Акафист святому мученику Виктору Дамасскому

Избра́ннаго во́ина Христа́ Бо́га на́шего, свята́го му́ченика Ви́ктора пе́сньми почти́м, я́ко хода́тая на́шего и моли́твенника; ты́ же, страстоте́рпче, я́ко име́яй дерзнове́ние ко Го́споду, от вся́ких на́с бе́д свободи́, да зове́м ти́: Ра́дуйся, Ви́кторе, му́чениче пресла́вный.

А́нгел земны́й и челове́к небе́сный яви́лся еси́, святы́й му́чениче, егда́ озари́вшеся све́том и́стиннаго богопозна́ния, ра́достно поте́кл еси́ на страда́льческий по́двиг. Те́мже, помина́юще страда́ния твоя́, за Христа́ претерпе́нныя, вопие́м ти́ си́це:

Ви́дя гоне́ния нечести́вых на христиа́ны, не убоя́лся еси́ преще́ния и мучи́тельства и́х, но я́ко до́блий во́ин Христо́в, пред нечести́вым воево́дою Севастиа́ном предста́л еси́, и ве́ру свою́ во еди́наго и́стиннаго Бо́га испове́дал еси́, поя́ велегла́сно: Аллилу́иа.

Ра́зум богодухнове́н име́я, святы́й му́чениче Ви́кторе, изуми́л еси́ мучи́теля му́жеством души́ твоея́ и словесы́, и́миже дерзнове́нно пропове́дал еси́ Христа́ – И́стиннаго Бо́га. Те́мже, похваля́юще испове́дание твое́, вопие́м ти́ такова́я:

Си́лою Вы́шняго укрепле́н, дерзнове́нно пред мучи́телем ста́л еси́, му́жественный испове́дниче Христо́в, те́мже угро́зы и ласка́тельства о́наго презре́в, на по́двиг му́ченический поте́кл еси́, поя́ Бо́гу: Аллилу́иа.

Име́я кре́пкую наде́жду на Небе́снаго Влады́ку и Го́спода, и по́мняще сло́во апо́стольское, я́ко подоба́ет повинова́тися Бо́гу па́че, не́жели челове́ком, ты́, святы́й му́чениче, не повину́яся веле́нию мучи́теля, но испове́дав себе́ во́ином Царя́ Небе́снаго бы́ти, отри́нул еси́ язы́ческое нече́стие и в ру́це мучи́телей преда́лся еси́. Мы́ же, помина́юще му́жество твое́, вопие́м ти́ си́це:

Бу́рею я́рости одержи́м, безу́мный мучи́тель повеле́ тя́жко му́чити тя́ и в пе́щь о́гненную воврещи́. Ты́ же, все́ упова́ние свое́ на Бо́га возложи́вый, во о́гнь, я́коже иногда́ три́ о́троцы, безбоя́зненно вше́л еси́, поя́ побе́дную пе́снь: Аллилу́иа.

Слы́шав нечести́вый воево́да, я́ко по трие́х дне́х пребыва́ния во о́гненней пещи́, ты́, сла́вный му́чениче, невреди́м обре́лся еси́, и еще́ бо́льшия я́рости исполня́яся, призва́ чароде́я и повеле́ ему́ умертви́ти тя́. Ты́ же, смертоно́сную пи́щу прии́м, па́ки неврежде́н пребы́л еси́, подвиза́я вопи́ти тебе́ такова́я:

Боготе́чней звезде́ подо́бен бы́л еси́, му́чениче Христо́в, указу́ющей пу́ть спасе́ния: чароде́я бо, умертви́ти тя́ хотя́щаго, ве́ровати во Христа́ подви́гл еси́, науча́я воспева́ти ку́пно с тобо́ю: Аллилу́иа.

Ви́девше душе́вныма очи́ма свои́ма Бо́га, я́ве чудоде́йствующа тобо́ю, святы́й Ви́кторе, во́лхв нечести́вый умили́ся се́рдцем и уве́рова во Христа́, тобо́ю пропове́дуемаго. Мы́ же, воспева́я вели́чия Бо́жия, на тебе́ явле́нная, глаго́лем:

Пропове́дником и́стинныя ве́ры во Христа́ яви́лся еси́ пред мучи́тели твои́ми, страстоте́рпче сла́вне, ники́я бо ра́ны тебе́ соде́янныя не возмого́ша повреди́ти тебе́: кипя́щий бо еле́й, а́ки исто́чник воды́ прохла́дныя тебе́ показа́ся, и о́цет, а́ки сла́дкий со́т тебе́ бы́сть. Мы́ же, терпе́нию твоему́ удивля́яся, вопие́м Бо́гу, ди́вному во святы́х Свои́х: Аллилу́иа.

Возсия́ све́т слепо́тствующим очесе́м мучи́телей твои́х, егда́ ты́, святы́й му́чениче, и́мя Го́спода Иису́са призва́л еси́. Сего́ ра́ди тебе́, сла́вному уго́днику Бо́жию и чудотво́рцу, взыва́ем:

Хотя́ще просла́вити Бо́га, укрепля́ющаго избра́нныя Своя́, жена́ не́кая, и́менем Стефани́да, прише́дши на ме́сто муче́ния твоего́ и ве́лию терпе́нию твоему́ удивля́яся, ви́де венцы́ нетле́нныя с небесе́ сходя́щия. Сие́ у́бо благогове́йно зря́ще и Бо́га в се́рдце свое́м сла́вяще, возопи́: Аллилу́иа.

Но́вую показа́ безчелове́чия я́рость зло́бный мучи́тель, егда́ ю́ную Стефани́ду, похваля́ющую страда́ния твоя́, му́чениче Христо́в Ви́кторе, повеле́, приклони́в ве́тви древе́с, привяза́вши, разсещи́. Мы́ же, по́двиг святы́я му́ченицы сла́вяще, ублажа́ем ку́пно с не́ю страда́ния твоя́, страстоте́рпче, вопию́ще:

Стра́нно бе́ ви́дети и слы́шати язы́ком, неве́дущим Бо́жией си́лы, ка́ко в сла́бом челове́честем телеси́ возмо́жно таковы́я претерпева́ти за Христа́ му́ки. Мы́ же, сла́вяще Бо́га, дарова́вшаго святы́м му́чеником такову́ю кре́пость, с любо́вию взыва́ем: Аллилу́иа.

Ве́сь ра́дости боже́ственныя испо́лнился еси́, святы́й му́чениче, егда́ повеле́ние мучи́теля на ме́чное твое́ усече́ние услы́шал еси́. Мы́ же, страда́ния твоя́ воспомина́юще, и ве́лие терпе́ние твое́ похваля́юще, глаго́лем:

Вся́кия беды́ и напа́сти изба́ви на́с моли́твами твои́ми, страстоте́рпче святы́й Ви́кторе, ве́лие бо и́маши дерзнове́ние пред Го́сподем, за Него́же и ду́шу свою́ положи́л еси́, взыва́я непреста́нно: Аллилу́иа.

Вити́и многовеща́ннии не возмо́гут изрещи́ тебе́ досто́йныя хвалы́ му́чениче сла́вный, мно́гих ра́ди по́двигов и страда́ний, и́хже за Христа́ подъя́л еси́ во́лею. Сего́ ра́ди мы́, недоумева́я восхвали́ти тя́ по достоя́нию, воспева́ем си́це:

Спасе́ния и ве́чныя ра́дости дости́гше по мно́зех страда́ниях Христа́ ра́ди, ты́, святы́й му́чениче, науча́еши и на́с вся́, ра́ди Бо́га, благоду́шно претерпева́ти и на Него́ еди́наго все́ упова́ние свое́ возлага́ти, воспева́я пе́снь: Аллилу́иа.

Стена́ и прибе́жище к тебе́ притека́ющим ты́ еси́, уго́дниче Бо́жий, мо́лишися бо непреста́нно Христу́ Бо́гу на́шему за все́х почита́ющих страда́ния твоя́. Приими́ у́бо, му́чениче многострада́льне, и от на́с гре́шных сия́ убо́гия похвалы́:

Пе́ние Пресвяте́й Тро́ице возда́л еси́, святы́й му́чениче Ви́кторе, не сло́вом то́чию, но живы́м всего́ себе́ в же́ртву принесе́нием: Творца́ бо своего́ па́че всего́ возлюби́л еси́ и Ему́ еди́ному до́бре послужи́л еси́, поя́ со умиле́нием: Аллилу́иа.

Светоприе́мный свети́льник и́стиннаго све́та су́щим на земли́ явля́ешися, богоизбра́нне Ви́кторе, просвеща́еши бо се́рдца ве́рных и к ра́зуму Боже́ственному наставля́еши вопию́щих ти́ с любо́вию такова́я:

Благода́ть Боже́ственную испроси́ на́м, му́чениче Христо́в, мно́го бо мо́жет моли́тва пра́веднаго ко благосе́рдию Влады́ки, не возгнуша́йся на́шея грехо́вныя нечистоты́, но бу́ди на́м во все́м помо́щник и к покая́нию благи́й наста́вник, науча́я ми́лующему на́с Бо́гу воспева́ти: Аллилу́иа.

Пою́ще многострада́льныя по́двиги твоя́, сла́вный страстоте́рпче, хва́лим долготерпе́ние твое́, ублажа́ем му́ченическую кончи́ну, почита́ем свяще́нную па́мять твою́ и в похвалу́ сицева́я тебе́ зове́м:

О всеблаже́нный святы́й му́чениче Ви́кторе, приими́ сие́ на́ше хвале́бное пе́ние, от умиле́ннаго се́рдца тебе́ приноси́мое, и изба́ви на́с от вся́каго зла́ твои́м те́плым к Бо́гу хода́тайством, да с тобо́ю и все́ми святы́ми воспева́ем побе́дную пе́снь: Аллилу́иа.

А́нгел земны́й и челове́к небе́сный яви́лся еси́, святы́й му́чениче, егда́ озари́вшеся све́том и́стиннаго богопозна́ния, ра́достно поте́кл еси́ на страда́льческий по́двиг. Те́мже, помина́юще страда́ния твоя́, за Христа́ претерпе́нныя, вопие́м ти́ си́це:

Избра́ннаго во́ина Христа́ Бо́га на́шего, свята́го му́ченика Ви́ктора пе́сньми почти́м, я́ко хода́тая на́шего и моли́твенника; ты́ же, страстоте́рпче, я́ко име́яй дерзнове́ние ко Го́споду, от вся́ких на́с бе́д свободи́, да зове́м ти́: Ра́дуйся, Ви́кторе, му́чениче пресла́вный.

О святы́й уго́дниче Бо́жий, сла́вный му́чениче Ви́кторе! По́двигом до́брым подвиза́вся на земли́, восприя́л еси́ на небесе́х вене́ц пра́вды, его́же угото́вал е́сть Госпо́дь все́м лю́бящим Его́. Те́мже взира́юще на святы́й тво́й о́браз, ра́дуемся о пресла́внем сконча́нии жи́тельства твоего́ и чти́м святу́ю па́мять твою́. Ты́ же, предстоя́ престо́лу Бо́жию, приими́ моле́ния на́ша и ко Всеми́лостивому Бо́гу принеси́, о е́же прости́ти на́м вся́кое прегреше́ние и по́мощи на́м ста́ти проти́ву ко́знем диа́вольским, да изба́вльшеся от скорбе́й, боле́зней, бе́д, напа́стей, и вся́каго зла́, благоче́стно и пра́ведно поживе́м в ны́нешнем ве́це и сподо́бимся предста́тельством твои́м, а́ще и недосто́йни есмы́, ви́дети блага́я на земли́ живы́х, сла́вяще еди́наго во святы́х Свои́х сла́вимаго Бо́га, Отца́ и Сы́на и Свята́го Ду́ха, ны́не и во ве́ки веко́в. Ами́нь.