Акафист святому великомученику Димитрию Солунскому

Ди́вный воево́до гра́да солꙋ́нѧ, вели́кїй ᲂу҆го́дниче хрⷭ҇то́въ и҆ сла́вный страстоте́рпче, ст҃ы́й дими́трїе, и҆сточа́ѧй мі́рови ми́лости мѵ́ро, похва̑льнаѧ восписꙋ́емъ тѝ, чтꙋ́щїи ст҃ꙋ́ю па́мѧть твою̀. ты̀ же и҆мѣ́ѧй дерзнове́нїе ко гдⷭ҇ꙋ, ѿ всѧ́кихъ бѣ́дъ и҆збавлѧ́й на́съ, вѣ́рнѡ зовꙋ́щихъ тѝ:

А҆́гг҃лѡвъ творе́цъ и҆ гдⷭ҇ь си́лъ ꙗ҆вѝ тѧ̀, досточꙋ́дне, а҆́гг҃ла во пло́ти, мч҃нка тве́рда и҆ си́льнагѡ предста́телѧ вѣ́рныхъ. прибѣга́юще ᲂу҆́бѡ къ застꙋпле́нїю твоемꙋ̀, сицева̑ѧ ра́дѡстнаѧ тебѣ̀ прино́симъ:

Ви́дѧще себє̀ безча́дна, бл҃гочести̑ваѧ роди́тєлѧ твоѧ̑ прилѣ́жнѡ молѧ́ста бг҃а ѡ҆ дарова́нїи ча́да. прїе́мъ же всевы́шнїй моли̑твы є҆ю̀, и҆ помѧнꙋ́въ ми́лостыни, ꙗ҆́же творѧ́ста ᲂу҆бѡ́гимъ, дарова́ и҆̀мъ тебѐ, блаже́нне. сегѡ̀ ра́ди съ весе́лїемъ возопи́ста бг҃ꙋ: А҆ллилꙋ́їа.

Ра́зꙋмъ бжⷭ҇твенный и҆мѣ́ѧ, ꙗ҆́кѡ ѻ҆троча̀ бг҃одарова́нное, возгнꙋша́лсѧ є҆сѝ ꙗ҆зы́ческїѧ пре́лести, мꙋ́дре. роди́тельское же бл҃гоче́стїе возлю́бль, добродѣ́тельми а҆́ки лѣ́ствицею ѿ си́лы въ си́лꙋ восходѧ́й, блгⷣть бж҃їю прїѡбрѣ́лъ є҆сѝ, ю҆́же и҆спросѝ полꙋчи́ти и҆ на́мъ, почита́ющымъ тѧ̀ зва̑нїи си́ми:

Си́ла вы́шнѧгѡ сотворѝ тѧ̀, дими́трїе, хра́бра во бра́нехъ, врагѡ́мъ стра́шна, всѣ̑мъ лю́демъ и҆мени́та. тѣ́мже и҆ ѕлочести́вый ца́рь маѯїмїа́нъ врꙋчѝ тебѣ̀ гра́дъ солꙋ́нь, повелѣва́ѧ, ꙗ҆́кѡ сꙋемꙋ́дрый, гна́ти хрⷭ҇тїа́ны, пою́щїѧ бг҃ꙋ: А҆ллилꙋ́їа.

И҆мѣ́ѧй бл҃гопрїѧ́тнꙋю по бл҃гоче́стїю ре́вность, ꙗ҆́вѣ пред̾ невѣ́рными и҆сповѣ́далъ є҆сѝ хрⷭ҇та̀, прехва́льне, и҆ тѣ́хъ вѣ́ровати и҆ поклонѧ́тисѧ томꙋ̀ наꙋчи́лъ є҆сѝ, и҆ ꙗ҆́кѡ вторы́й па́ѵелъ бы́лъ є҆сѝ солꙋ́нѧнѡмъ, съ ни́мже вопїе́мъ тѝ:

Бꙋ́рею ѡ҆держи́мъ помышле́нїй ѕло́бныхъ, нечести́вый ца́рь смѧте́сѧ, ᲂу҆вѣ́дѣвъ тѧ̀, всече́стне, вѣ́рнаго бы́ти раба̀ хрⷭ҇то́ва, къ вѣ́рѣ въ того̀ приводѧ́ща и҆ і҆́дѡлы низлага́юща, солꙋ́нѧнъ же наꙋча́юща, сла́вити трист҃о́е и҆́мѧ бж҃їе и҆ пѣ́ти томꙋ̀: А҆ллилꙋ́їа.

Слы́ша, ꙗ҆́кѡ дыша́щїй на тѧ̀, дими́трїе, ꙗ҆́ростїю маѯїмїа́нъ грѧде́тъ въ солꙋ́нь, мл҃твою и҆ поще́нїи предꙋгото́вилъ є҆сѝ себѐ къ мꙋче́нїю, повелѣва́ѧ лꙋ́ппꙋ, вѣ́рномꙋ тѝ рабꙋ̀, всѧ̑ и҆мѣ̑нїѧ твоѧ̑ и҆ бога́тства привре́мєннаѧ расточи́ти ᲂу҆бѡ́гимъ. тѣ́мже восхвалѧ́юще тѧ̀ съ любо́вїю зове́мъ:

Бг҃оте́чнѣй ѕвѣздѣ̀ ᲂу҆подо́бльсѧ, дими́трїе, дерзнове́ннѡ со́лнце пра́вды проповѣ́далъ є҆сѝ тьмо́ю ѡ҆держи́момꙋ ца́рю. въ темни́цѣ же и҆̀мъ заключе́нный, славосло́вилъ є҆сѝ въ не́й, ꙗ҆́кѡ въ черто́зѣ свѣ́тлѣ, хрⷭ҇та̀ бг҃а на́шего, съ весе́лїемъ поѧ̀ томꙋ̀: А҆ллилꙋ́їа.

Ви́дѧ добра̀ ненави́стникъ дїа́волъ тече́нїе, достоблаже́нне, сконча́тисѧ и҆мꙋ́щее, за́вистїю снѣда́емь, ᲂу҆стреми́сѧ на тѧ̀ во ѡ҆́бразѣ ско́рпїи. ты́ же, попра́въ того̀, ᲂу҆зрѣ́лъ є҆сѝ во свѣ́тлости вели́цѣй а҆́гг҃ла гдⷭ҇нѧ, ᲂу҆крѣплѧ́юща тѧ̀ и҆ вѣне́цъ ра́йскїй тебѣ̀ подаю́ща, прїимѝ ᲂу҆́бѡ и҆ ѿ на́съ земны́хъ ма́лый вѣне́цъ похвалы̀ сицева́ѧ:

Проповѣ́дникъ ѕлоче́стїѧ маѯїмїа́нъ ра́довашесѧ, ꙗ҆́кѡ прекрѣ́пкїй боре́цъ є҆гѡ̀ лі́й ᲂу҆бива́ше хрⷭ҇тїа́ны. бл҃же́нный же не́сторъ не терпѧ̀ тогѡ̀ безчеловѣ́чїѧ, ᲂу҆ тебє̀, мꙋ́чениче, бл҃гослове́нїе и҆спросѝ, и҆ ше́дъ низве́рже того̀ на копїѧ̀, поѧ̀ бг҃ꙋ: А҆ллилꙋ́їа.

Возсїѧ́вый въ солꙋ́нѣ просвѣще́нїе и҆́стины, свѧ́те, предпосла́лъ є҆сѝ ко гдⷭ҇ꙋ не́стора, чрез̾ посѣче́нїе ѿ нечести́выхъ. тѧ́же и҆ са́мъ, повеле́нїемъ царе́вымъ, ко́пїѧми и҆збодѣ́нъ бы́лъ є҆сѝ за хрⷭ҇та̀, пред̾ ни́мже помѧнѝ и҆ на́съ, помина́ющихъ страда̑нїѧ твоѧ̑ и҆ вопїю́щихъ тѝ:

Хотѧ̀ бл҃же́нный лꙋ́ппъ бл҃гослове́нїе ѿ тебє̀, страстоте́рпче хрⷭ҇то́въ, полꙋчи́ти, взѧ̀ по кончи́нѣ твое́й пе́рстень тво́й и҆ ри́зꙋ, кро́вїю твое́ю ѡ҆моче́ннꙋю, и҆ мно́га чꙋдеса̀ и҆ и҆сцѣлє́нїѧ тѣ́ми сотвори́въ, ᲂу҆сѣ́ченъ бы́сть во главꙋ̀, да пое́тъ кꙋ́пнѡ съ тобо́ю и҆ не́сторомъ въ трⷪ҇цѣ сла́вимомꙋ бг҃ꙋ: А҆ллилꙋ́їа.

Но́вый хра́мъ созида́ѧ тебѣ̀, досточꙋ́дне, исцѣле́нный тобо́ю лео́нтїй, ѡ҆брѣ́те въ землѝ ст҃ы́ѧ мо́щи твоѧ̑, и҆сточа́ющаѧ мѵ́ро, є҆го́же бл҃гоꙋха́нїѧ и҆спо́лнисѧ ве́сь гра́дъ и҆ мно́жество болѧ́щихъ и҆сцѣлѣ̀. тѣ́мже ᲂу҆врачꙋ́й и҆ ѡ҆благоꙋха́й и҆ на́съ, вопїю́щихъ тѝ си́це:

Стра́нное и҆ ди́вное чꙋ́до сотвори́лъ є҆сѝ, пречꙋ́дне, возвраща́вшемꙋсѧ во своѧ́ си храмозда́телю твоемꙋ̀, прїи́мъ бо то́й плащани́цꙋ ѿ ст҃ы́хъ твои́хъ моще́й, волнꙋ́ющꙋюсѧ и҆ многово́днꙋю рекꙋ̀ немо́креннѡ пре́йде. тѣ́мже прославлѧ́емомꙋ въ тебѣ̀ бг҃ꙋ се́рдцемъ и҆ ᲂу҆сты̀ воспѣва́йте: А҆ллилꙋ́їа.

Ве́сь горѧ̀ любо́вїю и҆ ᲂу҆се́рдїемъ къ тебѣ̀, лео́нтїй вторы́й въ че́сть твою̀, свѧ́те, созда̀ хра́мъ во і҆лли́рїи, ѻ҆те́чествѣ свое́мъ, и҆ та́мѡ, ꙗ҆́кѡже и҆ въ солꙋ́нѣ, мно́жество болѧ́щихъ и҆ стра́ждꙋщихъ ѿ дꙋ́хъ нечи́стыхъ, мл҃твами твои́ми и҆сцѣлѧ́шесѧ, и҆ и҆́на мно́га соверша́хꙋсѧ чꙋдеса̀. и҆́мже мы̀, дивѧ́щесѧ тебѣ̀, вопїе́мъ:

Всѧ́кое є҆стество̀ а҆́гг҃льское ᲂу҆диви́сѧ, дими́трїе ст҃ы́й, вели́кагѡ твоегѡ̀ дерзнове́нїѧ дѣ́лꙋ. хотѧ́щꙋ бо гдⷭ҇ꙋ врагѡ́мъ преда́ти солꙋ́нь, и҆ ꙗ҆вле́нїемъ а҆́гг҃льскимъ, повелѣ́вшꙋ тѝ ѡ҆ста́вити гра́дъ, не ѡ҆ста́вилъ є҆сѝ тогѡ̀, сла́вне. тѣ́мже сподо́бивыйсѧ ᲂу҆жа́сногѡ видѣ́нїѧ и҆ слы́шанїѧ, и҆ллю́стрїй съ тре́петомъ возглаша́ше: А҆ллилꙋ́їа.

Виті́и многовѣща́нныѧ не возмо́гꙋтъ разꙋмѣ́ти, ка́къ плѣнє́нныѧ и҆ногда̀ дѣ́вы, ѡ҆́бразъ тво́й, свѧ́те, плѣни́вшемꙋ и҆ и҆́хъ кнѧ́зю шве́нїем ᲂу҆гото́вавшыѧ, внеза́пꙋ восхище́ни бы́ша тобо́ю, и҆ ᲂу҆ гро́ба твоегѡ̀ поста́влени, бдѣ́нїю на па́мѧть твою̀ соверша́ющꙋсѧ, бл҃гословѧ́ще ᲂу҆́бѡ ѡ҆ тебѣ̀ гдⷭ҇а, со ᲂу҆миле́нїемъ зове́мъ тѝ:

Спастѝ хотѧ̀ гра́дъ тво́й ѿ гла́да, ꙗ҆влѧ́лсѧ є҆сѝ, дими́трїе, во приста́нищѣхъ морски́хъ и҆ ѡ҆то́цѣхъ, повелѣва́ѧ и҆мꙋ́щымъ пшени́цꙋ плы́ти съ то́ю въ солꙋ́нь. тѣ́мже тобо́ю ѿ сме́рти и҆зба́вленнїи, бл҃года́рственнѣ поѧ́хꙋ ѡ҆ тебѣ̀ бг҃ꙋ: А҆ллилꙋ́їа.

Стѣна̀ ꙗ҆ви́лсѧ є҆сѝ гра́дꙋ твоемꙋ̀ несокрꙋши́маѧ, бг҃омꙋ́дре, и҆ неѡбори́мый защи́тникъ всѣ̑мъ призыва́ющымъ тѧ̀, занѐ та́кѡ бл҃говолѝ ѡ҆ тебѣ̀ нб҃сѐ и҆ землѝ творе́цъ. тѣ́мже и҆ на́съ наꙋчѝ приглаша́ти тебѣ̀:

Пѣ́нїе всѧ́кое побѣжда́етсѧ, прехва́льне, пред̾ сїѧ́нїемъ сла́вы твоеѧ̀ и҆ вели́чїемъ чꙋде́съ. є҆гда̀ бо і҆ꙋстїнїа́нъ ца́рь, возжелѣ̀ и҆мѣ́ти въ софі́йстѣмъ хра́мѣ ча́сть моще́й твои́хъ, ѻ҆́гнь и҆зы́де ѿ гро́ба твоегѡ̀ на посла́нные ѿ негѡ̀, возбранѧ́юще прикаса́тисѧ ра́цѣ твое́й. тѣ́мже ᲂу҆дивле́ннїи со стра́хомъ возопи́ша бг҃ꙋ: А҆ллилꙋ́їа.

Свѣтоза́рнꙋю ѕвѣздꙋ̀, сꙋ́щымъ во тьмѣ̀ неразꙋ́мїѧ, зри́мъ тѧ̀, свѧ́те. слꙋжа́щꙋ бо ᲂу҆ гро́ба твоегѡ̀ ѻ҆нисі́форꙋ тьмо́ю свѧтота́тства держи́мꙋ, двꙋкра́тнымъ ꙗ҆вле́нїемъ твои́мъ возбрани́лъ є҆мꙋ̀ похища́ти свѣщѝ, возжига́ємыѧ вѣ́рнымъ моще́й твои́хъ. сегѡ̀ ра́ди со бл҃гоговѣ́нїемъ зове́мъ тѝ:

Блгⷣть прїѧ́лъ є҆сѝ, дими́трїе, цѣли́ти всѧ́къ недꙋ́гъ и҆ всѧ́кꙋ ꙗ҆́зю въ лю́дехъ. пода́ждь ᲂу҆́бѡ и҆ на́шимъ дꙋша́мъ и҆ тѣлесє́мъ и҆сцѣле́нїе, да бг҃ꙋ, дарова́вшемꙋ на́мъ тебѣ̀, помо́щника и҆ врачева́телѧ, бл҃года́рственнѣ воспои́мъ: А҆ллилꙋ́їа.

Пою́ще твоѧ̑ чꙋдеса̀, ᲂу҆блажа́емъ тѧ̀, досточꙋ́дне, пред̾ нечести́выми хрⷭ҇та̀ бг҃а дерзнове́ннѡ и҆сповѣ́давша, прославлѧ́емъ мч҃нческꙋю кончи́нꙋ твою̀, почита́емъ па́мѧть твою̀, и҆ сицева̑ѧ ра́дѡстнаѧ тебѣ̀ прино́симъ:

Ѽ ст҃ы́й великомч҃нче и҆ вѣ́рный ᲂу҆го́дниче хрⷭ҇то́въ, дими́трїе мѷроточи́ве, ма́лое сїѐ пѣсносло́вїе ѿ на́съ прїе́мше, молѝ хрⷭ҇та̀ бг҃а на́шего, да вселѧ́етсѧ и҆ бл҃гоꙋха́етъ въ сердца́хъ на́шихъ ст҃ы́нѧ правосла́вной вѣ́ры, да ᲂу҆множа́етсѧ въ житїѝ на́шемъ є҆ле́й бл҃ги́хъ дѣ́лъ, да не ᲂу҆га́снꙋтъ свѣти́льники на́ши въ полꙋ́нощный ча́съ срѣ́тенїѧ нбⷭ҇наго жениха̀, и҆ да сподо́бимсѧ вмѣ́стѣ съ тобо́ю воспѣва́ти є҆мꙋ̀ въ вѣ́чномъ црⷭ҇твїи: А҆ллилꙋ́їа.

А҆́гг҃лѡвъ творе́цъ и҆ гдⷭ҇ь си́лъ ꙗ҆вѝ тѧ̀, досточꙋ́дне, а҆́гг҃ла во пло́ти, мч҃нка тве́рда и҆ си́льнагѡ предста́телѧ вѣ́рныхъ. прибѣга́юще ᲂу҆́бѡ къ застꙋпле́нїю твоемꙋ̀, сицева̑ѧ ра́дѡстнаѧ тебѣ̀ прино́симъ:

Ди́вный воево́до гра́да солꙋ́нѧ, вели́кїй ᲂу҆го́дниче хрⷭ҇то́въ и҆ сла́вный страстоте́рпче, ст҃ы́й дими́трїе, и҆сточа́ѧй мі́рови ми́лости мѵ́ро, похва̑льнаѧ восписꙋ́емъ тѝ, чтꙋ́щїи ст҃ꙋ́ю па́мѧть твою̀. ты̀ же и҆мѣ́ѧй дерзнове́нїе ко гдⷭ҇ꙋ, ѿ всѧ́кихъ бѣ́дъ и҆збавлѧ́й на́съ, вѣ́рнѡ зовꙋ́щихъ тѝ:

Ст҃ы́й и҆ сла́вный великомч҃ниче хрⷭ҇то́въ дими́трїе, ско́рый помо́щниче и҆ те́плый застꙋ́пниче съ вѣ́рою притека́ющихъ къ тебѣ̀! предстоѧ̀ съ дерзнове́нїемъ нбⷭ҇номꙋ цр҃ю̀, и҆спросѝ ᲂу҆ негѡ̀ проще́нїе согрѣше́нїй на́шихъ и҆ ѡ҆ є҆́же и҆зба́витисѧ на́мъ ѿ всегꙋби́тельныѧ ꙗ҆́звы, трꙋ́са, пото́па, ѻ҆гнѧ̀, меча̀ и҆ вѣ́чныѧ ка́зни. молѝ бла́гость є҆гѡ̀, є҆́же ᲂу҆ще́дрити гра́дъ сѣ́й, ѡ҆би́тель сїю̀ и҆ всѧ́кꙋю странꙋ̀ хрⷭ҇тїа́нскꙋю. и҆схода́тайствꙋй ᲂу҆ цр҃ѧ̀ ца́рствꙋющихъ на врагѝ побѣ́дꙋ и҆ ѡ҆доле́нїе правосла́внымъ хрⷭ҇тїа́нѡмъ, все́й держа́вѣ правосла́вной ми́ръ, тишинꙋ̀, тве́рдость въ вѣ́рѣ и҆ преспѣ́ѧнїе во бл҃гоче́стїи: на́мъ же, чтꙋ́щымъ честнꙋ́ю па́мѧть твою̀, и҆спросѝ бл҃года́тное ᲂу҆крѣпле́нїе на дѣла̀ блага̑ѧ, да благоꙋго́дное влады́цѣ на́шемꙋ хрⷭ҇тꙋ̀ бг҃ꙋ здѣ̀ творѧ́ще, сподо́бимсѧ мл҃твами твои́ми наслѣ́довати црⷭ҇твїе нбⷭ҇ное длѧ вѣ́чнагѡ прославле́нїѧ є҆гѡ̀ со ѻ҆ц҃е́мъ и҆ ст҃ы́мъ дх҃омъ. А҆ми́нь.