Акафист Пресвятой Богородице пред иконой «В скорбех и печалех Утешение»

Взбра́ннѣй воево́дѣ влⷣчцѣ на́шей бцⷣѣ, дарова́вшей на́мъ пречꙋ́днꙋю і҆кѡ́нꙋ свою̀ въ ско́рбѣхъ и҆ печа́лѣхъ ᲂу҆тѣше́нїе, бл҃года́рственное прино́симъ пѣ́нїе. Ты́ же, пренепоро́чнаѧ, прїимѝ моли̑твы на̑ша и҆ ѿ всѧ́кихъ бѣ́дъ застꙋпѝ рабы̑ твоѧ̑, съ вѣ́рою и҆ любо́вїю вопїю́щїѧ тѝ:

А҆́гг҃лъ мно́жество и҆ всѧ̑ нбⷭ҇наѧ вѡ́инства сла́вѧтъ тѧ̀ непреста́ннѡ на нб҃сѝ, влⷣчце, и҆ мы̀, земноро́днїи, и҆спо́лненнїи ра́дости дꙋхо́вныѧ, притека́юще къ цѣльбоно́снѣй і҆кѡ́нѣ твое́й, и҆з̾ глꙋбины̀ се́рдца прино́симъ тѝ глаго́лы сїѧ̑:

Ви́дѧще тѧ̀ на і҆кѡ́нѣ твое́й ст҃ѣ́й, бг҃ома́ти пречⷭ҇таѧ, бг҃омладе́нца хрⷭ҇та̀ на рꙋка́хъ твои́хъ держа́щꙋю и҆ ли́ками ст҃ы́хъ ѡ҆крꙋжа́емꙋю, ᲂу҆милѧ́емсѧ дꙋша́ми на́шими и҆ бл҃гоговѣ́йнѡ съ любо́вїю покланѧ́емсѧ пречⷭ҇тагѡ ли́ка твоегѡ̀ и҆зѡбраже́нїю, зовꙋ́ще сн҃ꙋ твоемꙋ̀ хрⷭ҇тꙋ̀ бг҃ꙋ: А҆ллилꙋ́їа.

Ра́зꙋмъ нбⷭ҇ный ѿкрыва́ѧ, бцⷣе дв҃о, бл҃говоли́ла є҆сѝ мно́гими чꙋдесы̀ просла́вити і҆кѡ́нꙋ твою̀, въ земно́мъ жре́бїи твое́мъ, ст҃ѣ́й горѣ̀ а҆ѳѡ́нстѣй, да всѝ вѣ́дꙋще таково́е твоѐ ѡ҆ не́й бл҃говоле́нїе, пѣ́сненнѡ тебѣ̀ зовꙋ́тъ:

Си́лꙋ бжⷭ҇твенныѧ бл҃года́ти да́рꙋеши, ѽ бг҃ома́ти, всѣ̑мъ съ вѣ́рою и҆ любо́вїю прибѣга́ющымъ ко всечтⷭ҇но́мꙋ покро́вꙋ твоемꙋ̀: и҆ на́съ, недꙋ́гꙋющихъ тѣ́ломъ и҆ дꙋше́ю, бл҃га́ѧ влⷣчце, свы́ше ᲂу҆крѣпѝ и҆ посѣще́нїѧ твоегѡ̀ сподо́би, да сп҃са́емїи тобо́ю, непреста́ннѡ вопїе́мъ бг҃ꙋ: А҆ллилꙋ́їа.

И҆мѣ́ѧ любо́вь ве́лїю къ лю́дємъ, и҆скꙋпле́ннымъ кро́вїю сн҃а твоегѡ̀ и҆ бг҃а, всѣ̑мъ съ вѣ́рою и҆ ᲂу҆пова́нїемъ прибѣга́ющымъ къ тебѣ̀ млⷭ҇тивнѡ подае́ши рꙋ́кꙋ по́мощи, влⷣчце, да всѝ є҆ди́нымъ се́рдцемъ и҆ є҆ди́ными ᲂу҆сты̀ прино́сѧтъ тѝ пѣ́нїе сицево́е:

Бꙋ́рею мно́гихъ бѣ́дъ ѡ҆держи̑мымъ на́мъ помога́еши, нбⷭ҇наѧ цр҃и́це, съ вѣ́рою прибѣга́ющымъ къ тебѣ̀ и҆ покланѧ́ющымсѧ цѣльбоно́сномꙋ ѻ҆́бразꙋ твоемꙋ̀, є҆го́же ми́лостивѡ ꙗ҆ви́ла є҆сѝ на́мъ во ᲂу҆тѣше́нїе, да прославлѧ́ѧ млⷭ҇ть твою̀, на́мъ низпосла́ннꙋю, рожде́нномꙋ ѿ тебє̀ сп҃си́телю мі́ра зове́мъ: А҆ллилꙋ́їа.

Слы́шавше бра́тїѧ скита̀ а҆ндре́евскагѡ словеса̀ ѻ҆тца̀ своегѡ̀ дꙋхо́внагѡ: да бꙋ́детъ сїѧ̀ і҆кѡ́на ва́мъ ѿра́дою и҆ ᲂу҆тѣше́нїемъ въ ско́рбѣхъ и҆ печа́лѣхъ, возра́довашесѧ ѕѣлѡ̀ ѡ҆ твое́мъ застꙋпле́нїи, прест҃а́ѧ дв҃о, и҆ всю̀ наде́ждꙋ на тѧ̀ возложи́вше, воспѣ́ша тѝ та́кѡ:

Бг҃оте́чнаѧ ѕвѣзда̀ ꙗ҆ви́сѧ і҆кѡ́на твоѧ̀, дв҃о бцⷣе, сїѧ́нїемъ мно́гихъ чꙋде́съ дꙋхо́внѡ просвѣща́ѧ и҆ неѡскꙋ́днѡ и҆сточа́ѧ бл҃года́тнаѧ и҆сцѣлє́нїѧ всѣ̑мъ вѣ̑рнымъ, ᲂу҆се́рднѡ къ не́й притека́ющымъ и҆ смире́ннѡ вопїю́щымъ бг҃ꙋ: А҆ллилꙋ́їа.

Ви́дѧще то́ки чꙋде́съ, ѿ ст҃ы́ѧ і҆кѡ́ны твоеѧ̀ и҆сточа́емыѧ, всебл҃га́ѧ, всѝ лю́дїе землѝ вѧ́тскїѧ стека́хꙋсѧ къ не́й на поклоне́нїе и҆ на тѧ̀ всѐ ᲂу҆пова́нїе своѐ въ ско́рбѣхъ и҆ печа́лѣхъ возлага́юще, воспѣ́ша тѝ си́це:

Проповѣ́дꙋютъ млⷭ҇ти твоѧ̑, бцⷣе, всѝ концы̀ вселе́нныѧ, ѿ ст҃ы́ѧ і҆кѡ́ны твоеѧ̀ въ ско́рбѣхъ и҆ печа́лѣхъ ᲂу҆тѣше́нїе быва́емыѧ: болѧ́щымъ бо здра́вїе, слѣпы̑мъ прозрѣ́нїе, скорбѧ́щымъ ᲂу҆тѣше́нїе подае́ши и҆ всѣ̑мъ на всѧ́комъ мѣ́стѣ и҆ на всѧ́кїй ча́съ бл҃года́тнꙋю по́мощь ꙗ҆влѧ́еши, вопїю́щымъ ѡ҆ тебѣ̀ всемлⷭ҇тивомꙋ бг҃ꙋ: А҆ллилꙋ́їа.

Возсїѧ́ла є҆сѝ мно́гими лꙋча́ми чꙋде́съ і҆кѡ́на твоѧ̀, ѽ бг҃ома́ти, и҆ си́ми не то́кмо го́рꙋ а҆ѳѡ́нскꙋю, но и҆ мнѡ́жайшаѧ мѣста̀ ѡ҆зари́ла є҆сѝ, да наꙋчи́мсѧ зва́ти тебѣ̀:

Хотѧ́щи ꙗ҆ви́ти то́ки чꙋде́съ ѿ і҆кѡ́ны своеѧ̀ въ ско́рбѣхъ и҆ печа́лѣхъ ᲂу҆тѣше́нїе, ᲂу҆слы́шала є҆сѝ, влⷣчце, моли́твꙋ болѧ́щагѡ раба̀ твоегѡ̀ влади́мїра и҆ ѿ нѣмоты̀ и҆сцѣле́нїе є҆мꙋ̀ дарова́ла є҆сѝ, да здра́въ сы́й дꙋше́ю и҆ тѣ́ломъ, проповѣ́дꙋетъ всѣ̑мъ млⷭ҇ти твоѧ̑, ра́ди тоѧ̀ і҆кѡ́ны ꙗ҆влє́нныѧ. Тѣ́мже и҆ мы̀ прославлѧ́юще бг҃а, бл҃годѣ́ющаго чрез̾ ст҃ы́й ѻ҆́бразъ тво́й, вопїе́мъ є҆мꙋ̀: А҆ллилꙋ́їа.

Но́вое зна́менїе млⷭ҇ти твоеѧ̀ ꙗ҆ви́ла є҆сѝ, цр҃и́це нбⷭ҇наѧ, въ чꙋде́снѣмъ прославле́нїи ст҃ы́ѧ і҆кѡ́ны твоеѧ̀, къ не́йже съ вѣ́рою и҆ любо́вїю прибѣга́ющымъ и҆ по́мощи ѿ тебє̀ просѧ́щымъ всѧ́кїй недꙋ́гъ и҆ всѧ́кꙋю ꙗ҆́звꙋ дꙋше́внꙋю и҆ тѣле́снꙋю врачꙋ́еши. Сегѡ̀ ра́ди вопїе́мъ тѝ:

Стра́нствїе земно́е многоско́рбное и҆ многомѧте́жное ᲂу҆слажда́еши на́мъ ма́тернимъ твои́мъ ѡ҆ на́съ попече́нїемъ, бцⷣе: ты́ бо, ꙗ҆́кѡ бл҃га́ѧ ѻ҆дїги́трїа, наставлѧ́еши на́съ къ ти́хомꙋ и҆ бл҃гоѡти́шномꙋ приста́нищꙋ и҆ мо́лиши сн҃а твоегѡ̀ ѡ҆ проще́нїи прегрѣше́нїй на́шихъ, да непреста́ннѡ вопїе́мъ є҆мꙋ̀: А҆ллилꙋ́їа.

Всѣ̑мъ вѣ̑рнымъ ᲂу҆мили́тельнѡ є҆́сть взира́ти на ст҃ꙋ́ю і҆кѡ́нꙋ твою̀, всемлⷭ҇тиваѧ влⷣчце, ты́ бо є҆сѝ всѣ́хъ скорбѧ́щихъ ᲂу҆тѣ́шительница и҆ бѣ́дствꙋющихъ помо́щница. Къ тебѣ̀ ᲂу҆́бѡ прибѣга́емъ, бг҃ома́ти, пред̾ пречтⷭ҇но́ю і҆кѡ́ною твое́ю припа́дающе: и҆спо́лни ра́дости и҆ весе́лїѧ скѡ́рбнаѧ сердца̀ на̑ша, да, полꙋчи́вше ѿра́дꙋ и҆ ᲂу҆тѣше́нїе, вопїе́мъ тѝ:

Всѧ́кїѧ ᲂу҆толѧ́еши болѣ̑зни и҆ скѡ́рби, во ѡ҆бстоѧ́нїи сꙋ́щимъ рꙋ́кꙋ по́мощи простира́ющи, ѽ всебл҃га́ѧ: призрѣ́ла бо є҆сѝ на раба̀ твоегѡ̀ тїмоѳе́а и҆ и҆сцѣле́нїе є҆мꙋ̀ дарова́ла є҆сѝ. Оу҆сладѝ ᲂу҆́бѡ и҆ на̑ша скѡ́рби и҆ печа̑ли, ско́раѧ помо́щнице, и҆ и҆сцѣле́нїе пода́ждь недꙋ́гꙋющымъ дꙋша́мъ и҆ тѣлесє́мъ на́шимъ, да вопїе́мъ немо́лчнѡ: А҆ллилꙋ́їа.

Вѣті́и многовѣща́ннїи недоꙋмѣва́ютъ, кі́ими словесы̀ досто́йнѡ восхвали́ти всѧ̑ чꙋдеса̀ твоѧ̑, бцⷣе, ѿ ст҃ы́ѧ і҆кѡ́ны твоеѧ̀ быва́емыѧ. Мы́ же, твоѧ̑ неисчє́тнаѧ бл҃годѣѧ̑нїѧ ви́дѧще, при́снѡ тѧ̀ ᲂу҆бл҃жа́емъ и҆ хвале́бнѡ тебѣ̀ вопїе́мъ:

Сп҃си́тельное прибѣ́жище въ ско́рбѣхъ и҆ бѣда́хъ ꙗ҆влѧ́ешисѧ всемꙋ̀ ро́дꙋ чл҃вѣ́ческомꙋ, мт҃и бж҃їѧ: тѧ́ бо дарова̀ чл҃вѣколю́бецъ гдⷭ҇ь погиба́ющимъ въ по́мощь, покро́въ и҆ ᲂу҆тѣше́нїе. Мы́ же, вѣ́чныѧ мꙋ́ки твои́мъ хода́тайствомъ и҆зба́витисѧ ᲂу҆пова́юще, вѣ́рнѡ вопїе́мъ сн҃ꙋ твоемꙋ̀ и҆ бг҃ꙋ на́шемꙋ: А҆ллилꙋ́їа.

Стѣна̀ неѡбори́маѧ и҆ и҆сто́чникъ чꙋде́съ ꙗ҆ви́сѧ ст҃а́ѧ і҆кѡ́на твоѧ̀, влⷣчце, всѣ̑мъ къ твоемꙋ̀ покро́вꙋ прибѣга́ющымъ. Тѣ́мже и҆ мы̀, припа́дающе пред̾ ѻ҆́бразомъ твои́мъ, мо́лимъ тѧ̀: защитѝ и҆ сохранѝ на́съ невреди́мы ѿ всѣ́хъ напа́стей и҆ нестрое́нїй, съ любо́вїю взыва́ющихъ тѝ и҆з̾ глꙋбины̀ дꙋшѝ:

Пѣ́нїе сїѐ на́ше не пре́зри, прест҃а́ѧ дв҃о, є҆гѡ́же всеꙋмиле́ннѡ прино́симъ тѝ, рабѝ твоѝ, ꙗ҆́кѡ всеси́льнѣй застꙋ́пницѣ ро́да на́шегѡ, но помозѝ на́мъ, всебл҃га́ѧ, покаѧ́нїемъ ѡ҆чи́ститисѧ ѿ скве́рны грѣхо́вныѧ и҆ преꙋспѣ́ти въ чи́стѣмъ и҆ бг҃оꙋго́днѣмъ житїѝ, да воспомина́ѧ неисчє́тнаѧ чꙋдотворє́нїѧ твоѧ̑, вопїе́мъ пода́телю всѣ́хъ бл҃гъ бг҃ꙋ: А҆ллилꙋ́їа.

Свѣ́тлыми лꙋча́ми чꙋде́съ пречⷭ҇тна́ѧ і҆кѡ́на твоѧ̀, влⷣчце, немерца́емѡ сїѧ́етъ и҆ ве́сь мі́ръ бл҃года́тнѡ ѡ҆зарѧ́етъ, мра́къ грѣхо́вный и҆ ᲂу҆ны́нїе разгонѧ́ѧ. Не лишѝ, ѽ всебл҃га́ѧ, твоегѡ̀ застꙋпле́нїѧ и҆ на́съ, въ жите́йскомъ мо́рѣ треволнє́нїѧми ѡ҆бꙋрева́емыхъ, ѻ҆ба́че ѿ се́рдца приносѧ́щихъ тѝ бл҃гохвалє́нїѧ сїѧ̑:

Блгⷣть бжⷭ҇твеннꙋю и҆ млⷭ҇ть и҆спросѝ на́мъ, всемлⷭ҇тиваѧ влⷣчце, ᲂу҆ сн҃а твоегѡ̀ и҆ бг҃а, да, то́ю ᲂу҆крѣплѧ́еми и҆ направлѧ́еми, по пꙋтѝ се́мъ многоско́рбнѣмъ неꙋкло́ннѡ ше́ствовати возмо́жемъ. Ты́ же, ѽ бг҃ома́ти, ѿ всѧ́кагѡ ѕла̀ сохранѝ на́съ, под̾ ѡ҆сѣне́нїе і҆кѡ́ны твоеѧ̀ ст҃ы́ѧ прибѣга́ющихъ и҆ со ᲂу҆миле́нїемъ ѡ҆ тебѣ̀ вопїю́щихъ: А҆ллилꙋ́їа.

Пою́ще твоѧ̑ млⷭ҇ти и҆ чꙋдеса̀, бг҃ороди́тельнице, бы́вшаѧ въ дре́внїѧ и҆ настоѧ́щаѧ времена̀, хва́лимъ, сла́вимъ и҆ велича́емъ тѧ̀, честнѣ́йшꙋю вои́стиннꙋ херꙋві̑мъ и҆ сла́внѣйшꙋю без̾ сравне́нїѧ серафі̑мъ, и҆, припа́даѧ къ пречестно́мꙋ ѻ҆́бразꙋ твоемꙋ̀, ᲂу҆ми́льнѡ се́й лобыза́емъ, съ тре́петомъ и҆ любо́вїю воспѣва́ѧ тѝ си́це:

Ѽ всепѣ́таѧ мт҃и сладча́йшагѡ гдⷭ҇а на́шегѡ і҆и҃са хрⷭ҇та̀! Оу҆слы́ши гла́съ скорбѧ́щихъ ра̑бъ твои́хъ и҆ прїимѝ сїѐ ма́лое моле́нїе на́ше, ѿ лю́бѧщихъ серде́цъ тебѣ̀ приноси́мое: и҆зба́ви на́съ ѿ всѧ́кихъ бѣ́дъ, скорбе́й и҆ напа́стей, недꙋ̑ги на̑ша и҆сцѣлѝ, всѧ́кꙋ ѕло́бꙋ и҆ враждꙋ̀ ѿженѝ ѿ на́съ и҆ прича́стниками жи́зни вѣ́чныѧ содѣ́лай ѡ҆ тебѣ̀ бл҃года́рнѡ зовꙋ́щихъ: А҆ллилꙋ́їа.

А҆́гг҃лъ мно́жество и҆ всѧ̑ нбⷭ҇наѧ вѡ́инства сла́вѧтъ тѧ̀ непреста́ннѡ на нб҃сѝ, влⷣчце, и҆ мы̀, земноро́днїи, и҆спо́лненнїи ра́дости дꙋхо́вныѧ, притека́юще къ цѣльбоно́снѣй і҆кѡ́нѣ твое́й, и҆з̾ глꙋбины̀ се́рдца прино́симъ тѝ глаго́лы сїѧ̑:

Взбра́ннѣй воево́дѣ влⷣчцѣ на́шей бцⷣѣ, дарова́вшей на́мъ пречꙋ́днꙋю і҆кѡ́нꙋ свою̀ въ ско́рбѣхъ и҆ печа́лѣхъ ᲂу҆тѣше́нїе, бл҃года́рственное прино́симъ пѣ́нїе. Ты́ же, пренепоро́чнаѧ, прїимѝ моли̑твы на̑ша и҆ ѿ всѧ́кихъ бѣ́дъ застꙋпѝ рабы̑ твоѧ̑, съ вѣ́рою и҆ любо́вїю вопїю́щїѧ тѝ:

Къ комꙋ̀ возопїю̀, влⷣчце; Къ комꙋ̀ прибѣ́гнꙋ въ го́рести мое́й, а҆́ще не къ тебѣ̀, цр҃и́це нбⷭ҇наѧ; Кто̀ пла́чъ мо́й и҆ воздыха́нїе моѐ прїи́метъ, а҆́ще не ты̀, пренепоро́чнаѧ, наде́ждо хрⷭ҇тїа́нъ и҆ прибѣ́жище на́мъ, грѣ̑шнымъ; Кто̀ па́че тебє̀ въ напа́стѣхъ защити́тъ; Оу҆слы́ши ᲂу҆́бѡ стена́нїе моѐ и҆ приклонѝ ᲂу҆́хо твоѐ ко мнѣ̀, влⷣчце мт҃и бг҃а моегѡ̀, и҆ не пре́зри менѐ, тре́бꙋющагѡ твоеѧ̀ по́мощи, и҆ не ѿри́ни менѐ, грѣ́шнагѡ. Вразꙋмѝ и҆ наꙋчѝ мѧ̀, цр҃и́це нбⷭ҇наѧ: не ѿстꙋпѝ ѿ менє̀, раба̀ твоегѡ̀, влⷣчце, за ропта́нїе моѐ, но бꙋ́ди мнѣ̀ мт҃и и҆ застꙋ́пница. Врꙋча́ю себѐ млⷭ҇тивомꙋ покро́вꙋ твоемꙋ̀: приведѝ мѧ̀, грѣ́шнагѡ, къ ти́хой и҆ безмѧте́жнѣй жи́зни, да пла́чꙋсѧ ѡ҆ грѣсѣ́хъ мои́хъ. Къ комꙋ́ бо прибѣ́гнꙋ пови́нный а҆́зъ, а҆́ще не къ тебѣ̀, ᲂу҆пова́нїю и҆ прибѣ́жищꙋ грѣ́шныхъ, наде́ждою на неизрече́ннꙋю млⷭ҇ть твою̀ и҆ щедрѡ́ты твоѧ̑ ѡ҆крилѧ́емь; Ѽ влⷣчце, цр҃и́це нбⷭ҇наѧ! Ты̀ мнѣ̀ ᲂу҆пова́нїе и҆ прибѣ́жище, покро́въ и҆ застꙋпле́нїе и҆ по́мощь. Цр҃и́це моѧ̀ пребл҃га́ѧ и҆ ско́раѧ застꙋ́пнице, покры́й твои́мъ хода́тайствомъ моѧ̑ прегрѣшє́нїѧ, защитѝ менѐ ѿ вра̑гъ ви́димыхъ и҆ неви́димыхъ: ᲂу҆мѧгчѝ сердца̀ ѕлы́хъ человѣ̑къ, возстаю́щихъ на мѧ̀. Ѽ мт҃и гдⷭ҇а моегѡ̀ творца̀! Ты̀ є҆сѝ ко́рень двⷭ҇тва и҆ неꙋвѧда́емый цвѣ́тъ чⷭ҇тоты̀. Ѽ бг҃ороди́тельнице! Ты̀ пода́ждь мѝ по́мощь немощствꙋ́ющемꙋ плотски́ми страстьмѝ и҆ болѣ́знꙋющемꙋ се́рдцемъ, є҆ди́но бо твоѐ и҆ съ тобо́ю твоегѡ̀ сн҃а и҆ бг҃а на́шегѡ и҆́мамъ застꙋпле́нїе: и҆ твои́мъ пречꙋ́днымъ застꙋпле́нїемъ да и҆зба́влюсѧ ѿ всѧ́кїѧ бѣды̀ и҆ напа́сти, ѽ пренепоро́чнаѧ и҆ пресла́внаѧ бж҃їѧ мт҃и мр҃і́е. Тѣ́мже со ᲂу҆пова́нїемъ глаго́лю и҆ вопїю̀. Ра́дꙋйсѧ, бл҃года́тнаѧ, ра́дꙋйсѧ, ѡ҆бра́дованнаѧ, ра́дꙋйсѧ, пребл҃гослове́ннаѧ, гдⷭ҇ь съ тобо́ю! А҆ми́нь.