Акафист святому великомученику Меркурию Кесарийскому

И҆збра́нномꙋ ѿ во́инства земна́гѡ въ нбⷭ҇ное, предстоѧ́щемꙋ прⷭ҇то́лꙋ цр҃ѧ̀ сла́вы, великомч҃нкꙋ меркꙋ́рїю бл҃гоговѣ́йное пѣ́нїе прино́симъ: мол́исѧ ᲂу҆се́рднѡ ко гдⷭ҇ꙋ за лю́ди, почита́ющыѧ и҆ во ᲂу҆миле́нїи воспѣва́ющыѧ тѧ̀: Ра́дꙋйсѧ, меркꙋ́рїе, и҆зрѧ́дный ᲂу҆го́дниче хрⷭ҇то́въ и҆ во́ине непобѣди́мый.

А҆́гг҃лъ гдⷭ҇ень, є҆щѐ ꙗ҆зы́чникꙋ ти сꙋ́щꙋ, меркꙋ́рїе, предꙋказа̀ твоѐ слꙋже́нїе ко сла́вѣ и҆́мене бж҃їѧ, є҆гда̀ призва́ тѧ ѿ а҆рме́нїи въ ри́мъ и҆ даде́ ти ме́чь на побѣ́дꙋ, и҆́мже ди̑внаѧ сотвори́лъ є҆сѝ. Сегѡ̀ ра́ди прилѣ́жнѡ вопїе́мъ:

Ви́дѧ ѻ҆́комъ тѣлес́нымъ дꙋ́ха безпло́тнаго и҆ ᲂу҆ши́ма слы́ша глаго́лы: не забꙋ́ди гдⷭ҇а бг҃а твоегѡ̀, є҆гда̀ побѣди́ши врагѡ́въ. Се́рдцемъ прїѧ́лъ є҆сѝ, меркꙋ́рїе, повелѣ́нїе сїѐ а҆́гг҃льское и҆ во ᲂу҆миле́нїи ре́клъ є҆сѝ: А҆ллилꙋ́їа.

Разꙋмѣ́ти тща́щесѧ толи́кꙋю си́лꙋ твою̀, дивлѧ́хꙋсѧ во́ини, ѡ҆́крестъ тебє̀ стоѧ́щїи, толи́цѣй си́лѣ твое́й, не вѣ́дꙋще ѻ҆рꙋ́жїѧ, ѿ а҆́гг҃ла тебѣ̀ врꙋче́ннагѡ, мы́ же, дх҃омъ ст҃ы́мъ позна́вше си́лꙋ бж҃їю, въ тебѣ̀ ꙗ҆вле́ннꙋю, навыко́хомъ пѣ́ти:

Си́лы бж҃їѧ въ тебѣ̀ не вѣ́даѧ, сла́вне меркꙋ́рїе, де́кїй нечести́вый поста́ви тѧ̀ над̾ во́йскомъ свои́мъ нача́льствовати: ты́ же, ни во что̀ вмѣнѧ́ѧ ми́лѡсти и҆ да́ры є҆гѡ̀, въ нищетѣ̀ дꙋхо́внѣй и҆сто́чникꙋ млⷭ҇тей всѧ́ческихъ и҆ щедро́тъ взыва́лъ є҆сѝ: А҆ллилꙋ́їа.

И҆мѣ́ѧ а҆́гг҃ла попече́нїе ѡ҆ тебѣ̀, ст҃е меркꙋ́рїе, воздвиза́юща тѧ̀ не то́кмѡ ѿ сна̀ тѣле́снагѡ, но подвиза́юща на бо́дрствованїе дꙋхо́вное и҆ по́прище страда́льческое, бл҃агода́рнѣ под̾ѧ́лъ є҆сѝ слꙋже́нїе сїѐ. Сегѡ̀ ра́ди вопїе́мъ тѝ сицева̑ѧ:

Бꙋ́рѧ жите́йскихъ смѧте́нїй не ᲂу҆страши́ тѧ, до́блїй во́ине хрⷭ҇то́въ, є҆гда̀ воспомѧнꙋ́лъ є҆сѝ словеса̀ роди́телєва: бл҃же́нни во́ини цр҃ѧ̀ нбⷭ҇нагѡ, и҆ ᲂу҆стреми́лсѧ є҆сѝ се́рдцемъ твои́мъ въ во́инство сїѐ, ѿрѣша́ѧсѧ ѿ по́честей земны́хъ, вопїѧ̀ бг҃ꙋ: А҆ллилꙋ́їа.

Слы́ша вразꙋмле́нїе а҆́гг҃льское, воспомѧнꙋ́лъ є҆сѝ наставле́нїе роди́телево, и҆ ᲂу҆мили́всѧ се́рдцемъ, рыда́лъ є҆сѝ: ᲂу҆вы̀ мнѣ̀, грѣ́шномꙋ, ка́кѡ и҆́зсше дꙋша̀ моѧ̀, не вѣ́дѧщи ко́рене бг҃опозна́нїѧ! Ка́кѡ предста́нꙋ тѝ, бж҃е, въ ча́съ послѣ́днїй и҆ сме́ртный, ко́е сло́во и҆зрекꙋ̀ во ѡ҆правда́нїе грѣ́шныѧ дꙋшѝ моеѧ̀; Мы́ же, таковы́мъ покаѧ́нїемъ вразꙋмлѧ́еми, глаго́лемъ тѝ:

Ѕвѣздо́ю бг҃оразꙋ́мїѧ наставлѧ́емь, не прине́слъ є҆сѝ же́ртвы бг҃оме́рзкїѧ, жела́ѧ послѣ́довати пꙋтѝ хрⷭ҇то́вꙋ и҆ сподо́битисѧ пи́ти ча́шꙋ є҆гѡ̀. Сегѡ̀ ра́ди пре́данъ, ѡ҆клеве́танъ и҆ заꙋше́нъ бы́лъ є҆сѝ, ꙗ҆́коже и҆ гдⷭ҇ь тво́й, во смире́нїи прїе́млѧ сїѧ̑ и҆ вопїѧ̀: А҆ллилꙋ́їа.

Ви́дѧ тѧ̀, долготерпѣли́ве меркꙋ́рїе, совле́кшасѧ, по словесѝ а҆пⷭ҇льскомꙋ, ве́тхагѡ человѣ́ка съ дѣѧ́ньми є҆гѡ̀ и҆ ѡ҆бле́кшасѧ чрез̾ ѡ҆чисти́тєльнаѧ страда̑нїѧ въ но́ваго, по ѻ҆́бразꙋ бж҃їю и҆ подо́бїю сотворе́ннаго, во ᲂу҆миле́нїи пое́мъ тѝ:

Проповѣ́дника си́лы бж҃їѧ, ꙗ҆́же въ тебѣ̀, не вѣ́даѧ, де́кїй безбо́жный ᲂу҆жасе́сѧ. Мы́ же, бл҃года́ти бж҃їѧ тѧ̀ и҆спо́лнена, ꙗ҆́кѡ ча́до бж҃їе, и҆сповѣ́дꙋюще, вопїе́мъ творцꙋ̀ на́шемꙋ: А҆ллилꙋ́їа.

Возсїѧ̀ свѣ́тъ въ дꙋшѝ твое́й, страда́льче, є҆гда̀, ѿве́рженꙋ мі́ромъ, въ темни́цꙋ ведо́мꙋ и҆ ѡ҆печа́ленꙋ, а҆́гг҃лъ ꙗ҆ви́сѧ тѝ и҆ глаго́ла: мꙋжа́йсѧ! разрѣша́ѧй печа̑ли всѧ̑кїѧ гдⷭ҇ь зри́тъ тѧ̀! Мы́ же, толи́комꙋ ѡ҆ тебѣ̀ попече́нїю дивѧ́щесѧ, зове́мъ:

Хотѧ̀ вразꙋми́ти нечести́ваго царѧ̀, ꙗ҆ви́лсѧ є҆сѝ томꙋ̀, великомч҃нче, ре́къ: и҆сцѣле́нїе ѿ гдⷭ҇а прїѧ́хъ, да побѣждꙋ́ тѧ и҆ ѻ҆тца̀ твоего̀ дїа́вола: и҆ та́кѡ глаго́лѧ, вопїѧ́лъ є҆сѝ въ трⷪ҇цѣ сла́вимомꙋ и҆ покланѧ́емомꙋ є҆ди́номꙋ бг҃ꙋ: А҆ллилꙋ́їа.

Нѡ́ваѧ мꙋчє́нїѧ и҆зѡбрѣ́те тебѣ̀ наꙋча́емый ѿ дїа́вола де́кїй нечести́вый: повелѣ̀ и҆стѧза́ти тѧ̀ мече́мъ и҆ ѻ҆гне́мъ: ты́ же, вѣ́даѧ, ꙗ҆́кѡ гони́тель се́й не и҆́мать вла́сти над̾ дꙋше́ю твое́ю, смире́ннѡ претерпѣ́лъ є҆сѝ всѧ̑, ѡ҆ ни́хже тебѣ̀ пое́мъ:

Стра́нное чꙋ́до зри́мъ тѧ̀, мч҃нче меркꙋ́рїе, неѡпа́льна и҆ неврежде́нна стоѧ́ща, и҆сцѣле́нна сꙋ́ща, и҆ хрⷭ҇та̀ бг҃а и҆́стинна и҆сповѣ́дающа, и҆ бл҃года́рнѣ взыва́юща є҆мꙋ̀: А҆ллилꙋ́їа.

Ве́сь бы́въ подо́бенъ ѻ҆трокѡ́мъ въ пещѝ халде́йстѣй, мч҃нче хрⷭ҇то́въ, въ пла́мени горѧ́щемъ неѡпа́ленъ пребыва́ѧ и҆ ро́сꙋ бл҃года́ти ѿ гдⷭ҇а воспрїи́мъ, наꙋчи́лъ є҆сѝ на́съ со ᲂу҆миле́нїемъ воспѣва́ти си́це:

Всѧ́кое є҆стество̀ ᲂу҆жасе́сѧ, ви́дѧ тѧ̀, страда́льче, на сме́рть ведо́ма, смире́нна и҆ неѕло́бива, проще́нїѧ мꙋчи́телємъ ѿ бг҃а просѧ́ща, нбⷭ҇ныхъ селе́нїй дости́гнꙋти жела́юща, во є҆́же пѣ́ти: А҆ллилꙋ́їа.

Вѣті̑и сꙋемꙋ́дреннїи ничесо́же и҆зрещѝ возмо́гꙋтъ ѡ҆ ꙗ҆вле́нїи тебѣ̀ творца̀ всѧ́ческихъ, и҆́же са́мъ речѐ: меркꙋ́рїе, прїидѝ ко мнѣ̀, и҆ а҆́зъ ᲂу҆поко́ю тѧ̀, прїимѝ вѣне́цъ по́двига твоегѡ̀. Мы́ же въ похвалꙋ̀ тебѣ̀ прино́симъ:

Сп҃се́нїе дарова́ ти гдⷭ҇ь, во́ине хрⷭ҇то́въ непобѣди́ме, и҆ возра́довасѧ цр҃ковь торжествꙋ́ющаѧ, ви́дѧщи гдⷭ҇а ꙗ҆́кѡ ѻ҆ц҃а̀ чадолюби́ва, во ѡ҆б̾ѧ̑тїѧ своѧ̑ прїе́мшаго чи́стꙋю дꙋ́шꙋ твою̀, и҆ гла́сомъ ве́лїимъ возгласѝ: А҆ллилꙋ́їа.

Стѣ́нꙋ непоколеби́мꙋ воздви́же тѧ̀ вѣ̑рнымъ гдⷭ҇ь, не то́кмѡ дꙋ́шꙋ твою̀ просла́ви, но и҆ тѣ́ло страда́льческое сла́вою ᲂу҆красѝ и҆ ѡ҆бл҃гоꙋха̀, досточꙋ́дне мч҃нче. Мы́ же, сла́вꙋ бж҃їю ви́дѧще на тебѣ̀, зове́мъ:

Пѣ́нїе мл҃твенное принесѐ ст҃и́тель васі́лїй пред̾ і҆кѡ́ною пречⷭ҇тыѧ бцⷣы, и҆дѣ́же и҆ ты̀, ꙗ҆́кѡ стра́жъ вели́чїѧ є҆ѧ̀, и҆зѡбраже́нъ бы́лъ є҆сѝ: и҆ а҆́бїе ѻ҆́бразъ тво́й сокры́сѧ и҆ посе́мъ съ копїе́мъ, кро́вїю ѡ҆багре́ннымъ, па́ки ꙗ҆ви́сѧ. Въ се́мъ ст҃и́тель хрⷭ҇то́въ ᲂу҆разꙋмѣ́въ сверше́нїе во́ли бж҃їѧ ѡ҆ и҆збавле́нїи цр҃кве ѿ і҆ꙋлїа́на ѿстꙋ́пника, речѐ: А҆ллилꙋ́їа.

Свѣ́тъ хрⷭ҇то́въ возсїѧ̀ въ цр҃кви ст҃ѣ́й, є҆гда̀ чꙋде́снѣ повелѣ́ ти гдⷭ҇ь порази́ти прего́рдаго ѿстꙋ́пника копїе́мъ твои́мъ, и҆ та́кѡ положѝ коне́цъ гоне́нїємъ на цр҃ковь свою̀ ѿ ѻ҆́нагѡ. Мы́ же, сла́вѧще смотре́нїе премⷣрости бж҃їѧ, тебѣ̀ пое́мъ:

Бл҃года́тїю бж҃їею сп҃сы́й дꙋ́шꙋ твою̀, стрⷭ҇тоте́рпче ст҃ы́й, не преста́й и҆ ѡ҆ на́съ, грѣхмѝ до́лꙋ пове́рженныхъ, возноси́ти молє́нїѧ тє́плаѧ къ прⷭ҇то́лꙋ цр҃ѧ ца́рствꙋющихъ и҆ гдⷭ҇а госпо́дствꙋющихъ, да возмо́жемъ во сла́вѣ взыва́ти є҆мꙋ̀: А҆ллилꙋ́їа.

Пою́щымъ твоѐ застꙋпле́нїе и҆ притѣка́ющымъ къ тебѣ̀, мч҃нче меркꙋ́рїе, предста́тель вѣ́рный бꙋ́ди и҆ не ѿве́ржи на́съ, ны́нѣ молѧ́щихсѧ тебѣ̀ и҆ и҆з̾ глꙋбины̀ дꙋшѝ взыва́ющихъ:

Ѽ стрⷭ҇тоте́рпче до́блїй, мч҃нче сла́вный, ст҃е меркꙋ́рїе! Ны́нѣшнее на́ше прїе́мъ приноше́нїе, не преста́й гдⷭ҇а моли́ти, да и҆зба́витъ на́съ твои́мъ хода́тайствомъ гее́нны ѻ҆́гненныѧ и҆ сподо́битъ воспѣва́ти съ ли̑ки а҆́гг҃льскими побѣ́днꙋю пѣ́снь: А҆ллилꙋ́їа.

А҆́гг҃лъ гдⷭ҇ень, є҆щѐ ꙗ҆зы́чникꙋ ти сꙋ́щꙋ, меркꙋ́рїе, предꙋказа̀ твоѐ слꙋже́нїе ко сла́вѣ и҆́мене бж҃їѧ, є҆гда̀ призва́ тѧ ѿ а҆рме́нїи въ ри́мъ и҆ даде́ ти ме́чь на побѣ́дꙋ, и҆́мже ди̑внаѧ сотвори́лъ є҆сѝ. Сегѡ̀ ра́ди прилѣ́жнѡ вопїе́мъ:

И҆збра́нномꙋ ѿ во́инства земна́гѡ въ нбⷭ҇ное, предстоѧ́щемꙋ прⷭ҇то́лꙋ цр҃ѧ̀ сла́вы, великомч҃нкꙋ меркꙋ́рїю бл҃гоговѣ́йное пѣ́нїе прино́симъ: мол́исѧ ᲂу҆се́рднѡ ко гдⷭ҇ꙋ за лю́ди, почита́ющыѧ и҆ во ᲂу҆миле́нїи воспѣва́ющыѧ тѧ̀: Ра́дꙋйсѧ, меркꙋ́рїе, и҆зрѧ́дный ᲂу҆го́дниче хрⷭ҇то́въ и҆ во́ине непобѣди́мый.

Ѽ великомч҃нче ст҃ы́й и҆ до́блїй во́ине хрⷭ҇то́въ меркꙋ́рїе, страда́нїемъ, кро́вїю и҆ сме́ртїю свое́ю вѣ́рность хрⷭ҇тꙋ̀ и҆ цр҃кви є҆гѡ̀ свидѣ́тельствовавый и҆ сегѡ̀ ра́ди вѣне́цъ жи́зни ѿ негѡ̀ прїе́мый! Ны́нѣ въ хвале́бныхъ пѣ́снехъ тебѐ прославлѧ́юще, смире́ннѡ къ тебѣ̀ припа́даемъ и҆ ᲂу҆се́рднѡ мо́лимъ: предста́тель бꙋ́ди пред̾ бг҃омъ ѡ҆ дꙋша́хъ на́шихъ неꙋсы́пный, ᲂу҆молѝ влⷣкꙋ гдⷭ҇а, да сохрани́тъ цр҃ковь свою̀ и҆ всѣ́хъ ча́дъ є҆ѧ̀ въ сою́зѣ любвѐ и҆ є҆диномы́слїи, да ᲂу҆тверди́тсѧ ми́ръ и҆ безмѧте́жїе въ лю́дехъ, во ѻ҆те́чествѣ на́шемъ живꙋ́щихъ, да позна́ютъ всѝ, ꙗ҆́кѡ хрⷭ҇то́съ є҆́сть пꙋ́ть, и҆́стина и҆ жи́знь, и҆ да прїи́дꙋтъ къ немꙋ̀ всѝ трꙋжда́ющїисѧ и҆ ѡ҆бремене́ннїи, и҆ ᲂу҆поко́итъ и҆̀хъ. ѽ вели́кїй ᲂу҆го́дниче бж҃їй! Крѣ́пкое стоѧ́нїе въ вѣ́рѣ на́шей да́рꙋй на́мъ, бл҃года́тнꙋю по́мощь на́мъ низпослѝ, да ми́рное, ти́хое и҆ бг҃оꙋго́дное житїѐ поживе́мъ въ вѣ́цѣ се́мъ и҆ досто́йнѡ съ тобо́ю въ де́нь ѻ҆́ный восхва́лимъ прест҃ꙋ́ю трⷪ҇цꙋ, ѻ҆ц҃а̀ и҆ сн҃а и҆ ст҃а́го дх҃а, во вѣ́ки вѣкѡ́въ. А҆ми́нь.