Акафист святому преподобному Александру, игумену Свирскому, чудотворцу
Память: 30 апреля (17 апреля ст. ст.); 12 сентября (30 августа ст. ст.)
Утвержден для общецерковного использования.
Кондак 1
Избранный угодниче Христов и чудотворче, преподобный отче Александре, возсиявый мирови, яко звезда богосветлая, жития твоего добротою и множеством чудотворений, восхваляем тя любовию в песнех духовных: ты же, яко имеяй дерзновение ко Господу, молитвами твоими от всяких нас бед свободи, да зовем ти:
Радуйся, преподобне Александре, Свирский чудотворче.
Икос 1
Ангельский нрав имел еси, отче преподобне, и яко безплотный, непорочно житие совершил еси на земли, дивный образ совершенства духовнаго нам оставив, да подражаем добродетелем твоим и зовем ти сице:
Радуйся, благочестивых родителей плод богодарованный; радуйся, неплодие рождших тя разрешивый.
Радуйся, сетование их на радость преложивый; радуйся, от пелен Богом избранный.
Радуйся, от утробы матерния на службу Ему предуставленный; радуйся, от юности Его Единаго всем сердцем возлюбивый.
Радуйся, вся красная мира сего нивочтоже вменивый; радуйся, постом и бдением молитвенным плоть твою удручивый.
Радуйся, непорочный сосуде Божия благодати; радуйся, жилище Духа Святаго, украшенное чистотою.
Радуйся, мужу желаний духовных; радуйся, главо, освященная десницею Всевышняго.
Радуйся, преподобне Александре, Свирский чудотворче.
Кондак 2
Видя Господь душу твою, яко ниву благовозделанную к плодоносию духовному, от юности к исканию единаго на потребу направи твой помысл, преподобне, темже любве ради Христовы, родителей твоих и дом отеческий оставил еси, всякаго пристрастия суетнаго свободився, притекл еси в пустынную обитель Валаамскую на подвиги иноческия, зовый спасающему тя Богу: Аллилуиа.
Икос 2
Разумом богопросвещенным постигл еси суету мира сего и непостоянство, в немже радость сменяется скорбию, благополучие наветуется нечаянными бедами. Темже вечных нетленных благ возжелел еси, отче преподобне, и сия взыскати потщался еси отречением мирских благ и вольною нищетою, подвигая нас звати тебе:
Радуйся, пустыннаго безмолвия любителю; радуйся, смирения и нестяжания рачителю.
Радуйся, истиннаго самоотвержения совершенный образе; радуйся, иноческаго равноангельскаго жития всеизрядное явление.
Радуйся, правило веры и благочестия; радуйся, зерцало терпеливаго послушания.
Радуйся, безмолвие иноческое возлюбивый; радуйся, слезы духовныя стяжавый.
Радуйся, плачем временным блаженство вечное снискавый; радуйся, молитвами непрестанными прилоги вражия сокрушивый.
Радуйся, бдением и труды плоть твою духови покоривый; радуйся, постом и воздержанием страсти укротивый.
Радуйся, преподобне Александре, Свирский чудотворче.
Кондак 3
Силою Всевышняго осененный и укрепляемый, в иночестем пострижении власов главы твоея все плотское мудрование отложил еси, преподобне, и яко воин благоискусный, схиму иноческую в броню спасения стяжав и непобедимым оружием Креста Христова вооружився, крепко ратовал еси противу врага невидимаго диавола, смирением глубоким побеждая его вознесенную гордыню и выну вопия ко Господу: Аллилуиа.
Икос 3
Имея слез источник изобильный, угодниче Божий, и умиления велию благодать, хлеб твой слезами орошал еси и питие плачем растворял, от преизбытка желания божественнаго и любве ко Господу. Темже и мы ублажаем тя звании сими:
Радуйся, крепости и мужества тезоименитый подвижниче; радуйся, ангелоподобный человече.
Радуйся, Царя Небеснаго воине добропобедный; радуйся, Валаамския обители плоде добрый.
Радуйся, пустынножителю благоприятный; радуйся, молитвенниче неусыпающий.
Радуйся, постниче изрядный; радуйся, безмолвниче дивный.
Радуйся, подвигом древних богоносных отцев последователю; радуйся, их терпению и трудом подражателю.
Радуйся, благовременно могилу себе ископавый; радуйся, о смертнем часе непрестанно помышлявый.
Радуйся, преподобне Александре, Свирский чудотворче.
Кондак 4
Буря искушений и устремлений диавольских не возможе поколебати храмины твоея душевныя, преподобне отче, основана бо бе на твердем камени веры во Христа и хранима трезвением и молитвами непрестанными, имиже выну противоборствовал еси врагу спасения человеческаго и непреткновенно восходил еси по стезем добродетелей к совершенству духовному в меру возраста Христова, воспевая Богу: Аллилуиа.
Икос 4
Слышав похваляема себе от человек, убоялся еси превозношения суетнаго, отче богомудре, и яко истинный смирения образ, умыслил еси убежати в пустыню неизведанную, на реку Свирь, на место, свыше тебе указанное в видении чудном, да тамо невозбранно Единому Богу поработаеши, идеже мы сретаем тя благохвалении сими:
Радуйся, смирившагося до рабия зрака Христа Господа благий последователю; радуйся, святых Его заповедей усердный исполнителю.
Радуйся, девственниче душею и телом; радуйся, трудолюбче нелицемерный.
Радуйся, презревый славу человеческую суетную; радуйся, сокрушивый сети тщеславия и гордыни.
Радуйся, поправый высокоумия душевредную прелесть; радуйся, усвоивый себе святое смирение Христово.
Радуйся, исполнивый вся обеты иночества; радуйся, украсивыйся дарами благодати Божия.
Радуйся, по благодати приемый власть на духи нечистыя; радуйся, нивочтоже вменивый тех устрашения и привидения.
Радуйся, преподобне Александре, Свирский чудотворче.
Кондак 5
Светозарная луча озари в нощней темноте место пустынное, на немже вселитися пришел еси, преподобне, знаменуя собою светлость души твоея и пламенеющее любовию ко Господу сердце твое, идеже благоприятно бысть Творцу твое произволение работати Ему в преподобии и святости и пети Ему тамо хвалебную песнь: Аллилуиа.
Икос 5
Видевше ангельстии чинове равноангельское житие твое, отче богоблаженне, смирения твоего глубину, молитвы неотступность, воздержания твердость и велию ревность духа твоего о чистоте, удивишася и прославиша человеколюбца Бога, укрепляющаго немощное естество человеческое. Мы же ублажаем тя и зовем:
Радуйся, светильниче пустынный, просветивый страну карельскую сиянием твоих добродетелей; радуйся, монашествующих дивное украшение.
Радуйся, крине благоуханный пустыннаго прозябения; радуйся, древо благоплодное небеснаго насаждения.
Радуйся, возлюбивый благолепие дому Божия; радуйся, в самем себе храм Триипостасному Божеству уготовивый.
Радуйся, преподобием и правдою одеянный; радуйся, союзом добродетелей удобренный.
Радуйся, помазание приемый от Святаго Духа; радуйся, освященный сосуде благодати Божия.
Радуйся, рабе Христов благий и верный; радуйся, слуго Господень истинный.
Радуйся, преподобне Александре, Свирский чудотворче.
Кондак 6
Проповедник подвигов твоих в пустыни Свирстей явился ловец зверей дивиих, иже, гнав еленя в дубраве непроходимей, смотрением Божиим обрете храмину твою, преподобне отче: видев же тя во плоти ангела, знамение благодатнаго озарения на лице своем носяща, страха и радости исполнися и припад к честным твоим стопам, во умилении сердца возопи Зиждителю Богу: Аллилуиа.
Икос 6
Возсиял еси в пустыни Свирстей, богосветлое светило, и на спасения стезю наставил еси многи души человеческия: яви бо тя Христос наставника и учителя иноком пустыннолюбивым, иже стекахуся к тебе, яко овцы к пастырю, могущу упасти их на пажити живоносней. Темже, яко сотворившаго и научившаго, чествуем тя сими похвальными словесы:
Радуйся, источниче богодухновенных учений; радуйся, хранилище изобильнаго умиления.
Радуйся, одушевленныя скрижали закона Господня; радуйся, немолчный пропопедниче Евангелия Христова.
Радуйся, заповеди Господни исполнивый и оным научивый учеников твоих; радуйся, ленивых подвигнувый к исправлению твоими христоподражательными нравы.
Радуйся, немощных укрепивый данною ти от Господа благодатию; радуйся, скорбящих утешивый сладостию твоих словес.
Радуйся, грешных к покаянию направивый; радуйся, юныя уцеломудривый.
Радуйся, сострадания исполненный; радуйся, в милости богатый.
Радуйся, преподобне Александре, Свирский чудотворче.
Кондак 7
Хотя Человеколюбец Господь прославити место подвигов твоих, отче, посла ангела Своего благовестити тебе, яко будет на месте том обитель иноком во спасение, и в ней храм во имя Святыя Троицы. Ты же, явлением безплотнаго просвещен, с радостным трепетом внимал еси благовестию небесному, зовый в смирении духа Владыце ангелов и человеков: Аллилуиа.
Икос 7
Новое знамение благоволения Божия даровася тебе, преподобне, егда безмолвствующу ти в избранней пустыни, в нощи свет велий облиста тя, и три мужа в одеждах светлых предсташа пред тобою, мир тебе дарующе и повелевающе, да устроиши тамо обитель иноческую и в ней храм во имя Святыя Троицы. Дивяся убо сему пречудному в триех ангельских лицех Троическому явлению, зовем ти:
Радуйся, таинниче Пресвятыя и Единосущныя Троицы; радуйся, самовидче неизреченнаго Божия явления.
Радуйся, собеседниче светоносных ангельских сил; радуйся, созерцателю лучезарнаго Божественнаго видения.
Радуйся, причастниче огнезрачнаго трисолнечнаго сияния; радуйся, поклонниче Триипостаснаго Божества.
Радуйся, в смертнем телеси безсмертия зарею просвещенный; радуйся, на земли небеснаго посещения удостоенный.
Радуйся, смирением высокая стяжавый; радуйся, нищетою богатую милость Господню улучивый.
Радуйся, сеявый слезами радость присносущную; радуйся, приемый исполнение обетований непреложных.
Радуйся, преподобне Александре, Свирский чудотворче.
Кондак 8
Страннолепно явися ти на воздусе ангел Господень в мантии и куколи иночестем, указуяй место, на немже храм во имя Живоначальныя Троицы имел еси создати в пустыни Свирстей, преподобне отче, егоже Божиим поспешением совершив и освятив, со ученики твоими немолчныя хвалы возсылал еси в нем Господеви, зовый: Аллилуиа.
Икос 8
Всего себе предав воле Господней, учениками твоими умоленный, священства благодать восприяти не уклонился еси, отче, аще и тужаше дух твой, ужасаяся высоты сея, но послушание явил еси духовным чадом твоим, подвизая их согласно звати тебе:
Радуйся, безкровныя жертвы достойный совершителю; радуйся, олтаря Господня благоговейный служителю.
Радуйся, преподобныя руце твои со многим дерзновением ко Господу воздеявый; радуйся, молитвы теплейшия от сердца чиста к престолу Вседержителя возносивый.
Радуйся, образ благочестия бывый твоим учеником; радуйся, мастию священства умащенная главо.
Радуйся, вождю благоискусный воинов духовных; радуйся, отче благомудрый общежития иноческаго.
Радуйся, свеще, в молитве к Богу возжженная; радуйся, звездо, ко спасению путь верный показующая.
Радуйся, маслино, елей милости Божия источившая; радуйся, чаше, жаждущих учения спасительнаго напоившая.
Радуйся, преподобне Александре, Свирский чудотворче.
Кондак 9
Вси иноцы обители твоея в радостный трепет приидоша, егда устремление потока воднаго, на святую обитель твою движущееся, молитвою твоею укротил еси и призыванием всесильнаго имене Иисус Христова бурному потоку тещи безвредно устроил еси на благую потребу иночествующих; еже видевше духовная чада твоя, всеумиленно возгласиша купно с тобою Богу: Аллилуиа.
Икос 9
Витийство человеческое не довлеет изрещи обилие радости духовныя, еюже преисполнился еси, отче богоносне, егда во время молитвы твоея нощныя явися ти Пресвятая Богородица с ликом чинов ангельских и обетовании непреложными душу твою возвесели, яко присная заступница обители твоея будет, снабдевающи и покрывающи ю по вся дни. Темже и мы сия радостныя тебе приносим глаголы:
Радуйся, благоволением Богоматере осененный; радуйся, посещением Царицы Небесе и земли утешенный.
Радуйся, слышавый милостивыя от уст Ея глаголы; радуйся, приемый обетование крепкаго Ея обители заступления.
Радуйся, любимиче Ея преискренний; радуйся, избранниче Сына Ея и Бога.
Радуйся, даром чудотворения облагодатствованный; радуйся, будущая, яко настоящая, провидевый.
Радуйся, рыбарем ловитву чудесно умноживый; радуйся, неплодным родителем чадородие даровавый.
Радуйся, болящия здравы возставивый; радуйся, тайная согрешения человеческая обличивый.
Радуйся, преподобне Александре, Свирский чудотворче.
Кондак 10
Спасти хотя души ученик твоих, отечески назидал еси их, богомудре, оваго словом, оваго примером жития твоего, с кротостию обличая, с любовию увещавая их преуспевати в благочестии и чистоте: наипаче же пред кончиною твоею вся ко спасению душевному благопотребная заповедал еси им и научил еси их в молитвах бодрствовати и немолчно пети Богу: Аллилуиа.
Икос 10
Стена заступления быша молитвы твоя, чудотворче святый, всем с верою к тебе притекающим во всякой скорби, ибо чистоты ради твоея сердечныя сила духовная от Бога тебе даровася, болящих исцеляти, бедствующим помогати, будущая прорицати, яко славити ближним и дальним величия Божия, в тебе явленная, и звати тебе сице:
Радуйся, врачу немздоприемный недугов человеческих; радуйся, не токмо телесных, но и душевных болезней изрядный целителю.
Радуйся, слепым прозрение даровавый; радуйся, сляченных и увечных здравы сотворивый.
Радуйся, бесных от диавольскаго удручения свободивый; радуйся, изступленным ум здравый возвративый.
Радуйся, покрытых струпами уврачевавый; радуйся, печальных утешивый.
Радуйся, бедствующим на помощь ускоривый; радуйся, плененным и в темнице седящим ослабу и свободу явлением твоим даровавый.
Радуйся, преподобне Александре, Свирский чудотворче.
Кондак 11
Пение всеумиленное принесл еси Пресвятей Троице во время кончины твоея, преподобне, и в молитве, сущей на устех твоих, предал еси святую душу твою в руце Живаго Бога, Егоже от юности возлюбил еси и Емуже до старости маститыя работал еси нелицемерно, темже со упованием благим радостно прешел еси к обителем небесным, со ангельскими лики пети Триипостасному Богу: Аллилуиа.
Икос 11
Мирную кончину твою видевше твои ученицы, великий угодниче Божий, скорбь разлучения с тобою утешением благодатным раствориша, в уповании всесильнаго предстательства твоего горе у Престола Божия, идеже слышиши с любовию тебе зовущих:
Радуйся, венец безсмертныя жизни приемый от руки Вседержителя; радуйся, ликовствуяй в чертозе Небеснаго Домовладыки.
Радуйся, откровенным лицем созерцаяй славу Трисияннаго Божества; радуйся, со старцы белоризными покланяяйся Творцу.
Радуйся, наследниче всесветлаго Царствия Христова; радуйся, гражданине Иерусалима Горняго.
Радуйся, небеснаго Сиона жителю; радуйся, нерукотворенных скиний райских обитателю.
Радуйся, по трудех временныя жизни покой вечный получивый; радуйся, блаженство, от века праведным уготованное, праведно восприявый.
Радуйся, лучами невечерняго света свыше осиянный; радуйся, долу величием чудес блистаяй.
Радуйся, преподобне Александре, Свирский чудотворче.
Кондак 12
Благодати причастна явися священная рака, содержащая многоцелебныя мощи твоя, чудотворче святый, ихже по летех мнозех яви Господь в недрах земных нетленными, исцеления неоскудно источающия и всяк недуг врачующия силою Бога, дивнаго во святых Своих, дивно прославльшаго тя на небеси и на земли, Емуже воспеваем: Аллилуиа.
Икос 12
Поюще радостную песнь хвалы и благодарения Человеколюбцу Богу, прославльшему тя в стране Российстей чудотворца дивнаго и милостиваго, молим тя, преподобне отче наш: буди ходатай к Нему и молитвенник присный о нас, зовущих ти:
Радуйся, заступниче рода христианскаго; радуйся, сокровищнице даров многоразличных.
Радуйся, покрове, Богом зданный; радуйся, от Бога благодать исцелений восприявый.
Радуйся, цвете нетления, облагоухавый Святую Церковь; радуйся, заре безсмертия, от гроба преславно воссиявшая.
Радуйся, щедрот и милования струе неизсякаемая; радуйся, благоутробия источниче неоскудеваемый.
Радуйся, любве и сострадания явление многочудесное; радуйся, телес наших богодарованное врачевание.
Радуйся, о душах наших благоприятное предстательство.
Радуйся, преподобне Александре, Свирский чудотворче.
Кондак 13
О великий и преславный чудотворче, преподобне отче наш Александре. Милостивно приими сие малое моление наше, и молитвами твоими сохрани нас от недугов душевных и телесных в жизни сей и от грядущих мучений вечных избави, и сподоби нас вкупе с тобою во Царствии Небеснем выну пети Богу: Аллилуиа.
Этот кондак читается трижды, затем 1-й икос: «Ангельский нрав…» и 1-й кондак: «Избранный угодниче Христов…».
Молитва
О священная главо, Ангеле земный и человече Небесный, преподобне и Богоносне отче наш Александре, изрядный угодниче Пресвятыя и Единосущныя Троицы, являяй многия милости живущим во святей обители твоей и всем с верою и любовию притекающим к тебе! Испроси нам вся благопотребная к житию сему временному и нужная к вечному спасению нашему. Пособствуй и предстательством твоим, угодниче Божий, на враги видимыя и невидимыя, да в мире глубоце пребудет Святая Православная Церковь Христова и благостроении зиждется, во всяком благочестии нерушимо. Буди всем нам, чудотворче святый, помощник скорый во всякой скорби и обстоянии. Наипаче же в час кончины нашея явися нам заступник благосердый, да не предани будем на мытарствех воздушных власти злобнаго миродержца, но да сподобимся непреткновеннаго восхода в Царствие Небесное. Ей, отче, молитвенниче наш присный! Не посрами упования нашего, не презри смиренная моления наша и предстательствуй за нас пред Престолом Живоначальныя Троицы, да сподобимся вкупе с тобою и со всеми святыми мы, недостойнии, в селениях райских славити величие, благодать и милость Единаго в Троице Бога, Отца, и Сына, и Святаго Духа, во веки веков. Аминь.
Молитва преподобнаго Александра Свирскаго Господу Богу и Пресвятей Богородице.
Боже, очисти мя, грешнаго, и помилуй мя, и прости ми, Господи Боже, Спасе Милостивый! Даждь ми, Господи, христианский конец с Пречистым Телом и с Честною Кровию, со слезами и покаянием. Избави, Господи, муки вечныя, огня негасимаго, и червия неусыпающаго, и смолы кипящия. Господи, Ты создал мя еси, Господи, Ты помилуй. Господи, Твое есмь создание.
Пречистая Госпоже Милостивая, Царице Небесная, помолися Господу Богу и Спасу нашему Иисусу Христу, Сыну Твоему, за мене, грешнаго раба Твоего (имя рек). Даждь ми, Госпоже, христианский конец с Пречистым Телом и с Честною Кровию и со слезами и покаянием. Избави, Госпоже, муки вечныя, огня неугасимаго, и червия неусыпающаго, и смолы кипящия. Пречистая Госпоже, Милостивая Царице Небесная, Ты еси Молебница ко Господу Богу и Спасу нашему Иисусу Христу за мене, грешнаго и окаяннаго раба Твоего (имя рек), Ты еси Помощница, Ты Заступница от всякаго зла и супостата, не забуди, Пречистая Госпоже, нищаго Твоего до конца.
Посем:
Заступнице Усердная, Благоутробная Господа Мати, к Тебе прибегаю аз, окаянный и паче всех человек грешнейший. Вонми гласу моления моего и вопль мой и стенание услыши. Яко беззакония моя превзыдоша главу мою и аз, якоже корабль в пучине, погружаюся в море грехов моих. Но Ты, Всеблагая и Милосердая Владычице, не презри мене, отчаяннаго и во гресех погибающаго. Помилуй мя, кающагося в злых делех моих, и обрати на путь правый заблуждшую окаянную душу мою. На Тебе, Владычице моя Богородице, возлагаю все упование мое. Ты, Мати Божия, сохрани и соблюди мя под кровом Твоим ныне, и присно, и во веки веков. Аминь.
Таже молитва по вся дни.
Душе, душе моя, почто жалуешися на Господа? Яко леность твоя вечней муце ходатай есть. Аще бы ведала дар Божий, плакала бы ся горящими слезами, стенающи со воздыханием, скорбящи о всяком гресе, о малем и о велицем. Возопий ко Своему Владыце, да не предварит тебе ярость одержащаго всесильною рукою праведною. Аз же, грешный и ленивый и льстивый язык имеяй, како помолюся Владыце моему, да избавит мя Господь от Страшнаго Суда? Всегда бо трепещу помыслом в сердцы моем о Страшнем Суде, да избавит мя от муки вечныя, и червия неусыпающаго, и тьмы кромешныя, и от грозы несогреемыя. Помилуй мя, грешнаго раба Твоего (имя рек), яко Павла апостола, егоже любляше паче всех, и от нас, убогих, не отврати лица Твоего во он День Страшный, егоже трепещет душа моя и составы тела моего ужасаются. Господи, избави мя страшнаго часа, да не отпаду от милости Твоей. Но молю святыя Ангелы и Архангелы, и пророки, и мученики, и вся святыя, да молят Бога за мою душу. Вашего ради моления да возвратит Владыка требы Своя от мене, грешнаго. И ты, Пречистая Госпоже Дево, имущи дерзновение к Сыну о рабех Твоих, не забуди трудов раба Твоего (имя рек). Владыко Спасе, от убогия души Тебе молюся, избави мя от печали грехов моих и введи в радость безконечнаго жития, идеже прославляется всесвятое Имя Твое, Отца и Сына и Святаго Духа, всегда, ныне, и присно, и во веки веков. Аминь.
Ґкafістъ прпdбному и3 бGон0сному nтцY нaшему ґлеxaндру и3гyмену сви1рскому, чудотв0рцу
Кондaкъ №
И#збрaнный ўг0дниче хrт0въ и3 чудотв0рче, прпdбный џтче ґлеxaндре, возсіsвый мjрови, ћкw ѕвэздA бGосвётлаz, житіS твоегw2 добр0тою и3 мн0жествомъ чудотворeній, восхвалsемъ тS люб0вію въ пёснэхъ дух0вныхъ: тh же, ћкw и3мёzй дерзновeніе ко гDу, мlтвами твои1ми t всsкихъ нaсъ бёдъ свободи2, да зовeмъ ти2:
Рaдуйсz, прпdбне ґлеxaндре, сви1рскій чудотв0рче.
Јкосъ №
ЃгGльскій нрaвъ и3мёлъ є3си2, џтче прпdбне, и3 ћкw безпл0тный, непор0чнw житіE соверши1лъ є3си2 на земли2, ди1вный w4бразъ совершeнства дух0внагw нaмъ њстaвивъ, да подражaемъ добродётелємъ твои6мъ, и3 зовeмъ ти2 си1це:
Рaдуйсz, бlгочести1выхъ роди1телей пл0дъ бGодаровaнный: рaдуйсz, непл0діе р0ждшихъ тS разрэши1вый.
Рaдуйсz, сётованіе и4хъ на рaдость преложи1вый: рaдуйсz, t пелeнъ бGомъ и3збрaнный.
Рaдуйсz, t ўтр0бы мaтернэй на слyжбу є3мY пред8устaвленный: рaдуйсz, t ю4ности є3го2 є3ди1наго всёмъ сeрдцемъ возлюби1вый.
Рaдуйсz, вс‰ кр†снаz мjра сегw2 ни во чт0же вмэни1вый: рaдуйсz, пост0мъ и3 бдёніемъ мlтвеннымъ пл0ть твою2 ўдручи1вый.
Рaдуйсz, непор0чный сосyде б9іz бlгодaти: рaдуйсz, жили1ще д¦а с™aгw, ўкрaшенное чистот0ю.
Рaдуйсz, мyжу желaній дух0вныхъ: рaдуйсz, главо2, њсщ7eннаz десни1цею всевhшнzгw.
Рaдуйсz, прпdбне ґлеxaндре, сви1рскій чудотв0рче.
Кондaкъ в7
Ви1дz гDь дyшу твою2, ћкw ни1ву бlговоздёланную къ плодон0сію дух0вному, t ю4ности къ и3скaнію є3ди1нагw на потрeбу, напрaви тв0й п0мыслъ, прпdбне, тёмже любвE рaди хrт0вы, роди1телей твои1хъ и3 д0мъ nтeческій њстaвилъ є3си2, и3 всsкагw пристрaстіz сyетнагw свободи1всz, притeклъ є3си2 въ пустhнную nби1тель валаaмскую на п0двиги и4ночєскіz, зовhй сп7сaющему тS бGу: Ґллилyіа.
Јкосъ в7
Рaзумомъ бGопросвэщeннымъ пости1глъ є3си2 суетY и3 непостоsнство мjра сегw2, въ нeмже рaдость смэнsетсz ск0рбію, бlгополyчіе же навётуетсz бэдaми нечazнными. Тёмже вёчныхъ нетлённыхъ бlгъ возжелёлъ є3си2, џтче прпdбне, и3 сі‰ взыскaти потщaлсz є3си2 tречeніемъ мірски1хъ бlгъ и3 в0льною нищет0ю, подвигaz нaсъ звaти тебЁ:
Рaдуйсz, пустhннагw безм0лвіz люби1телю: рaдуйсz, смирeніz и3 нестzжaніz рачи1телю.
Рaдуйсz, и4стиннагw самоtвержeніz совершeнный w4бразе: рaдуйсz, и4ноческагw равноaгGльскагw житіS всеизрsдное kвлeніе.
Рaдуйсz, прaвило вёры и3 бlгочeстіz: рaдуйсz, зерцaло терпэли1вагw послушaніz.
Рaдуйсz, безм0лвіе и4ноческое возлюби1вый: рaдуйсz, слeзы духHвныz стzжaвый.
Рaдуйсz, плaчемъ врeменнымъ бlжeнство вёчное снискaвый: рaдуйсz, мlтвами непрестaнными прил0ги вр†жіz сокруши1вый.
Рaдуйсz, бдёніемъ и3 трудaми пл0ть твою2 дyхови покори1вый: рaдуйсz, пост0мъ и3 воздержaніемъ стр†сти ўкроти1вый.
Рaдуйсz, прпdбне ґлеxaндре, сви1рскій чудотв0рче.
Кондaкъ G
Си1лою всевhшнzгw њсэнeнный и3 ўкрэплsемый, въ и4ночестэмъ пострижeніи власHвъ главы2 твоеS, всE плотск0е мудровaніе tложи1лъ є3си2, прпdбне, и3 ћкw в0инъ бlгоискyсный, схи1му и4ноческую въ броню2 сп7сeніz стzжaвъ, и3 непобэди1мымъ nрyжіемъ кrтA хrт0ва воoружи1всz, крёпкw рaтовалъ є3си2 проти1ву врагA неви1димагw діaвола, смирeніемъ глуб0кимъ побэждaz є3гw2 вознесeнную гордhню, и3 вhну вопіS ко гDу: Ґллилyіа.
Јкосъ G
И#мёz слeзъ и3ст0чникъ и3з8oби1льный, ўг0дниче б9ій, и3 ўмилeніz вeлію бlгодaть, хлёбъ тв0й слезaми њрошaлъ є3си2, и3 питіE плaчемъ растворsлъ, t преизбhтка желaніz б9eственнагw и3 любвE ко гDу. Тёмже и3 мы2 ўбlжaемъ тS звaніи си1ми:
Рaдуйсz, крёпости и3 мyжества тезоимени1тый подви1жниче: рaдуйсz, ґгGлопод0бный человёче.
Рaдуйсz, цRS нбcнагw в0ине добропобёдный: рaдуйсz, валаaмскіz nби1тели пл0дъ д0брый.
Рaдуйсz, пустынножи1телю бlгопріsтный: рaдуйсz, мlтвенниче неусыпaющій.
Рaдуйсz, п0стниче и3зрsдный: рaдуйсz, безм0лвниче ди1вный.
Рaдуйсz, п0двигwмъ дрeвнихъ бGон0сныхъ nтцє1въ послёдователю: рaдуйсz, и4хъ терпёнію и3 трудaмъ подражaтелю.
Рaдуйсz, бlговрeменнw моги1лу себЁ и3скопaвый: рaдуйсz, њ смeртнэмъ часЁ непрестaннw помышлsвый.
Рaдуйсz, прпdбне ґлеxaндре, сви1рскій чудотв0рче.
Кондaкъ д7
Бyрz и3скушeній и3 ўстремлeній діaвольскихъ не возм0же поколебaти хрaмины твоеS душeвныz, прпdбне џтче, њсн0вана бо бЁ на твeрдомъ кaмени вёры во хrтA, и3 храни1ма трезвeніемъ и3 мlтвами непрестaнными, и4миже вhну противоб0рствовалъ є3си2 врагY сп7сeніz человёческагw, и3 непреткновeннw восходи1лъ є3си2 по стезsмъ добродётелей къ совершeнству дух0вному въ мёру в0зраста хrт0ва, воспэвaz бGу: Ґллилyіа.
Јкосъ д7
Слhшавъ похвалsема себE t человBкъ, ўбоsлсz є3си2 превозношeніz сyетнагw, џтче бGомyдре, и3 ћкw и4стинный смирeніz w4бразъ, ўмhслилъ є3си2 ўбэжaти въ пустhню неизвёданную, на рэкY сви1рь, на мёсто свhше тебЁ ўкaзанное въ видёніи чyднэмъ, да тaмw ми1рнw и3 невозбрaннw є3ди1ному бGу пораб0таеши, и3дёже мы2 срэтaемъ тS бlгохвалeніи си1ми:
Рaдуйсz, смири1вшагwсz до рaбіz зрaка хrтA гDа бlгjй послёдователю: рaдуйсz, с™hхъ є3гw2 зaповэдей ўсeрдный и3сполни1телю.
Рaдуйсz, дёвственниче душeю и3 тёломъ: рaдуйсz, трудолю1бче нелицемёрный.
Рaдуйсz презрёвый слaву человёческую сyетную: рaдуйсz, сокруши1вый сBти тщеслaвіz и3 гордhни.
Рaдуйсz, попрaвый высокоyміz душеврeдную прeлесть: рaдуйсz, ўсв0ивый себЁ с™0е смирeніе хrт0во.
Рaдуйсz, и3сп0лнивый всЁ nбёты и4ночества: рaдуйсz, ўкраси1выйсz дарaми бlгодaти б9іей.
Рaдуйсz, по бlгодaти пріeмый влaсть на дyхи нечи6стыz: рaдуйсz, ни во чт0же вмэни1вый тёхъ ўстрашє1ніz и3 привидBніz.
Рaдуйсz, прпdбне ґлеxaндре, сви1рскій чудотв0рче.
Кондaкъ є7
Свэтозaрный лyчь њзари2 въ нощнёй темнотЁ мёсто пустhнное, на нeмже всели1тисz пришeлъ є3си2, прпdбне, знaменуz соб0ю свётлость души2 твоеS, и3 пламенёющее люб0вію ко гDу сeрдце твоE, и3дёже бlгопріsтно бhсть творцY твоE произволeніе раб0тати є3мY въ препод0біи и3 с™ости, и3 пёти є3мY тaмw хвалeбную пёснь: Ґллилyіа.
Јкосъ є7
Ви1дэвше ѓгGльстіи чи1нове равноaгGльское житіE твоE, џтче бGобlжeнне, смирeніz твоегw2 глубинY, мlтвы неtстyпность, воздержaніz твeрдость и3 вeлію рeвность дyха твоегw2 њ чистотЁ, ўдиви1шасz и3 прослaвиша чlвэколю1бца бGа ўкрэплsющаго немощн0е є3стество2 человёческое. Мh же ўбlжaемъ тS и3 зовeмъ:
Рaдуйсz, свэти1льниче пустhнный, просвэти1вый странY корeльскую сіsніемъ твои1хъ добродётелей: рaдуйсz, и4ночествующихъ ди1вное ўкрашeніе.
Рaдуйсz, крjне бlгоухaнный пустhннагw прозzбeніz: рaдуйсz, дрeво бlгопл0дное нбcнагw наслаждeніz.
Рaдуйсz, возлюби1вый бlголёпіе д0му б9іz: рaдуйсz, въ себЁ самёмъ хрaмъ тріmпостaсному бжcтвY ўгот0вивый.
Рaдуйсz, препод0біемъ и3 прaвдою њдёzнный: рaдуйсz, сою1зомъ добродётелей ўдобрeнный.
Рaдуйсz, помaзаніе пріeмый t с™aгw д¦а: рaдуйсz, њсщ7eнный сосyде бlгодaти б9іей.
Рaдуйсz, рaбе хrт0въ, бlгjй и3 вёрный: рaдуйсz, слуго2 гDнь и4стинный.
Рaдуйсz, прпdбне ґлеxaндре, сви1рскій чудотв0рче.
Кондaкъ ѕ7
Проповёдникъ п0двигwвъ твои1хъ въ пустhни сви1рской kви1лсz ловeцъ ѕвэрeй ди1віихъ, и4же гнaвъ є3лeнz въ дубрaвэ непроходи1мэй, смотрёніемъ б9іимъ њбрёте хрaмину твою2, прпdбне џтче: ви1дэвъ же тS во пл0ти ѓгGла, знaменіе бlгодaтнагw њзарeніz на лицЁ своeмъ носsща, стрaха и3 рaдости и3сп0лнисz, и3 припaдъ къ честны6мъ твои6мъ стопaмъ, во ўмилeніи сeрдца возопи2 зижди1телю бGу: Ґллилyіа.
Јкосъ ѕ7
Возсіsлъ є3си2 въ пустhни сви1рстэй бGосвётлое свэти1ло, и3 на сп7сeніz стезю2 настaвилъ є3си2 мнHги дyшы человBческіz: kви1 бо тS хrт0съ настaвника и3 ўчи1телz и4нокwмъ пустыннолюби6вымъ, и5же стекaхусz къ тебЁ, ћкw џвцы къ пaстырю, могyщу ўпасти2 и5хъ на пaжити живон0снэй. Тёмже, ћкw сотвори1вшаго и3 научи1вшаго, чeствуемъ тS си1ми похвaльными словесы2:
Рaдуйсz, и3ст0чниче бGодухновeнныхъ ўчeній: рaдуйсz, храни1лище и3з8oби1льнагw ўмилeніz.
Рaдуйсz, њдушевлє1нныz скриж†ли зак0на гDнz: рaдуйсz, нем0лчный проповёдниче є3ђліа хrт0ва.
Рaдуйсz, зaпwвэди гDни и3сп0лнивый, и3 џнымъ научи1вый ўченикHвъ твои1хъ: рaдуйсz, лэни1выхъ подви1гнувый къ и3справлeнію твои1ми хrтоподражaтельными нр†вы.
Рaдуйсz, немощнhхъ дaнною ти2 t гDа бlгодaтію ўкрэпи1вый: рaдуйсz, скорбsщихъ слaдостію твои1хъ словeсъ ўтёшивый.
Рaдуйсz, грёшныхъ къ покаsнію напрaвивый: рaдуйсz, ю4ныz ўцэломyдривый.
Рaдуйсz, сострадaніz и3сп0лненный: рaдуйсz, въ млcти богaтый.
Рaдуйсz, прпdбне ґлеxaндре, сви1рскій чудотв0рче.
Кондaкъ з7
ХотS чlвэколю1бецъ гDь прослaвити мёсто п0двигwвъ твои1хъ, џтче, послA ѓгGла своего2 бlговэсти1ти тебЁ, ћкw бyдетъ на мёстэ т0мъ nби1тель и4нокwмъ во сп7сeніе, и3 въ нeй хрaмъ во и4мz с™hz трbцы. Тh же kвлeніемъ безпл0тнагw просвэщeнъ, съ рaдостнымъ трeпетомъ внимaлъ є3си2 бlговёстію нбcному, зовhй въ смирeніи дyха вLцэ ѓгGлwвъ и3 человёкwвъ: Ґллилyіа.
Јкосъ з7
Н0вое знaменіе бlговолeніz б9іz даровaсz тебЁ, прпdбне, є3гдA безм0лвствующу ти2 въ и3збрaннэй пустhни, въ нощи2 свётъ вeлій њблистA тS, и3 три2 м{жа въ nдeждахъ свётлыхъ предстaша пред8 тоб0ю, ми1ръ тебЁ дaрующе и3 повелэвaюще, да ўстр0иши тaмw nби1тель и4ноческую, и3 въ нeй хрaмъ во и4мz с™hz трbцы. Дивsсz u5бо семY пречyдному въ тріeхъ ѓгGльскихъ ли1цэхъ трbческому kвлeнію, зовeмъ ти2:
Рaдуйсz, таи1нниче прес™hz и3 є3диносyщныz трbцы: рaдуйсz, самови1дче неизречeннагw б9іz kвлeніz.
Рaдуйсz, собесёдниче свэтон0сныхъ ѓгGльскихъ си1лъ: рaдуйсz, созерцaтелю лучезaрнагw б9eственнагw видёніz.
Рaдуйсz, причaстниче nгнезрaчнагw трисlнечнагw сіsніz: рaдуйсz, покл0нниче тріmпостaснагw бжcтвA.
Рaдуйсz, въ смeртнэмъ тэлеси2 безсмeртіz зарeю просвэщeнный: рaдуйсz, на земли2 нбcнагw посэщeніz ўдост0енный.
Рaдуйсz, смирeніемъ высHкаz стzжaвый: рaдуйсz, нищет0ю богaтую млcть гDню ўлучи1вый.
Рaдуйсz, сёzвый слезaми рaдость присносyщную: рaдуйсz, пріeмый и3сполнeніе њбэтовaній непрел0жныхъ.
Рaдуйсz, прпdбне ґлеxaндре, сви1рскій чудотв0рче.
Кондaкъ }
Страннолёпнw kви1лсz ти2 на воздyсэ ѓгGлъ гDнь въ мaнтіи и3 кyколи и4ночестэмъ, ўказyzй мёсто, на нeмже хрaмъ во и4мz живоначaльныz трbцы и3мёлъ є3си2 создaти въ пустhнэ сви1рстэй, прпdбне џтче, є3г0же б9іимъ поспэшeніемъ соверши1въ и3 њс™и1въ, со ўченики2 твои1ми немHлчныz хвалы6 возсылaлъ є3си2 въ нeмъ гDви, зовhй: Ґллилyіа.
Јкосъ }
Всего2 себE предaвъ в0лэ гDней, ўченикaми твои1ми ўмолeнный, сщ7eнства бlгодaть воспріsти не ўклони1лсz є3си2, џтче, ѓще и3 тужaше дyхъ тв0й, ўжасazсz высоты2 сеS, но послушaніе kви1лъ є3си2 духHвнымъ чaдwмъ твои6мъ, подвизaz и5хъ соглaснw звaти тебЁ:
Рaдуйсz, безкр0вныz жeртвы дост0йный соверши1телю: рaдуйсz, nлтарS гDнz бlгоговёйный служи1телю.
Рaдуйсz, препод0бнэи рyцэ твои2 со мн0гимъ дерзновeніемъ къ гDу воздэsвый: рaдуйсz, мlтвы теплёйшыz t сeрдца чи1ста къ пrт0лу вседержи1телz возноси1вый.
Рaдуйсz, w4бразъ бlгочeстіz бhвый твои6мъ ўченикHмъ: рaдуйсz, мaстію сщ7eнства ўмащeннаz главо2.
Рaдуйсz, вождю2 бlгоискyсный в0инwвъ дух0вныхъ: рaдуйсz, џтче бlгомyдрый nбщежи1тіz и4ноческагw.
Рaдуйсz, свэщE, въ мlтвэ къ бGу возжeннаz: рaдуйсz, ѕвэздо2, ко сп7сeнію пyть вёрный показyющаz.
Рaдуйсz, мaслино, є3лeй млcти б9іей и3сточи1вшаz: рaдуйсz, чaша, жaждущихъ ўчeніz сп7си1тельнагw напои1вшаz.
Рaдуйсz, прпdбне ґлеxaндре, сви1рскій чудотв0рче.
Кондaкъ f7
Вси2 и4ноцы nби1тели твоеS въ рaдостный трeпетъ пріид0ша, є3гдA ўстремлeніе пот0ка в0днагw, на с™yю nби1тель твою2 дви1жущеесz, мlтвою твоeю ўкроти1лъ є3си2, и3 призывaніемъ всеси1льнагw и4мене ї}съ хrт0ва, бyрному пот0ку тещи2 безврeднw ўстр0илъ є3си2 на бlгyю потрeбу и4ночествующихъ, є4же ви1дэвше духHвнаz ч†да тво‰, всеумилeннw возгласи1ша кyпнw съ тоб0ю бGу: Ґллилyіа.
Јкосъ f7
Вэтjйство человёческое не довлёетъ и3зрещи2 nби1ліе рaдости дух0вныz, є4юже преисп0лнилсz є3си2, џтче бGон0сне, є3гдA во врeмz мlтвы твоеS нощнhz, kви1сz ти2 прес™az бцdа съ ли1комъ чинHвъ ѓгGльскихъ и3 nбэтовaніи непрел0жными дyшу твою2 возвесели2, ћкw при1снаz застyпница nби1тели твоеS бyдетъ, снабдэвaющи и3 покрывaющи ю5 по вс‰ дни6. Тёмже и3 мы2 сі‰ рaдwстнаz тебЁ прин0симъ глаг0лы:
Рaдуйсz, бlговолeніемъ бGом™ре њсэнeнный: рaдуйсz, посэщeніемъ цRи1цы нб7сE и3 земли2 ўтёшенный.
Рaдуйсz, слhшавый млcтивыz t ќстъ є3S глаг0лы: рaдуйсz, пріeмый њбэтовaніе крёпкагw є3S твоeй nби1тели заступлeніz.
Рaдуйсz, люби1миче є3S преи1скренній: рaдуйсz, и3збрaнниче сн7а є3S и3 бGа.
Рaдуйсz, дaромъ чудотворeніz њбlгодaтствованный: рaдуйсz, б{дущаz, ћкw настоsщаz прови1дэвый.
Рaдуйсz, рhбарємъ лови1тву чудeснw ўмн0живый: рaдуйсz, неплHднымъ роди1телємъ чадор0діе даровaвый.
Рaдуйсz, болsщыz здрaвы возстaвивый: рaдуйсz, т†йнаz согрэшє1ніz человёчєскаz њбличи1вый.
Рaдуйсz, прпdбне ґлеxaндре, сви1рскій чудотв0рче.
Кондaкъ ‹
Сп7сти2 хотS дyшы ўчєни1къ твои1хъ, nтeчески назидaлъ є3си2 и5хъ, бGомyдре, џваго сл0вомъ, џваго примёромъ житіS твоегw2, съ кр0тостію њбличaz, съ люб0вію ўвэщевaz и5хъ преуспэвaти въ бlгочeстіи и3 чистотЁ: наипaче же пред8 кончи1ною твоeю, вс‰ ко сп7сeнію душeвному бlгопотрє1бнаz заповёдалъ є3си2 и5мъ, и3 научи1лъ є3си2 и5хъ въ мlтвахъ б0дрствовати и3 нем0лчнw пёти бGу: Ґллилyіа.
Јкосъ ‹
СтэнA заступлeніz бhша мlтвы тво‰, чудотв0рче с™hй, всBмъ съ вёрою къ тебЁ притекaющымъ во всsкой ск0рби, и4бо чистоты2 рaди твоеS сердeчныz, си1ла дух0внаz t бGа тебЁ даровaсz, болsщихъ и3сцэлsти, бёдствующымъ помогaти, б{дущаz прорицaти, ћкw слaвити бли6жнимъ и3 д†льнымъ вели6чіz б9іz, въ тебЁ kвлє1ннаz, и3 звaти тебЁ си1це:
Рaдуйсz, недyгwвъ человёческихъ врачY немздопріeмный: рaдуйсz, не т0кмw тэлeсныхъ, но и3 душeвныхъ болёзней цэли1телю и3зрsдный.
Рaдуйсz, слэпы6мъ прозрёніе даровaвый: рaдуйсz, слzчeнныхъ и3 ўвёчныхъ здрaвы сотвори1вый.
Рaдуйсz, бэснhхъ t діaвольскагw ўдручeніz свободи1вый: рaдуйсz, и3зступлє1ннымъ ќмъ здрaвый возврати1вый.
Рaдуйсz, покрhтыхъ стрyпами ўврачевaвый: рaдуйсz, печaльныхъ ўтёшивый.
Рaдуйсz, бёдствующымъ на п0мощь ўскори1вый: рaдуйсz, плэнє1ннымъ и3 въ темни1цэ сэдsщымъ њслaбу и3 своб0ду kвлeніемъ твои1мъ даровaвый.
Рaдуйсz, прпdбне ґлеxaндре, сви1рскій чудотв0рче.
Кондaкъ №i
Пёніе всеумилeнное принeслъ є3си2 прес™ёй трbцэ во врeмz кончи1ны твоеS, прпdбне, и3 мlтвэ сyщей на ўстёхъ твои1хъ, предaлъ є3си2 с™yю дyшу твою2 въ рyцэ живaгw бGа, є3г0же t ю4ности возлюби1лъ є3си2, и3 є3мyже до стaрости масти1тыz раб0талъ є3си2 нелицемёрнw, тёмже со ўповaніемъ бlги1мъ рaдостнw прешeлъ є3си2 къ nби1телемъ нбcнымъ, со ѓгGльскими ли1ки пёти тріmпостaсному бGу: Ґллилyіа.
Јкосъ №i
Ми1рную кончи1ну твою2 ви1дэвше твои2 ўченицы2, вели1кій ўг0дниче б9ій, ск0рбь разлучeніz съ тоб0ю ўтэшeніемъ бlгодaтнымъ раствори1ша, въ ўповaніи всеси1льнагw предстaтельства твоегw2 горЁ ў прест0ла б9іz, и3дёже слhшиши съ люб0вію тебЁ зовyщихъ:
Рaдуйсz, вэнeцъ безсмeртныz жи1зни t руки2 вседержи1телz пріeмый: рaдуйсz, въ черт0зэ нбcнагw домовLки ликовствyzй.
Рaдуйсz, tкровeннымъ лицeмъ слaву трисіsннагw бжcтвA созерцazй: рaдуйсz, со стaрцы бэлори1зными творцY покланszйсz.
Рaдуйсz, всесвётлагw цrтвіz хrт0ва наслёдниче: рaдуйсz, їеrли1ма г0рнzгw граждани1не.
Рaдуйсz, нбcнагw сіHна жи1телю: рaдуйсz, нерукотворeнныхъ ски1ній рaйскихъ nбитaтелю.
Рaдуйсz, по трудёхъ врeменныz жи1зни, пок0й вёчный получи1вый: рaдуйсz, бlжeнство, t вёка првdнымъ ўгот0ванное, прaведнw воспріsвый.
Рaдуйсz, лучaми невечeрнzгw свёта свhше њсіsнный: рaдуйсz, д0лу вели1чіемъ чудeсъ блистaющій.
Рaдуйсz, прпdбне ґлеxaндре, сви1рскій чудотв0рче.
Кондaкъ в7i
Бlгодaти причaстна kви1сz сщ7eннаz рaка, содержaщаz многоцэлє1бныz м0щи тво‰, чудотв0рче с™hй, и5хже по лётэхъ мн0зэхъ kви2 гDь въ нёдрахъ земнhхъ нетлёнными, и3сцэлє1ніz неwскyднw и3сточaющыz, и3 всsкъ недyгъ врачyющыz си1лою бGа, ди1внагw во с™hхъ свои1хъ, ди1внw прослaвльшагw тS на нб7си2 и3 на земли2, є3мyже воспэвaемъ: Ґллилyіа.
Јкосъ в7i
Пою1ще рaдостную пёснь хвалы2 и3 бlгодарeніz чlвэколю1бцу бGу, прослaвльшему тS въ странЁ рwссjйстэй чудотв0рца ди1внаго и3 ми1лостиваго, м0лимъ тS, прпdбне џтче нaшъ: бyди ходaтай къ немY и3 мlтвенникъ при1сный њ нaсъ, зовyщихъ ти2:
Рaдуйсz, р0да хrтіaнскагw застyпниче: рaдуйсz, дарHвъ многоразли1чныхъ сокр0вищница.
Рaдуйсz, покр0ве, бGомъ здaнный: рaдуйсz, t бGа бlгодaть и3сцэлeній воспріsвый.
Рaдуйсz, цвёте нетлёніz, њбlгоухaвый с™yю цRковь: рaдуйсz, зарE безсмeртіz, t гр0ба преслaвнw возсіsвшаz.
Рaдуйсz, щедрHтъ и3 ми1лованіz струS неизсzкaемаz: рaдуйсz, бlгоутр0біz и3ст0чниче неwскудэвaемый.
Рaдуйсz, любвE и3 сострадaніz kвлeніе многочудeсное: рaдуйсz, тэлeсъ нaшихъ бGодаровaнное врачевaніе.
Рaдуйсz, њ душaхъ нaшихъ бlгопріsтное предстaтельство.
Рaдуйсz, прпdбне ґлеxaндре, сви1рскій чудотв0рче.
Кондaкъ Gi
Q вели1кій и3 преслaвный чудотв0рче, прпdбне џтче нaшъ ґлеxaндре! ми1лостивw пріsвъ сіE мaлое молeніе нaше, мlтвами твои1ми сохрани2 нaсъ t недyгwвъ душeвныхъ и3 тэлeсныхъ въ жи1зни сeй, и3 t грzдyщихъ мучeній вёчныхъ и3збaви, и3 спод0би нaсъ вкyпэ съ тоб0ю во цrтвіи нбcнэмъ вhну пёти бGу: Ґллилyіа.
Сeй кондaкъ глаг0летсz три1жды. Тaже јкосъ №-й кондaкъ №-й.
Мlтва
Q сщ7eннаz главо2, ѓгGле земнhй и3 человёче нбcный, прпdбне и3 бGон0сне џтче нaшъ ґлеxaндре, и3зрsдный ўг0дниче прес™hz и3 є3диносyщныz трbцы, kвлszй мнHгіz млcти живyщымъ во с™ёй nби1тели твоeй, и3 всBмъ, съ вёрою и3 люб0вію притекaющымъ къ тебЁ. И#спроси2 нaмъ вс‰ бlгопотрє1бнаz къ житію2 семY врeменному, и3 н{жнаz къ вёчному сп7сeнію нaшему. Пос0бствуй предстaтельствомъ твои1мъ, ўг0дниче б9ій, на враги6 ви6димыz и3 неви6димыz, да въ ми1рэ глуб0цэ пребyдетъ с™az правослaвнаz цRковь хrт0ва. Бyди всBмъ нaмъ, чудотв0рче с™hй, пом0щникъ ск0рый во всsкой ск0рби и3 њбстоsніи. Наипaче же въ чaсъ кончи1ны нaшеz kви1сz нaмъ застyпникъ бlгосeрдый, да не прeдани бyдемъ на мытaрствахъ воздyшныхъ влaсти ѕл0бнагw міродeржца, но да спод0бимсz непреткновeннагw восх0да въ цrтвіе нбcное. Е$й, џтче, мlтвенниче нaшъ при1сный! Не посрами2 ўповaніz нaшегw, не прeзри смирє1ннаz молє1ніz н†ша, и3 предстaтельствуй за нaсъ пред8 прест0ломъ живоначaльныz трbцы, да спод0бимсz вкyпэ съ тоб0ю и3 со всёми с™hми, мы2 недост0йніи, въ селeніихъ рaйскихъ слaвити вели1чіе, бlгодaть и3 млcть є3ди1нагw въ трbцэ бGа, nц7A и3 сн7а и3 с™aгw д¦а, во вёки вэкHвъ. Ґми1нь.
Родился преп. Александр (в миру Аммос) в 1448 г. в пределах Великого Новгорода, в небольшом местечке Обонежской пятины – Мандерах, по молитве престарелых родителей, отличавшихся истинно христианской жизнью. Для освоения грамоты отрок поручен был опытному наставнику, но лишь молитвой приобрел он способности к учению, так что вскоре превзошел знаниями всех своих сверстников. С юных лет начал он изнурять тело бдением и постами, только в этом испрашивая свободу от родительской воли. Чужд он был и житейских треволнений, и искания удовольствий, и праздности. Когда он достиг совершеннолетия, «восхотеша родители его сочетати законному браку, божественный же юноша небрежаше о сем, но присно желаша и помышляша, како бы мира бежати». Юноша стремился в Валаамскую обитель, рассказы о которой ему доводилось слышать. Однажды он встретил иноков, прибывших с Валаама в его родное селение по монастырским делам. Одному из них – уже старцу – поведал он о своем желании достичь Валаама и получил совет не медлить с исполнением духовной потребности, «пока сеятель злый не посеял плевела в сердце...»
После усердной молитвы в 26 лет Аммос тайно оставил родительский дом. Первую ночь путник провел на берегу небольшого красивого озера, окруженного вековыми деревьями. В тонком сне услышал он таинственный голос, который благословил его в дальнейший путь и провозвестил сооружение обители на этом чудном месте. Возблагодарив Бога, юноша собрался идти дальше, но дороги в обитель он не знал, и Господь послал ему Ангела в образе случайного путника до самых монастырских ворот. Приняв постриг с именем Александр, провел он здесь 13 лет в посте и молитве. Между тем его безутешные родители получили, наконец, весть о пропавшем сыне. Отец посетил обитель и горько плакал, увидев изможденного постом Александра. Но подвижник утешил его и в духовной беседе убедил тоже оставить мир, чтобы обрести новое поприще. И мать преподобного дни свои окончила в монастыре.
Александр решился избрать безмолвное жительство и просил о том настоятеля, но опытный старец счел, что еще не пришло время покидать братию. Однажды во время ночной молитвы блаженный услышал небесный голос, повелевающий ему направиться на место, которое было указано прежде. Открыв оконце, увидел Александр великий свет, изливавшийся с юго-востока. На сей раз настоятель не отказал в благословении и отпустил в назначенный путь. В 1487 г. Александр пришел на озеро Рощинское и поселился в пустыне, в 6-ти верстах от реки Свири. В глубине непроходимого бора он поставил небольшую хижину и предался уединенным подвигам.
Неподалеку находилось дворянское поместье Андрея Завалишина, который занимался охотой. Однажды, увлеченный погоней за оленем, он очутился в чаще леса и набрел на хижину Александра. Познакомившись с отшельником, ловчий признался ему, что уже замечал свет над этим местом и давно собирался сюда. Опечалился Александр, что его жительство не укрылось от людей, и попросил пришельца никому не сказывать о нем, поведал потом свою повесть и отпустил с благословением. Но молва о пустыннике распространилась в окрестностях и дошла до брата Александра – Иоанна. С радостью прибег он в пустынь, чтобы разделить тяготы отшельничества. Смирившись, блаженный принял родного гостя, вспомнив, что при начале его пустынножительства было ему внушение свыше: не чуждаться жаждущих спасения и руководить ими. Иоанн же смирения не усвоил и много огорчений доставлял брату, то дерзко поучая, то отказываясь строить келлии для приходящих.
Слезными ночными молитвами побеждал Александр в себе раздражение и досаду и стяжал, наконец, всепобеждающую любовь к ближнему и великий мир в душе. В скором времени Иоанн скончался, и брат похоронил его в пустыни, к Александру же начали собираться жаждущие обитать под сенью его молитвы. Пришел и Завалишин со своими чадами и принес пустынникам много хлеба. Александр принял жертву, но посоветовал братии не оставаться праздными, а очищать лес и возделывать землю, чтобы питаться трудами рук своих и снабжать убогих.
Некто инок Никифор, носивший тяжелые вериги, приходил к пустыннику свирскому за благословением и, пожив рядом с ним, стал собираться на поклонение в Киев, а уходя, предсказал, что Господь соорудит на месте сем обитель с каменными церквами. Духи нечистые воздвигли множество искушений преподобному, окружая его целыми полчищами, и страшными угрозами заставляли отступиться от места. Добрый же воин Христов крестным знамением рассеивал все тьмы. Явился тогда Александру Ангел Господень в глубине пустыни и осиял небесным светом, укрепляя его дух, чтобы исполнил он повеленное и построил церковь во имя Святой Троицы. Прожив 25 лет в свирской пустыни, Александр был утешен божественным явлением такой силы, что нельзя было сравнить его ни с какими другими восхищениями его духа: для него повторилось видение, бывшее некогда Аврааму: светлые Ангелы с посохами в руках изображали собой Святую Троицу, и голос небесный сказал ему: «...Дух Святый благоволил избрать тебя жилищем ради сердечной твоей чистоты... ты же сооруди здесь храм Святой Троицы и собери братию, да спасешь души их...» Когда же преподобный стал помышлять, где заложить храм, явился Ангел с простертыми крылами, в куколе и иноческой мантии и указал место для храма.
Александр начал заботиться о сооружении церкви, а число братии между тем возрастало. Ученики умоляли своего наставника принять сан священства, но смиренный Александр уклонялся, пока не принудил его к этому Новгородский архиепископ Серапион. Когда была построена деревянная церковь и получена необходимая утварь, блаженный Александр приступил к священнослужению, но в то же время он не оставлял и черную работу, подавая братии пример смирения и трудолюбия. Никого не обличал он суровым словом, но в духе прозорливости притчами поучал согрешающих. Особо строго наблюдал он за соблюдением всего монастырского устава. Не прерывал игумен благоустраивать обитель: построил с братией мельницу и каменную церковь вместо деревянной. По просьбе преподобного великий князь Василий Иванович прислал искусных каменщиков и обильную милостыню, так что Александр мог воздвигнуть церковь там, где указал Ангел.
Много людей притекало к нему за духовным советом, и в общении являл он необычайную прозорливость: от некоего Григория не принял дары, обличив его в оскорблении матери; богатому поселянину Симеону дал важный совет, не последовав ему, тот скончался в определенный день; боярина Тимофея Апрелева наставлял, ради рождения сына, подражать странноприимству Авраама и Сарры, и через год Тимофей получил просимое. Для своих духовных чад блаженный Александр был истинным целителем душ и врачевателем недугов. По молитве преподобного рыбак умножал свой улов. а купец – свое имение.
В последние годы жизни преп. Александр соорудил еще одну каменную церковь во имя Покрова Пресвятыя Богородицы, опять же не без царского участия и помощи Небесной. А вскоре удостоился Божественного явления: прочитав в келье акафист Божией Матери, он сказал ученику Афанасию: «Трезвись и бодрствуй, ибо будет нам чудное посещение». Внезапно великий свет осиял весь монастырь, и старец увидел над алтарем основанной им церкви Матерь Божию, как бы сидящую на престоле с Младенцем в руках, в предстоянии Ангельских ликов. Пал пред Нею ниц преподобный и услышал утешительное обещание, что не оскудеет покров Ее над созданной обителью и после его преставления. Ученик Афанасий лежал при этом как мертвый от чудного видения.
В глубокой старости, когда уже приблизился Александр ко Господу по духовной лестнице своих добродетелей, преподобный собрал братию, поручил их предстательству Божией Матери и назначил четырех иеромонахов, чтобы святитель Макарий выбрал из них игумена. До самой минуты своего отшествия он непрестанно поучал братию хранить смиренномудрие и нищелюбие.
Погребли его близ церкви Преображения, недалеко от обители, в общей братской усыпальнице. Произошло это 30 августа (12 сентября н. ст.) 1533 года, а 17/30 апреля 1641 года мощи его были обретены нетленными. Повсеместное празднование памяти преп. Александра было установлено уже в 1547г. на день кончины. Местно память его празднуется и в день открытия мощей, и в праздник Пятидесятницы, в воспоминание «Трисолнечного сияния» – Святой Троицы.
См.: "Память преподобного отца нашего Александра Свирского" в изложении свт. Димитрия Ростовского.
См. также: Александро-Свирский мужской монастырь в Азбуке паломника.
