Акафист святому преподобному Макарию Римлянину, Новоградскому чудотворцу
Одобрен: 1914 год
Память: 01 февраля (19 января ст. ст.)
Утвержден для общецерковного использования.
Кондак 1
Избранный и дивный подражателю пророков Илии и Крестителя, пустынным житием им поревновавый и совершенно Богу угодивый, преподобне отче Макарие. Песньми восхваляем тя с любовию, святаго заступника нашего. Ты же, яко имеяй дерзновение ко Господу, молися непрестанно о спасении нас грешных, и от всяких бед свобождай зовущих ти:
Радуйся, Макарие, великий пустынножителю.
Икос 1
Ангелом любезную чистоту юности твоея возлюбив, преподобне отче Макарие, Ветхий Рим отечество твое оставил еси, и во страну Российскую яко нищ и странен пришел еси, да зде обрящеши пристанище благоприятное ко спасению. Темже славим тя, яко истиннаго последователя Христова, и зовем ти хвалебно:
Радуйся, Рима доброе прозябение.
Радуйся, Новаграда духовное украшение.
Радуйся, Евангелиа Христова верный послушателю.
Радуйся, заповедей Иисусовых ревностный исполнителю.
Радуйся, Единаго Христа от всея души твоея возлюбивый.
Радуйся, стезею правою вослед Его ходивый.
Радуйся, постом умертвивый в себе душетленныя страсти.
Радуйся, молитвами усердными отразивый вся искушения диавольская.
Радуйся, возшедый на высоту совершенства духовнаго.
Радуйся, приникий во глубину смирения святаго.
Радуйся, слез твоих теченьми уплодоносивый пустыню неплодную.
Радуйся, из глубины воздыханьми привлекий на ню Божию благодать.
Радуйся, Макарие, великий пустынножителю.
Кондак 2
Видев Всевидец Господь благое души твоея изволение, отче Макарие, еже служити и благоугождати Ему в безмолвии пустыннем, указа тебе пустыню блатную и непроходимую в пределех Великаго Новаграда, да вселишися тамо, един Единому Богу работати в пениих, бдениих и пощениих. Ты же пустыню, от Бога тебе указанную, обрет, вселился еси в ней, яко в раи сладости зовый: Аллилуиа.
Икос 2
Разумев место, от Бога тебе указанное к совершению тамо подвигов пустынных, и возлюбив е, отче Макарие, со слезами теплыми Богу молился еси, да сподобит тя скончати на нем житие твое земное, и псаломски взывал еси: «Се покой мой, зде вселюся во век». Мы же воспоминающе таковое твое благое изволение, вопием ти сице:
Радуйся, безмолвия любителю, пустыню подвиги твоими освятивый.
Радуйся, жестокое пустынное житие проходивый.
Радуйся, псалмопении немолчными Бога славивый.
Радуйся, молитвы непрестанныя Господеви возносивый.
Радуйся, постниче не изнемогаяй, былием пустынным питавыйся.
Радуйся, трудолюбче нелицемерный, праздность возненавидевый.
Радуйся, худыя и многошвенныя ризы носивый.
Радуйся, вериги железныя Христа ради на ся возложивый.
Радуйся, коленопреклонения многая совершавый.
Радуйся, в терпении и смирении преуспеявый.
Радуйся, слезами молитвенными орошенный.
Радуйся, равноангелен на земли бывый.
Радуйся, Макарие, великий пустынножителю.
Кондак 3
Силою Божиею укрепляемь, Макарие преподобне, великия подвиги и труды пустынныя благодушно проходил еси, и вся страхования и искушения диавольская молитвою усердною отразил еси, знамением креста Христова враги невидимыя прогоняя и побеждая, во еже не можащи им приближитися к тебе, егда пел еси Богу хвалебную песнь: Аллилуиа.
Икос 3
Имея помысл чист и непорочну душу, отче Макарие, в пустыннем безмолвии видений небесных сподобился еси, и ангелов собеседник был еси, иже утешении благодатными услаждаху тебе скорби пустыннаго пребывания. Сего ради слышиши от нас благохваления таковая:
Радуйся, рабе Господень благий и верный.
Радуйся, молитвенниче благоприятный и многослезный.
Радуйся, ангельскаго посещения удостоенный.
Радуйся, на земли небесная созерцавый.
Радуйся, учителю благочестия.
Радуйся, наставниче богомудрия.
Радуйся, древо благосеннолиственное, в пустыни возрастшее.
Радуйся, плоды сладкия Христу принесый.
Радуйся, пустыню уплодоносивый.
Радуйся, пустынное озлобление мужески терпевый.
Радуйся, путем тесным шествовавый.
Радуйся, пространство Царствия Божия обретый.
Радуйся, Макарие, великий пустынножителю.
Кондак 4
Бурю многомятежную житейскаго моря безбедно прешел еси, преподобне отче Макарие, и во пристанище безстрастия достигл еси, направляемь заповедьми Христа Бога, яже быша светильник ногама твоима и свет стезям твоим. Темже на земли достойно и праведно воспевал еси Триединому Богу: Аллилуиа.
Икос 4
Слышавше глаголы твоя богодухновенныя, ловцы зверей дивиих, обретшии кущу твою в пустыни, отче Макарие, ангела паче, неже человека, мняху тя быти, и радовахуся зело, сподобльшеся твое благословение и молитвы получити. Ты же хлеб твой сухий с ними разделил еси, и путь им правый указав, слышал еси от них благодарственныя глаголы сицевыя:
Радуйся, правило веры истинныя.
Радуйся, образе кротости духовныя.
Радуйся, человече Божий, преподобием украшенный.
Радуйся, воине Христов, враги невидимыя победивый.
Радуйся, мира дольняго мудрый странниче.
Радуйся, пустыннолюбивый Господень избранниче.
Радуйся, великих пустынножителей верный подражателю.
Радуйся, древних богоносных отец ревностный последователю.
Радуйся, пустыню непроходимую в жилище себе избравый.
Радуйся, дебрь блатную славословии Божиими огласивый.
Радуйся, богопросвещенный подвижниче.
Радуйся, ангелонравный человече.
Радуйся, Макарие, великий пустынножителю.
Кондак 5
Боготечное светило быв, отче Макарие, к солнцу правды Христу приводил еси человеки, приходившыя к тебе в пустыню послушати от тебе глаголы жизни вечныя. Ибо дадеся тебе от Господа благодать поучения духовнаго, и бысть язык твой яко трость книжника скорописца, начертаваяй на сердцах человеческих спасительныя заповеди Христа Бога, Емуже умиленно пел еси: Аллилуиа.
Икос 5
Видев люди, приходившыя к тебе в пустыню, отче Макарие, церковь тамо во имя Пресвятыя Богородицы, честнаго и славнаго Ея Успения, соорудил еси. И обитель иноческую устроил еси, таже священства благодать восприем, игумен тоя обители был еси, приводяй братию твою пустынную ко спасению. О сем тя хвалим и зовем:
Радуйся, непорочный олтаря Господня служителю.
Радуйся, Таинств Божественных достойный совершителю.
Радуйся, преподобнии руце твои со дерзновением горе воздеявый.
Радуйся, молитвы благоумиленныя у престола Божия приносивый.
Радуйся, пастырю добрый собраннаго тобою стада пустынных овец.
Радуйся, неусыпный делателю винограда Христова.
Радуйся, сотворивый и научивый, и того ради велий нареченный во Царствии Небеснем.
Радуйся, отечески возлюбивый всю о Христе братию твою.
Радуйся, учивый благовременно чада твоя духовная богоугождению истинному.
Радуйся, бывый образе преподобия твоим учеником.
Радуйся, имя Господа Иисуса во устех и в сердце твоем непрестанно имевый.
Радуйся, скорби и лишения пустынныя радостно терпевый.
Радуйся, Макарие, великий пустынножителю.
Кондак 6
Проповедник был еси евангельскаго учения братии твоей, преподобне отче Макарие, и чада твоя духовная верно руководил еси к Царствию Небесному, идеже есть жилище всех спасенных милосердием Христа Бога, пришедшаго в мир спасти падшее человечество и давшаго людем во спасение Своя божественныя заповеди, имже последовав, соделался еси истинный Его угодник, немолчно воспевая Ему песнь хвалы и благодарения: Аллилуиа.
Икос 6
Возсиял еси в пустыни светом благоразумия, отче Макарие, и дебрь блатную и неудобопроходимую во училище благочестия претворил еси богомудрыми твоими словесы, имиже приходившыя к тебе верно наставлял еси на стезю богоугождения и спасения. Тебе убо, святому учителю небесныя истины, благодарно зовем:
Радуйся, Евангелиа Христова немолчный проповедниче.
Радуйся, апостольских преданий ревностный хранителю.
Радуйся, верою правою и делы благими Богу угодивый.
Радуйся, вослед тебе и чада твоя духовная к Нему приведый.
Радуйся, не сокрывый таланта, тебе врученнаго Домовладыкою.
Радуйся, куплю многу им сотворивый, спасение душ человеческих.
Радуйся, пустыню облагоухавый сладким благоуханием Христовым.
Радуйся, в ней насадивый духовныя цветы добродетелей.
Радуйся, яко твоими ученьми грешнии к Богу в покаянии обратишася.
Радуйся, яко твоими наставленьми заблуждшии правый путь спасения обретоша.
Радуйся, ближних твоих искренно возлюбивый.
Радуйся, спасению их душевному усердно послуживый.
Радуйся, Макарие, великий пустынножителю.
Кондак 7
Хотение имел еси, преподобне отче Макарие, еже Богу благоугождати и спасению душевному ближних твоих благочестно служити. Темже всех приходивших к тебе приимал еси с любовию, и яко кормчий добрый, утомленныя треволнением житейскаго моря приводил еси в тихое пристанище пустыннаго иноческаго жития, поучая их сердцем и усты немолчно возглашати Богу: Аллилуиа.
Икос 7
Новаго тя Макариа Великаго, наставника душеспасительнаго, яви Христос во стране Российстей, преподобне отче, и дивными дары Божия благодати обогати тебе, душевныя ради твоея чистоты и многия святости: дадеся бо ти свыше благодать чудотворения и прозорливства, и был еси пророк и врач безмездный людем, иже научишася звати тебе:
Радуйся, крине пустыннаго прозябения.
Радуйся, маслино Божия благословения.
Радуйся, пустыню духовно уплодоносивый.
Радуйся, обитель иноческую в ней возградивый.
Радуйся, чада послушания и смирения в ней населивый.
Радуйся, отец истинный учеником твоим бывый.
Радуйся, болящыя молитвою твоею исцеливый.
Радуйся, скорбящыя словесы твоими богомудрыми утешивый.
Радуйся, будущая яко настоящая созерцавый.
Радуйся, помышления человеческая прозревавый.
Радуйся, древним пророком равночестный.
Радуйся, даров Святаго Духа преисполненный.
Радуйся, Макарие, великий пустынножителю.
Кондак 8
Странник и пришлец был еси во стране Российстей, преподобне отче Макарие, непрестанно взыскуяй Отечества Горняго, Иерусалима Небеснаго. Темже всякое попечение о земнем стяжании отложил еси, и в крайней нищете жизнь твою провождал еси, да обогатишися нетленным златом от праведнаго Мздовоздателя Христа Бога, Емуже присно пел еси: Аллилуиа.
Икос 8
Весь в Бозе быв, преподобне отче Макарие, во глубочайшую пустыню от обители твоея удалился еси, и на острове посреде блата кущу себе поставив, в безмолвии совершеннем молитвами непрестанными с Богом беседовал еси, мшиц угрызение и пустынное озлобление мужественно терпя. Поминающе убо таковое твое терпение и злострадание, яко мучеников сострадальца чествуем тя звании сими:
Радуйся, безстрастие совершенное стяжавый.
Радуйся, безмолвия ненарушимаго возжелевый.
Радуйся, молитвы непрестанныя возлюбивый.
Радуйся, образ злострадания и долготерпения себе явивый.
Радуйся, тело твое мшиц угрызением уязвивый.
Радуйся, нищелюбец крайний бывый.
Радуйся, блаженство нищих духом унаследивый.
Радуйся, о едином на потребу всегда помышлявый.
Радуйся, на земли небесно поживый.
Радуйся, во плоти безплотным поревновавый.
Радуйся, мучеников сострадальче.
Радуйся, преподобных красото.
Радуйся, Макарие, великий пустынножителю.
Кондак 9
Всем приходившым к тебе в пустыню, преподобне отче Макарие, бысть дивно видети тя, в раздранней и многошвенней ризе ходившаго, вериги тяжкия на раменах носившаго и в месте блатнем уединенно пребывавшаго, вне всякаго человеческаго утешения. Обаче ты вся приходившыя со светлым лицем и любовию отеческою приимал еси, богатыя и убогия, вельможи и простыя, и коемуждо слово душеполезно изрекал еси, увещавая их благоугождати Богу верою правою и делы благими и звати Ему: Аллилуиа.
Икос 9
Витии премудрыя превозшел еси благодатным действом словес твоих, преподобне отче Макарие, зане теми грешныя на покаяние приводил еси, кающыяся уцеломудрил еси, подвизающыяся в добродетели укрепил еси, и всем путь спасительный ко Христу показал еси, по немуже сам неуклонно шествовал еси до блаженныя твоея кончины, достоин воистинну явився похвал таковых:
Радуйся, написавый на скрижалех сердца твоего закон Христов.
Радуйся, провозвестник его ближним твоим бывый.
Радуйся, яко быша словеса твоя меда сладчайша жаждавшым учения духовнаго.
Радуйся, яко твоими наставленьми спасошася мнози.
Радуйся, из глубины пустыни светивый миру.
Радуйся, от дебри блатныя возсиявый зарею благоразумия.
Радуйся, Российския страны благодатное озарение.
Радуйся, Новаграда духовное просвещение.
Радуйся, главо святая, благодатию Божиею осененная.
Радуйся, источниче обильный учения душеспасительнаго.
Радуйся, проповедниче сладкоглаголивый, вещавый словеса жизни вечныя.
Радуйся, уготовавый ученьми твоими Господеви подвижники совершенныя.
Радуйся, Макарие, великий пустынножителю.
Кондак 10
Спасения надежду стяжал еси при исходе твоем, преподобне отче Макарие, и якоже пшеница зрелая, во время пожатая, кончиною святою преселился еси от земли во обители горния, прияти мзду от руки праведнаго Мздовоздателя Христа, Иже вчини душу твою со святыми, немолчно возглашающими пред Престолом Славы Его победную песнь: Аллилуиа.
Икос 10
Царя Небеснаго Христа верный раб и угодник был еси, преподобне отче Макарие. Темже и доныне место пустынное твоих подвигов ясно свидетельствует о твоем богоугождении, яко ты со Христом во обителех блаженства вечнаго водворяешися, благоухание чудное испущая от честнаго твоего гроба. Сего ради вопием ти:
Радуйся, радостно предавый душу твою в руце Божии.
Радуйся, святую кончину получивый в возмездие трудов твоих.
Радуйся, благоухание сладостное испустивый от мертваго твоего телесе.
Радуйся, сие благоухание и доныне испущаяй верным от честнаго твоего гроба.
Радуйся, мощами твоими в пустыни твоей погребенный.
Радуйся, душею безсмертною в Сионе Горнем водворенный.
Радуйся, в недрех земных смиренно почиваяй.
Радуйся, от раки твоея преславно исцеления источаяй.
Радуйся, чудесы многими прославленный.
Радуйся, сострадания к людем преисполненный.
Радуйся, благий целебниче недугов душевных и телесных.
Радуйся, небесный заступниче с верою к тебе притекающих.
Радуйся, Макарие, великий пустынножителю.
Кондак 11
Пение Пресвятей Троице горе приносиши, преподобне отче Макарие, и присно ходатайствуеши за люди, молитвенно тя почитающыя, прося им мира свыше и благопоспешения во всем благом. Молися, угодниче Божий, и за нас смиренных и грешных, подвиги твоя хвалебно воспоминающих и имя твое святое в помощь призывающих, да не лишени будем наследия небеснаго и пения со святыми: Аллилуиа.
Икос 11
Светильника тя благодатнаго вемы, преподобне отче Макарие, и прославляем прославльшаго тя Господа, Иже чудесы многими гроб твой ознаменова. Струи бо исцелений благодатных источаеши верным, во еже вопити тебе:
Радуйся, земный ангеле.
Радуйся, небесный человече.
Радуйся, безмезднаго врачевания источниче.
Радуйся, милости духовныя подателю.
Радуйся, мироположнице благоухания Христова.
Радуйся, услаждаяй душы наша вонею сладкою от святаго твоего гроба.
Радуйся, скорбящих утешителю.
Радуйся, болящих целителю.
Радуйся, в сониих и видениих верныя посещаяй.
Радуйся, пустыню твою чудесы прославляяй.
Радуйся, смирением высокая стяжавый.
Радуйся, дерзновение многое ко Господу получивый.
Радуйся, Макарие, великий пустынножителю.
Кондак 12
Благодать от Господа испроси нам, преподобне отче Макарие, почитающым с любовию святую память твою и усердно притекающым к честней раце мощей твоих святых, от неяже чудесная исцеления подаеши недужным. Темже прилежно молимся тебе: исцели наша недуги душевныя и телесныя, и помози нам предстательством твоим спасение вечное получити, да вкупе с тобою воспоем Дивному во святых Своих Богу: Аллилуиа.
Икос 12
Поюще подвиги твоя пустынныя, преподобне отче Макарие, ублажаем равноангельное житие твое, имже поучаеши нас ко славословию Христа Бога, явившаго тя чудотворца преславна. Темже припадающе к раце мощей твоих, умильно глаголем:
Радуйся, Пресвятыя Троицы верный угодниче.
Радуйся, Пресвятыя Богородицы усердный славителю.
Радуйся, ангельских ликов собеседниче.
Радуйся, всех святых сожителю.
Радуйся, пустынножителей славо и похвало.
Радуйся, Российския Церкве духовная лепото.
Радуйся, пустыни твоея сокровище благодатное.
Радуйся, недугующих врачевство Богом дарованное.
Радуйся, приходящих на поклонение мощем твоим святым благий предстателю.
Радуйся, почитающих святую память твою небесный покровителю.
Радуйся, душ и телес наших целебниче.
Радуйся, преславный и предивный чудотворче.
Радуйся, Макарие, великий пустынножителю.
Кондак 13
О преподобне и богоносне отче Макарие! Вонми милостивно гласу моления нашего, и приими сие малое похвальное пение, с верою и любовию тебе приносимое от нас недостойных, и умоли Господа и Владыку нашего, избавити нас от погибели вечныя и сподобити блаженства святых, вопиющих Ему вечно хвалебную песнь: Аллилуиа.
Этот Кондак читается трижды, затем Икос 1-й и Кондак 1-й
Молитва святому преподобному Макарию Римлянину, Новоградскому чудотворцу
О священная главо, земный ангеле и небесный человече, преподобне и богоносне отче Макарие! Припадаем ти с верою и любовию и молимся прилежно: яви нам смиренным и грешным святое твое заступление. Се бо, грех ради наших, не имамы свободы чад Божиих просити о потребах наших Господа и Владыку нашего, но тебе молитвенника благоприятнаго к Нему предлагаем, и просим тя со усердием многим: испроси нам у благости Его благопотребныя дары душам и телесем нашым; веру праву, надежду спасения несомненну, любовь ко всем нелицемерну, во искушениих мужество, в злостраданиих терпение, в молитвах постоянство, душ и телес здравие, земли плодоносие, воздуха благорастворение, житейских потреб довольство, мирное и безмятежное житие, благую христианскую кончину и добрый ответ на Страшнем Суде Христове.
Испроси, угодниче Божий, у Царя царствующих и Господа господствующих: страждущую страну Российскую от лютых безбожник и власти их да свободит, и да возставит престол православных правителей; верных рабов Его, в скорби и печали день и нощь вопиющих к нему, многоболезный вопль да услышит и да изведет от погибели живот наш.
Не забуди, преподобне отче, и пустынное место подвигов твоих, но благоволи о нем и прослави е чудотворении твоими: и всех, приходящих на поклонение мощем твоим святым, от искушений диавольских и всякаго зла милостивно избави.
Ей, чудотворче святый! Не лиши нас помощи твоея небесныя, но молитвами твоими вся ны приведи во пристанище спасения, и наследники яви нас всесветлаго Царствия Христова, да поем и славим неизреченныя щедроты Человеколюбца Бога, Отца и Сына и Святаго Духа, и твое святое отеческое заступление, во веки веков. Аминь.
Ґкafістъ с™0му прпdбному макaрію ри1млzнину, новогрaдскому чудотв0рцу
Кондaкъ №.
И#збрaнный и3 ди1вный подражaтелю пррbкwвъ и3ліи2 и3 крести1телz, пустhннымъ житіeмъ и3мъ поревновaвый и3 совершeннw бGу ўгоди1вый, прпdбне џ§е макaріе. пёсньми восхвалsемъ тS съ люб0вію, с™aго застyпника нaшего. тh же, ћкw и3мёzй дерзновeніе ко гDу, моли1сz непрестaннw њ сп7сeніи нaсъ грёшныхъ, и3 t всsкихъ бёдъ свобождaй зовyщихъ ти2:
Рaдуйсz, макaріе, вели1кій пустынножи1телю.
Јкосъ №.
АгGлwмъ любезную чистотY ю4ности твоеS возлюби1въ, прпdбне џ§е макaріе, вeтхій ри1мъ nтeчество твоE њстaвилъ є3си2, и3 во странY рwссjйскую ћкw ни1щъ и3 стрaненъ пришeлъ є3си2, да здЁ њбрsщеши пристaнище бlгопріsтное ко сп7сeнію. тёмже слaвимъ тS, ћкw и4стиннагw послёдователz хrт0ва, и3 зовeмъ ти2 хвалeбнw:
Рaдуйсz, ри1ма д0брое прозzбeніе: рaдуйсz, новaграда дух0вное ўкрашeніе.
Рaдуйсz, є3ђеліа хrт0ва вёрный послyшателю: рaдуйсz, зaповэдей і}совых рeвностный и3сп0лнителю.
Рaдуйсz, є3ди1наго хrтA t всёz души2 твоеS возлюби1вый: рaдуйсz, стезeю прaвою вослёдъ є3гw2 ходи1вый.
Рaдуйсz, пост0мъ ўмертви1вый въ себЁ душетлBнныz стр†сти: рaдуйсz, мlтвами ўсeрдными tрази1вый вс‰ и3скушeніz діaвwльскаz.
Рaдуйсz, возшeдый на высотY совершє1нства дух0внагw: рaдуйсz, прини1кій во глубинY смирeніz с™aгw.
Рaдуйсz, слeзъ твои1хъ течeньми ўплодоноси1вый пустhню непл0дную: рaдуйсz, и3з8 глубины2 воздыхaньми привлекjй на ню2 б9ію блгdть.
Рaдуйсz, макaріе, вели1кій пустынножи1телю.
Кондaкъ в7.
Ви1дэвъ всеви1децъ гDь благ0е души2 твоеS и3зволeніе, џ§е макaріе, є4же служи1ти и3 бlгоугождaти є3мY въ безм0лвіи пустhннэмъ, ўкaза тебЁ пустhню блaтную и3 непроходи1мую въ предёлэхъ вели1кагw новaграда, да всели1шисz тaмw, є3ди1нъ є3ди1ному бGу раб0тати въ пёніихъ, бдёніихъ и3 пощeніихъ. тh же пустhню, t бGа тебЁ ўкaзанную, њбрётъ, всели1лсz є3си2 въ нeй, ћкw въ раи2 слaдости зовhй: Ґллилyіа.
Јкосъ в7.
Разумёвъ мёсто, t бGуа тебЁ ўкaзанное къ совершeнію тaмw подвигHвъ пустhнныхъ, и3 возлюби1въ є5, џ§е макaріе, со слезaми тeплыми бGу моли1лсz є3си2, да спод0битъ тS скончaти на нeмъ житіE твоE земн0е, и3 pал0мски взывaлъ є3си2: сE пок0й м0й, здЁ вселю1сz во вёкъ. мh же воспоминaюще таков0е твоE благ0е и3зволeніе, вопіeмъ ти2 си1це:
Рaдуйсz, безм0лвіz люби1телю, пустhню п0двиги твои1ми њс™и1вый: рaдуйсz, жест0кое пустhнное житіE проходи1вый.
Рaдуйсz, pалмопёніи нем0лчными бGа слaвивый: рaдуйсz, мlтвы непрест†нныz гDеви возноси1вый.
Рaдуйсz, п0стниче не и3знемогazй, бhліемъ пустhннымъ питaвыйсz: рaдуйсz, трудолю1бче нелицемёрный, прaздность возненави1дэвый.
Рaдуйсz, худы6z и3 многошвє1нныz ри6зы носи1вый: рaдуйсz, вери6ги желBзныz хrтA рaди на сS возложи1вый.
Рaдуйсz, колэнопреклонeніz мнHгаz совершaвый: рaдуйсz, въ терпёніи и3 смирeніи преуспеsвый.
Рaдуйсz, слезaми мlтвенными њрошeнный: рaдуйсz, равноѓгGленъ на земли2 бhвый.
Рaдуйсz, макaріе, вели1кій пустынножи1телю.
Кондaкъ G.
Си1лою б9іею ўкрэплsемь, макaріе прпdбне, вели1кіz п0двиги и3 труды2 пусты6нныz благодyшнw проходи1лъ є3си2, и3 вс‰ страховaніz и3 и3скушeніz діaвwльскаz мlтвою ўсeрдною tрази1лъ є3си2, знaменіємъ кrтA хrт0ва враги2 неви6димыz прогонsz и3 побэждaz, во є4же не можaщи и5мъ прибли1житисz къ тебЁ, є3гдA пёлъ є3си2 бGу хвалeбную пёснь: Ґллилyіа.
Јкосъ G.
И#мёz помhслъ чи1стъ и3 непор0чну дyшу, џ§е макaріе, въ пустhннэмъ безм0лвіи видёній нбcныхъ спод0билсz є3си2, и3 ѓгGлwвъ собесёдникъ бhлъ є3си2, и3же ўтэшє1ніи бlгодатными ўслаждaху тебE скHрби пустhннагw пребывaніz. сегw2 рaди слhшиши t нaсъ бlгохвалє1ніz таков†z:
Рaдуйсz, рaбе гDень благjй и3 вёрный: рaдуйсz, мlтвенниче бlгопріsтный и3 многослезный.
Рaдуйсz, ѓгGельскагw посэщeніz ўдост0енный: рaдуйсz, на земли2 нбcнаz созерцaвый.
Рaдуйсz, ўчи1телю бlгочeстіz: рaдуйсz, настaвниче бGомyдріz.
Рaдуйсz, дрeво бlгосэнноли1ственное, въ пустhни возрaстшее: рaдуйсz, плоды2 сл†дкіz хrтY принесhй.
Рaдуйсz, пустhню ўплодоноси1вый: рaдуйсz, пустhнное њѕлоблeніе мyжески терпёвый.
Рaдуйсz, путeмъ тeснымъ шeствовавый: рaдуйсz, прострaнство цrтвіz б9іz њбрэтhй.
Рaдуйсz, макaріе, вели1кій пустынножи1телю.
Кондaкъ д7.
Бyрю многомzтeжную житeйскагw м0рz безбёднw прешeлъ є3си2, прпdбне џ§е макaріе, и3 во пристaнище безстрaстіz дости1глъ є3си2, направлsемь зaповэдьми хrтA бGуа, ћже бhша свэти1льникъ ногaма твои1ма и3 свётъ стезsмъ твои6мъ. тёмже на земли2 дост0йнw и3 прaведнw воспэвaлъ є3си2 тріеди1ному бGу: Ґллилyіа.
Јкосъ д7.
Слhшавше глаг0лы тво‰ бGодухновє1нныz, ловцы2 ѕвэрeй ди1віихъ, њбрётшіи кyщу твою2 въ пустhни, џ§е макaріе, ѓгGла пaче, нeже человёка, мнsху тS бhти, и3 рaдовахусz ѕэлw2, спод0бльшесz твоE бlгословeніе и3 мlтвы получи1ти. тh же хлёбъ тв0й сухjй съ ни1ми раздэли1лъ є3си2, и3 пyть и3мъ прaвый ўказaвъ, слhшалъ є3си2 t ни1хъ бlгодaрствєнныz глаг0лы сицєвhz:
Рaдуйсz, прaвило вёры и4стинныz: рaдуйсz, w4бразе кр0тости дух0вныz.
Рaдуйсz, человёче б9ій, прпdбіемъ ўкрaшенный: рaдуйсz, в0ине хrт0въ, враги2 неви6димыz побэди1вый.
Рaдуйсz, мjра д0льнzгw мyдрый стрaнниче: рaдуйсz, пустыннолюбивый гDень и3збрaнниче.
Рaдуйсz, вели1кихъ пустынножи1телей вёрный подражaтелю: рaдуйсz, дрeвнихъ бGоносных nтє1цъ рeвностный послёдователю.
Рaдуйсz, пустhню непроходи1мую въ жили1ще себЁ и3збрaвый: рaдуйсz, дeбрь блaтную славослHвіи б9іими њгласи1вый.
Рaдуйсz, бGопросвэщeнный подви1жниче: рaдуйсz, ѓгGлонрaвный человёче.
Рaдуйсz, макaріе, вели1кій пустынножи1телю.
Кондaкъ є7.
БGотeчное свэти1ло бhвъ, џ§е макaріе, къ сlнцу прaвды хrтY приводи1лъ є3си2 человёки, приходившыz къ тебЁ въ пустhню послyшати t тебЁ глаг0лы жи1зни вёчныz. и4бо дадeсz тебЁ t гDа блгdть поучeніz д¦0внагw, и3 бhсть kзhкъ тв0й ћкw тр0сть кни1жника скоропи1сца, начертавazй на сердцaхъ человёческихъ сп7си1тєльныz зaпwвэди хrтA бGа, є3мyже ўмилeннw пёлъ є3си2: Ґллилyіа.
Јкосъ є7.
Ви1дэвъ лю1ди, приходи1вшыz къ тебЁ въ пустhню, џ§е макaріе, цeрковь тaмw во и4мz прес™hz бцdы, честнaгw и3 слaвнагw є3S ўспeніz, соwруди1лъ є3си2. и3 њби1тель и4ноческую ўстр0илъ є3си2, тaже сщ7є1нства бlгодaть воспріeмъ, и3гyменъ тоS њби1тели бhлъ є3си2, приводsй брaтію твою2 пустhнную ко сп7сeнію. њ сeмъ тS хвaлимъ и3 зовeмъ:
Рaдуйсz, непор0чный nлтарS гDнz служи1телю: рaдуйсz, тaинствъ бжcтвенныхъ дост0йный соверши1телю.
Рaдуйсz, прпdбніи рyцЁ твои2 со дерзновeніемъ горЁ воздэsвый: рaдуйсz, мlтвы бlгоумилeнныz ў пrт0ла б9іz приноси1вый.
Рaдуйсz, пaстырю д0брый собрaннагw тоб0ю стадA пустhнныхъ nвeцъ: рaдуйсz, неусhпный дёлателю віногрaда хrт0ва.
Рaдуйсz, сотвори1вый и3 научи1вый, и3 тогw2 рaди вeлій наречeнный во цrтвіи нбcнэмъ: рaдуйсz, nтeчески возлюби1вый всю2 њ хrтэ брaтію твою2.
Рaдуйсz, ўчи1вый благоврeменнw ч†да тво‰ духHвнаz бGоугождeнію и4стинному: рaдуйсz, бhвый w4бразе прпdбіz твои6мъ ўченикHмъ.
Рaдуйсz, и4мz гDа ї}са во ўстёхъ и3 въ сeрдце твоeмъ непрестaннw и3мёвый: рaдуйсz, скHрби и3 лишє1ніz пустhнныz рaдостнw терпёвый.
Рaдуйсz, макaріе, вели1кій пустынножи1телю.
Кондaкъ ѕ7.
Проповёдникъ бhлъ є3си2 еђльскагw ўчeніz брaтіи твоeй, прпdбне џ§е макaріе, и3 ч†да тво‰ духHвнаz вёрнw руководи1лъ є3си2 къ цrтвію нбcному, и3дёже є4сть жили1ще всёхъ сп7сeнныхъ милосeрдіемъ хrтA бGа, пришeдшагw въ мjръ сп7сти2 пaдшее человёчество и3 дaвшагw лю1демъ во сп7сeніе сво‰ бжcтвенныz зaпwвэди, и5мже послёдовавъ, содёлалсz є3си2 и4стинный є3гw2 ўг0дникъ, нем0лчнw воспэвaz є3мY пёснь хвалы2 и3 бlгодарeніz: Ґллилyіа.
Јкосъ ѕ7.
Возсіsлъ є3си2 въ пустhни свётомъ бlгоразyміz, џ§е макaріе, и3 дeбрь блaтную и3 неудобопроходи1мую во ўчи1лище бlгочeстіz претвори1лъ є3си2 бGомyдрыми твои1ми словесы2, и5миже приходи1вшыz къ тебЁ вёрнw наставлsлъ є3си2 на стезю2 бGоугождeніz и3 сп7сeніz. тебЁ u5бо, с™0му ўчи1телю нбcныz и4стины, бlгодaрнw зовeмъ:
Рaдуйсz, є3ђліа хrт0ва нем0лчный проповёдниче: рaдуйсz, ґпcльскихъ предaній рeвностный храни1телю.
Рaдуйсz, вёрою прaвою и3 дёлы бlги1ми бGу ўгоди1вый: рaдуйсz, вослёдъ тебЁ и3 ч†да тво‰ духHвнаz къ немY приведhй.
Рaдуйсz, не сокрhвый талaнта, тебЁ вручeннагw домовLкою: рaдуйсz, кyплю мн0гу и3мъ сотвори1вый, сп7сeніе дyшъ человёческихъ.
Рaдуйсz, пустhню њбlгоухaвый слaдкимъ бlгоухaніемъ хrт0вымъ: рaдуйсz, въ нeй насади1вый духHвныz цвёты добродётелей.
Рaдуйсz, ћкw твои1ми ўчeньми грёшніи къ бGу въ покаsніи њбрати1шасz: рaдуйсz, ћкw твои1ми наставлeньми заблyждшіи прaвый пyть сп7сeніz њбрэт0ша.
Рaдуйсz, бли1жнихъ твои1хъ и4скреннw возлюби1вый: рaдуйсz, сп7сeнію и4хъ душeвному ўсeрднw послужи1вый.
Рaдуйсz, макaріе, вели1кій пустынножи1телю.
Кондaкъ з7.
Хотёніе и3мёлъ є3си2, прпdбне џ§е макaріе, є4же бGу бlгоугождaти и3 сп7сeнію душeвному бли1жнихъ твои1хъ бlгочeстнw служи1ти. тёмже всёхъ приходи1вшихъ къ тебЁ пріимaлъ є3си2 съ люб0вію, и3 ћкw к0рмчій д0брый, ўтомлє1нныz треволнeніемъ житeйскагw м0рz приводи1лъ є3си2 въ ти1хое пристaнище пустhннагw и4ноческагw житіS, поучaz и4хъ сeрдцемъ и3 ўсты2 нем0лчнw возглашaти бGу: Ґллилyіа.
Јкосъ з7.
Н0вагw тS макaріа вели1каго, настaвника душеспасительнаго, kви2 хrт0съ во странЁ рwссjйстэй, прпdбне џ§е, и3 ди1вными дaры б9іz блгdти њбогати2 тебE, душeвныz рaди твоеS чистоты2 и3 мн0гіz свsтости: дадeсz бо ти2 свhше бlгодaть чудотворeніz и3 прозорли1вства, и3 бhлъ є3си2 прbр0къ и3 врaчъ безмeздный лю1демъ, и5же научи1шасz звaти тебЁ:
Рaдуйсz, крjне пустhннагw прозzбeніz: рaдуйсz, мaслино б9іz бlгословeніz.
Рaдуйсz, пустhню дух0внw ўплодоноси1вый: рaдуйсz, њби1тель и4ноческую въ нeй возгради1вый.
Рaдуйсz, ч†да послyшаніz и3 смирeніz въ нeй насели1вый: рaдуйсz, nтeцъ и4стинный ўченикHмъ твои6мъ бhвый.
Рaдуйсz, болsщыz мlтвою твоeю и3сцэли1вый: рaдуйсz, скорбsщыz словесы2 твои1ми бGомyдрыми ўтёшивый.
Рaдуйсz, б{дущаz ћкw насто‰щаz созерцaвый: рaдуйсz, помышлє1ніz человёчєскаz прозрэвaвый.
Рaдуйсz, дрeвнимъ прbр0кwмъ равночeстный: рaдуйсz, дарHвъ с™aгw д¦а преисп0лненный.
Рaдуйсz, макaріе, вели1кій пустынножи1телю.
Кондaкъ }.
Стрaнникъ и3 пришлeцъ бhлъ є3си2 во странЁ рwссjйстэй, прпdбне џ§е макaріе, непрестaннw взыскyzй nтeчества г0рнzгw, їеrли1ма нбcнагw. тёмже всsкое попечeніе њ земнёмъ стzжaніи tложи1лъ є3си2, и3 въ крaйней нищетЁ жи1знь твою2 провождaлъ є3си2, да њбогати1шисz нетлённымъ злaтомъ t првdнагw мздовоздaтелz хrтA бGа, є3мyже при1снw пёлъ є3си2: Ґллилyіа.
Јкосъ }.
Вeсь въ бз7э бhвъ, прпdбне џ§е макaріе, во глубочaйшую пустhню t њби1тели твоеS ўдали1лсz є3си2, и3 на џстровэ посредЁ блaта кyщу себЁ постaвивъ, въ безм0лвіи совершeннэмъ мlтвами непрестaнными съ бGомъ бесёдовалъ є3си2, мши1цъ ўгрызeніе и3 пустhнное њѕлоблeніе мyжественнw терпS. поминaюще u5бо таков0е твоE терпёніе и3 ѕлострадaніе, ћкw м§никwвъ сострадaльца чeствуемъ тS зв†ніи си1ми:
Рaдуйсz, безстрaстіе совершeнное стzжaвый: рaдуйсz, безм0лвіz ненаруши1магw возжелёвый.
Рaдуйсz, мlтвы непрест†нныz возлюби1вый: рaдуйсz, њбразъ ѕлострадaніz и3 долготерпёніz себE kви1вый.
Рaдуйсz, тёло твоE мши1цъ ўгрызeніемъ ўzзви1вый: рaдуйсz, нищелю1бецъ крaйній бhвый.
Рaдуйсz, бlжeнство ни1щихъ д¦омъ ўнаслёдивый: рaдуйсz, њ є3ди1номъ на потрeбу всегдA помышлsвый.
Рaдуйсz, на земли2 нбcнw пожи1вый: рaдуйсz, во пл0ти безпл0тнымъ поревновaвый.
Рaдуйсz, м§никwвъ сострадaльче: рaдуйсz, прпdбныхъ красото2.
Рaдуйсz, макaріе, вели1кій пустынножи1телю.
Кондaкъ f7.
ВсBмъ приходи1вшымъ къ тебЁ въ пустhню, прпdбне џ§е макaріе, бhсть ди1внw ви1дэти тS, въ раздрaннэй и3 многошвeннэй ри1зэ ходи1вшаго, вери6ги т‰жкіz на рaменахъ носи1вшаго и3 въ мёсте блaтнэмъ ўединeннw пребывaвшаго, внЁ всsкагw человёческагw ўтэшeніz. nбaче ты2 вс‰ приходи6вшыz со свётлымъ лицeмъ и3 люб0вію nтeческою пріимaлъ є3си2, бог†тыz и3 ўбHгіz, вельм0жы и3 просты6z, и3 коемyждо сл0во душеполeзно изрекaлъ є3си2, ўвэщавaz и4хъ бlгоугождaти бGу вёрою прaвою и3 дёлы бlги1ми и3 звaти є3мY: Ґллилyіа.
Јкосъ f7.
Витjи прем{дрыz превозшeлъ є3си2 бlгодaтнымъ дёйствомъ словeсъ твои1хъ, прпdбне џ§е макaріе, занE тёми грёшныz на покаsніе приводи1лъ є3си2, кaющыzсz ўцэломyдрилъ є3си2, подвизaющыzсz въ добродётели ўкрэпи1лъ є3си2, и3 всBмъ пyть сп7си1тельный ко хrтY показaлъ є3си2, по немyже сaмъ неукл0ннw шeствовалъ є3си2 до бlжeнныz твоеS кончи1ны, дост0инъ вои1стинну kви1всz похвaлъ таковhхъ:
Рaдуйсz, написaвый на скрижaлехъ сeрдца твоегw2 зак0нъ хrт0въ: рaдуйсz, провозвёстникъ є3гw2 бли6жнимъ твои6мъ бhвый.
Рaдуйсz, ћкw бhша словесA твоS мeда сладч†йша жaждавшымъ ўчeніz д¦0внагw: рaдуйсz, ћкw твои1ми наставлeньми сп7с0шасz мн0зи.
Рaдуйсz, и3з8 глубины2 пустhни свэти1вый мjру: рaдуйсz, t дeбри блaтныz возсіsвый зарeю бlгоразyміz.
Рaдуйсz, рwссjйскіz страны2 бlгодaтное њзарeніе: рaдуйсz, новaграда д¦0вное просвэщeніе.
Рaдуйсz, главо2 с™az, бlгодaтію б9іею њсэнeннаz: рaдуйсz, и3ст0чниче њби1льный ўчeніz душесп7си1тельнагw.
Рaдуйсz, проповёдниче сладкоглаг0ливый, вэщaвый словесA жи1зни вёчныz: рaдуйсz, ўгот0вавый ўчeньми твои1ми гDеви подви1жники совершeнныz.
Рaдуйсz, макaріе, вели1кій пустынножи1телю.
Кондaкъ ‹.
Сп7сeніz надeжду стzжaлъ є3си2 при и3сх0дэ твоeмъ, прпdбне џ§е макaріе, и3 ћкwже пшени1ца зрёлаz, во врeмz пожaтаz, кончи1ною с™0ю пресели1лсz є3си2 t земли2 во њби1тєли гHрніz, пріsти мздY t рyки првdнагw мздовоздaтелz хrтA, и3же вчини2 дyшу твою2 со с™hми, нем0лчнw возглашaющими пред8 пrт0ломъ сл†вы є3гw2 побёдную пёснь: Ґллилyіа.
Јкосъ ‹.
ЦRS нбcнагw хrтA вёрный рaбъ и3 ўг0дникъ бhлъ є3си2, прпdбне џ§е макaріе. тёмже и3 донhнэ мёсто пустhнное твои1хъ п0двигwвъ ћснw свидётельствуетъ њ твоeмъ бGоугождeніи, ћкw ты2 со хrт0мъ во њби1телехъ бlжeнства вёчнагw водворsешисz, бlгоухaніе чyдное и3спущaz t честнaгw твоегw2 гр0ба. сегw2 рaди вопіeмъ ти2:
Рaдуйсz, рaдостнw предaвый дyшу твою2 въ рyцэ б9іи: рaдуйсz, с™yю кончи1ну получи1вый въ возмeздіе трудHвъ твои1хъ.
Рaдуйсz, бlгоухaніе слaдостное и3спусти1вый t мeртвагw твоегw2 тэлесE: рaдуйсz, сіE бlгоухaніе и3 донhнэ и3спущazй вBрнымъ t честнaгw твоегw2 гр0ба.
Рaдуйсz, мощaми твои1ми въ пустhни твоeй погребeнный: рaдуйсz, душeю безсмeртною въ сіHне г0рнэмъ водворeнный.
Рaдуйсz, въ нёдрэхъ земнhхъ смирeннw почивazй: рaдуйсz, t рaки твоеS преслaвнw и3сцэлeніz и3сточazй.
Рaдуйсz, чудесы2 мн0гими прослaвленный: рaдуйсz, сострадaніz къ лю1демъ преисп0лненный.
Рaдуйсz, благjй цэлeбниче недyгwвъ душeвныхъ и3 тэлeсныхъ: рaдуйсz, нбcный застyпниче съ вёрою къ тебЁ притекaющихъ.
Рaдуйсz, макaріе, вели1кій пустынножи1телю.
Кондaкъ №i.
Пёніе прес™ёй трbцэ горЁ прин0сиши, прпdбне џ§е макaріе, и3 при1снw ходaтайствуеши за лю1ди, моли1твеннw тS почитaющыz, просS и5мъ ми1ра свhше и3 бlгопоспэшeніz во всeмъ бlг0мъ. моли1сz, ўг0дниче б9ій, и3 за нaсъ смирeнныхъ и3 грёшныхъ, п0двиги тво‰ хвалeбнw воспоминaющихъ и3 и4мz твоE с™0е въ п0мощь призывaющихъ, да не лишeни бyдемъ наслёдіz нбcнагw и3 пёніz со с™hми: Ґллилyіа.
Јкосъ №i.
Свэти1льника тS бlгодaтнагw вёмы, прпdбне џ§е макaріе, и3 прославлsемъ прослaвльшаго тS гDа, и4же чудесы2 мн0гими гр0бъ тв0й њзнаменовA. струи2 бо и3сцэлeній бlгодaтныхъ и3сточaеши вBрнымъ, во є4же вопи1ти тебЁ:
Рaдуйсz, земнhй ѓгGле: рaдуйсz, нбcный человёче.
Рaдуйсz, безмeзднагw врачевaніz и3ст0чниче: рaдуйсz, ми1лости дух0вныz подaтелю.
Рaдуйсz, мmропол0жнице бlгоухaніz хrт0ва: рaдуйсz, ўслаждazй дyшы нaшz вонeю слaдкою t с™aгw твоегw2 гр0ба.
Рaдуйсz, скорбsщихъ ўтёшителю: рaдуйсz, болsщихъ цэли1телю.
Рaдуйсz, въ с0ніихъ и3 видёніихъ вёрныz посэщazй: рaдуйсz, пустhню твою2 чудесы2 прославлszй.
Рaдуйсz, смирeніемъ выс0каz стzжaвый: рaдуйсz, дерзновeніе мн0гое ко гDу получи1вый.
Рaдуйсz, макaріе, вели1кій пустынножи1телю.
Кондaкъ в7i.
Блгdть t гDа и3спроси2 нaмъ, прпdбне џ§е макaріе, почитaющымъ съ люб0вію с™yю пaмzть твою2 и3 ўсeрднw притекaющымъ къ честнёй рaцэ мощeй твои1хъ с™hхъ, t неsже чудє1снаz и3сцэлє1ніz подаeши недyжнымъ. тёмже прилёжнw м0лимсz тебЁ: и3сцэли2 нaшz нед{ги душє1вныz и3 тэлє1сныz, и3 помози2 нaмъ предстaтельствомъ твои1мъ сп7сeніе вёчное получи1ти, да вкyпэ съ тоб0ю воспоeмъ ди1вному во с™hхъ свои1хъ бGу: Ґллилyіа.
Јкосъ в7i.
Пою1ще п0двиги тво‰ пусты6нныz, прпdбне џ§е макaріе, ўбlжaемъ равноaгGльное житіE твоE, и4мже поучaеши нaсъ ко славосл0вію хrтA бGа, kви1вшагw тS чудотв0рца преслaвна. тёмже припaдающе къ рaцэ мощeй твои1хъ, ўми1льнw глаг0лемъ:
Рaдуйсz, прес™hz трbцы вёрный ўг0дниче: рaдуйсz, прес™hz бцdы ўсeрдный слaвителю.
Рaдуйсz, ѓгGльскихъ ли1кwвъ собесёдниче: рaдуйсz, всёхъ с™hхъ сожи1телю.
Рaдуйсz, пустынножи1телей слaво и3 похвало2: рaдуйсz, рwссjйскіz цRкве д¦0внаz лэпото2.
Рaдуйсz, пустhни твоеS сокр0вище бlгодaтное: рaдуйсz, недyгующихъ врачевство2 бGомъ даровaнное.
Рaдуйсz, приходsщихъ на поклонeніе мощeмъ твои6мъ с™ы6мъ бlгjй предстaтелю: рaдуйсz, почитaющихъ с™yю пaмzть твою2 нбcный покрови1телю.
Рaдуйсz, дyшъ и3 тэлeсъ нaшихъ цэлeбниче: рaдуйсz, преслaвный и3 преди1вный чудотв0рче.
Рaдуйсz, макaріе, вели1кій пустынножи1телю.
Кондaкъ Gi.
Q прпdбне и3 бGон0сне џ§е макaріе! вонми2 ми1лостивнw глaсу молeніz нaшегw, и3 пріими2 сіE мaлое похвaльное пёніе, съ вёрою и3 люб0вію тебЁ приноси1мое t нaсъ недост0йныхъ, и3 ўмоли2 гDа и3 вLку нaшего, и3збaвити нaсъ t поги1бели вёчныz и3 спод0бити бlжeнства с™hхъ, вопію1щихъ є3мY вёчнw хвалeбную пёснь: Ґллилyіа.
Конда1къ се1й глаго1лн G-жды, таже i4косъ №-й, и3 кондaкъ №-й.
Моли1тва.
Q сщ7eннаz главо2, земнhй ѓгGле и3 нбcный человёче, прпdбне и3 бGон0сне џ§е макaріе! припaдаемъ ти2 съ вёрою и3 люб0вію и3 м0лимсz прилёжнw: kви2 нaмъ смирeннымъ и3 грёшнымъ с™0е твоE заступлeніе. сe бо, грBхъ рaди нaшихъ, не и4мамы своб0ды чaдъ б9іихъ проси1ти њ потрeбахъ нaшихъ гDа и3 вLку нaшего, но тебE мlтвенника бlгоприzтнаго къ немY предлагaемъ, и3 пр0симъ тS со ўсeрдіемъ мн0гимъ: и3спроси2 нaмъ ў бlгости є3гw2 бlгопотрє1бныz дaры душaмъ и3 тэлесє1мъ нaшымъ: вёру прaву, надeжду сп7сeніz несомнённу, люб0вь ко всBмъ нелицемёрну, во и3скушeніихъ мyжество, въ ѕлострадaніихъ терпёніе, въ моли1твахъ постоsнство, дyшъ и3 тэлeсъ здрaвіе, земли2 плодон0сіе, воздyха бlгорастворeніе, житeйскихъ потрeбъ дов0льство, ми1рное и3 безмzтeжное житіE, бlгyю хrтіaнскую кончи1ну и3 д0брый tвётъ на страшнёмъ судЁ хrт0вэ. нE забyди, прпdбне џ§е, и3 пустhнное мёсто подвигHвъ твои1хъ, но бlговоли2 њ нeмъ и3 прослaви є5 чудотворє1ніи твои1ми: и3 всёхъ, приходsщихъ на поклонeніе мощeмъ твои6мъ с™ы6мъ, t и3скушeній діaвольскихъ и3 всsкагw ѕлA ми1лостивнw и3збaви. є4й, чудотв0рче с™hй! не лиши2 нaсъ п0мощи твоеS нбcныz, но мlтвами твои1ми вс‰ ны2 приведи2 во пристaнище сп7сeніz, и3 наслёдники kви2 нaсъ всесвётлагw цrтвіz хrт0ва, да поeмъ и3 слaвимъ неизречє1нныz щедрHты человэколю1бца бGа, nц7A и3 сн7а и3 с™aгw д¦а, и3 твоE с™0е nтeческое заступлeніе, во вёки вэкHвъ. Ґми1нь.
Краткое житие преподобного Макария Римлянина, Новгородского
Родился в Риме в конце XV в. от благочестивых родителей. Воспитанный в строгих религиозных законах, преподобный, покинув Рим с его духовным разладом, достиг Великого Новгорода. Здесь он поступил в Свирский монастырь и принял монашество. По благословению старца преподобный Макарий поселился для безмолвия на островке реки Лензи. В строгих подвигах бдения, поста и беспрестанных молитв, питаясь ягодами и травами, он подвизался немало времени в полном уединении.
Своими подвигами преподобный привлек к месту особую благодать, привлекавшую людей, жаждущих духа наставлений и иноческой жизни и явившуюся то в виде огненного столпа, то в виде благоуханного дыма, распространявшегося по окрестности. Вскоре на месте своих подвигов преподобный Макарий основал обитель, где стал первым игуменом. Управляя монастырем в течение нескольких лет, святой стяжал от Господа дар прозорливости и чудотворения.
Мирная кончина преподобного Макария последовала 15 августа во второй половине XVI в. Тело святого было погребено в построенной им Успенской церкви.
Полное житие преподобного Макария Римлянина, Новгородского
Преподобный Макарий Римлянин, Новгородский, родился в конце XV столетия в Риме в семье богатых и знатных граждан. Родители воспитали его в строгих законах религии и дали ему блестящее образование. Изучение Священного Писания и творений святых отцов было постоянным занятием будущего подвижника.
Духовный разлад западноевропейского общества и церковные нестроения побудили его идти на восток. Раздав неимущим богатство, преподобный Макарий покинул Рим.
Труден был путь подвижника. Наконец он достиг Великого Новгорода. Благолепие церквей и многочисленных монастырей новгородских поразили преподобного Макария. Паломничая по обителям новгородским, он пришел в Свирский монастырь преподобного Александра († 1533; память 30 августа/12 сентября и 17/30 апреля), где игуменствовал сам основатель обители.
Приняв здесь монашество с именем Макарий, преподобный решил навсегда затвориться в келлии. По благословению преподобного Александра Свирского инок Макарий избрал себе островок заболоченного берега реки Лензы, где срубил келлию.
Изнуряя плоть и смиряя дух, в строгих подвигах бдения, поста и беспрестанных молитв, питаясь ягодами и травами, он подвизался немалое время в полном уединении. Господь восхотел явить подвижника миру и через него привести многих к душевному спасению. Однажды Промыслом Божиим к келлии преподобного пришли охотники, заблудившиеся среди болотных топей. Преподобный Макарий принял путников в своей келлии и поделился своей скромной пищей. Покидая его, охотники дивились смирению и уму одинокого подвижника. Молва о его святой жизни стала распространяться в округе, привлекая людей, жаждавших духовных наставлений и иноческой жизни. Преподобный не отказывал в духовной помощи страждущим, но мирская слава тяготила его. Преподобный Макарий переселился еще далее, в глубь болота, но Господь дивным образом открыл людям его новое убежище. Своими подвигами он привлек к месту особую благодать Божию, являвшуюся окрестным жителям то в виде столпа огненного, то в виде благоуханного дыма, распространявшегося по окрестностям. Усердно помолившись Господу, преподобный Макарий благословил ревнителей жизни иноческой ставить здесь келлии. Так было положено начало новой обители.
Вскоре была построена небольшая деревянная церковь в честь Успения Пресвятой Богородицы (ок. 1540 г.). Первым игуменом стал сам преподобный Макарий, возведенный в священный сан святителем Новгородским, митрополитом Макарием. Управляя обителью в течение нескольких лет, преподобный Макарий стяжал у Господа дар прозорливости и чудотворения. Предчувствуя кончину, преподобный передал настоятельство одному из учеников, сам же удалился на место своего первоподвижничества. Здесь преподобный Макарий мирно почил о Господе 15 августа во второй половине XVI века. Иноки погребли своего игумена у стены созданной им Успенской церкви.
В 1761 году при перестройке храма над могилой преподобного Макария Римлянина устроен придел в его честь.
Разоренный шведами в 1615 году, монастырь преподобного Макария Римлянина был восстановлен в XIX веке.
См. также: Память преподобного Макария Римлянина, Новгородского. Иером. Макарий Симонопетрский
