Акафист святому преподобному Стилиану Пафлагонскому

И҆збра́нный чꙋдотво́рче и҆ ᲂу҆го́дниче хрⷭ҇то́въ, ско́рый помо́щниче и҆ моли́твенниче на́шъ, прпⷣбне ѻ҆́тче стилїа́не, прославлѧ́ѧ просла́вльшаго тѧ̀ гдⷭ҇а, похва̑льнаѧ пѣ̑нїѧ прино́симъ тѝ, чтꙋ́щїи ст҃ꙋ́ю па́мѧть твою̀. Ты́ же, предстоѧ̀ пред̾ прⷭ҇то́ломъ вседержи́телѧ, воздви́гни ѡ҆ на́съ, грѣ́шныхъ, многомѡ́щныѧ моли̑твы твоѧ̑, взыва́ющихъ тѝ:

А҆́гг҃лѡвъ творе́цъ и҆ всеѧ̀ тва̑ри созда́тель є҆щѐ ѿ ᲂу҆тро́бы мт҃рнїѧ и҆збра̀ тѧ̀, прпⷣбне стилїа́не, чꙋ́днымъ житїе́мъ свои́мъ на землѝ прославлѧ́ти трⷪ҇цꙋ ст҃ꙋ́ю, по бл҃же́ннѣй же кончи́нѣ твое́й ᲂу҆чинѝ тѧ̀ со ст҃ы́ми а҆́гг҃лы воспѣва́ти є҆мꙋ̀ пѣ́снь сладча́йшꙋю на нб҃сѝ. Мы́ же, таково́мꙋ бж҃їю бл҃говоле́нїю ѡ҆ тебѣ̀ ра́дꙋѧсѧ, пѣсносло́вимъ тѧ̀:

Ви́дѧ чистотꙋ̀ се́рдца твоегѡ̀, ѻ҆́тче стилїа́не, всеви́децъ гдⷭ҇ь и҆спо́лни дꙋ́шꙋ твою̀ благода́ти своеѧ̀ и҆ ѡ҆свѧтѝ ю҆̀ въ сосꙋ́дъ дх҃а ст҃а́гѡ, да ви́дѧщїи тѧ̀ восхва́лѧтъ бг҃а вседержи́телѧ и҆, взе́мши на ра́мо кі́йждо крⷭ҇тъ сво́й, во слѣ́дъ є҆мꙋ̀ грѧде́тъ, воспѣва́ѧ: А҆ллилꙋ́їа.

Ра́зꙋмомъ, просвѣще́ннымъ ѿ гдⷭ҇а, и҆спо́лненъ бы́въ, прпⷣбне, не попꙋсти́лъ є҆сѝ страсте́мъ въ дꙋшѝ твое́й воцари́тисѧ, си́лою бж҃їею всѧ̑ хи́трѡсти тлѣ́ннагѡ и҆ вре́меннагѡ житїѧ̀ ѿража́ѧ. Тѣ́мже, ᲂу҆се́рдїе твоѐ похвалѧ́юще, вопїе́мъ тѝ:

Си́лою бжⷭ҇твенныѧ любвѐ, є҆́юже и҆спо́лнено бы́сть се́рдце твоѐ, ᲂу҆крѣплѧ́емый, ст҃е стилїа́не, всѧ̑ и҆мѣ̑нїѧ твоѧ̑ ни́щей бра́тїи разда́лъ є҆сѝ и҆, ко бра́тїи и҆́ноческой сопричте́нный, сла́дцѣ воспѣва́лъ є҆сѝ бг҃ꙋ: а҆ллилꙋ́їа.

И҆мѣ́ѧ въ се́рдце свое́мъ жела́нїе ве́лїе къ непреста́нномꙋ восхожде́нїю лѣ́ствицею дꙋхо́вною и҆ ᲂу҆едине́нїе возлюби́въ, бра́тїю свою̀ ѡ҆ста́вилъ є҆сѝ, подви́жниче многотрꙋ́дный, и҆ въ пеще́рꙋ пресели́всѧ, днѝ и҆ но́щи въ славосло́вїи бг҃а пребыва́лъ є҆сѝ. Таково́мꙋ твоемꙋ̀ дерзнове́нїю дивѧ́щесѧ, восхвалѧ́емъ тѧ̀:

Бꙋ́рю по́мыслѡвъ и҆ страсте́й безбѣ́днѡ претерпѣ́лъ є҆сѝ, ѻ҆́тче прпⷣбне, и҆ приста́нище ти́хое хрⷭ҇та̀ ѡ҆брѣ́лъ є҆сѝ, є҆мꙋ́же во мно́зѣ долготерпѣ́нїи нелѣ́ностнѡ рабо́таѧ воспѣва́лъ є҆сѝ: а҆ллилꙋ́їа.

Слы́шавше ѡ҆ бг҃оꙋго́днѣмъ житїѝ твое́мъ, ѻ҆́тче стилїа́не, мно́гїѧ стра́ждꙋщїѧ и҆ немощны́ѧ къ пеще́рѣ твое́й прихожда́хꙋ и҆, наставлє́нїемъ твои̑мъ внима́ѧ, въ и҆́стиннѣй вѣ́рѣ ᲂу҆крѣплѧ́хꙋсѧ, въ печа́лехъ ᲂу҆тѣше́нїе ѡ҆брѣта́хꙋ и҆ во грѣсѣ́хъ сле́зное покаѧ́нїе приноша́хꙋ. Сегѡ̀ ра́ди ᲂу҆блажа́емъ тѧ̀:

Бг҃оте́чнѣй ѕвѣздѣ̀ ᲂу҆подо́билсѧ є҆сѝ, прпⷣбне ѻ҆́тче, свѣ́томъ бл҃гочести́вагѡ житїѧ̀ твоегѡ̀ пꙋсты́ню ѡ҆сщ҃а́ѧ и҆ всѧ̑ приходѧ́щыѧ къ тебѣ̀ ᲂу҆че́нїемъ хрⷭ҇то́вымъ просвѣща́ѧ и҆ вѣ́ровати во є҆ди́наго и҆́стиннаго бг҃а наꙋча́ѧ, да кꙋ́пнѡ съ тобо́ю воспѣва́ютъ: а҆ллилꙋ́їа.

Ви́дѣвше, ꙗ҆́кѡ ча́да ма́лыѧ неѕло́биви сꙋ́ть, и҆ словесє́мъ є҆ѵⷢ҇льскимъ внима́ѧ: а҆ми́нь гл҃го́лю ва́мъ, а҆́ще не ѡ҆братите́сѧ и҆ бꙋ́дете ꙗ҆́кѡ дѣ́ти, не вни́дете въ црⷭ҇тво нбⷭ҇ное, вѣ́рꙋ таковꙋ́ю стѧжа́лъ є҆сѝ, прпⷣбнѣ ѻ҆́тче, и҆ блгⷣть ѿ гдⷭ҇а моли́тисѧ ѡ҆ ча́дѣхъ воспрїѧ́лъ є҆сѝ. Мы́ же, воспѣва́ѧ вели̑чїѧ бж҃їѧ, на тебѣ̀ ꙗ҆влє́ннаѧ, глаго́лемъ тѝ си́це:

Проповѣ́дникомъ є҆ѵа́нгельскїѧ кро́тости бы́лъ є҆сѝ, прпⷣбне ѻ҆́тче, ѡ҆́бразомъ житїѧ̀ твоегѡ̀ всѣ̑мъ показꙋ́ѧ, ꙗ҆́кѡ всѧ̑ возмо́жна человѣ́кꙋ ѡ҆ ᲂу҆крѣплѧ́ющемъ бз҃ѣ, є҆го́же бл҃года́тїю и҆ на́ша сердца̀ во и҆́стиннѣй вѣ́рѣ ᲂу҆крѣпѝ и҆ бꙋ́ди на́мъ ско́рый помо́щникъ и҆ те́плый моли́твенникъ, вопїю́щымъ ѡ҆ тебѐ бг҃ꙋ: А҆ллилꙋ́їа.

Возсїѧ́лъ є҆сѝ ꙗ҆́кѡ свѣти́льникъ, на свѣ́щницѣ цр҃ко́внѣй поста́вленный, свѧ́те стилїа́не, да всѝ ви́дѧщїи мнѡ́гаѧ чꙋдеса̀ и҆сцѣле́нїй тобо́ю твори̑маѧ и҆ при́снѡ ꙗ҆влѧ́ємаѧ, восхва́лѧтъ бо́га, ди́внаго во ст҃ы́хъ свои́хъ, тебѣ̀ же воспою́тъ сицєва́ѧ:

Хотѧ̀ ꙗ҆ви́ти мі́рꙋ но́ваго и҆сто́чника млⷭ҇ти своеѧ̀ неѡскꙋдѣва́ющїѧ, хрⷭ҇тѐ бж҃е на́шъ, дарова́лъ є҆сѝ на́мъ предста́телѧ и҆ моли́твенника къ тебѣ̀ дерзнове́ннагѡ прпⷣбнаго стилїа́на, да тѧ̀, всебл҃га́гѡ бг҃а на́шегѡ сла́вѧще, во ᲂу҆миле́нїи серде́чнѣмъ зове́мъ: А҆ллилꙋ́їа.

Но́ваго хода́таѧ и҆ застꙋ́пника и҆́мамы тѧ̀ пред̾ бг҃омъ, блаже́нне стилїа́не, ты́ бо дꙋше́ю кро́ткою и҆ ми́лостивою непреста́ннѡ мо́лишисѧ гдⷭ҇ви, ѡ҆ є҆́же ниспосла́ти бл҃года́тнꙋю по́мощь всѣ̑мъ лю́демъ, сла́вѧщымъ є҆го̀, всебл҃га́гѡ ѻ҆ц҃а̀ на́шегѡ нбⷭ҇нагѡ, и҆ вопїю́щымъ тѝ си́це:

Стра́нника и҆ прише́льца помышлѧ́лъ є҆сѝ себѐ бы́ти въ мі́рѣ се́мъ, пребл҃же́нне ѻ҆́тче, ѻ҆те́чествїѧ го́рнѧгѡ взыскꙋ́ѧ и҆ нбⷭ҇нагѡ і҆ерⷭ҇ли́ма граждани́номъ бы́ти жела́ѧ, въ не́мже ны́нѣ сла́дцѣ воспѣва́еши бг҃ꙋ пѣ́снь: А҆ллилꙋ́їа.

Ве́сь распали́лсѧ є҆сѝ любо́вїю къ сладча́йшемꙋ і҆и҃сꙋ, прпⷣбне ѻ҆́тче, днѝ и҆ но́щи въ моли́твѣ и҆ по́двигахъ пребыва́ѧ и҆, дх҃а ст҃а́гѡ и҆спо́лнивсѧ, всемꙋ̀ мі́рꙋ моли́твенникъ и҆зрѧ́денъ показа́лсѧ є҆сѝ, рѣ́ки чꙋде́съ и҆сточа́ѧй. Сегѡ̀ ра́ди, почита́ѧ ст҃ꙋ́ю па́мѧть твою̀, во ᲂу҆миле́нїи зове́мъ:

Всѧ́кое є҆стество̀ ᲂу҆диви́лъ є҆сѝ, преди́вне ѻ҆́тче, є҆ди́наго бо бг҃а возлюби́въ, въ пꙋсты́ни взыска́лъ є҆сѝ того̀ равноа́гг҃льнымъ житїе́мъ твои́мъ, ны́нѣ же на нб҃сѣ́хъ бл҃же́нства ра́йскаго наслажда́ешисѧ и҆ воспѣва́еши прест҃ѣ́й трⷪ҇цѣ: А҆ллилꙋ́їа.

Вѣті̑ѧ многовѣща̑нныѧ не мо́гꙋтъ по достоѧ́нїю воспѣ́ти всѧ̑ по́двиги и҆ трꙋды̑ твоѧ̑, прпⷣбне ѻ҆́тче, во сла́вꙋ гдⷭ҇а тобо́ю твори̑мыѧ. Мы́ же, дꙋша́ми ᲂу҆милѧ́ѧсѧ, бг҃оꙋго́дное житїѐ твоѐ восхвалѧ́емъ пѣ̑нїи таковы́ми:

Спⷭ҇ти́сѧ хотѧ́щїи ѿ разли́чныхъ напа́стей, бѣ́дъ и҆ скорбе́й, тебѐ, прпⷣбне ѻ҆́тче, предста́телѧ крѣ́пкаго и҆ побо́рника непосты́днаго и҆мѣ́ютъ: прїѧ́лъ бо є҆сѝ ѿ бг҃а блгⷣть во всѧ́кихъ бѣда́хъ застꙋпа́ти призыва́ющыѧ на по́мощь и҆́мѧ твоѐ, да моли́твами твои́ми ѡ҆гражда́еми, бл҃года́рнѡ воспѣва́емъ ѡ҆ тебѣ̀ сп҃си́телю на́шемꙋ: А҆ллилꙋ́їа.

Стѣна̀ тве́рдаѧ и҆ ѡ҆гражде́нїе крѣ́пкое ꙗ҆ви́лсѧ є҆сѝ мі́рꙋ, прпⷣбне ѻ҆́тче стилїа́не, хода́тайствомъ бо твои́мъ цр҃ковь ст҃а́ѧ ᲂу҆крѣплѧ́етсѧ, ми́ръ водворѧ́етсѧ и҆ всѧ̑ во бл҃го ᲂу҆строѧ́етсѧ. Сегѡ̀ ра́ди прїимѝ ѿ на́съ сицєва́ѧ:

Пѣ́снь хвале́бнꙋю прино́симъ тѝ, пребл҃же́нне ѻ҆́тче, почита́ющїи ст҃ꙋ́ю па́мѧть твою̀, ты̀ же ᲂу҆се́рднѡ молѝ ст҃ꙋ́ю трⷪ҇цꙋ ѡ҆ є҆́же и҆зба́витисѧ на́мъ ѿ паде́нїй грѣхо́вныхъ и҆ жи́знь вѣ́чнꙋю наслѣ́довати, да непреста́ннѡ зове́мъ бг҃ꙋ: А҆ллилꙋ́їа.

Свѣтоза́рный свѣти́льникъ, ѿ и҆́стиннагѡ свѣ́та ѡ҆зарѧ́емый, сꙋ́щимъ на землѝ ꙗ҆влѧ́ешисѧ, прпⷣбне ѻ҆́тче стилїа́не, сердца́ бо вѣ́рныхъ просвѣща́еши и҆ къ ра́зꙋмꙋ бжⷭ҇твенномꙋ всѧ̑ наставлѧ́еши, да со ᲂу҆миле́нїемъ зовꙋ́тъ тѝ сицєва́ѧ:

Блгⷣть да́ннꙋю тѝ ѿ гдⷭ҇а вѣ́мы, прпⷣбне ѻ҆́тче, во є҆́же не то́кмо недꙋ̑жныѧ младе́нцы и҆сцѣлѧ́ти и҆ застꙋ́пникѡмъ и҆ покрови́телемъ и҆̀мъ бы́ти, ѻ҆ба́че и҆ всемꙋ̀ хрⷭ҇тїа́нскомꙋ ро́дꙋ млⷭ҇ти своѧ̑ низпосыла́ти: вѣ́рꙋемъ, ꙗ҆́кѡ и҆ по сме́рти всѧ̑ сїѧ̑ твори́ши всѣ̑мъ, съ вѣ́рою къ чꙋдотвѡ́рнымъ і҆кѡ́намъ твои́мъ припа́дающимъ, бг҃ꙋ же ѡ҆ тебѣ̀ вопїю́щымъ: А҆ллилꙋ́їа.

Пою́ще сла́вное житїѐ твоѐ и҆ ѡ҆ бл҃же́ннѣмъ ѿше́ствїи твое́мъ на нб҃са̀ ра́дꙋющесѧ, пречꙋ́дне ѻ҆́тче стилїа́не, ᲂу҆блажа́емъ тѧ̀, ꙗ҆́кѡ ᲂу҆го́дника бж҃їѧ и҆ ди́внагѡ чꙋдотво́рца. Ты́ же, бг҃ꙋ предстоѧ̀, при́снѡ помина́й на́съ, соверша́ющихъ любо́вїю па́мѧть твою̀ и҆ со ᲂу҆миле́нїемъ зовꙋ́щихъ тѝ такѡва́ѧ:

Ѽ всехва́льный и҆ преди́вный ᲂу҆го́дниче хрⷭ҇то́въ, прпⷣбне ѻ҆́тче стилїа́не! прїимѝ сїѐ ма́лое моле́нїе, ѿ ᲂу҆се́рдїѧ на́шего въ похвалꙋ̀ тебѣ̀ приноси́мое, и҆ покры́й моли́твами твои́ми всѣ́хъ притека́ющихъ къ тебѣ̀ съ вѣ́рою и҆ любо́вїю, да покаѧ́нїе на́ше прїи́мше, гдⷭ҇ь и҆ бг҃ъ на́шъ прости́тъ на́мъ всѧ̑ грѣхѝ на́ша и҆ соприча́стники црⷭ҇твїѧ своегѡ̀ содѣ́лаетъ, да вы́нꙋ съ тобо́ю и҆ со всѣ́ми ст҃ы́ми воспѣва́емъ є҆мꙋ̀: А҆ллилꙋ́їа.

А҆́гг҃лѡвъ творе́цъ и҆ всеѧ̀ тва̑ри созда́тель є҆щѐ ѿ ᲂу҆тро́бы мт҃рнїѧ и҆збра̀ тѧ̀, прпⷣбне стилїа́не, чꙋ́днымъ житїе́мъ свои́мъ на землѝ прославлѧ́ти трⷪ҇цꙋ ст҃ꙋ́ю, по бл҃же́ннѣй же кончи́нѣ твое́й ᲂу҆чинѝ тѧ̀ со ст҃ы́ми а҆́гг҃лы воспѣва́ти є҆мꙋ̀ пѣ́снь сладча́йшꙋю на нб҃сѝ. Мы́ же, таково́мꙋ бж҃їю бл҃говоле́нїю ѡ҆ тебѣ̀ ра́дꙋѧсѧ, пѣсносло́вимъ тѧ̀:

И҆збра́нный чꙋдотво́рче и҆ ᲂу҆го́дниче хрⷭ҇то́въ, ско́рый помо́щниче и҆ моли́твенниче на́шъ, прпⷣбне ѻ҆́тче стилїа́не, прославлѧ́ѧ просла́вльшаго тѧ̀ гдⷭ҇а, похва̑льнаѧ пѣ̑нїѧ прино́симъ тѝ, чтꙋ́щїи ст҃ꙋ́ю па́мѧть твою̀. Ты́ же, предстоѧ̀ пред̾ прⷭ҇то́ломъ вседержи́телѧ, воздви́гни ѡ҆ на́съ, грѣ́шныхъ, многомѡ́щныѧ моли̑твы твоѧ̑, взыва́ющихъ тѝ:

Ѽ сщ҃е́ннаѧ главо̀, прпⷣбне ѻ҆́тче стилїа́не! по́двигомъ до́брымъ подвиза́всѧ на землѝ, на нб҃сѣ́хъ воспрїѧ́лъ є҆сѝ вѣне́цъ пра́вды ѿ хрⷭ҇та̀ бг҃а на́шегѡ. Тѣ́мже на тво́й ст҃ы́й ѻ҆́бразъ взира́юще, ѡ҆ пресла́внѣмъ сконча́нїи жи́тельства твоегѡ̀ ра́дꙋемсѧ и҆ чти́мъ ст҃ꙋ́ю па́мѧть твою̀. Почита́юще же твоѐ ве́лїе дерзнове́нїе пред̾ гдⷭ҇емъ, со смире́нїемъ мо́лимъ тѧ̀, прпⷣбне ѻ҆́тче: воззрѝ ᲂу҆̀бо бл҃госе́рдымъ ѻ҆́комъ любвѐ твоеѧ̀ на на́съ, недосто́йныхъ рабѡ́въ твои́хъ, и҆ потщи́сѧ бг҃опрїѧ́тнымъ твои́мъ хода́тайствомъ и҆спроси́ти ᲂу҆ цр҃ѧ̀ ца́рствꙋющихъ и҆ гдⷭ҇а госпо́дствꙋющихъ, да проба́витъ вели̑кїѧ и҆ бога̑тыѧ млⷭ҇ти своѧ̑ на на́съ, грѣ́шныхъ, да пода́стъ на́мъ дꙋ́хъ пра́выѧ вѣ́ры, дꙋ́хъ любвѐ, ми́ра и҆ ра́дости ѡ҆ дс҃ѣ ст҃ѣ, да и҆зба́витъ ны̀ ѿ всѧ́кихъ бѣ́дъ и҆ напа́стей, да низпо́слетъ всѧ̑ полє́знаѧ ко сп҃се́нїю дꙋ́шъ на́шихъ. Є҆́й, свѧ́тче бж҃їй, не посрамѝ ᲂу҆пова́нїѧ на́шегѡ, є҆́же на тѧ̀ по бз҃ѣ и҆ бцⷣѣ возлага́емъ, но бꙋ́ди на́мъ помо́щникъ и҆ покрови́тель во сп҃се́нїе, да сподо́бимсѧ сконча́ти житїѐ на́ше въ покаѧ́нїи и҆ воспрїи́мемъ вѣ̑чнаѧ бл҃га́ѧ во црⷭ҇твїи хрⷭ҇та̀ бг҃а на́шегѡ, и҆ просла́вимъ чл҃вѣколю́бїе ѻ҆ц҃а̀ и҆ сн҃а и҆ ст҃а́гѡ дх҃а, и҆ твоѐ ст҃о́е застꙋпле́нїе, ны́нѣ и҆ при́снѡ и҆ во вѣ́ки вѣкѡ́въ. А҆ми́нь.