Канон святым женам Олимпиаде Константинопольской и преподобной Евпраксии Константинопольской, Тавеннской
Припев: Святи́и пра́веднии де́вы Олимпиа́до и Евпракси́е, моли́те Бо́га о на́с.
Память: 07 августа (25 июля ст. ст.)
Глас 8.
Пе́снь 1.
Ирмо́с: Колесницегони́теля фарао́ня погрузи́ чудотворя́й иногда́ Моисе́йский же́зл, крестообра́зно порази́в и раздели́в мо́ре, Изра́иля же беглеца́, пешехо́дца спасе́, пе́снь Бо́гови воспева́юща.
Плотско́ю не́мощию си́льнаго врага́ низложи́сте, и присво́истеся к Бо́гу, преподо́бныя жены́, моля́щеся си́лу все́м на́м пода́ти спаси́тельную.
Уязви́стеся добро́тою Женихо́вою и во сле́д Его́ прилепи́стеся псало́мски, после́дующе живоно́сным стопа́м Его́, и сего́ ра́ди низложи́сте врага́ зми́я.
Увяди́вше труды́ по́стническими теле́сныя добро́ты, украси́сте ва́ша ду́ши и со Христо́м Женихо́м в черто́ги све́тлыя внидо́сте, преподо́бныя.
Богоро́дичен: Неве́стник показа́ся светови́ден утро́ба Твоя́, Де́во, ми́лости ра́ди теле́сно из Тебе́ воплоти́вшагося Го́спода и вся́ческая Богоразу́мия луча́ми просве́щшаго.
Пе́снь 3.
Ирмо́с: Небе́снаго кру́га Верхотво́рче, Го́споди, и Це́ркве Зижди́телю, Ты́ мене́ утверди́ в любви́ Твое́й, жела́ний кра́ю, ве́рных утвержде́ние, Еди́не Человеколю́бче.
Презре́ла еси́ добро́ту теле́сную, пречестна́я, и мимогряду́щую сла́ву, я́ко со́н, вмени́ла еси́, во смире́нии же, Олимпиа́до, и поще́нии Бо́га взыска́ла еси́, Богоблаже́нная.
Младе́нствующи ле́ты, на́с ра́ди Младе́нца Сло́ва, на зе́млю, Евпракси́е, прише́дшаго, ве́рою возлюби́ла еси́ и Того́ о́бразу ду́шу связа́ла еси́, непрело́жна пребы́вши.
Отверго́стеся ми́ра и пло́ти мудрова́ния, воздержа́нием же и труды́ стяжа́вше Христа́, Жениха́ Пречи́стаго, черто́г Небе́сный, подаю́щаго ва́м Боже́ственное наслажде́ние.
Богоро́дичен: Свяще́нных проро́к свяще́нныя трубы́ дре́вле Тя́ провозвести́ша, две́рь Све́та ро́ждшую и сви́ток одушевле́нный, на не́мже не рука́ми Сло́во написа́ся па́че сло́ва, Пречи́стая Де́во.
Пе́снь 4.
Ирмо́с: Услы́шах, Го́споди, смотре́ния Твоего́ та́инство, разуме́х дела́ Твоя́ и просла́вих Твое́ Божество́.
Странноприе́мница усе́рднейша была́ еси́, собо́р свяще́нных упокоева́ющи и Христа́ о се́м веселя́щи, за милосе́рдие стра́нна бы́вшаго.
Добро́ту пречи́стую люби́маго ви́девши Жениха́ твоего́, Евпракси́е, увяди́ла еси́ пло́ти добро́ту воздержа́нием.
Дрема́ние отри́нувше от душе́вных ве́ждей свяще́нныя жены́, успи́сте двиза́ния теле́сная воздержа́нием.
Богоро́дичен: Воплоти́вшагося Тебе́, Го́споди, от Пречи́стыя Де́вы преподо́бныя возлюби́вше, в воню́ ми́ра Твоего́ потеко́ша, Твое́ю уязви́вшеся Боже́ственною любо́вию.
Пе́снь 5.
Ирмо́с: Вску́ю мя́ отри́нул еси́ от лица́ Твоего́, Све́те Незаходи́мый, и покры́ла мя́ е́сть чужда́я тма́ окая́ннаго? Но обрати́ мя́, и к све́ту за́поведей Твои́х пути́ моя́ напра́ви, молю́ся.
От исто́чника напая́ема, вселе́нную всезлаты́ми уче́нии свяще́ннаго па́стыря напои́вшаго, кла́сы прозябла́ еси́ до́брыя де́тели, Олимпиа́до, и́миже пита́еши сердца́ на́с, чту́щих тя́.
Блаже́нными наде́ждами твою́ сла́вную ду́шу укре́пльши и пи́щею невеще́ственною пита́ема, ума́ чистото́ю де́ньми мно́гими терпели́вно а́лчбу, Евпракси́е, претерпе́ла еси́, ра́дующися.
Умертви́вшеся ми́рови, насле́довасте жи́знь безсме́ртную и черто́га Боже́ственнаго сподо́бистеся, Богоблаже́нныя, свещи́ ва́ша по́стническим еле́ем неугаси́мы соблю́дше, всечестны́я.
Богоро́дичен: Бо́жие Бо́г Сло́во во утро́бу Неискусобра́чную во́лею всели́ся и Челове́к узре́н бы́сть, И́же Де́вою соблюды́й Тя́, Пречи́стая, Его́же жела́юще, отрокови́цы по́стнически Сему́ после́доваша житие́м све́тлым.
Пе́снь 6.
Ирмо́с: Моли́тву пролию́ ко Го́споду и Тому́ возвещу́ печа́ли моя́, я́ко зо́л душа́ моя́ испо́лнися и живо́т мо́й а́ду прибли́жися, и молю́ся, я́ко Ио́на: от тли́, Бо́же, возведи́ мя́.
Ю́на су́щи, Евпракси́я боле́зней усе́рдием, благочести́вым по́мыслом ве́тхаго запина́теля попира́ше в не́мощи же́нстей телесе́: утвержда́ше бо сию́ Христо́с, И́же в на́шу обо́лкся не́мощь.
Воздержа́ние и смире́нное се́рдце, бде́ние с ми́лостынею, ра́зум, и ве́ру пра́ву, и соверше́нну любо́вь, Олимпиа́до, стяжа́вши, сла́вная, была́ еси́ хра́м Бо́жий и чуде́с исто́чник неоску́дный.
Устрани́вше себе́ жите́йских сласте́й терпе́нием боле́зней по́стнических, на зе́млю Соше́дшаго на́с ра́ди и во́лею Стра́нствовавша, вы́, честны́я, сего́ ра́ди стяжа́сте на Небесе́х, странноприи́мствовавша ва́с, досточу́дныя.
Богоро́дичен: Чистоты́ Тя́ и че́стна де́вства чи́стый сосу́д, Отрокови́це, Соде́тель обре́т, сло́вом в пречи́стое Твое́ чре́во всели́ся и всю́ вра́жию от челове́к зло́бу изгна́.
Седа́лен, гла́с 8.
В моли́твах та́йных бдя́ще и насла́ждшеся писа́ньми Богодохнове́нными, Олимпиа́да и Евпракси́я сла́вная на ра́му Госпо́день взя́ша Кре́ст и, Сему́ после́дующе воздержа́тельно, всю́ ле́сть зми́я низложи́ша, зову́ще Христу́: Женише́ Небе́сный, Ты́ бу́ди на́м утвержде́ние.
Пе́снь 7.
Ирмо́с: От Иуде́и доше́дше, о́троцы, в Вавило́не иногда́, ве́рою Тро́ическою пла́мень пе́щный попра́ша, пою́ще: отце́в Бо́же, благослове́н еси́.
Сла́ву тле́ющую на нетле́нную премени́ша любо́вию, преподо́бныя, ея́же наслажда́ющеся при́сно, ра́дующеся и веселя́щеся, пою́т: благослове́н Бо́г оте́ц на́ших.
О, ка́ко претерпе́ стоя́ние, а́лчбу же на дни́ мно́ги, Евпракси́е, Христу́ вопию́щи, Жениху́: благослове́н Бо́г оте́ц на́ших.
Вели́к тя́ сосу́д узре́в Боже́ственнаго Ду́ха, Олимпиа́до, бога́тно вели́кими свои́ми исполня́ет тя́ уче́нии в патриа́рсех вели́кий Златосло́в, блаже́нная.
Богоро́дичен: Разреши́ла еси́ еди́на кля́тву прама́тернюю все́х благослове́ньми венча́ющаго Христа́ ро́ждши, Де́во, Ему́же пое́м: Го́споди Бо́же, благослове́н еси́ во ве́ки.
Пе́снь 8.
Ирмо́с: Победи́тели мучи́теля и пла́мене благода́тию Твое́ю бы́вше, за́поведем Твои́м зело́ прилежа́ще, о́троцы вопия́ху: благослови́те, вся́ дела́ Госпо́дня, Го́спода.
По́мыслу, де́во, стра́сти безслове́сныя повину́ла еси́, и Жениху́ Сло́ву уневе́стившися, непоро́чная чи́стая, вопию́щи: благослови́те, вся́ дела́, Го́спода, по́йте и превозноси́те Его́ во ве́ки.
Ва́шими по́двиги те́мнаго кня́зя низло́жше, вене́ц нетле́ния на́м исхода́таиша, и ра́йския вхо́ды, отрокови́це, и Боже́ственное наслажде́ние в ра́дости души́ во ве́ки.
Распе́ншеся ми́ру и Бо́жиею любо́вию уязви́вшеся, свяще́нныя де́вы, вкуше́нием сла́дким Е́ву уязви́вшаго, воздержа́ния стрела́ми уязви́сте, воспева́юще Христа́ во ве́ки.
Богоро́дичен: Иису́са ро́ждшая, от чи́стых крове́й Твои́х воплоще́нна, де́вы вся́ собрала́ еси́, Пречи́стая Де́во Ма́ти, и с ни́ми вопию́щи: благослови́те, вся́ дела́, Го́спода и превозноси́те Его́ во ве́ки.
Пе́снь 9.
Ирмо́с: Вои́стинну Богоро́дицу, Тя́ испове́дуем, спасе́ннии Тобо́ю, Де́во Чи́стая, с безпло́тными ли́ки Тя́ велича́юще.
Кра́сныя Влады́це, и богоглаго́ливыя го́рлицы, и ла́стовицы све́тлыя и чистолюби́выя, в добро́ты Небе́сныя приведе́ни бы́сте.
Сочта́стеся с Вы́шними ликостоя́нии и во избра́нных собо́рех всели́стеся, о на́с моля́щеся любо́вию ще́дрому Бо́гу.
Па́мять Евпракси́и и Олимпиа́ды, я́ко со́лнце, ми́рови возсия́, ве́рных мы́сли просвеща́ющи, Христа́ велича́ющих при́сно.
Богоро́дичен: Све́та су́щи прия́телище, просвети́, Де́во, омраче́нную страстьми́ ду́шу мою́ и кроме́шния тмы́ изба́ви мя́ мольба́ми Твои́ми.
Пѣ́снь а҃.
І҆рмо́съ: Колесницегони́телѧ фараѡ́нѧ погрꙋзѝ чꙋдотворѧ́й и҆ногда̀ мѡѷсе́йскїй же́злъ, крⷭ҇тоѻбра́знѡ порази́въ и҆ раздѣли́въ мо́ре, і҆и҃лѧ же бѣглеца̀, пѣшехо́дца спасѐ, пѣ́снь бг҃ови воспѣва́юща.
Плотско́ю не́мощїю си́льнаго врага̀ низложи́сте, и҆ присво́истесѧ къ бг҃ꙋ, прпⷣбныѧ жєны̀, молѧ́щесѧ, си́лꙋ всѣ̑мъ на́мъ пода́ти спаси́тельнꙋю.
Оу҆ѧзви́стесѧ добро́тою женихо́вою, и҆ во слѣ́дъ є҆гѡ̀ прилѣпи́стесѧ ѱало́мски, послѣ́дꙋюще живонѡ́снымъ стопа́мъ є҆гѡ̀: и҆ сегѡ̀ ра́ди низложи́сте врага̀ ѕмі́ѧ.
Оу҆вѧди́вше трꙋды̑ по́стническими тѣлє́сныѧ добрѡ́ты, ᲂу҆краси́сте ва́шѧ дꙋ́шы: и҆ со хрⷭ҇то́мъ женихо́мъ въ черто́ги свѣ́тлыѧ внидо́сте, прпⷣбныѧ.
Бг҃оро́диченъ: Невѣ́стникъ показа́сѧ свѣтови́дѣнъ ᲂу҆тро́ба твоѧ̀, дв҃о, ми́лости ра́ди тѣле́снѡ и҆зъ тебє̀ воплоти́вшагѡсѧ гдⷭ҇а, и҆ всѧ́чєскаѧ бг҃оразꙋ́мїѧ лꙋча́ми просвѣ́щшагѡ.
Пѣ́снь г҃.
І҆рмо́съ: Нбⷭ҇нагѡ крꙋ́га верхотво́рче, гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе, є҆ди́не чл҃вѣколю́бче.
Презрѣ́ла є҆сѝ добро́тꙋ тѣле́снꙋю, пречестна́ѧ, и҆ мимогрѧдꙋ́щꙋю сла́вꙋ ꙗ҆́кѡ со́нъ вмѣни́ла є҆сѝ: во смире́нїи же, ѻ҆лѷмпїа́до, и҆ поще́нїи бг҃а взыска́ла є҆сѝ, бг҃облаже́ннаѧ.
Младе́нствꙋющи лѣ́ты, на́съ ра́ди младе́нца сло́ва, на зе́млю, є҆ѵпраѯі́е, прише́дшаго, вѣ́рою возлюби́ла є҆сѝ, и҆ тогѡ̀ ѻ҆́бразꙋ дꙋ́шꙋ свѧза́ла є҆сѝ, непрело́жна пребы́вши.
Ѿверго́стесѧ мі́ра и҆ пло́ти мꙋдрова́нїѧ, воздержа́нїемъ же и҆ трꙋды̑ стѧжа́вше хрⷭ҇та̀ жениха̀ пречⷭ҇таго, черто́гъ нбⷭ҇ный, подаю́щаго ва́мъ бжⷭ҇твенное наслажде́нїе.
Бг҃оро́диченъ: Свѧще́нныхъ прорѡ́къ свѧщє́нныѧ трꙋбы̑ дре́вле тѧ̀ провозвѣсти́ша: две́рь свѣ́та ро́ждшꙋю и҆ сви́токъ ѡ҆дꙋшевле́нный, на не́мже не рꙋка́ми сло́во написа́сѧ, па́че сло́ва пречⷭ҇таѧ дв҃о.
Пѣ́снь д҃.
І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бж҃ество̀.
Страннопрїе́мница ᲂу҆се́рднѣйша была̀ є҆сѝ, собо́ръ свѧще́нныхъ ᲂу҆покоева́ющи, и҆ хрⷭ҇та̀ ѡ҆ се́мъ веселѧ́щи, за милосе́рдїе стра́нна бы́вшаго.
Добро́тꙋ пречⷭ҇тꙋю люби́магѡ ви́дѣвши жениха̀ твоегѡ̀, є҆ѵпраѯі́е, ᲂу҆вѧди́ла є҆сѝ пло́ти добро́тꙋ воздержа́нїемъ.
Дрема́нїе ѿри́нꙋвше ѿ дꙋше́вныхъ вѣ́ждей свѧщє́нныѧ жєны̀, ᲂу҆спи́сте двиза̑нїѧ тѣлє́снаѧ воздержа́нїемъ.
Бг҃оро́диченъ: Воплоти́вшагосѧ тебѐ, гдⷭ҇и, ѿ пречⷭ҇тыѧ дв҃ы, преподѡ́бныѧ возлюби́вше, въ воню̀ мѵ́ра твоегѡ̀ потеко́ша, твое́ю ᲂу҆ѧзви́вшесѧ бжⷭ҇твенною любо́вїю.
Пѣ́снь є҃.
І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннагѡ, но ѡ҆братѝ мѧ̀, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ.
Ѿ и҆сто́чника напаѧ́ема, вселе́ннꙋю всезлаты́ми ᲂу҆че́нїи свѧще́ннагѡ па́стырѧ напои́вшагѡ, кла́сы прозѧбла̀ є҆сѝ до́брыѧ дѣ́тели, ѻ҆лѷмпїа́до, и҆́миже пита́еши сердца̀ на́съ чтꙋ́щихъ тѧ̀.
Блаже́нными наде́ждами твою̀ сла́внꙋю дꙋ́шꙋ ᲂу҆крѣ́пльши, и҆ пи́щею невеще́ственною пита́ема, ᲂу҆ма̀ чистото́ю, де́ньми мно́гими терпѣли́внѡ а҆́лчбꙋ, є҆ѵпраѯі́е, претерпѣ́ла є҆сѝ ра́дꙋющисѧ.
Оу҆мертви́вшесѧ мі́рови, наслѣ́довасте жи́знь безсме́ртнꙋю, и҆ черто́га бжⷭ҇твеннагѡ сподо́бистесѧ, бг҃обл҃жє́нныѧ, свѣщы̀ ва́шѧ по́стническимъ є҆ле́емъ неꙋгаси́мы соблю́дше, всечестны̑ѧ.
Бг҃оро́диченъ: Бж҃їе бг҃ъ сло́во во ᲂу҆тро́бꙋ неискꙋсобра́чнꙋю во́лею всели́сѧ, и҆ чл҃вѣ́къ ᲂу҆зрѣ́нъ бы́сть, и҆́же дв҃ою соблюды́й тѧ̀, пречⷭ҇таѧ: є҆го́же жела́юще ѻ҆трокови̑цы, по́стнически семꙋ̀ послѣ́доваша житїе́мъ свѣ́тлымъ.
Пѣ́снь ѕ҃.
І҆рмо́съ: Моли́твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ, ꙗ҆́кѡ і҆ѡ́на: ѿ тлѝ, бж҃е, возведѝ мѧ̀.
Ю҆́на сꙋ́щи є҆ѵпраѯі́а, болѣ́зней ᲂу҆се́рдїемъ, благочести́вымъ по́мысломъ, ве́тхаго запина́телѧ попира́ше, въ не́мощи же́нстѣй тѣлесѐ: ᲂу҆твержда́ше бо сїю̀ хрⷭ҇то́съ, и҆́же въ на́шꙋ ѡ҆бо́лксѧ не́мощь.
Воздержа́нїе и҆ смире́нное се́рдце, бдѣ́нїе съ ми́лостынею, ра́зꙋмъ и҆ вѣ́рꙋ пра́вꙋ, и҆ соверше́ннꙋ любо́вь, ѻ҆лѷмпїа́до, стѧжа́вши, сла́внаѧ, была̀ є҆сѝ хра́мъ бж҃їй, и҆ чꙋде́съ и҆сто́чникъ неѡскꙋ́дный.
Оу҆страни́вше себѐ жите́йскихъ сласте́й терпѣ́нїемъ болѣ́зней по́стническихъ, на зе́млю соше́дшаго на́съ ра́ди, и҆ во́лею стра́нствовавша, вы̀ честны̑ѧ: сегѡ̀ ра́ди стѧжа́сте на небесѣ́хъ страннопрїи́мствовавша ва́съ, досточꙋ̑дныѧ.
Бг҃оро́диченъ: Чⷭ҇тоты̀ тѧ̀, и҆ че́стна дѣ́вства чⷭ҇тый сосꙋ́дъ, ѻ҆трокови́це, содѣ́тель ѡ҆брѣ́тъ, сло́вомъ въ пречⷭ҇тое твоѐ чре́во всели́сѧ, и҆ всю̀ вра́жїю ѿ человѣ̑къ ѕло́бꙋ и҆згна̀.
Сѣда́ленъ, гла́съ и҃.
Въ моли́твахъ та́йныхъ бдѧ́ще, и҆ насла́ждшесѧ писа́ньми бг҃одохнове́нными, ѻ҆лѷмпїа́да и҆ є҆ѵпраѯі́а сла́внаѧ, на ра́мꙋ гдⷭ҇ень взѧ́ша кре́стъ, и҆ семꙋ̀ послѣ́дꙋюще воздержа́тельнѡ, всю̀ ле́сть ѕмі́ѧ низложи́ша, зовꙋ́ще хрⷭ҇тꙋ̀. женишѐ нбⷭ҇ный, ты̀ бꙋ́ди на́мъ ᲂу҆твержде́нїе.
Пѣ́снь з҃.
І҆рмо́съ: Ѿ і҆ꙋде́и доше́дше, ѻ҆́троцы въ вавѷлѡ́нѣ и҆ногда̀ вѣ́рою трⷪ҇ческою пла́мень пе́щный попра́ша, пою́ще: ѻ҆тцє́въ бж҃е, бл҃гослове́нъ є҆сѝ.
Сла́вꙋ тлѣ́ющꙋю на нетлѣ́ннꙋю премѣни́ша любо́вїю, прпⷣбныѧ, є҆ѧ́же наслажда́ющесѧ при́снѡ, ра́дꙋющесѧ и҆ веселѧ́щесѧ пою́тъ: бл҃гослове́нъ бг҃ъ ѻ҆тє́цъ на́шихъ.
Ѽ ка́кѡ претерпѣ̀ стоѧ́нїе, а҆́лчбꙋ же на днѝ мно́ги, є҆ѵпраѯі́е, хрⷭ҇тꙋ̀ вопїю́щи женихꙋ̀: бл҃гослове́нъ бг҃ъ ѻ҆тє́цъ на́шихъ.
Вели́къ тѧ̀ сосꙋ́дъ ᲂу҆зрѣ́въ бжⷭ҇твеннагѡ дх҃а, ѻ҆лѷмпїа́до, бога́тнѡ вели́кими свои́ми и҆сполнѧ́етъ тѧ̀ ᲂу҆че́нїи въ патрїа́рсѣхъ вели́кїй златосло́въ, блаже́ннаѧ.
Бг҃оро́диченъ: Разрѣши́ла є҆сѝ є҆ди́на клѧ́твꙋ прама́тернюю, всѣ́хъ бл҃гослове́ньми вѣнча́ющаго хрⷭ҇та̀ ро́ждши, дв҃о, є҆мꙋ́же пое́мъ: гдⷭ҇и бж҃е, бл҃гослове́нъ є҆сѝ во вѣ́ки.
Пѣ́снь и҃.
І҆рмо́съ: Побѣди́тели мꙋчи́телѧ и҆ пла́мене благода́тїю твое́ю бы́вше, за́повѣдемъ твои̑мъ ѕѣлѡ̀ прилѣжа́ще, ѻ҆́троцы вопїѧ́хꙋ: благослови́те, всѧ̑ дѣла̀ гдⷭ҇нѧ, гдⷭ҇а.
По́мыслꙋ, дѣ́во, стра̑сти безсловє́сныѧ повинꙋ́ла є҆сѝ, и҆ женихꙋ̀ сло́вꙋ ᲂу҆невѣ́стившисѧ, непоро́чнаѧ чⷭ҇таѧ, вопїю́щи: благослови́те, всѧ̑ дѣла̀ гдⷭ҇а, по́йте и҆ превозноси́те є҆го̀ во вѣ́ки.
Ва́шими пѡ́двиги те́мнаго кнѧ́зѧ низло́жше, вѣне́цъ нетлѣ́нїѧ на́мъ и҆схода́таиша, и҆ ра́йскїѧ вхо́ды, ѻ҆трокови́це, и҆ бж҃е́ственное наслажде́нїе, въ ра́дости дꙋшѝ во вѣ́ки.
Распе́ншесѧ мі́рꙋ, и҆ бж҃їею любо́вїю ᲂу҆ѧзви́вшесѧ, свѧщє́нныѧ дѣ́вы, вкꙋше́нїемъ сла́дкимъ є҆́ѵꙋ ᲂу҆ѧзви́вшаго, воздержа́нїѧ стрѣла́ми ᲂу҆ѧзви́сте, воспѣва́юще хрⷭ҇та̀ во вѣ́ки.
Бг҃оро́диченъ: І҆и҃са ро́ждшаѧ ѿ чⷭ҇тыхъ крове́й твои́хъ воплоще́нна, дѣ̑вы всѧ̑ собрала̀ є҆сѝ, пречⷭ҇таѧ дв҃о мт҃и, и҆ съ ни́ми вопїю́щи: благослови́те всѧ̑ дѣла̀ гдⷭ҇а, и҆ превозноси́те є҆го̀ во вѣ́ки.
Пѣ́снь ѳ҃.
І҆рмо́съ: Вои́стиннꙋ бцⷣꙋ тѧ̀ и҆сповѣ́дꙋемъ, спасе́ннїи тобо́ю, дв҃о чⷭ҇таѧ, съ безпло́тными ли̑ки тѧ̀ велича́юще.
Кра́сныѧ влⷣцѣ, и҆ бг҃оглагѡ́ливыѧ гѡ́рлицы, и҆ ла́стѡвицы свѣ̑тлыѧ и҆ чистолюби́выѧ, въ добрѡ́ты нбⷭ҇ныѧ приведе́ни бы́сте.
Сочта́стесѧ съ вы́шними ликостоѧ́нїи, и҆ во и҆збра́нныхъ собо́рѣхъ всели́стесѧ, ѡ҆ на́съ молѧ́щесѧ любо́вїю ще́дромꙋ бг҃ꙋ.
Па́мѧть є҆ѵпраѯі́и и҆ ѻ҆лѷмпїа́ды, ꙗ҆́кѡ со́лнце мі́рови возсїѧ̀, вѣ́рныхъ мы̑сли просвѣща́ющи, хрⷭ҇та̀ велича́ющихъ при́снѡ.
Бг҃оро́диченъ: Свѣ́та сꙋ́щи прїѧ́телище, просвѣтѝ, дв҃о, ѡ҆мраче́ннꙋю страстьмѝ дꙋ́шꙋ мою̀, и҆ кромѣ́шнїѧ тмы̀ и҆зба́ви мѧ̀ мольба́ми твои́ми.
Житие св. Олимпиады Константинопольской, диаконисы
Святая Олимпиада диакониса была дочерью сенатора Анисия Секунда и внучкой по матери знаменитого епарха Евлалия (упоминается в сказании о чудесах святителя Николая). До брака с Анисием Секундом мать Олимпиады была замужем за армянским царем Арсаком и овдовела. Когда святая Олимпиада была еще совсем юной, родители обручили ее с благородным юношей. Брак должен был состояться по достижении святой Олимпиадой совершеннолетия. Однако жених вскоре умер, а святая Олимпиада не пожелала вступать в брак и предпочла девственную жизнь. После смерти родителей она осталась наследницей большого состояния, которое стала раздавать щедрой рукой всем нуждавшимся: нищим, сиротам, вдовам; посылала также большие средства в церкви, монастыри, больницы, приюты для убогих и странников.
Святой патриарх Нектарий (381–397) назначил святую Олимпиаду диаконисой. Свое служение блаженная проходила честно и непорочно.
Много помогала святая Олимпиада приезжавшим в Царьград святителям Амфилохию, епископу Иконийскому, Онисиму Понтийскому, Григорию Богослову, Петру Севастийскому, брату Василия Великого, Епифанию Кипрскому, служа всем с великою любовью. Имение свое она не считала своим, а Божиим, и раздавала его не только добрым людям, но и своим врагам.
Святитель Иоанн Златоуст († 407; память 13 ноября) высоко ценил святую Олимпиаду и оказывал ей свое расположение и духовную любовь. Когда ни в чем не повинного святителя несправедливо изгнали, святая Олимпиада вместе с другими диаконисами глубоко переживала это. Выходя в последний раз из церкви, святитель Иоанн Златоуст позвал святую Олимпиаду и диаконис Пентадию, Проклию и Сальвину и сказал им, что возбужденное против него дело, видимо, приходит к концу, и вряд ли они еще увидят его. Он просил их не оставлять церковь и повиноваться епископу, который будет назначен вместо него, ибо Церковь не может быть без епископа. Святые жены, обливаясь слезами, пали перед святителем.
Патриарх Александрийский Феофил (385–412), прежде неоднократно пользовавшийся щедростью святой Олимпиады, ополчился против нее за преданность святителю Иоанну и за то, что она приняла и кормила пришедших в Царьград иноков, которых патриарх Феофил изгнал из египетской пустыни. Он возводил на нее несправедливые обвинения и старался опорочить ее святую жизнь.
После изгнания святителя Иоанна Златоуста загорелась соборная церковь Святой Софии и вслед за ней выгорела большая часть города.
Всех сторонников святителя Иоанна Златоуста стали подозревать в поджоге и вызывали на допрос. Тогда же пострадала и святая Олимпиада. Ее вызывали в суд, сурово допрашивали и, хотя не представили улик, присудили ее к уплате большой суммы за поджог, в котором она не была виновна. После этого святая покинула Царьград и отправилась в Кизик (на Мраморном море). Однако враги не прекратили свои преследования: в 405 году ее осудили на заточение в Никомидии, где святая претерпела много горя и лишений. Святитель Иоанн Златоуст из своего изгнания писал ей, утешая в скорби. В 409 году святая Олимпиада скончалась в заточении.
Святая Олимпиада явилась во сне Никомидийскому епископу и повелела положить тело ее в деревянный ковчег и бросить его в море: "Куда вынесут волны ковчег, там да будет погребено тело мое", – сказала святая. Епископ выполнил повеление святой Олимпиады. Ковчег прибило волнами к месту, называемому Врохти, близ Царьграда. Жители, извещенные об этом от Бога, вышли на берег, приняли святые мощи блаженной Олимпиады и положили их в церкви святого апостола Фомы. Впоследствии во время набегов варваров церковь была сожжена, но мощи сохранились и при патриархе Сергии (610–638) были перенесены в Царьград и положены в девичьем монастыре, основанном святой Олимпиадой. От мощей ее совершались чудеса и подавались исцеления.
См. также: "Житие святой Олимпиады диаконисы" в изложении свт. Димитрия Ростовского.
Житие преподобной Евпраксии Константинопольской, Тавеннской
Преподобная Евпраксия была дочерью константинопольского вельможи Антигона, родственника святого благоверного царя Феодосия Великого (379–395).
Антигон и его супруга Евпраксия были благочестивы и раздавали неимущим щедрую милостыню. У них родилась дочь, которую назвали также Евпраксией. Антигон вскоре умер. Мать удалилась от царского двора и вместе с дочерью отправилась в Египет под предлогом осмотра своих владений. Там близ Фиваиды был женский монастырь со строгим уставом. Жизнь насельниц привлекла благочестивую вдову. Она захотела помочь этой обители, но игумения Феодула отказалась и сказала, что инокини вполне предали себя Богу и не желают приобретения никаких земных богатств. Игумения согласилась принять только свечи, фимиам и масло.
Маленькой Евпраксии в это время исполнилось семь лет. Она полюбила монашеский уклад и решила остаться в обители. Благочестивая мать не препятствовала ее желанию. Оставляя дочь в обители, Евпраксия просила девочку быть смиренной, никогда не думать о своем благородном происхождении, служить Богу и сестрам с усердием. В скором времени мать скончалась. Узнав о ее кончине, царь Феодосий послал святой Евпраксии младшей письмо, в котором напоминал ей, что в пятилетнем возрасте родители обручили ее сыну одного сенатора и он желает, чтобы она выполнила данное родителями обещание. В ответном письме святая Евпраксия писала царю, что уже вступила в число невест Христовых и просит царя распорядиться ее имениями, раздав их в пользу Церкви и нуждавшихся.
Святая Евпраксия, приходя в возраст, все более усиливала свои подвиги. Вначале она вкушала пищу один раз в день, потом через два-три дня и более и, наконец, раз в неделю. Пост она соединяла с выполнением всех монастырских послушаний: смиренно трудилась в поварне, мыла посуду, подметала помещения и служила сестрам с усердием и любовью. Сестры любили смиренную святую Евпраксию. Но одна из них завидовала ей и все ее подвиги объясняла желанием прославиться. Сестра стала досаждать ей и укорять, но святая дева не противоречила ей, а смиренно просила прощения.
Много бед враг рода человеческого причинял святой. Однажды она, доставая воду, упала в колодец, откуда ее вытащили сестры; в другой раз святая Евпраксия рубила дрова для поварни и рассекла себе ногу топором. Когда она несла охапку дров вверх по лестнице, то наступила на край своей одежды, упала, и острая лучина вонзилась ей около глаза. Все эти напасти святая Евпраксия переносила с терпением, и когда ее просили дать себе немного отдыха, то не соглашалась. За подвиги Господь удостоил святую Евпраксию дара чудотворения: по ее молитве исцелился глухонемой и расслабленный ребенок, освободилась от недуга бесновавшаяся женщина. В монастырь стали приносить больных для исцеления. Святая дева еще более смирялась, считая себя последней из всех сестер. Перед кончиной святой Евпраксии игумении было видение. Святая дева была приведена в светлый чертог и поклонялась сидящему на Престоле Царю, окруженному святыми Ангелами, а Пречистая Дева показала святой Евпраксии светлую обитель и сказала ей, что она приготовлена для нее и что она через 10 дней войдет в эту обитель.
Игумения и сестры горько плакали, не желая расставаться со святой Евпраксией. Сама же святая, узнав о видении, плакала о том, что она не готова для перехода в вечность, и просила игумению умолить Господа оставить ей жизнь хотя бы на один год для покаяния. Игумения утешала святую Евпраксию и говорила, что Господь удостоит ее Своей великой милости. Внезапно святая Евпраксия почувствовала себя плохо и, разболевшись, вскоре мирно скончалась в возрасте тридцати лет († 413).
См. также: "Житие преподобной девы Евпраксии" в изложении свт. Димитрия Ростовского.
