́ваго.
Ра́дуйся, ва́рварскую го́рдость низверга́яй; ра́дуйся, человѣ́ческія ду́ши соблюда́яй.
Ра́дуйся, мно́гихъ зо́лъ прогони́телю; ра́дуйся, мно́гихъ бла́гъ пособи́телю.
Ра́дуйся, о не́мъ же христоно́сніи лю́діе игра́ютъ; ра́дуйся, его́ же ра́ди іуде́е рыда́ютъ.
Ра́дуйся, Дре́во треблаже́нное.
Конда́къ 6.
Лѣ́ствица, небесе́ каса́ющаяся, бы́сть Кре́стъ Госпо́день, всѣ́хъ отъ земли́ возводя́й къ высотѣ́ небе́сной, во е́же спребыва́ти лико́мъ а́нгельскимъ всегда́, оста́вльшихъ я́же ны́нѣ су́щая, я́ко же несу́щая, и вѣ́дущихъ пѣ́ти: Аллилу́ія.
Икосъ 6.
Возсія́въ свѣ́тъ всю́ду, Спа́се, просвѣти́лъ еси́ до́лу въ а́дѣ спя́щія: вра́тницы же а́довы не терпя́ще зрѣ́ти блиста́нія Твоего́, падо́ша, а́ки ме́ртви, си́хъ же изба́вльшіися, ны́нѣ Кре́стъ зря́ще, зову́тъ:
Ра́дуйся, воста́ніе усо́пшихъ; ра́дуйся, утѣше́ніе ско́рбныхъ.
Ра́дуйся, а́довыхъ сокро́вищь испраздне́ніе; ра́дуйся ра́йскихъ сла́достей наслажде́ніе.
Ра́дуйся, же́зле, потопи́вшій еги́петское во́инство; ра́дуйся, па́ки погрузи́вый евре́йскія лю́ди.
Ра́дуйся, одушевле́нное дре́во, разбо́йнику спасе́ніе; ра́дуйся, благово́нная ро́жо [ро́за], благочести́выхъ благоуха́ніе.
Ра́дуйся, пи́ще а́лчущихъ ду́хомъ; ра́дуйся, печа́те, ю́же прія́ша человѣ́цы.
Ра́дуйся, Кре́сте, та́инъ две́ре; ра́дуйся, отъ него́ же пролива́ются Боже́ственніи пото́цы.
Ра́дуйся, Дре́во треблаже́нное.
Конда́къ 7.
Хотя́щу Моисе́ю многоутружде́нный наро́дъ свободи́ти отъ рабо́ты, вда́лся еси́ е́му, а́ки же́злъ, но позна́лся еси́ ему́ и Бо́жіе бы́ти та́инство. Тѣ́мже удиви́ся твое́й, Кре́сте, си́лѣ, зовы́й: Аллилу́ія.
Икосъ 7.
Зако́нъ, Иже да́вый иногда́ на Сина́йстѣй горѣ́ богови́дцу, на Крестѣ́ во́лею пригвожда́ется за беззако́нныя лю́ди, и кля́тву дре́внюю разруши́лъ е́сть, да, ви́дяще Креста́ си́лу, вси́ ны́нѣ зове́мъ:
Ра́дуйся, па́дшихъ исправле́ніе; ра́дуйся, мірослужи́телей низпаде́ніе.
Ра́дуйся, Воскресе́нія Христо́ва обновле́ніе; ра́дуйся, мона́шествующихъ боже́ственное услажде́ніе.
Ра́дуйся, дре́во благосѣнноли́ственное, и́мъ же покрыва́ются вѣ́рніи; ра́дуйся, дре́во, проро́ки предвозвѣще́нное, насажде́нное на земли́.
Ра́дуйся, ца́рствія на враги́ побо́рствіе; ра́дуйся, гражда́нства держа́вное предста́тельство.
Ра́дуйся, Судіи́ Пра́веднаго явле́ніе; ра́дуйся, па́дшихъ человѣ́ковъ осужде́ніе.
Ра́дуйся, Кре́сте, си́рыхъ защи́тниче; ра́дуйся, Кре́сте, ни́щихъ обогати́телю.
Ра́дуйся, Дре́во треблаже́нное.
Конда́къ 8.
Стра́нное чу́до ви́дяще, стра́нное житіе́ поживе́мъ, у́мъ къ небеси́ вознося́ще: того́ бо ра́ди Христо́съ на Крестѣ́ пригвозди́ся, и пло́тію пострада́, хотя́ привлещи́ къ Себѣ́ зову́щія: Аллилу́ія.
Икосъ 8.
Ве́сь пріи́де съ высоты́, нося́ Божество́ еди́но Превѣ́чное Сло́во, ро́ждься же отъ Дѣ́вы Ма́тере, и я́влься мíру смире́нный Человѣ́къ, Кре́стъ воспріе́мый оживи́ вопію́щія такова́я:
Ра́дуйся, Кре́сте, ми́рное ору́жіе; ра́дуйся, путеше́ствующихъ нача́ло.
Ра́дуйся, спаса́емыхъ прему́дросте и утвержде́ніе; ра́дуйся, вредя́щихъ обуя́ніе и сокруше́ніе.
Ра́дуйся, благопло́дная безсме́ртная и живоно́сная лѣ́торасле; ра́дуйся, цвѣ́те, процвѣ́тшій на́мъ спасе́ніе.
Ра́дуйся, я́ко земна́я съ го́рними совокупля́еши; ра́дуйся, я́ко сердца́ до́льнихъ просвѣща́еши.
Ра́дуйся, и́мъ же тля́ отгна́ся; ра́дуйся, и́мъ же болѣ́знь потреби́ся.
Ра́дуйся, благи́хъ тмочи́сленное сокро́вище; ра́дуйся, вѣ́рныхъ многоимени́тая сла́во.
Ра́дуйся, Дре́во треблаже́нное.
Конда́къ 9.
Паде́ де́моновъ многоме́рзкій по́лкъ и ро́дъ евре́йскій посра́мленъ бы́сть, зря́ Кре́стъ отъ всѣ́хъ жела́тельно покланя́емый, при́сно же источа́ющій цѣльбы́ вопію́щимъ: Аллилу́ія.
Икосъ 9.
То́ки злосла́вныхъ мудрова́ній преста́ша, пригво́ждшуся Тебѣ́, Христе́, на Крестѣ́: недоумѣ́ютъ бо вои́стинну, ка́ко и Кре́стъ подъя́лъ еси́, и тлѣ́нія избѣ́глъ еси́. Мы́ же, воста́ніе Твое́ сла́вяще, взыва́емъ:
Ра́дуйся, прему́дрости Бо́жія высото́; ра́дуйся, про́мысла Его́ глубино́.
Ра́дуйся, я́ко тобо́ю буесло́вцевъ безслове́сныхъ неразу́міе явля́ется; ра́дуйся, я́ко тобо́ю гада́телей неразу́мныхъ па́губа сбыва́ется.
Ра́дуйся, я́ко Воскресе́ніе Христо́во явля́еши; ра́дуйся, я́ко Стра́сти Его́ на́мъ возобновля́еши.
Ра́дуйся, первозда́нныхъ преступле́ніе разрѣши́вый; ра́дуйся, вхо́ды ра́йскія отве́рзый.
Ра́дуйся, Кре́сте, вѣ́рнымъ честны́й; ра́дуйся, невѣ́рныхъ язы́ковъ сопротивобо́рче.
Ра́дуйся, Кре́сте, неду́гующихъ врачу́; ра́дуйся, при́сный помо́щниче зову́щимъ.
Ра́дуйся, Дре́во треблаже́нное.
Конда́къ 10.
Спасти́ хотя́ мíръ, Иже мíра Украси́тель, пріи́де въ о́нь неизрече́нно, и Кре́стъ подъя́тъ, Бо́гъ сы́й, на́съ же ра́ди вся́ по на́мъ подъе́млетъ. Тѣ́мже и Изба́вивый на́съ слы́шитъ отъ всѣ́хъ: Аллилу́ія.
Икосъ 10.
Стѣ́ну тебе́ вселе́нныя, о Кре́сте жизноно́сный, необори́мую и боже́ственную разумѣ́емъ: и́бо небесе́ и земли́ Творе́цъ устро́ивъ тя́, распростира́етъ на тебѣ́ ру́цѣ, — стра́нное слы́шаніе, — и вся́ научи́ вопи́ти:
Ра́дуйся, сто́лпе благоче́стія; ра́дуйся, вѣ́чносте наслѣ́дія.
Ра́дуйся, мы́сленнаго Амали́ка побѣжда́яй; ра́дуйся, Іа́ковлеми рука́ма прообразу́емый.
Ра́дуйся, ты́ бо ветхозако́нную сѣ́нь преобрази́лъ еси́; ра́дуйся, ты́ бо пророковѣща́нныя глаго́лы испо́лнилъ еси́.
Ра́дуйся, Спа́са всѣ́хъ носи́вый; ра́дуйся, тли́теля ду́шъ упраздни́вый.
Ра́дуйся, его́ же ра́ди соедини́хомся а́нгеломъ; ра́дуйся, его́ же ра́ди озари́хомся свѣ́томъ.
Ра́дуйся, тебѣ́ бо покланя́емся, почита́юще; ра́дуйся, тебѣ́ бо приглаша́емъ, зову́ще:
Ра́дуйся, Дре́во треблаже́нное.
Конда́къ 11.
Пѣ́ніе вся́кое изнемога́етъ, спростре́тися хотя́щее мно́жеству мно́гихъ твои́хъ чуде́съ, похва́лъ бо мно́жество а́ще и принесе́мъ тебѣ́, Кре́сте честны́й, ничто́же соверша́емъ досто́йно, я́же возда́лъ еси́ на́мъ, оба́че зове́мъ: Аллилу́ія.
Икось 11.
Свѣтопода́тельную зарю́, во тмѣ́ су́щимъ, подае́тъ жизнопода́тельный Кре́стъ: невеще́ственный бо прія́тъ свѣ́тъ, и къ ра́зуму Боже́ственному наставля́етъ всѣ́хъ, возвыша́етъ же ны́нѣ возвыша́емый у́мъ на́шъ, во е́же пѣ́ти сицева́я:
Ра́дуйся, свѣти́ло, су́щія въ тмѣ́ просвѣща́ющее; ра́дуйся, звѣздо́, мíръ озаря́ющая.
Ра́дуйся, звѣздо́, христоубíйцевъ помрача́ющая; ра́дуйся, гро́ме, невѣ́рныя устраша́ющій.
Ра́дуйся, я́ко просвѣти́лъ еси́ правосла́вныхъ собо́ры; ра́дуйся, я́ко опрове́рглъ еси́ и́дольскія же́ртвища.
Ра́дуйся, его́ же о́бразъ съ небесе́ яви́ся; ра́дуйся, его́ же благода́ть лука́вствія прогоня́етъ.
Ра́дуйся, и́же пло́ти зна́менаеши умерщвле́ніе; ра́дуйся, и́же страсте́й утоля́еши воста́ніе.
Ра́дуйся, на не́мъ же Христо́съ распя́ся; ра́дуйся и́мъ же ве́сь мíръ спасе́ся.
Ра́дуйся, Дре́во треблаже́нное.
Конда́къ 12.
Благода́ть да́ти восхотѣ́въ Христо́съ человѣ́комъ, ру́цѣ на Крестѣ́ распростира́етъ, созыва́етъ же язы́ки вся́, и да́руетъ Ца́рство всѣ́мъ небе́сное, пою́щимъ пѣ́снь досто́йно и вѣ́рно зову́щимъ: Аллилу́ія.
Икосъ 12.
Пою́ще твою́ пѣ́снь, хва́лимъ тя́ усе́рдно, я́ко одушевле́нное Дре́во Госпо́дне: на тебѣ́ бо пригво́ждся пло́тію, Влады́чествуяй го́рними си́лами, освяти́, просла́ви и научи́ пѣ́ти тебѣ́ такова́я:
Ра́дуйся, Кре́сте, мы́сленный мечу́; ра́дуйся, святы́хъ свято́е зрѣ́ніе.
Ра́дуйся, проро́ковъ и пра́ведныхъ предвѣща́ніе; ра́дуйся, всесвѣ́тлая Христо́ва побѣ́до.
Ра́дуйся, держа́во и огражде́ніе царе́й благочести́выхъ; ра́дуйся, украше́ніе и вѣ́нче іере́евъ благоговѣ́йныхъ.
Ра́дуйся, и́стины пресвѣ́тлое удобре́ніе; ра́дуйся, спасе́нія благополу́чнѣйшее утвержде́ніе.
Ра́дуйся, свѣ́тлое всѣ́хъ весе́ліе; ра́дуйся, сыно́въ ага́рянскихъ прогна́ніе.
Ра́дуйся, нетлѣ́ннаго Свѣ́та свѣ́щниче; ра́дуйся, души́ моея́ ра́дованіе.
Ра́дуйся, Дре́во треблаже́нное.
Конда́къ 13.
О, всепѣ́тое Дре́во, носи́вшее всѣ́хъ святы́хъ святѣ́йшее Сло́во! Пріе́мши на́ша поклоне́нія, отъ вся́каго изба́ви злоключе́нія всѣ́хъ, и вѣ́чныя изми́ му́ки, тебѣ́ вопію́щихъ: Аллилу́ія.
[Се́й конда́къ глаго́лется три́жды. Та́же и́косъ 1-й: Ангели отъ небе́съ... И конда́къ 1-й: О, треблаже́нный Кре́сте...]
Моли́тва ко Го́споду на́шему Іису́су Христу́.
Го́споди Іису́се Христе́, Сы́не Бо́га Жива́го, Тво́рче не́ба и земли́, Спаси́телю мíра, се́ а́зъ недосто́йный и па́че всѣ́хъ грѣ́шнѣйшій, смире́нно колѣ́нѣ се́рдца моего́ предъ сла́вою вели́чества Твоего́ приклоня́я, воспѣва́ю и велича́ю безмѣ́рное страда́ніе Твое́, и благодаре́ніе Тебѣ́, Царю́ всѣ́хъ и Бо́гу, приношу́, я́ко благоизво́лилъ еси́ сни́ти съ небе́снаго престо́ла Твоего́ и воплоти́тися отъ Пречи́стыя Дѣ́вы Марíи, спасе́нія ра́ди человѣ́ческаго: безпло́тенъ сы́й, плотско́е естество́ Божеству́ совокупля́я; бога́тъ сы́й, во́лею обнища́въ, да человѣ́ка въ Ца́рствіи Твое́мъ обогати́ши; труды́ и вся́кія человѣ́ческія бѣды́, я́ко человѣ́къ, поне́слъ еси́, да всѣ́мъ во вся́кихъ печа́лѣхъ и ну́ждахъ посо́бствуеши; четы́редесятъ дне́й пости́выйся, всѣ́мъ къ воздержа́нію пу́ть показа́лъ еси́; отъ лука́выхъ искуше́нъ бы́въ, всѣ́хъ отъ искуше́ній вся́кихъ избавля́еши. Вѣ́мъ, всели́льне Влады́ко, я́ко сія́ Тебѣ́ непотре́бна бы́ша, но человѣ́ческаго ра́ди спасе́нія, вся́ претерпѣ́лъ еси́. Пре́данъ бы́лъ еси́ за три́десятъ сре́бреникъ, да человѣ́ка иску́пиши отъ лю́тыя рабо́ты вра́жія. Отъ неми́лостивыхъ іуде́й, [я́ко] незло́бивый Агнецъ похи́щенъ бы́лъ еси́, ро́дъ человѣ́ческій отъ поглоще́нія во́лка мы́сленнаго исторга́яй. На суди́щи предста́лъ еси́, всѣ́хъ отъ осужде́нія огня́ вѣ́чнаго отводя́й. Свя́занъ, пору́ганъ, оплева́нъ, отъ ло́жныхъ свидѣ́телей оклевета́нъ, и на поно́сную сме́рть осужде́нъ, человѣ́ка отъ вся́кія напа́сти, муче́нія и отъ вѣ́чныя сме́рти свобожда́яй. Пила́ту, нико́его зла́ содѣ́явый, пре́данъ бы́лъ еси́, и ко Ироду по́сланъ, и па́ки пору́ганъ, человѣ́ка отъ зла́го обстоя́нія и отъ поруга́ній вра́жіихъ избавля́яй. Что́ у́бо возда́мъ Тебѣ́, Влады́ко Человѣколю́бче, о всѣ́хъ, я́же претерпѣ́лъ еси́, мене́ ра́ди грѣ́шнаго? Не вѣ́мъ. Душа́ бо и тѣ́ло, и вся́ блага́я, отъ Тебе́ су́ть, и вся́ моя́ Твоя́ су́ть, и а́зъ Тво́й е́смь. То́чію на безчи́сленное Твое́ милосе́рдіе, благоутро́бне Го́споди, надѣ́яся, пою́ Твое́ неизрече́нное долготерпѣ́ніе, велича́ю неисповѣди́мое смотре́ніе Твое́, сла́влю Твою́ безмѣ́рную ми́лость, е́юже приклони́лся еси́, мене́ ра́ди осужде́ннаго, да опра́вданъ бу́ду. Къ столпу́, Спа́се, привя́занъ и безъ ми́лости біе́нъ, ми́лостивъ сы́й, разрѣши́ мя, молю́ся, отъ грѣхо́въ мои́хъ! Те́рніемъ вѣнча́нъ, души́ моея́ грѣхо́вное те́рніе искорени́; тро́стію біе́нъ по главѣ́, сокруши́ главу́ змíя, уязвля́ющаго мя́ жа́ломъ грѣха́! Въ багря́ну ри́зу оболче́нъ бы́лъ еси́, и мучи́телемъ пре́данъ, просвѣти́ ми, Царю́ Пресвяты́й, одѣя́ніе душе́вное, да вни́ду въ черто́гъ Тво́й всекра́сный. Съ разбо́йниками вмѣне́ный, и Кре́стъ на ра́му Свою́ понесы́й, разбо́йника врага́, и́щущаго ду́шу мою́ уби́ти, Твои́мъ Кресто́мъ прожени́. Вѣ́мъ Тя́, Іису́се долготерпѣли́ве, лю́те уя́звленнаго: отъ верху́ главы́ Твоея́ святы́я, да́же до стопы́ ножны́я, не бѣ́ въ Тебѣ́ мѣ́ста цѣ́ла! Что́ же возглаго́лю о неизрече́нномъ человѣколю́біи Твое́мъ, Христе́ Спаси́телю? То́чію въ сокруше́ніи се́рдца моего́, покланя́яся Твои́мъ пречи́стымъ Страсте́мъ, и вселюбе́зно я́ лобыза́я, вопію́: поми́луй мя́ грѣ́шнаго! На Крестѣ́ пригвозди́тися изво́ливый, пригвозди́ за́повѣдемъ Твои́мъ се́рдце мое́. Воздви́женъ съ Кресто́мъ на горѣ́ Голго́ѳѣ, воздви́гни мы́сли моя́ къ небеси́, да всегда́ го́рняя му́дрствую. Же́лчію съ о́цтомъ напое́нъ, огорче́нное мое́ грѣхо́мъ се́рдце, услади́ любо́вію Твое́ю, и жа́ждуща мя́ напо́й пото́комъ сла́дости Твоея́. Ру́цѣ Твои́ пречи́стѣи распростры́й на прія́тіе всѣ́хъ, пріими́ мя грѣ́шнаго. Но́зѣ пригвожде́нны имѣ́вый, хотя́ всегда́ съ грѣ́шники бы́ти, бу́ди со мно́ю грѣ́шнымъ, возбраня́яй нога́мъ мои́мъ отъ вся́каго пути́ лука́ваго. Се́рдце отве́рзтое имѣ́вый, яви́ благода́ть Твою́ мнѣ́ грѣ́шному. Главу́ пречи́стую на Крестѣ́ преклони́вый, услы́ши недосто́йныя моли́твы моя́. О, пречу́дная и неизмѣ́римая глубино́ милосе́рдія, Христе́ Бо́же! За враги́, распина́тели Твоя́, Бо́гу Отцу́ моли́выйся, да́ждь и мнѣ́ грѣ́шному сію́ благода́ть, е́же люби́ти враги́ моя́, и моли́тися за ни́хъ. Разбо́йнику ка́ющемуся ра́й отве́рзлъ еси́, воззри́, Свѣ́те мо́й, на мене́ грѣ́шнаго, пода́ждь покая́ніе, и отве́рзи мнѣ́ две́ри ми́лости Твоея́, и помяни́ мя недосто́йнаго во Ца́рствіи Твое́мъ. Наконе́цъ, въ ру́цѣ ду́хъ Тво́й пресвяты́й преда́вый Бо́гу Отцу́, пріими́, Созда́телю, ду́хъ мо́й, въ вре́мя кончи́ны моея́. Съ креста́ сня́тъ и въ гро́бѣ, я́ко ме́ртвъ, положе́нъ бы́лъ еси́, Спа́се, живы́й въ свѣ́тѣ непристу́пнѣмъ, возьми́ отъ мене́ тя́жкое бре́мя грѣхо́вное и не возгнуша́йся, Человѣколю́бче, всели́тися въ гро́бъ се́рдца моего́ недосто́йнаго, на умервщле́ніе плотска́го моего́ мудрова́нія. Яко да не ктому́ себѣ́, бре́нное созда́ніе Твое́, но Тебѣ́, Го́сподеви и Бо́гу моему́ живы́й, Твои́мъ же, о Всеми́лостиве, благоутро́біемъ, сподо́блюся ви́дѣти Тебе́, Созда́теля и Спаси́теля моего́, за прія́тіе сме́рти кре́стныя, сла́вою и че́стію вѣнча́ннаго, въ свѣ́тѣ непрекоснове́нныя Твоея́ сла́вы, идѣ́же со безнача́льнымъ Твои́мъ Отце́мъ, и съ Пресвяты́мъ, благи́мъ, животворя́щимъ и единосу́щнымъ Твои́мъ Ду́хомъ ца́рствуеши пре́жде вѣ́къ, и ны́нѣ и при́сно, и во вѣ́ки вѣко́въ. Ами́нь.
Ґкafістъ с™0му и3 животворsщему кrтY гDню
Кондaкъ №
Q требlжeнный кrте и3 всечестнhй, тебЁ покланsемсz, вёрніи, и3 величaемъ, рaдующесz њ бжcтвенномъ возвышeніи твоeмъ. Но ћкw побэди1тельное, и3 nрyжіе непобэди1мое, њгради2 и3 покрhй твоeю бlгодaтію зовyщіz ти2:
Рaдуйсz, дрeво требlжeнное.
Јкосъ №
ҐгGли t нб7съ неви1димо њкружaютъ кrтъ живон0сный со стрaхомъ, и3 свэтоподaтельную бlгодaть свётло подаю1щій нhнэ вBрнымъ зрsще, ўжасaютсz и3 стоsтъ, зовyще къ немY такwвaz:
Рaдуйсz, кrте, вселeнныz храни1телю. Рaдуйсz, слaво цRкве. Рaдуйсz, и3сточazй незави1стнw и3сцэлє1ніz. Рaдуйсz, просвэщazй мірскjz концы2. Рaдуйсz, живот0чное дрeво и3 чудeсъ сокр0вище. Рaдуйсz, требогaтое сложeніе и3 бlгодaтей подaтелю. Рaдуйсz, ћкw подн0жіе є3си22 б9іе. Рaдуйсz, ћкw предлежи1ши въ поклонeніе всBмъ. Рaдуйсz, чaше и3сп0лнь слaдости. Рaдуйсz, свёщниче вhшніz свётлости. Рaдуйсz, и4мъ же бlгослови1тсz твaрь. Рaдуйсz, и4мъ же покланsемсz творцY.
Рaдуйсz, дрeво требlжeнное.
Кондaкъ в7
Ви1дzщи є3лeна себE посылaему, глаг0летъ царю2 великодyшнw: всежелaтельство души2 твоеS бlгопріsтнэе тщaтельству моемY kвлsетсz. И$щущи ќбо, tвэщA џнъ, держaвнэйшіz тебЁ побёды, ћкоже глаг0леши, зови2: Ґллилyіа.
Јкосъ в7
Рaзумъ, прeжде недоразумэвaемый, цари1ца познaвши, возопи2 къ служaщимъ: потщи1тесz вск0рэ t нёдръ земнhхъ њбрэсти2 и3 дaти мнЁ кrтъ. Нaнь же взирaz, речE со стрaхомъ, nбaче зовyщи си1це:
Рaдуйсz, рaдости и4стинныz и3зoбражeніе. Рaдуйсz пeрвыz клsтвы разрэшeніе. Рaдуйсz, сокр0вище въ земли2 зaвистію сокровeнное. Рaдуйсz, знaменіе на нб7сёхъ ћвльшеесz. Рaдуйсz, четвэролyчный и3 nгнезрaчный кrте. Рaдуйсz, лёствице высокоутвэрждeннаz предзрённаz и3ногдA. Рaдуйсz, ѓгGлwвъ радостотв0рное чyдо, рaдуйсz, бэсHвъ многоплачeвный стрyпе. Рaдуйсz, слaдкое сл0ва пріsтелище. Рaдуйсz, nгнS прeлести гаси1лище. Рaдуйсz, кrте, блуждaющимъ предстaтелю. Рaдуйсz, бlгопутешeствующимъ вождE.
Рaдуйсz, дрeво требlжeнное.
Кондaкъ G
Си1ла дрeва kви1сz тогдA къ ўвэрeнію и4стинному всёхъ, когдA безглaсну же и3 мeртву къ животY возстaви. Ўжaснw видёніе хотsщимъ получи1ти сп7сeніе, внегдA пёти си1це: Ґллилyіа.
Јкосъ G
И#мyщи є3лeна непреодолённое nрyжіе, течE къ сhну своемY. Т0й же ѕэло2 ўвеселeнъ, ѓбіе познaвъ величaйшій кrтъ, веселsшесz, и3 и3грaньми, ћкоже пёсньми, возопи2 къ немY такwвaz:
Рaдуйсz, кrте, свёта пріsтелище. Рaдуйсz, кrте, жи1зни сокр0вище. Рaдуйсz, подaтелю дарHвъ дyха. Рaдуйсz, пристaнище по м0рю плaвающихъ небyрное. Рaдуйсz, трапeзо, носsщаz ћкоже жeртву хrтA. Рaдуйсz розгw2, гр0здъ согрёzвшаz, носsщь віно2 тaинственное. Рaдуйсz, ћкw ски1петры цaрскіz храни1ши. Рaдуйсz, ћкw главы2 ѕмjевъ сокрушaеши. Рaдуйсz, свётлое вёры познaніе. Рaдуйсz, всегw2 мjра сп7сeніе. Рaдуйсz, б9іе къ смє1ртнымъ бlгословeніе. Рaдуйсz, смeртныхъ къ бGу посрeдствіе.
Рaдуйсz, дрeво требlжeнное.
Кондaкъ д7
Рeвность внyтрь бжcтвенную є3лeна пріeмши, взыскA и3 њбрёте т0щнw въ земли2 крhемый кrтъ, и3 kвлsемый на нб7си2 царeви. Е#гH же воздви1же, и3 смотрS на лю1ди вёрою речE: Ґллилyіа.
Јкосъ д7
Солнцезрaчный kви1сz кrтъ въ мjрэ, и3 вси2 свёта и3сп0лншесz, и3 тeкше ћкоже къ зарЁ, зрsтъ є3гw2, ћкw бlги1хъ вин0вна, въ рукaхъ бжcтвенныхъ воздви1женна, є3г0же пою1ще рёша:
Рaдуйсz, лучE мhсленнагw с0лнца. Рaдуйсz, и3ст0чниче неистощи1магw м0рz. Рaдуйсz, ѓдaма и3 є4vы воззвaніе. Рaдуйсz, кнzзeй ѓдскихъ ўмерщвлeніе. Рaдуйсz, ћкw возноси1мый, нaсъ нhнэ совозн0сиши. Рaдуйсz, ћкw покланsемый, њсщ7aеши дyши. Рaдуйсz, ґпcлwвъ міровэщaннаz слaво. Рaдуйсz, страстон0сцєвъ бlгопріsтнаz си1ло. Рaдуйсz, кrте, є3врeєвъ њбличeніе. Рaдуйсz, вёрныхъ человёкwвъ похвало2. Рaдуйсz, и4мъ же низложи1сz ѓдъ. Рaдуйсz, и4мъ же возсіS бlгодaть.
Рaдуйсz, дрeво требlжeнное.
Кондaкъ є7
Бжcтвенное и3 побёдон0сное дрeво ви1дzще, под8 кр0въ є3гw2 вси2 нhнэ пристyпимъ, ћкw nрyжіе то2 держaще, побэди1мъ врагHвъ њполчeніz, и3, прикасaющесz некасaемому хrтY, ўсты2 томY воззовeмъ: Ґллилyіа.
Јкосъ є7
Ви1дэ кwнстантjнъ вели1кій съ нб7сE свётъ, ўказyющій є3мY знaменіе кrтA ѕвэздaми, и3 тёмъ побэждaти мн0жество врагHвъ, дрeво kви1ти, и3 звaти потщaсz къ немY такwвaz:
Рaдуйсz, совёта неизречeннагw сhй конeцъ. Рaдуйсz людeй бlгочeствующихъ сhй р0гъ. Рaдуйсz, врагHвъ tвращazй полки2. Рaдуйсz, ћкоже плaмень попалszй бёсы. Рaдуйсz, ски1петро нбcный в0иства цaрскагw. Рaдуйсz, непобэди1маz побёдо в0инства хrтолюби1вагw. Рaдуйсz, вaрварскую г0рдость низвэргazй. Рaдуйсz, человёческіz дyши соблюдazй. Рaдуйсz, мн0гихъ ѕHлъ прогони1телю. Рaдуйсz, мн0гихъ бл†гъ пособи1телю. Рaдуйсz, њ нeмъ же хrтон0сніи лю1діе и3грaютъ. Рaдуйсz, є3гH же рaди їудeє рыдaютъ.
Рaдуйсz, дрeво требlжeнное.
Кондaкъ ѕ7
Лёствица, нб7сE касaющаzсz, бhсть кrтъ гDень, всёхъ t земли2 возводsй къ высотЁ нбcной, во є4же спребывaти лик0мъ ѓгGльскимъ всегдA, њстaвльшихъ ћже нhнэ сyщаz, ћкw же несyщаz, и3 вёдущихъ пёти: Ґллилyіа.
Јкосъ ѕ7
Возсіsвъ свётъ всю1ду, сп7се, просвэти1лъ є3си22 д0лу въ ѓдэ спsщіz: врaтницы же ѓдовы не терпsще зрёти блистaніz твоегw2, пад0ша, ѓки мeртви, си1хъ же и3збaвльшіисz, нhнэ кrтъ зрsще, зовyтъ:
Рaдуйсz, востaніе ўс0пшихъ. Рaдуйсz, ўтэшeніе ск0рбныхъ. Рaдуйсz, ѓдовыхъ сокр0вищь и3спразднeніе. Рaдуйсz рaйскихъ слaдостей наслаждeніе. Рaдуйсz, жeзле, потопи1вшій є3гЂпетское в0инство. Рaдуйсz, пaки погрузи1вый є3врeйскіz лю1ди. Рaдуйсz, њдушевлeнное дрeво, разб0йнику сп7сeніе. Рaдуйсz, бlгов0ннаz р0жо [р0за], бlгочeсти1выхъ бlгоухaніе. Рaдуйсz, пи1ще ѓлчущихъ дyхомъ. Рaдуйсz, печaте, ю4же пріsша человёцы. Рaдуйсz, кrте, тaинъ двeре. Рaдуйсz, t негw2 же проливaютсz бжcтвенніи потHцы.
Рaдуйсz, дрeво требlжeнное.
Кондaкъ з7
Хотsщу мwmсeю многоутруждeнный нар0дъ свободи1ти t раб0ты, вдaлсz є3си22 є4му, ѓки жeзлъ, но познaлсz є3си22 є3мY и3 б9іе бhти тaинство. тёмже ўдиви1сz твоeй, кrте, си1лэ, зовhй: Ґллилyіа.
Јкосъ з7
Зак0нъ, и5же дaвый и3ногдA на сінaйстэй горЁ бGови1дцу, на кrтЁ в0лею пригвождaетсz за беззак0нныz лю1ди, и3 клsтву дрeвнюю разрyшилъ є4сть, да, ви1дzще кrтA си1лу, вси2 нhнэ зовeмъ:
Рaдуйсz, пaдшихъ и3справлeніе. Рaдуйсz, мірослужи1телей низпадeніе. Рaдуйсz, воскресeніz хrт0ва њбновлeніе. Рaдуйсz, монaшествующихъ бжcтвенное ўслаждeніе. Рaдуйсz, дрeво бlгосэнноли1ственное, и4мъ же покрывaютсz вёрніи. Рaдуйсz, дрeво, прbр0ки предвозвэщeнное, насаждeнное на земли2. Рaдуйсz, цaрствіz на враги2 поб0рствіе. Рaдуйсz, граждaнства держaвное предстaтельство. Рaдуйсz, судіи2 прaведнагw kвлeніе. Рaдуйсz, пaдшихъ человёкHвъ њсуждeніе. Рaдуйсz, кrте, си1рыхъ защи1тниче. Рaдуйсz, кrте, ни1щихъ њбогати1телю.
Рaдуйсz, дрeво требlжeнное.
Кондaкъ }
Стрaнное чyдо ви1дzще, стрaнное житіE поживeмъ, ќмъ къ нб7си2 возносsще: тогH бо рaди хrт0съ на кrтЁ пригвозди1сz, и3 пл0тію пострадA, хотS привлещи2 къ себЁ зовyщіz: Ґллилyіа.
Јкосъ }
Вeсь пріи1де съ высоты2, носS бжcтво2 є3ди1но превёчное сл0во, р0ждьсz же t дёвы мaтере, и3 ћвльсz мjру смирeнный человёкъ, кrтъ воспріeмый њживи2 вопію1щіz такwвaz:
Рaдуйсz, кrте, ми1рное nрyжіе. Рaдуйсz, путешeствующихъ начaло. Рaдуйсz, сп7сaемыхъ премyдросте и3 ўтвэрждeніе. Рaдуйсz, вредsщихъ њбуsніе и3 сокрушeніе. Рaдуйсz, бlгопл0днаz безсмeртнаz и3 живон0снаz лёторасле. Рaдуйсz, цвёте, процвётшій нaмъ сп7сeніе. Рaдуйсz, ћкw земнaz съ г0рними совокуплsеши. Рaдуйсz, ћкw сердцA д0льнихъ просвэщaеши. Рaдуйсz, и4мъ же тлS tгнaсz. Рaдуйсz, и4мъ же болёзнь потреби1сz. Рaдуйсz, бlги1хъ тмочи1сленное сокр0вище. Рaдуйсz, вёрныхъ многоимени1таz слaво.
Рaдуйсz, дрeво требlжeнное.
Кондaкъ f7
ПадE дeмонwвъ многомeрзкій п0лкъ и3 р0дъ є3врeйскій посрaмленъ бhсть, зрS кrтъ t всёхъ желaтельнw покланsемый, при1снw же и3сточaющій цэльбы2 вопію1щимъ: Ґллилyіа.
Јкосъ f7
Т0ки ѕлослaвныхъ мудровaній престaша, пригв0ждшусz тебЁ, хrтE, на кrтЁ: недоумёютъ бо вои1стинну, кaкw и3 кrтъ под8sлъ є3си22, и3 тлёніz и3збёглъ є3си22. Мh же, востaніе твоE слaвzще, взывaемъ:
Рaдуйсz, премyдрости б9іz высото2. Рaдуйсz, пр0мысла є3гw2 глубино2. Рaдуйсz, ћкw тоб0ю буесл0вцєвъ безсловeсныхъ неразyміе kвлsетсz. Рaдуйсz, ћкw тоб0ю гадaтелей неразyмныхъ пaгуба сбывaетсz. Рaдуйсz, ћкw воскресeніе хrт0во kвлsеши. Рaдуйсz, ћкw стрaсти є3гw2 нaмъ возобновлsеши. Рaдуйсz, первоздaнныхъ преступлeніе разрэши1вый. Рaдуйсz, вх0ды рaйскіz tвeрзый. Рaдуйсz, кrте, вBрнымъ чтcнhй. Рaдуйсz, невёрныхъ kзhкwвъ сопротивоб0рче. Рaдуйсz, кrте, недyгующихъ врачY. Рaдуйсz, при1сный пом0щниче зовyщимъ.
Рaдуйсz, дрeво требlжeнное.
Кондaкъ ‹
Сп7сти2 хотS мjръ, и5же мjра ўкраси1тель, пріи1де въ џнь неизречeннw, и3 кrтъ под8sтъ, бGъ сhй, нaсъ же рaди вс‰ по нaмъ под8eмлетъ. Тёмже и3 и3збaвивый нaсъ слhшитъ t всёхъ: Ґллилyіа.
Јкосъ ‹
Стёну тебE вселeнныz, њ кrтэ жизнон0сный, неwбори1мую и3 бжcтвенную разумёемъ: и4бо нб7сE и3 земли2 творeцъ ўстр0ивъ тS, распростирaетъ на тебЁ рyцэ, стрaнное слhшаніе, и3 вс‰ научи2 вопи1ти:
Рaдуйсz, ст0лпе бlгочeстіz. Рaдуйсz, вёчносте наслёдіz. Рaдуйсz, мhсленнагw ґмали1ка побэждazй. Рaдуйсz, їaкwвлеми рукaма проoбразyемый. Рaдуйсz, тh бо ветхозак0нную сёнь преoбрази1лъ є3си22. Рaдуйсz, тh бо прbроковэщ†нныz глаг0лы и3сп0лнилъ є3си22. Рaдуйсz, сп7са всёхъ носи1вый. Рaдуйсz, тли1телz дyшъ ўпраздни1вый. Рaдуйсz, є3гH же рaди соедини1хомсz ѓгGломъ. Рaдуйсz, є3гH же рaди њзари1хомсz свётомъ. Рaдуйсz, тебё бо покланsемсz, почитaюще. Рaдуйсz, тебё бо приглашaемъ, зовyще.
Рaдуйсz, дрeво требlжeнное.
Кондaкъ №i
Пёніе всsкое и3знемогaетъ, спрострeтисz хотsщее мн0жеству мн0гихъ твои1хъ чудeсъ, похвaлъ бо мн0жество ѓще и3 принесeмъ тебЁ, кrте чтcнhй, ничт0же совэршaемъ дост0йнw, ћже воздaлъ є3си22 нaмъ, nбaче зовeмъ: Ґллилyіа.
Јкось №i
Свэтоподaтельную зарю2, во тмЁ сyщимъ, подаeтъ жизноподaтельный кrтъ: невещeственный бо пріsтъ свётъ, и3 къ рaзуму бжcтвенному наставлsетъ всёхъ, возвышaетъ же нhнэ возвышaемый ќмъ нaшъ, во є4же пёти сицєвaz:
Рaдуйсz, свэти1ло, сyщіz въ тмЁ просвэщaющее. Рaдуйсz, ѕвэздо2, мjръ њзарsющаz. Рaдуйсz, ѕвэздо2, хrтоубjйцєвъ помрачaющаz. Рaдуйсz, гр0ме, невёрныz ўстрашaющій. Рaдуйсz, ћкw просвэти1лъ є3си22 правослaвныхъ соб0ры. Рaдуйсz, ћкw њпровeрглъ є3си22 јдwльскіz жeртвища. Рaдуйсz, є3гH же џбразъ съ нб7сE kви1сz. Рaдуйсz, є3гH же бlгодaть лукaвствіz прогонsетъ. Рaдуйсz, и4же пл0ти знaменаеши ўмерщвлeніе. Рaдуйсz, и4же страстeй ўтолsеши востaніе. Рaдуйсz, на нeмъ же хrт0съ распsсz. Рaдуйсz и4мъ же вeсь мjръ сп7сeсz.
Рaдуйсz, дрeво требlжeнное.
Кондaкъ в7i
Блгdть дaти восхотёвъ хrт0съ человёкомъ, рyцэ на кrтЁ распростирaетъ, созывaетъ же kзhки вс‰, и3 дaруетъ цrтво всBмъ нбcное, пою1щимъ пёснь дост0йнw и3 вёрнw зовyщимъ: Ґллилyіа.
Јкосъ в7i
Пою1ще твою2 пёснь, хвaлимъ тS ўсeрднw, ћкw њдушевлeнное дрeво гDне: на тебЁ бо пригв0ждсz пл0тію, владhчествуzй г0рними си1лами, њс™и2, прослaви и3 научи2 пёти тебЁ такwвaz:
Рaдуйсz, кrте, мhсленный мечy. Рaдуйсz, с™hхъ с™0е зрёніе. Рaдуйсz, прbр0ковъ и3 прaведныхъ предвэщaніе. Рaдуйсz, всесвётлаz хrт0ва побёдо. Рaдуйсz, держaво и3 њграждeніе царeй бlгочeсти1выхъ. Рaдуйсz, ўкрашeніе и3 вёнче їерeєвъ бlгоговёйныхъ. Рaдуйсz, и4стины пресвётлое ўдобрeніе. Рaдуйсz, сп7сeніz бlгополyчнэйшее ўтвэрждeніе. Рaдуйсz, свётлое всёхъ весeліе. Рaдуйсz, сынHвъ ґгaрzнскихъ прогнaніе. Рaдуйсz, нетлённагw свёта свёщниче. Рaдуйсz, души2 моеS рaдованіе.
Рaдуйсz, дрeво требlжeнное.
Кондaкъ Gi
Q всепётое дрeво, носи1вшее всёхъ с™hхъ с™ёйшее сл0во! Пріeмши нaша поклонє1ніz, t всsкагw и3збaви ѕлоключeніz всёхъ, и3 вёчныz и3зми2 мyки, тебё вопію1щихъ: Ґллилyіа.
Сeй кондaкъ глаг0летсz три1жды. И# пaкие јкосъ №-й: ЃгGли t нб7съ: И# кондaкъ №-й: Q требlжeнный кrте.
Моли1тва ко гDу нaшему ї}су хrтY
ГDи ї}се хrтE, сhне бGа живaгw, тв0рче нб7а и3 земли2, сп7си1телю мjра, сE ѓзъ недост0йный и3 пaче всёхъ грёшнэйшій, смирeннw колBнэ сeрдца моегw2 пред8 слaвою вели1чества твоегw2 приклонsz, воспэвaю и3 величaю безмёрное страдaніе твоE, и3 бlгодарeніе тебЁ, цRю2 всёхъ и3 бGу, приношY, ћкw бlгоизв0лилъ є3си22 сни1ти съ нбcнагw пrт0ла твоегw2 и3 воплоти1тисz t пречcтыz дёвы марjи, сп7сeніz рaди человёческагw: безпл0тенъ сhй, плотск0е є3стество2 бжcтвY совокуплsz: богaтъ сhй, в0лею њбнищaвъ, да человёка въ цrтвіи твоeмъ њбогати1ши: труды2 и3 всsкіz человёческіz бэды2, ћкw человёкъ, понeслъ є3си22, да всBмъ во всsкихъ печaлэхъ и3 нyждахъ пос0бствуеши: четhредесzтъ днeй пости1выйсz, всBмъ къ воздержaнію пyть показaлъ є3си22: t лукaвыхъ и3скушeнъ бhвъ, всёхъ t и3скушeній всsкихъ и3збавлsеши. Вёмъ, всели1льне владhко, ћкw сіS тебЁ непотрeбна бhша, но человёческагw рaди сп7сeніz, вс‰ претерпёлъ є3си22. Прeданъ бhлъ є3си22 за три1десzтъ срeбреникъ, да человёка и3скyпиши t лю1тыz раб0ты врaжіz. T неми1лостивыхъ їудeй, [ћко] неѕл0бивый ѓгнецъ похи1щенъ бhлъ є3си22, р0дъ человёческій t поглощeніz в0лка мhсленнагw и3сторгazй. На суди1щи предстaлъ є3си22, всёхъ t њсуждeніz nгнS вёчнагw tводsй. Свsзанъ, порyганъ, њплевaнъ, t л0жныхъ свидётелей њклеветaнъ, и3 на пон0сную смeрть њсуждeнъ, человёка t всsкіz напaсти, мучeніz и3 t вёчныz смeрти свобождazй. Пілaту, ник0егw ѕлA содёzвый, прeданъ бhлъ є3си22, и3 ко и4роду п0сланъ, и3 пaки порyганъ, человёка t ѕлaгw њбстоsніz и3 t поругaній врaжіихъ и3збавлszй. что2 ќбw воздaмъ тебЁ, владhко человэколю1бче, њ всёхъ, ћже претерпёлъ є3си22, менє2 рaди грёшнагw не вёмъ. Душa бо и3 тёло, и3 вс‰ бlг†z, t тебє2 сyть, и3 вс‰ мо‰ твоS сyть, и3 ѓзъ тв0й є4смь. Т0чію на безчи1сленное твоE милосeрдіе, бlгоутр0бне гDи, надёzсz, пою2 твоE неизречeнное долготерпёніе, величaю неисповэди1мое смотрeніе твоE, слaвлю твою2 безмёрную ми1лость, є4юже приклони1лсz є3си22, менє2 рaди њсуждeннагw, да њпрaвданъ бyду. Къ столпY, сп7се, привsзанъ и3 без8 ми1лости біeнъ, ми1лостивъ сhй, разрэши2 мS, молю1сz, t грэхHвъ мои1хъ! Тeрніемъ вэнчaнъ, души2 моеS грэх0вное тeрніе и3скорени2: тр0стію біeнъ по главЁ, сокруши2 главY ѕмjz, ўzзвлsющагw мS жaломъ грэхA! Въ багрsну ри1зу њболчeнъ бhлъ є3си22, и3 мучи1телємъ прeданъ, просвэти2 ми, цRю2 прес™hй, nдэsніе душeвное, да вни1ду въ черт0гъ тв0й всекрaсный. Съ разб0йниками вмэнeный, и3 кrтъ на рaму свою2 понесhй, разб0йника врагA, и4щущагw дyшу мою2 ўби1ти, твои1мъ кrт0мъ прожени2. Вёмъ тS, ї}се долготерпэли1ве, лю1те ўsзвленнагw: t вэрхY главы2 твоеS с™hz, дaже до стопы6 ножны6z, не бЁ въ тебЁ мёста цёла! Чт0 же возглаг0лю њ неизречeнномъ человэколю1біи твоeмъ, хrтE сп7си1телю? т0чію въ сокрушeніи сeрдца моегw2, покланszсz твои1мъ пречcтымъ страстeмъ, и3 вселюбeзнw ћ лобызaz, вопію2: поми1луй мS грёшнаго! На кrтЁ пригвозди1тисz и3зв0ливый, пригвозди2 зaповэдємъ твои1мъ сeрдце моE. воздви1женъ съ кrт0мъ на горЁ голг0fэ, воздви1гни мhсли мо‰ къ нб7си2, да всегдA г0рнzz мyдрствую. Жeлчію съ џцтомъ напоeнъ, њгорчeнное моE грэх0мъ сeрдце, ўслади2 люб0вію твоeю, и3 жaждуща мS нап0й пот0комъ слaдости твоеS. Рyцэ твои2 пречcтэи распрострhй на пріsтіе всёхъ, пріими2 мS грёшнагw. Н0зэ пригвождeнны и3мёвый, хотS всегдA съ грёшники бhти, бyди со мн0ю грёшнымъ, возбранszй ногaмъ мои1мъ t всsкагw пути2 лукaвагw. Сeрдце tвeрзтое и3мёвый, kви2 бlгодaть твою2 мнЁ грёшному. ГлавY пречcтую на кrтЁ преклони1вый, ўслhши недост0йныz моли6твы мо‰. Q пречyднаz и3 неизмёримаz глубино2 милосeрдіz, хrтE б9е! За враги2, распинaтели тво‰, бGу nц7Y моли1выйсz, дaждь и3 мнЁ грёшному сію2 бlгодaть, є4же люби1ти враги6 мо‰, и3 моли1тисz за ни1хъ. Разб0йнику кaющемусz рaй tвeрзлъ є3си22, воззри2, свёте м0й, на менЁ грёшнагw, подaждь покаsніе, и3 tвeрзи мнЁ двє1ри ми1лости твоеS, и3 помzни2 мz недост0йнагw во цrтвіи твоeмъ. Наконeцъ, въ рyцэ дyхъ тв0й прес™hй предaвый бGу nц7Y, пріими2, создaтелю, дyхъ м0й, въ врeмz кончи1ны моеS. Съ кrтA снsтъ и3 въ гр0бэ, ћкw мeртвъ, положeнъ бhлъ є3си22, спaсе, живhй въ свётэ непристyпнэмъ, возьми2 t менє2 тsжкое брeмz грэх0вное и3 не возгнушaйсz, человэколю1бче, всели1тисz въ гр0бъ сeрдца моегw2 недост0йнагw, на ўмервщлeніе плотскaгw моегw2 мудровaніz. Ћкw да не ктомY себЁ, брeнное создaніе твоE, но тебЁ, гDеви и3 бGу моемY живhй, твои1мъ же, q всеми1лостиве, бlгоутр0біемъ, спод0блюсz ви1дэти тебE, создaтелz и3 сп7си1телz моегw2, за пріsтіе смeрти кrтныz, слaвою и3 чeстію вэнчaннагw, въ свётэ непрекосновeнныz твоеS слaвы, и3дёже со безначaльнымъ твои1мъ nц7eмъ, и3 съ прес™hмъ, бlги1мъ, животворsщимъ и3 є3диносyщнымъ твои1мъ дyхомъ цaрствуеши прeжде вёкъ, и3 нhнэ и3 при1снw, и3 во вёки вэкHвъ. Ґми1нь.