Канон святому преподобному Евфимию Архангелогородскому
Припе́в: Преподо́бне о́тче Евфи́мие, моли́ Бо́га о на́с.
Глас 8.
Пе́снь 1
Ирмо́с: Колесницегони́теля фарао́ня погрузи́ чудотворя́й иногда́ Моисе́йский же́зл, крестообра́зно порази́в и раздели́в мо́ре, Изра́иля же беглеца́, пешехо́дца спасе́, пе́снь Бо́гови воспева́юща.
А́гнче Бо́жий, пе́снь твоему́ уго́днику, и́же на земли́ Тебе́ просла́вльшему, Евфи́мию принести́, Христе́, да́руй, я́ко Смыслода́вца пе́сньми возвели́чу Тя́.
Благоду́шию тезоимени́т бы́в, благоду́шествам ми́ сподо́би и Бо́гу помоли́ся, о́тче, я́ко да пою́ твою́ па́мять пе́сньми Боже́ственными, ра́дуяся.
Ве́сь освяще́н бы́в благода́тию Христо́вою, о́тче Евфи́мие, вои́стинну, я́ко избра́н сосу́д, Бо́гови показа́ся и жили́ще чи́сто Свято́му Ду́ху.
Богоро́дичен: Госпо́дь, из Тебе́ роди́вся. Влады́чице Всенепоро́чная, облада́юща врага́ ми́ром изба́вил е́сть вся́, преподо́бныя же, я́ко возлюби́вшия Сего́, возвели́чил е́сть.
Пе́снь 3
Ирмо́с: Ты́ еси́ утвержде́ние притека́ющих к Тебе́, Го́споди, Ты́ еси́ Све́т омраче́нных, и пое́т Тя́ ду́х мо́й.
Ду́ха Свята́го зарю́ прии́м, я́ко звезда́ пресве́тлая, возсия́л еси́, о́тче Евфи́мие, сия́я благода́тию чуде́с все́м, и́же ве́рою к тебе́ притека́ющим.
Евфи́мию Вели́кому соиме́нна бы́ти себе́ боля́щей жене́ пове́дал еси́, свя́те, ю́же от одержа́вшаго ея́ неду́га моли́твами здра́ву сотвори́л еси́.
Жи́знь свою́ сотвори́л еси́ в моли́твах и поще́нии, зако́нно препроводи́л еси́, о́тче, в безстра́стие облече́ся, пло́ти мудрова́ния смири́в кре́постию Боже́ственнаго Ду́ха.
Богоро́дичен: Зачала́ еси́ вои́стинну во утро́бе Свое́й, Богома́ти, Безнача́льнаго Бо́га Сло́ва, на́с ра́ди в челове́цех бы́вша, непрело́жна по на́с во двою́ естеству́ познава́ема.
Пе́снь 4
Ирмо́с: Ты́ моя́ кре́пость, Го́споди, Ты́ моя́ и си́ла, Ты́ мо́й Бо́г, Ты́ мое́ ра́дование, не оста́вль не́дра О́тча и на́шу нищету́ посети́в. Те́м с проро́ком Авваку́мом зову́ Ти́: си́ле Твое́й сла́ва, Человеколю́бче.
Земля́ от свои́х не́др предаде́ свяще́нныя твоя́ мо́щи, благоуха́нием и чудесы́ удивля́ющия гра́да жи́телей, проро́чески вопию́щих: пра́ведницы во ве́ки живу́т.
И́же любо́вию творя́щих святу́ю твою́ па́мять от вся́ких боле́зней и страсте́й моли́твами свои́ми избавля́й при́сно, я́ко дерзнове́ние стяжа́в у Спа́са, о́тче Евфи́мие.
Израсти́вше тя́, оте́чество ра́дуется ти́ дне́сь, и светле́ется Це́рковь Спа́са и Бо́га, иму́щи святы́я твоя́ мо́щи, благоуха́ющий и чудеса́ испуща́ющия все́м, ве́рою притека́ющим.
Богоро́дичен: Кра́сну обре́т и до́бру в жена́х Тя́, Всенепоро́чная, прекра́сное Сло́во всели́ся в пресвято́е чре́во Твое́ и вся́ ли́ки преподо́бных рождество́м Свои́м возвели́чил е́сть.
Пе́снь 5
Ирмо́с: Вску́ю мя́ отри́нул еси́ от лица́ Твоего́, Све́те Незаходи́мый, и покры́ла мя́ е́сть чужда́я тьма́, окая́ннаго? Но обрати́ мя́ и к све́ту за́поведей Твои́х пути́ моя́ напра́ви, молю́ся.
Ле́ты мно́гими сокрыва́емы бя́ху, честны́я мо́щи твоя́ в просвеще́ние на́ше яви́шася, ны́не источа́юще ре́ки исцеле́ния и чуде́с благода́ти.
Мирополо́жнице мы́сленная моще́й ра́ка твоя́ яви́ся, преподо́бне о́тче Евфи́мие, источа́ющи на́м чуде́с ми́ро, к тебе́ прибега́ющим.
На неду́зи разли́чныя исцеле́ния благода́ть дарова́ тебе́ Христо́с, преподо́бне о́тче Евфи́мие, исцеля́ти вся́, ве́рою к тебе́ притека́ющая.
Богоро́дичен: О Тебе́ ра́дуется вся́ко созда́ние Бо́жие, Ма́ти Бо́га Вы́шняго, Его́же понесла́ еси́, нося́щаго вся́, и мы́, чту́ще Тя́ вои́стинну я́ко Богоро́дицу, в пе́снех велича́ем.
Пе́снь 6
Ирмо́с: Очи́сти мя́, Спа́се, мно́га бо беззако́ния моя́, и из глубины́ зо́л возведи́, молю́ся, к Тебе́ бо возопи́х, и услы́ши мя́, Бо́же спасе́ния моего́.
Помо́щник ве́лий бы́л еси́, преподо́бне, на мо́ри стра́ждущим челове́ком, я́влься на возгла́вии лади́йцы и стоя́, и си́х изба́вил еси́ от потопле́ния.
Разсла́бленнаго неду́гом и неи́стовая глаго́лавшаго к тебе́ принесо́ша, свя́те, но, пока́явшася, па́ки здра́ва сего́ ми́лостию свое́ю вско́ре сотвори́л еси́.
Слепы́м е́же зре́ти и разсла́бленным востягнове́ние, ско́рбным избавле́ние подае́ши си́лою Христо́вою, преподо́бне о́тче Евфи́мие.
Богоро́дичен: Тя́ Предста́тельницу тве́рду, Богороди́тельнице, стяжа́хом, упова́ние на Тя́ положи́вше, спаса́емся, к Тебе́ бо прибега́юще, огражда́емся.
Конда́к, гла́с 3:
Пра́зднует дне́сь Арха́нгелов гра́д пра́здник пресве́тлый светоно́сныя твоея́ па́мяти, вся́ созыва́я окре́стныя его́, ра́дуется бо, я́ко стяжа́в сокро́вище ве́лие – честны́я мо́щи твоя́, преподо́бне Евфи́мие, его́же сохраня́й всегда́ моли́твами твои́ми от все́х зо́л, да зове́м ти́: ра́дуйся, о́тче, благоду́шию тезоимени́те.
И́кос:
Уста́ мне́ пода́ждь, Пребезнача́льное Сло́во, хотя́щу пе́ти твоего́ уго́дника Евфи́мия, и́маши бо бога́тство милосе́рдия неизрече́нно, Христе́ мо́й, твои́х суде́б, да и а́з душе́внаго мра́ка очи́щуся, ума́ же вся́ку скве́рну омы́в, хра́м свяще́ния де́лы Боже́ственными бу́ду и досто́йная воспою́ преподо́бному: ра́дуйся, о́тче, благоду́шию тезоимени́те.
Пе́снь 7
Ирмо́с: О́троцы евре́йстии в пещи́ попра́ша пла́мень дерзнове́нно и на ро́су о́гнь преложи́ша, вопию́ще: благослове́н еси́, Го́споди Бо́же, во ве́ки.
Утро́бою стра́ждущей жене́ во сне́ яви́ся, сосу́д освяще́нныя воды́ в ру́ку имы́й, и, то́чию сию́ напои́в, здра́ву сотвори́л еси́, прославля́я Христа́, тебе́ просла́вльшаго.
Фарао́на мы́сленнаго победи́л еси́, от Христа́ дерзнове́ние прии́м, исцеля́еши разли́чныя неду́ги все́х, и́же с ве́рою к тебе́ прибега́ющих.
Храни́тель бу́ди оте́честву своему́ всегда́, преподо́бне о́тче Евфи́мие, избавля́я сие́ от гла́да же и па́губы, да, твои́ми к Бо́гу моли́твами изба́вльшеся вси́, я́ко засту́пника тя́ почита́ем.
Богоро́дичен: Тро́ицы Пребоже́ственныя Пречи́стыя Еди́наго родила́ еси́, из Тебе́ пло́тию я́вльшагося по на́с благоволе́нием Роди́теля и споспеше́нием Ду́ха Свята́го, Богоневе́сто.
Пе́снь 8
Ирмо́с: Царя́ Небе́снаго, Его́же пою́т во́и А́нгельстии, хвали́те и превозноси́те во вся́ ве́ки.
Це́ркве Правосла́вней испроси́, о́тче преподо́бне, ми́р, лю́дем здра́вие и стране́ на враги́ одоле́ние.
Чудесы́ у́бо свои́ми, я́ко фи́никс, процве́л еси́, по проро́ку, я́коже глаго́лет: пра́ведник, я́ко фи́никс, процвете́т. Сего́ ра́ди вси́ тя́ ны́не велича́ем.
Ше́ствие свое́ до́бре сконча́л еси́, Христу́ предстоя́, о на́с моли́ся, о́тче Евфи́мие, и́же твою́ па́мять досто́йно почита́ющих.
Богоро́дичен: Ще́драго и человеколюби́ваго Бо́га роди́ти, Богоро́дице, сподо́бися, Сего́ моли́, Неискусобра́чная Де́во, ниспосла́ти на́м ве́лию ми́лость.
Пе́снь 9
Ирмо́с: Устраши́ся вся́к слу́х неизрече́нна Бо́жий снизхожде́ния, я́ко Вы́шний во́лею сни́де да́же и до пло́ти, от деви́ческаго чре́ва бы́в Челове́к. Те́мже Пречи́стую Богоро́дицу, ве́рнии, велича́ем.
И́же от се́рдца руко́ю, недосто́йнии, прино́сим тебе́ хвале́ние, приими́, о́тче, благоду́шию тезоимени́те, и мольбу́ сотвори́ о мне́ ко Христу́ Бо́гу, я́ко да пода́ст ми́ согреше́нием оставле́ние.
Облежа́щая пе́рсть свята́го твоего́ гро́ба ка́мене сапфи́ра дража́йши, о́тче, показа́ся, целе́бна бо, и чудотвори́ва, и па́че зла́та ве́рными разделя́ема, пою́щими досто́йно: со́н че́стен пред Го́сподем – сме́рть преподо́бных Его́.
А́ще и в после́дняя сия́ ле́та изнесе́ся се́й Арха́нгельский гра́д, но дре́вних оте́ц че́сти сподо́бися, о́тче Евфи́мие, дарова́ний бо чуде́с обогати́лся еси́ оби́льно, подава́я все́м, с ве́рою к тебе́ прибега́ющим.
Богоро́дичен: Наде́жда на́ша непосты́дная, наде́жда тве́рдая, и стена́ непоколеби́мая, и покро́в, и Помо́щнице бу́ди ми́, Всенепоро́чная, наде́ющемуся на Тя́, на Тя́ бо возлага́ю, Чи́стая, всю́ наде́жду спасе́ния моего́.
Сведений о жизни преподобного Евфимия[1] почти не сохранилось. Известно только, что родом он из Вознесения, и с 1569 по 1585 гг. (по другим данным, он преставился в 1523 г.) был игуменом Михайлово-Архангельского монастыря. Об его сокровенном подвижническом житии не осталось воспоминаний современников и очевидцев. Но несомненно, что оно было именно таким, как о нем говорится в каноне преподобному: «жизнь свою сотворил еси в молитвах и пощении, законно препроводил еси, отче, в безстрастие облечеся, плоти мудрования смирив крепостию Божественнаго Духа».
И свидетельством неложности этих слов могут послужить сказания об обретении его мощей и о многочисленных чудесах, совершившихся от них.
В старинном повествовании так говорится об обретении мощей преподобного Евфимия. 7 июля 1647 г. кузнец Евстафий Трофимов рыл на дворе у архангельского воеводы, боярина Юрия Петровича Буйносова-Ростовского, яму для установки кузнечного горна. Неожиданно из-под земли показалась деревянная крышка. Кузнец решил, что нашел сундук с кладом.
Однако, к его разочарованию, вместо этого он выкопал старинный гроб. «Вот-те и барыш!» – только и вымолвил Евстафий. Раздосадованный, он стал насмехаться над неизвестным усопшим: «вставай, помогай копать!» и руку свою под гробовую доску совал, но рука в гроб не вошла, и он ничего не ощупал». За этот кощунственный поступок Евстафия внезапно начало трясти, как в сильной лихорадке, а от резкой слабости он не мог даже пошевелиться. Тогда-то он понял, что заболел из-за непочтительного отношения к неведомому подвижнику, что лежал в найденном им старинном гробу, и принялся оплакивать свой грех.
Но исцелился Евстафий только после того, как по повелению боярина Юрия Буйносова-Ростовского, узнавшего о причине болезни своего слуги, была совершена панихида по новоявленному угоднику Божию.
Таково было первое из чудес преподобного Евфимия Архангелогородского.
Стараниями воеводы Буйносова-Ростовского гроб с телом преподобного был перенесен в находившуюся недалеко от места его обретения деревянную церковь в честь Праздника Происхождения Честных Древ Креста Господня. Тогда же его мощи переложили из старого гроба в новую деревянную раку. При этом также совершилось несколько знаменательных чудес.
Некий Максим Медведкин, скептически отнесшийся к почитанию новоявленного угодника, потерял рассудок и излечился от страхований лишь после слезного молитвенного обращения к тому, над кем он прежде недоверчиво посмеивался.
А страдавший десять лет неизлечимой болезнью ног вдовый священник Воскресенской церкви Димитрий Козьмин по вере своей в помощь преподобного получил исцеление после того, как отстоял обедню у его гроба.
Несмотря на множество чудес, совершившихся у гробницы преподобного, имя его около двух лет оставалось неизвестным. Пока сам он в 1649 г. не открыл его в сонном видении послушнику Михайло-Архангельского монастыря Косме Игнатьеву. Тот, в числе других братий, был отправлен на рыбный промысел, но внезапно так тяжело заболел, что лежал в беспамятстве, близкий к смерти, без всякой на надежды на человеческую помощь. И тогда-то, как вспоминал позже сам Косма, «вниде старец ко мне – брада седа вполовину. И рече ми: «тяжко болиши, молися Богу и призови на помощь лежащего во гробе у Происхождения Честнаго Креста Господня». И аз рех: «Господи, не ведаю имени его». Он же рече: «имя мне Евфимие, а родом из Вознесения». И невидим бысть».
Помолившись преподобному Евфимию, Косма поправился. А о происшедшем с ним чуде рассказал, вернувшись в монастырь, игумену Антонию. Благодаря этому и стало известно имя угодника Божия Евфимия. А повесть об исцелении послушника Космы сохранилась до наших дней как свидетельство действенности молитвенного обращения к преподобному.
«Евфимием из града Архангельского» назвал он себя, явившись и некоторым другим людям, например, жительнице Емецкого погоста Ксении, которая долгое время страдала от лихорадки и, «призвав святаго с верою об избавлении от недуга, исцеление получи».
О том, как выглядел преподобный Евфимий, также известно по рассказам излеченных им людей. Они описывали его как «человека, светлотою одеянного, власы чермены, брада в просед велика, возрастом велик же», или как старца «с постным лицом, брада в просед невелика, в багряной ряске».
В 1644 г. монахом Михайло-Архангельского монастыря Иосифом были собраны свидетельства о многочисленных исцелениях, совершившихся от гробницы преподобного Евфимия. А в 1650 г., по повелению Новгородского митрополита Никона (будущего патриарха), игумен Антоние-Сийского монастыря Феодосий произвел освидетельствование его мощей. При этом «были найдены кости, а расследование чудотворений убедило в святости преподобного, который признан за игумена Михайло-Архангельского Евфимия». Тогда же была составлена служба преподобному и написана его икона.
Так в сонме святых, в земле Российской просиявших, появилось имя преподобного Евфимия Архангелогородского. Это стало знаменательным событием для истории Архангельска, который «дарований чудес обогатился еси обильно, древних отец чести сподобися» обретением мощей новоявленного угодника Божия.
До начала 18 века мощи преподобного Евфимия находились в храме Происхождения Честных Древ Креста Господня. Впоследствии на его месте была построена другая церковь – в честь Архистратига Михаила, где под спудом положены мощи преподобного.
Примечание
[1] Не включён в современный Месяцеслов Русской Православной Церкви.
