Акафист Пресвятой Богородице пред иконой «Жировицкая»

И҆збра́ннѣй ѿ всѣ́хъ родѡ́въ цр҃и́цѣ и҆ влⷣчцѣ похва̑льныѧ пѣ̑сни принесе́мъ, ꙗ҆́кѡ хода́таицѣ и҆ застꙋ́пницѣ ро́да хрⷭ҇тїа́нскагѡ, ты́ же, ꙗ҆́кѡ бл҃га́ѧ предста́тельница пред̾ гдⷭ҇емъ, ᲂу҆молѝ сн҃а твоего̀ и҆ бг҃а на́шего дарова́ти на́мъ наслѣ́дїе бла̑гъ вѣ́чныхъ, да ра́дꙋющесѧ ѡ҆ тебѣ̀ взыва́емъ:

А҆рха́гг҃лъ гаврїи́лъ, съ нб҃сѐ по́сланный къ тебѣ̀, дв҃о чⷭ҇таѧ, вѣща́ ти: ра́дꙋйсѧ, бл҃года́тнаѧ, гдⷭ҇ь съ тобо́ю! Мы́ же бл҃года́тїю бж҃їею чрез̾ тебѐ ѡ҆заре́ннїи, восхвалѧ́емъ тѧ̀ пѣ́сньми сицевы́ми:

Ви́дѧщи вѣ̑рнаѧ ча̑да твоѧ̑, въ бѣда́хъ жите́йскихъ ᲂу҆ныва̑ющаѧ и҆ по́мощи нбⷭ҇ныѧ ѿ тебє̀ трє́бꙋющаѧ, ты̀, бг҃омт҃и, наде́ждо хрⷭ҇тїа́нѡмъ, чꙋде́снымъ ꙗ҆вле́нїемъ бли́з̾ ве́си жиро́вицкїѧ ст҃ы́ѧ і҆кѡ́ны твоеѧ̀ и҆спо́лнила є҆сѝ ра́дости и҆ весе́лїѧ сердца̀ всѣ́хъ, въ ско́рби припа́дающихъ къ тебѣ̀, да бл҃года́рственнѡ вопїю́тъ ѡ҆ тебѣ̀ бг҃ꙋ: А҆ллилꙋ́їа.

Ра́зꙋмомъ не ᲂу҆разꙋмѣ́въ та́йны чꙋде́снагѡ ꙗ҆вле́нїѧ на дре́вѣ і҆кѡ́ны твоеѧ̀, пречⷭ҇таѧ влⷣчце, скры̀ болѧ́ринъ со́лтанъ въ ковче́жцѣ ꙗ҆вле́нный тобо́ю ѻ҆́бразъ. Ты́ же, дв҃о бцⷣе, сꙋгꙋ́бымъ ꙗ҆вле́нїемъ на то́мъ же дре́вѣ і҆кѡ́ны сеѧ̀ вразꙋми́ла є҆сѝ є҆го̀, да всѝ позна́ютъ да́ръ млⷭ҇рдїѧ, лю́демъ тобо́ю низпосыла́емый, и҆ въ весе́лїи возопїю́тъ:

Си́лою вразꙋмле́нїѧ ѡ҆ ꙗ҆вле́нїи чꙋдотво́рныѧ і҆кѡ́ны твоеѧ̀ просвѣще́нный, позна̀ болѧ́ринъ со́лтанъ, ꙗ҆́кѡ і҆кѡ́на сїѧ̀ стра́ждꙋщымъ во ᲂу҆тѣше́нїе тобо́ю свы́ше низпо́слана бы́сть, и҆ сле́знѡ сокрꙋша́ѧсѧ ѡ҆ неразꙋ́мїи свое́мъ, воздви́же хра́мъ на мѣ́стѣ ꙗ҆вле́нїѧ є҆ѧ̀, да всѝ лю́дїе бг҃ꙋ воздаю́тъ непреста́ннꙋю ѡ҆ тебѣ̀ хвалꙋ̀: А҆ллилꙋ́їа.

И҆мꙋ́щи бога́тство млⷭ҇рдїѧ неизрече́нное, не ѿри́нꙋла є҆сѝ промышле́нїемъ и҆збра́нныхъ твои́хъ, въ ско́рби ве́лїей сꙋ́щихъ. Є҆гда́ бо хра́мъ, и҆дѣ́же бѣ̀ і҆кѡ́на твоѧ̀ пречтⷭ҇на́ѧ, ѻ҆гне́мъ попале́нъ бы́сть, ты̀, всебл҃га́ѧ ᲂу҆тѣ́шительнице, сохрани́ла є҆сѝ ѻ҆́бразъ тво́й ѿ ѻ҆гнѧ̀ неврежде́нъ, па́ки ꙗ҆ви́ла є҆сѝ на ка́мени бли́з̾ хра́ма, ѻ҆гне́мъ сожже́ннагѡ. Лю́дїе же ᲂу҆зрѣ́вше таково́е чꙋ́до, воспѣ́ша тѝ хвале́бнꙋю пѣ́снь сицевꙋ́ю:

Бꙋ́рею страсте́й и҆ и҆скꙋше́нїй ѡ҆держи́мїи вѣ́рнїи твоѝ, молѧ́щесѧ пред̾ чꙋдотво́рною і҆кѡ́ною твое́ю, поко́й и҆ дꙋше́внꙋю ра́дость ѡ҆брѣта́ютъ. Ты́ бо, дв҃о чⷭ҇таѧ, хрⷭ҇тїа́нъ пꙋтеводи́тельнице, мꙋ́дрѡ и҆ пра́вѡ пꙋ́ть житїѧ̀ ше́ствовати наставлѧ́еши, да всѝ бг҃окра́сною пѣ́снїю восхвалѧ́ютъ бг҃а, пою́ще: А҆ллилꙋ́їа.

Слы́шавше лю́дїе, ꙗ҆́кѡ ꙗ҆вле́ннаѧ тобо́ю і҆кѡ́на да́ромъ чꙋде́съ преизбы́точествꙋетъ, съ вѣ́рою и҆ ᲂу҆пова́нїемъ на млⷭ҇рдїе твоѐ къ не́й притека́ютъ, и҆ бога́тствомъ щедро́тъ твои́хъ

Бг҃оте́чнѣй ѕвѣздѣ̀, съ восто́ка возсїѧ́вшей, подо́бна была̀ є҆сѝ, прест҃а́ѧ дв҃о, є҆гда̀ въ лꙋчеза́рнѣмъ сїѧ́нїи а҆́ки жена̀ красоты̀ неизрече́нныѧ ꙗ҆ви́ласѧ є҆сѝ дѣ́темъ, ᲂу҆казꙋ́ющи мѣ́сто ꙗ҆вле́нїѧ пречⷭ҇тны́ѧ і҆кѡ́ны твоеѧ̀, чꙋде́снѡ тобо́ю ѿ ѻ҆гнѧ̀ сохране́нныѧ. Не лиши́ла є҆сѝ и҆ ма́лыхъ си́хъ твоеѧ̀ бл҃госты́ни, поꙋча́ющи и҆̀хъ ѡ҆ вели́цѣмъ млⷭ҇рдїи твое́мъ, да подража́юще дѣ́темъ і҆и҃лєвымъ, восклица́вшымъ хрⷭ҇тꙋ̀ ѡ҆са́нна, воспою́тъ хвалꙋ̀ бг҃ꙋ: А҆ллилꙋ́їа.

Ви́дѣша всѝ стра́нное и҆ пресла́вное чꙋ́до, і҆кѡ́ною твое́ю ꙗ҆влѧ́емое, пречⷭ҇таѧ: дѣви́ца нѣ́каѧ і҆ри́на, болѣ́знїю подви́гшисѧ къ поклоне́нїю ст҃ы́ни твое́й, на пꙋтѝ ᲂу҆́мре, и҆ є҆гда̀ и҆́ноцы нача́ша сверша́ти ѿпѣва́нїе є҆ѧ̀ пред̾ і҆кѡ́ною твое́ю, ди́внѡ воскре́се, и҆ всѝ лю́дїе со тре́петомъ восклица́хꙋ:

Проповѣ̑дницы бл҃госты́ни твоеѧ̀ ꙗ҆ви́шасѧ всѝ, притека́ющїи къ цѣльбоно́снѣй і҆кѡ́нѣ твое́й, влⷣчце. Не ѿри́нꙋла бо є҆сѝ никого́же, въ те́плѣй мл҃твѣ рꙋ́цѣ своѝ къ не́й простира́юща, да позна́вшїи си́лꙋ да́ра чꙋде́снагѡ бг҃ꙋ бл҃года́рственнꙋю пѣ́снь возопїю́тъ: А҆ллилꙋ́їа.

Возсїѧ́вшаѧ лꙋча̀ свѣтоза́рнаѧ ꙗ҆ви́сѧ всечтⷭ҇на́ѧ ѻ҆би́тель жиро́вицкаѧ, под̾ кро́вомъ ст҃ы́ни твоеѧ̀, бг҃омт҃и, воздви́гнꙋтаѧ и҆ пꙋ́ть житїѧ̀ бл҃гонра́внагѡ ѡ҆зарѧ́ющаѧ. Се́й бо до́мъ по́двигѡвъ и҆́ноческихъ и҆ ᲂу҆чи́лище бжⷭ҇твеннагѡ разꙋмѣ́нїѧ ѡ҆свѣтѝ зе́млю на́шꙋ лꙋча́ми и҆́стиннагѡ бг҃овѣ́дѣнїѧ, да всѝ тебѣ̀, ѽ до́ме премꙋ́дрости седмисто́лпный, та́кѡ воспою́тъ въ пѣ́снехъ достохва́льныхъ:

Хотѧ́ще возда́ти поклоне́нїе і҆кѡ́нѣ твое́й, мно́гими чꙋдесы̀ просїѧ́вшей, посѣща́хꙋ ѻ҆би́тель жиро́вицкꙋю не то́кмѡ хꙋдоро́днїи, но и҆ ца́рїе зе́мстїи, припа́дающе къ пречⷭ҇томꙋ твоемꙋ̀ ѻ҆́бразꙋ, влⷣчце, и҆ ча́юще ѿ тебє̀ вели̑кїѧ и҆ бога̑тыѧ млⷭ҇ти, приноша́хꙋ тѝ пѣ́снь хвале́бнꙋю и҆ бг҃ови воспѣва́хꙋ: А҆ллилꙋ́їа.

Ди́вное вои́стиннꙋ промышле́нїе ꙗ҆ви́ла є҆сѝ, влⷣчце, вѣ̑рнымъ твои̑мъ: є҆гда́ бо ѻ҆би́тель жиро́вицкаѧ ле́стїю и҆ наси́лїемъ ѿ правосла́вїѧ ѿто́ржена бы́сть, застꙋпле́нїемъ твои́мъ па́ки возврати́сѧ лю́демъ правосла̑внымъ. Сегѡ̀ ра́ди всѝ пра́выѧ вѣ́ры поклѡ́нницы притеко́ша къ пречⷭ҇томꙋ ѻ҆́бразꙋ твоемꙋ̀, и҆ съ весе́лїемъ воспѣ́ша:

Стра̑ннаѧ и҆ пресла̑внаѧ чꙋдеса̀ позна́ша ѡ҆ тебѣ̀, бг҃омт҃и, вѣ́рнїи твоѝ, ꙗ҆́кѡ не то́кмѡ і҆кѡ́ною твое́ю бл҃года́ть и҆̀мъ ꙗ҆влѧ́еши, но и҆ вода́мъ и҆сто́чника, на мѣ́стѣ ꙗ҆вле́нїѧ происте́кшагѡ, да́ръ недꙋ́ги и҆сцѣлѧ́ти подае́ши, да всѝ, вели́кꙋю и҆ бога́тꙋю млⷭ҇ть ѿ тебє̀ воспрїи́мше, воспою́тъ хвале́бнꙋю пѣ́снь бг҃ови: А҆ллилꙋ́їа.

Всѝ, къ покро́вꙋ твоемꙋ̀ прибѣга́ющїи, ско́рое ᲂу҆слы́шанїе и҆ те́плое застꙋпле́нїе ѡ҆брѣта́ютъ: ты́ бо, бг҃омт҃и, скѡ́рби мт҃рнїѧ при крⷭ҇тѣ̀ сн҃а твоегѡ̀ воспрїи́мшаѧ, вѣ́си тѧготꙋ̀ скорбе́й на́шихъ. Тѣ́мже къ тебѣ̀, мт҃и, въ ско́рби и҆скꙋше́ннѣй, ꙗ҆́кѡ ѻ҆́бщницы ско́рби и҆ страда́нїй сн҃а твоегѡ̀, та́кѡ взыва́емъ:

Всѧ̑ а҆́гг҃льскаѧ вѡ́инства тебѐ, бг҃омт҃и, ꙗ҆́кѡ вы́шшꙋю нб҃съ и҆ чⷭ҇тшꙋю свѣ́тлостей со́лнечныхъ, ᲂу҆бл҃жа́ютъ: бг҃а бо зачала̀ є҆сѝ пло́тїю и҆ свѣ́та свѣ́тѡвъ родила̀ є҆сѝ. Тѣ́мже и҆ мы̀ земноро́днїи, ꙗ҆́кѡ чтⷭ҇нѣ́йшꙋю херꙋві̑мъ и҆ сла́внѣйшꙋю без̾ сравне́нїѧ серафі̑мъ, велича́юще тѧ̀, вопїе́мъ ѡ҆ тебѣ̀ бг҃ови: А҆ллилꙋ́їа.

Вѣті́йство всѧ́кое земноро́дныхъ не довлѣ́етъ къ прославле́нїю і҆кѡ́ны, тобо́ю ꙗ҆вле́нныѧ, ѿ неѧ́же, ꙗ҆́кѡ ѿ приснотекꙋ́щагѡ и҆сто́чника, прибѣга́ющїи ѻ҆би́лїе бла̑гъ почерпа́ютъ. Тѣ́мже недоꙋмѣва́юще восхвали́ти тѧ̀ по достоѧ́нїю, ꙗ҆́кѡ первоисто́чникъ бла̑гъ си́хъ, со ᲂу҆миле́нїемъ се́рдца взыва́емъ си́це:

Сп҃сти́сѧ хотѧ́щымъ на́мъ и҆ под̾ кро́въ тво́й прибѣга́ющымъ, бꙋ́ди, прест҃а́ѧ дв҃о, помо́щница неѡскꙋ́днаѧ. Сохранѝ на́съ ѿ бѣ́дъ и҆ напа́стей, наипа́че же ѿ паде́нїѧ грѣхо́внагѡ и҆ ѿча́ѧнїѧ, да преꙋспѣва́юще въ добродѣ́телехъ хрⷭ҇то́выхъ, съ ра́достїю ѡ҆ преди́внѣмъ твое́мъ застꙋпле́нїи бл҃года́рственнѡ возопїе́мъ: А҆ллилꙋ́їа.

Стѣна̀ крѣ́пкаѧ цр҃кви правосла́внѣй была̀ є҆сѝ, прест҃а́ѧ дв҃о, во дни̑ тѧ́жкихъ и҆спыта́нїй є҆ѧ̀: тѣ́мже мо́лимъ тѧ̀: застꙋпѝ, покры́й и҆ соблюдѝ ю҆̀ во всѧ̑ дни̑ ѿ вра̑гъ ѕлоко́зненныхъ, возстаю́щихъ на ню̀, да всѝ ра́достнѡ ѡ҆ тебѣ̀ возопїе́мъ:

Пѣ́нїе сладча́йшее не довлѣ́етъ восхвали́ти по достоѧ́нїю щедрѡ́ты твоѧ̑, пречⷭ҇таѧ, нѣ́сть бо ра́зꙋма, могꙋ́ща позна́ти глꙋбинꙋ̀ млⷭ҇рдїѧ твоегѡ̀, нижѐ сло́ва, досто́йнѡ воспѣва́юща тѧ̀. Ѻ҆ба́че бл҃га́ѧ сꙋ́щи, прїимѝ и҆ на̑ша ᲂу҆бѡ́гаѧ хвалє́нїѧ, да и҆ мы̀, вели́чїе твоѐ прославлѧ́юще, воспое́мъ ѡ҆ тебѣ̀ пѣ́снь бг҃ꙋ: А҆ллилꙋ́їа.

Свѣтоза́рными лꙋча́ми, пречⷭ҇томꙋ ѻ҆́бразꙋ твоемꙋ̀ присꙋ́щими, ѡ҆зарѝ, влⷣчце, пꙋ́ть житїѧ̀ на́шегѡ приско́рбный, да всѝ ѿ бѣ́дъ и҆ лю́тыхъ напа́стей тобо́ю и҆зба́вленнїи, возмо́жемъ пра́вѡ ходи́ти въ зако́нѣ гдⷭ҇ни, бл҃годарѧ́ще тѧ̀ и҆ пою́ще си́це:

Бл҃года́ть съ нб҃сѐ ѿ бг҃а и҆спросѝ на́мъ, влⷣчце, къ пречⷭ҇томꙋ ѻ҆́бразꙋ твоемꙋ̀ притека́ющымъ и҆ тебѐ, мт҃рь свѣ́та, въ пѣ́снехъ велича́ющымъ, да ѡ҆сѣнѧ́еми покро́вомъ твои́мъ, во всѧ́комъ бл҃гоче́стїи и҆ чистотѣ̀ поживе́мъ и҆ прⷭ҇то́лꙋ цр҃ѧ̀ сла́вы неѡсꙋжде́ннѡ предста́немъ, пою́ще ѡ҆ тебѣ̀ хвале́бнꙋю пѣ́снь: А҆ллилꙋ́їа.

Пою́ще вели̑чїѧ твоѧ̑, прест҃а́ѧ дв҃о, восхвалѧ́емъ тѧ̀ всѝ, и҆ ꙗ҆́кѡ тве́рдꙋю предста́тельницꙋ сп҃се́нїѧ на́шегѡ, ᲂу҆се́рднѡ мо́лимъ: бꙋ́ди на́мъ во всѧ́комъ дѣ́лѣ бл҃зѣ помо́щница и҆ ᲂу҆слы́ши на́съ, ᲂу҆ми́льнѡ взыва́ющихъ тѝ:

Ѽ прест҃а́ѧ влⷣчце, дв҃о бцⷣе, а҆́гг҃льскими чи́нми на нб҃сѝ пѣсносло́вимаѧ, прїимѝ и҆ ѿ на́съ, недосто́йныхъ ра̑бъ твои́хъ, сїѐ ма́лое моле́нїе, въ похвалꙋ̀ тебѣ̀ приноси́мое, и҆ ѿ паде́нїй грѣхо́вныхъ и҆збавлѧ́ющи, наслѣ́дники ны̀ црⷭ҇твїѧ нбⷭ҇нагѡ содѣ́лай, да съ тобо́ю во вѣ́ки пое́мъ бг҃ꙋ: А҆ллилꙋ́їа.

А҆рха́гг҃лъ гаврїи́лъ, съ нб҃сѐ по́сланный къ тебѣ̀, дв҃о чⷭ҇таѧ, вѣща́ ти: ра́дꙋйсѧ, бл҃года́тнаѧ, гдⷭ҇ь съ тобо́ю! Мы́ же бл҃года́тїю бж҃їею чрез̾ тебѐ ѡ҆заре́ннїи, восхвалѧ́емъ тѧ̀ пѣ́сньми сицевы́ми:

И҆збра́ннѣй ѿ всѣ́хъ родѡ́въ цр҃и́цѣ и҆ влⷣчцѣ похва̑льныѧ пѣ̑сни принесе́мъ, ꙗ҆́кѡ хода́таицѣ и҆ застꙋ́пницѣ ро́да хрⷭ҇тїа́нскагѡ, ты́ же, ꙗ҆́кѡ бл҃га́ѧ предста́тельница пред̾ гдⷭ҇емъ, ᲂу҆молѝ сн҃а твоего̀ и҆ бг҃а на́шего дарова́ти на́мъ наслѣ́дїе бла̑гъ вѣ́чныхъ, да ра́дꙋющесѧ ѡ҆ тебѣ̀ взыва́емъ:

Ѽ премлⷭ҇рдаѧ гпⷭ҇жѐ, дв҃о бцⷣе! Кі́има ᲂу҆стна́ма прикоснꙋ́сѧ ко ст҃ы́ни твое́й и҆лѝ кі́ими словесы̀ и҆сповѣ́мъ щедрѡ́ты твоѧ̑, лю́демъ ꙗ҆влѧ́ємыѧ: никто́же бо притека́ѧй къ тебѣ̀, ѿхо́дитъ то́щъ и҆ не ᲂу҆слы́шанъ. Ѿ ю҆́ности моеѧ̀ взыска́хъ по́мощи и҆ застꙋпле́нїѧ твоегѡ̀ и҆ николи́же лише́нъ бы́хъ млⷭ҇рдїѧ твоегѡ̀. Зри́ши, гпⷭ҇жѐ, скѡ́рби се́рдца моегѡ̀ и҆ ꙗ҆́звы дꙋшѝ моеѧ̀ вѣ́си. И҆ ны́нѣ колѣнопреклоне́ннѡ предстоѧ̀ пред̾ пречⷭ҇тымъ твои́мъ ѻ҆́бразомъ, молє́нїѧ моѧ̑ приношꙋ́ ти. Не лиши́ мѧ всеси́льнагѡ хода́тайства твоегѡ̀ въ де́нь ско́рби моеѧ̀, и҆ въ де́нь печа́ли моеѧ̀ застꙋпи́ мѧ. То́ка сле́зъ мои́хъ не ѿврати́сѧ, влⷣчце, и҆ ра́дости моѐ се́рдце и҆спо́лни. Прибѣ́жище и҆ предста́тельство бꙋ́ди мнѣ̀, млⷭ҇тиваѧ, и҆ свѣ́та твоегѡ̀ зарѧ́ми ᲂу҆́мъ мо́й просвѣтѝ. И҆ не то́кмѡ ѡ҆ себѣ̀ молю́ тѧ, но и҆ ѡ҆ лю́дехъ, притека́ющихъ къ застꙋпле́нїю твоемꙋ̀. Цр҃ковь сн҃а твоегѡ̀ во бл҃гости соблюдѝ, и҆ ѡ҆градѝ ю҆̀ ѿ ѕлоко́зненныхъ навѣ́тѡвъ вра̑гъ, возстаю́щихъ на ню̀. А҆рхїпа́стырємъ на́шымъ послѝ по́мощь твою̀ во а҆пⷭ҇льствѣ и҆ сохранѝ и҆̀хъ здра̑вы, долгоде́нствꙋющѧ, пра́вѡ пра́вѧщѧ сло́во и҆́стины гдⷭ҇ни. Па́стырємъ и҆спросѝ ᲂу҆ бг҃а сн҃а твоегѡ̀ ре́вность и҆ бдѣ́нїе ѡ҆ дꙋша́хъ врꙋче́ннагѡ и҆̀мъ ста́да слове́снагѡ, дꙋ́хъ ра́зꙋма и҆ бл҃гоче́стїѧ, чистоты̀ и҆ пра́вды бжⷭ҇твенныѧ и҆̀мъ низпослѝ. И҆спросѝ та́кожде, влⷣчце, ᲂу҆ гдⷭ҇а власте́мъ предержа́щымъ и҆ градоправи́телємъ мꙋ́дрость и҆ си́лꙋ, сꙋдїѧ́мъ пра́вдꙋ и҆ нелицепрїѧ́тїе, всѣ̑мъ же притека́ющымъ къ тебѣ̀ дꙋ́хъ цѣломꙋ́дрїѧ, смиренномꙋ́дрїѧ, терпѣ́нїѧ и҆ любвѐ. Є҆ще́ же молю́ тѧ, премлⷭ҇рдаѧ, ѡ҆сѣнѝ странꙋ̀ на́шꙋ кро́вомъ твоеѧ̀ бл҃госты́ни и҆ и҆зба́ви ю҆̀ ѿ бѣ́дствїй стїхі́йныхъ, наше́ствїѧ и҆ноплеме́нникѡвъ и҆ междоꙋсо́бныхъ нестрое́нїй, да всѝ живꙋ́щїи въ не́й, въ любвѝ и҆ ми́рѣ пребыва́юще, ти́хое и҆ безмѧте́жное житїѐ поживꙋ́тъ, и҆ бла̑гъ вѣ́чныхъ мл҃твами твои́ми сподо́бившесѧ, возмо́гꙋтъ кꙋ́пнѡ съ тобо́ю и҆ всѣ́ми ст҃ы́ми восхвалѧ́ти бг҃а на нб҃сѝ во вѣ́ки. А҆ми́нь.

Ѽ всепѣ́таѧ и҆ пребл҃гослове́ннаѧ дв҃о, мт҃и хрⷭ҇та̀ бг҃а на́шегѡ, прїимѝ молє́нїѧ на́съ, тебѐ прославлѧ́ющихъ, тебѣ̀ бл҃годарє́нїѧ приносѧ́щихъ и҆ почита́ющихъ чтⷭ҇нꙋ́ю і҆кѡ́нꙋ сїю̀, ѿ лѣ́тъ дре́внихъ въ ве́си жиро́вицтѣй ꙗ҆вле́ннꙋю. Не таи́мъ бл҃годѣѧ̑нїѧ твоѧ̑, бцⷣе, и҆ па́ки и҆сповѣ́дꙋемъ, ꙗ҆́кѡ сїѧ̀ і҆кѡ́на твое́ю бл҃года́тною си́лою всѣ̑мъ, съ вѣ́рою приходѧ́щымъ къ не́й, и҆сточа́етъ неѡскꙋ̑дныѧ млⷭ҇ти: просвѣща́етъ сердца̀ бл҃гоче́стїемъ, ᲂу҆крѣплѧ́етъ си̑лы ѡ҆сла́блєнныѧ и҆ и҆сцѣлѧ́етъ не́мѡщи дꙋшє́вныѧ и҆ тѣлє́сныѧ. Ѽ всепѣ́таѧ цр҃и́це нбⷭ҇наѧ, прїимѝ бл҃года́рственное пѣ́нїе и҆ никогда́же лишѝ на́съ твоегѡ̀ нбⷭ҇нагѡ покро́ва и҆ застꙋпле́нїѧ: всѧ̑ бо мо́жетъ мл҃тва мт҃ре къ млⷭ҇рдномꙋ бжⷭ҇твенномꙋ сн҃ꙋ, ѡ҆ се́мъ бо вели́комъ застꙋпле́нїи возвѣща́етъ на́мъ сїѧ̀ ма́лаѧ і҆кѡ́на, ꙗ҆́кѡ безцѣ́нное сокро́вище, на се́мъ мѣ́стѣ ѡ҆брѣ́тенное. Бл҃года́тнаѧ мт҃и бж҃їѧ, ты̀ и҆ во ѻ҆гнѝ ѻ҆́бразъ се́й сохра́ньшаѧ, па́ки да́рꙋеши є҆го̀ въ зало́гъ твоеѧ̀ бли́зости къ на́мъ и҆ всегда́шнѧгѡ застꙋпле́нїѧ. Ѽ пречⷭ҇таѧ влⷣчце, ᲂу҆мѧгчѝ сердца̀ на̑ша, ѡ҆каменє́ннаѧ грѣхо́мъ, да ѡ҆жи́вше бл҃года́тными твои́ми мл҃твами, и҆спо́лнимъ бжⷭ҇твєнныѧ за́пѡвѣди сн҃а твоегѡ̀, гдⷭ҇а на́шегѡ і҆и҃са хрⷭ҇та̀, и҆ та́кѡ дости́гнемъ несконча́емагѡ днѐ црⷭ҇твїѧ бж҃їѧ, въ не́же и҆ зва́ни є҆смы̀ со всѣ́ми ст҃ы́ми. А҆ми́нь.