Канон собору святых преподобных отец обители Хиландарския
Припев: Преподо́бнии отцы́ оби́тели Хиландáрския, моли́те Бо́га о на́с.
Память: 26 февраля (13 февраля ст. ст.); 02 июля (19 июня ст. ст.)
Глас 1.
Пе́снь 1.
Ирмо́с: Вознесу́ Тя́, Бо́же, Спа́се мо́й, я́ко воскре́сл еси́ от ме́ртвых, попра́в сме́рть.
А́нгели земни́и и челове́цы Небе́снии, облагода́тельствуйте у́м мо́й, во е́же досто́йно пе́ти по́двиги ва́ша.
Ны́не се́рбская страна́ вся́ ра́дуется, прославля́ющи ва́с вку́пе шестьна́десять засту́пников свои́х пред Престо́лом Вы́шняго.
Гро́здие вы́ есте́ виногра́да Христо́ва, иска́пающии на́м вино́ жи́зни и спасе́ния.
Богоро́дичен: Пою́т Тя́ и превозно́сят вся́ дела́ Госпо́дня, и́стинную Ма́терь Бо́га на́шего, ра́дуйся, со Гаврии́лом принося́ще Ти́, Всенепоро́чная Влады́чице.
Пе́снь 3.
Ирмо́с: Утвержде́й сло́вом Твои́м вселе́нную, я́же не подви́жится, утверди́ и на́шу мы́сль в стра́х Тво́й, Влады́ко Го́споди.
Его́же возлюби́сте па́че все́х, Его́же ра́ди подвиза́стеся на земли́, моли́те, да и на́с, ве́рных рабо́в Его́, объе́млет любо́вию Свое́ю.
Луча́ми Небе́сными у́м сво́й озари́вше, житие́м свои́м Вседержи́телю и Творцу́ все́х послужи́ли есте́, И́же и всели́ ва́с в Ца́рство Свое́ Небе́сное.
И́стинно Христу́ после́довасте, избра́ннии Бо́жии, Симео́не мироточи́вый и Са́вво первопресто́льне, приводя́ще Ему́ ве́сь боголюби́вый ро́д се́рбский, я́ко вожди́ Богому́дрии.
Богоро́дичен: Родила́ еси́ Еди́наго от Тро́ицы, Богома́ти Чи́стая, и млеко́м пита́ла еси́ Пита́ющаго и Укрепля́ющаго вся́ческая.
Седа́лен, гла́с 2:
Отцы́ всечестни́и и Богому́дрии, в терпе́нии и в безстра́стии пожи́сте, ева́нгельская повеле́ния житие́м свои́м изъясня́юще, яви́стеся я́ко непоколеби́мии столпи́ Це́ркве и некра́домое бога́тство благоче́стия, те́мже ра́йския сла́дости ны́не наслажда́етеся.
Богоро́дичен: Твоя́ вели́чия А́нгели пою́т, Пресвята́я Де́во Богоро́дице, с ни́миже и проро́цы со апо́столы, святи́телие с му́ченик ли́ки и преподо́бных все́ мно́жество, те́мже и мы́ с ни́ми покланя́емся Тебе́.
Пе́снь 4.
Ирмо́с: Разуме́х, Всеси́льне, Твое́ смотре́ние и со стра́хом просла́вих Тя́, Спа́се.
Насле́довав оте́ческую му́дрость и доброде́тель, я́ко сы́н возлю́бленный, святи́телю о́тче Арсе́ние, прее́мник бы́л еси́ Боже́ственнаго престо́ла Са́ввы пе́рваго, его́же стопа́м после́довал еси́.
Арсе́нию Богому́дрому на престо́ле насле́дник бы́в, святи́телю о́тче Са́вво вторы́й, Са́вве же пе́рвому во все́м подража́л еси́, и ны́не вку́пе с ни́ми не преста́й моли́ти за ве́сь правосла́вный ро́д се́рбский.
Ра́дуйся, вели́кая и сла́вная Патриархи́е Се́рбская, све́тло торжеству́ющи па́мять пе́рваго Патриа́рха се́рбскаго Иоанни́кия, сиро́т и вдо́в предста́теля, скорбя́щих уте́шителя и все́м те́пла пред Бо́гом засту́пника.
Богоро́дичен: А́нгельстии чи́ни и земны́х собо́ри совокупля́ются воспева́ти Миронача́льника и Спа́са все́х Христа́, Его́же Ты́ родила́ еси́.
Пе́снь 5.
Ирмо́с: От но́щи неве́дения просвеще́й концы́, просвети́ мя́ у́тром человеколю́бия Твоего́, Го́споди.
О́тче Евста́фие, иера́рше Госпо́день, и́же сама́го себе́ я́ко непоро́чну же́ртву прине́сл еси́ Христу́, моли́ Его́ дарова́ти душа́м на́шим ми́р и ве́лию ми́лость.
До́брый па́стырь бы́л еси́, я́ко прее́мник Са́ввы тре́тияго, преподо́бне о́тче Никоди́ме, Ду́ха Свята́го трео́стрым мече́м вооруже́нный, яви́лся еси́ я́ко секи́ра, посека́ющая вся́ еретико́в стремле́ния.
Архиере́ев похвалу́, свяще́нников сла́ву, мона́шествующих пра́вило и Це́ркве утвержде́ние, пое́м тя́, иера́рше Дании́ле, и хва́лим, я́ко те́пла моли́твенника к Бо́гу и предста́теля на́шего и храни́теля.
Богоро́дичен: Ма́ти Де́во Всенепоро́чная, Ты́ была́ еси́ святы́х святе́йши, я́ко Бо́га несказа́нно родила́ еси́, Его́же воспева́юще, непреста́нно Тя́ велича́ем.
Пе́снь 6.
Ирмо́с: Со Ио́ною вопие́м Ти́, Го́споди, со гла́сом хвале́ния моля́щеся: возведи́ от тли́ живо́т на́ш.
Све́том Трисия́ннаго Божества́ озаря́емь, святи́телю о́тче Ефре́ме, всле́д Христа́ поте́кл еси́ и, кре́ст Его́ на ра́мо взе́м, Того́ взыска́л еси́, Его́же моли́ о все́х на́с.
Еди́наго Человеколю́бца име́я в себе́ руководи́теля, преблаже́нне о́тче Киприа́не, Ему́же и служи́л еси́, моли́ Его́ спасти́ и просвети́ти ве́сь ро́д на́ш.
Ра́дуйся, преподо́бне о́тче Некта́рие, Би́тольская похвало́, горы́ Афо́нския чи́стое прозябе́ние, и́же ю́ность твою́ воздержа́нием увяди́л еси́, стра́сти же теле́сныя ду́ху повину́л еси́, сего́ ра́ди Христо́с Бо́г чудесы́ тя́ венча́ет пресла́вно.
Богоро́дичен: Изба́вльшаго на́с дре́вния кля́твы и благослове́ние на́м дарова́вшаго родила́ еси́ неизрече́нно, Богома́ти Всепе́тая, Его́же моли́ о спасе́нии ду́ш на́ших.
Конда́к, гла́с 4:
Благоче́стно на земли́ пожи́сте, ева́нгельския и́стины на Афо́не напои́вшеся, кре́постию Ду́ха Свята́го просия́сте и ны́не на Небесе́х весели́теся, те́мже мо́лим ва́с мы́, недосто́йнии: моли́твами ва́шими святы́ми изба́вите на́с от все́х бе́д и печа́ли.
И́кос:
Кре́ст сво́й на ра́мо взе́мше, вседу́шно Христу́ после́довасте, любо́вию же Его́ связу́еми, а́ще и от мно́гих стра́н пришли́ есте́, я́коже единокро́внии дави́дски вопия́сте: се́, что́ добро́, или́ что́ красно́, но е́же жи́ти бра́тии вку́пе, сего́ ра́ди мо́лим ва́с мы́, недосто́йнии: моли́твами ва́шими святы́ми изба́вите на́с от все́х бе́д и печа́ли.
Пе́снь 7.
Ирмо́с: Вся́ дела́ Твоя́ и́стинна и пра́ви путие́ Твои́, Бо́же оте́ц на́ших.
Благово́ние источа́ет гро́б тво́й, о́тче Васи́лие, иде́же лежи́т честно́е те́ло твое́, Остро́г же явля́ется я́коже ра́й Бо́жий, исцеля́еши неду́ги все́х, и́же с ве́рою и упова́нием притека́ют к ра́це моще́й твои́х и ве́рно взыва́ют: благослове́н Бо́г оте́ц на́ших.
Смотря́я бу́дущую жи́знь, о́тче Дамаски́не блаже́нне, и́стинно ми́ру умертви́лся еси́, те́мже и теле́сныя я́звы за Христа́ претерпе́л еси́, услажда́яся, Его́же ра́ди и пострада́л еси́, пове́шен бы́в, но получи́л еси́ живо́т во ве́ки, ны́не же, Христу́ предстоя́, вопие́ши: благослове́н Бо́г оте́ц на́ших.
Кре́ст Христо́в на ра́мена взе́м, преподо́бне о́тче Рафаи́ле, земна́я вся́ оста́вил еси́, стра́сти же теле́сныя умертви́в, Христу́ после́довал еси́, Его́же моли́, да спасе́т ду́ши все́х воспева́ющих: благослове́н Бо́г оте́ц на́ших.
Богоро́дичен: Разуме́ти та́йну стра́шнаго рождества́ Твоего́ ника́коже мо́жет у́м челове́ческий, но ниже́ а́нгельский, я́ко Ты́ Бо́га воплоще́ннаго родила́ еси́ па́че естества́.
Пе́снь 8.
Ирмо́с: Царя́ сла́вы и Победи́теля сме́рти, Иису́са Назоре́я, Того́ превозноси́те во вся́ ве́ки.
Афо́нския горы́ о́трасль, мо́лим тя́, о́тче Ону́фрие, душе́вное смуще́ние разори́ти, ми́р же и единомы́слие утверди́ти в на́с, е́же вопи́ти непреста́нно: Христа́ превозно́сим во вся́ ве́ки.
Го́спода сла́вы моли́те, святи́и, я́ко предста́телие на́ши и моли́твенницы, да от бе́д и скорбе́й изба́вит пою́щия: Христа́ превозно́сим во вся́ ве́ки.
О Го́споди Ще́дрый и Ми́лостивый, не отврати́ от на́с лица́ Твоего́, но услы́ши ны́, вопию́щих: Христа́ превозно́сим во вся́ ве́ки.
Богоро́дичен: Ки́ими Тя́ пе́сньми досто́йно ублажи́м, Богоро́дице, я́ко Херуви́м святе́йшую и Серафи́м сла́внейшую, Христа́ ро́ждшую, пребезнача́льно от Отца́ возсия́вшаго?
Пе́снь 9.
Ирмо́с: Тебе́, Небе́с вы́шшую и на земли́ Не́бо и Престо́л бы́вшую, Ма́терь Бо́жию, вси́ ро́ди, велича́ем.
Предста́телие ро́да на́шего, и́стиннии уго́дницы Христо́вы, сердца́ на́ша ра́дости испо́лните ва́шими к Бо́гу моли́твами.
Отцы́ на́ши преблаже́ннии, помина́йте всегда́ ублажа́ющих ва́с на земли́ и моли́те Бо́га о все́х на́с.
Ю́же сла́ву улучи́сте на Небеси́, Богоблаже́ннии отцы́ преподо́бнии, моли́те Бо́га, о е́же и на́м приобрести́ ю́.
Богоро́дичен: Отрокови́це Всенепоро́чная, Ты́ зако́ны естества́ еди́на обнови́ла еси́, ро́ждши Безсме́ртнаго Бо́га, в ме́ртвенную пло́ть оде́явшася, да ме́ртвыя оживи́т бла́гостию.
Свети́лен:
Светоза́рнии свети́льницы неугаси́мии, све́тлостию жития́ ва́шего всю́ се́рбскую страну́ просвети́ли есте́, доброде́тели дея́нию вся́ науча́юще, те́мже ны́не моли́теся Христу́, о е́же в ми́ре сохрани́ти оби́тель на́шу и все́ оте́чество.
Богоро́дичен: О Пречи́стая Де́во, ве́мы Тя́ вси́ Предста́тельницу, из Тебе́ на́м Христо́с возсия́ и небе́с Тя́ простра́ннейшу показа́, Того́ бо неискусому́жно родила́ еси́, воплоще́нна за милосе́рдие неисповеди́мое.
Краткое житие преподобномученика Онуфрия
Святой Онуфрий по происхождению был болгарин. В раннем возрасте, будучи наказан своими родителями, по наущению диавольскому выразил пред турками желание принять магометанскую веру. Но милостью Божией был исхищен из рук служителей Магомета. Придя же в совершенный возраст, удалился на Святую Афонскую Гору и поступил в братство Хилендарского монастыря, где и принял на себя иноческий образ. Ревнуя в добродетелях подвижникам Христовым, восходил от силы в силу. Преуспевая в добродетели, украшался смирением. Помня с ужасом свое отроческое падение, решимость отречься от Христа, потеряв мир в душе, когда и совершаемые им подвиги виделись ему недостаточными для того, чтобы очистить себя от падения, возжелал он исповедать Христа перед неверными, пролив за Него кровь в мученических страданиях. Получив на то старческое благословение, святый прибыл на остров Хиос, обрил волосы на голове и бороде, надел турецкую одежду и отправился в Мехкеме (судилище), где, вошедши в присутствие, в том самом месте, где некогда, будучи отроком, по неразумию едва не отрекся от Христа, проклял пред судьями мусульманскую веру и ложного пророка Магомета и дерзновенно исповедал себя христианином. Сорвал головную зеленую повязку и бросил ее пред ними. Судьи злобно закричали: смерть ему! Преподобномученик Онуфрий был заклан ножом в гортань подобно кроткому агнцу, чистая же и непорочная душа его отлетела в обители небесные.
Иное житие преподобномученика Онуфрия
Преподобномученик Онуфрий, в миру Матфей, родился в Болгарии в селении Габрово Тырновской епархии. Матфей получил хорошее образование, но земным благам предпочел служение Богу и ушел на Афон, в Хилендарский монастырь. Здесь он принял иноческий постриг с именем Манассия. Но даже суровое подвижничество монаха Афонской Горы не вполне удовлетворяло строгого к себе инока, и Манассия решил пострадать за Христа. Желанием этим он поделился со старцем Никифором. Старец постриг его в схиму с именем Онуфрий и, дав наставление, отправил с иноком Григорием на турецкий остров Хиос. Там преподобномученик Онуфрий открыто исповедал христианскую веру, за что был схвачен и предан жестоким мучениям.
После истязаний его обезглавили и бросили в море († 4 января 1818 г.).
Преподобный Паисий Хилендарский родился в 1722 году в Банско в благочестивой семье. Один брат преподобного – Лаврентий был игуменом Хилендарского монастыря, другой был известен как щедрый благотворитель православных храмов и монастырей, а сам преподобный Паисий проходил послушание в Рыльском монастыре. В 1745 году, в возрасте 23 лет, святой Паисий перешел к брату в Хилендарскую обитель на Афоне, где принял монашеский постриг. На Святой Горе подвижник возрастал духовно, глубоко изучил Священное Писание и был удостоен священного сана. В 1762 году преподобный Паисий написал "Историю славяноболгарскую" – книгу, укрепившую христианскую веру и пробудившую национальное самосознание порабощенного болгарского народа. Среди тьмы иноземного гнета преподобный снова возжег светильник православия, зажженный некогда святыми равноапостольными Кириллом и Мефодием (память 11 мая). Время и место блаженной кончины преподобного до сих пор неизвестно. 26 июня 1962 года Священный Синод Болгарской Православной Церкви под председательством святейшего патриарха Кирилла и при участии всех высокопреосвященных митрополитов, воздавая должное заслугам святого Паисия перед Церковью и родиной, постановил чтить Паисия Хилендарского и Болгарского в лике преподобных и определил совершать празднование памяти его 19 июня, "когда, по всеправославному месяцеслову, празднуется память преподобного Паисия Великого". Имя святого Паисия носит государственный университет в Пловдиве и многие институты и школы в других городах и селах Болгарии, что свидетельствует о глубоком почитании подвижника болгарским народом.
Житие преподобного Симеона Мироточивого (в миру Стефана)
Родившись в 1114 году от жупана Давида, Стефан (Симеон в монашестве) был младшим из четырех сыновей. Даже в раннем возрасте он правил столь мудро и благочестиво, что после смерти отца ему была отдана в управление большая часть страны; и потом он всю жизнь страдал от гнева своих братьев. Бог утешил его, даровав в жены княжну Анну, дочь византийского императора. И они, сами стяжав святость, произвели на свет двоих сыновей, также ставших святыми. Стараясь превратить Сербию в православное царство, преподобный Симеон воздвиг и содержал множество храмов в самой Сербии и во всем христианском мире. Венцом его жизни стало отречение от престола, когда он последовал своему сыну, святителю Савве, в возрасте 82 лет. Вместе они подвизались на Святой Горе, основав здесь Сербский Хиландарский монастырь. С лицом, осиянным небесным светом, преподобный Симеон почил о Бозе в возрасте 86 лет. Его мощи оставались мягкими и теплыми и источали нежное миро. Когда святитель Савва вернулся в Сербию, он принес с собою мощи своего отца, и весь народ был свидетелем того, что тело Симеона все еще было теплым и выглядело живым, он как бы спал. В настоящее время его мощи пребывают в Студеницком монастыре, который он воздвиг и в котором начал свою монашескую жизнь. И доныне они Божией благодатью приносят всем приходящим исцеления и утешения.
См. также:
- Память преподобного Симеона Мироточивого, царя Сербского свт. Димитрий Ростовский
- Память преподобного Симеона (Стефана) Мироточивого, основателя Хиландарского монастыря иером. Макарий Симонопетрский
- Память преподобного Симеона мироточивого, ктитора Хиландаря Афонский патерик
