Акафист святой преподобномученице Параскеве Римской
Память: 08 августа (26 июля ст. ст.)
Не утвержден для общецерковного использования.
Кондак 1
Взбранной невесте Христовой, святей преподобномученице Параскеве, с верой и любовию похвальное пение, яко благой целительнице, приносим; ты же, страстотерпице Христова, милостивно нам приклонися, подвиги и страдания твоя воспевающим, и от всяких бед свободи ны, со умилением зовущия ти:
Радуйся, преподобномученице Христова, Параскево всеславная.
Икос 1
Ангел Господень послан бысть возвестити неплодным родителем твоим, преподобномученице, яко Бог молитву их услыша: родити бо имут дщерь благословенную, Царствия Небеснаго наследницу. Таковому, предивному предвозвещению о рождении твоем дивящеся, яко избранницу Божию ублажаем тя похвалами сими:
Радуйся, ангельским проречением провозвещенная; радуйся, неплодие родителей своих рождением твоим разрешившая.
Радуйся, многими молитвами у Бога испрошенная; радуйся, всех в молитве не унывати научившая.
Радуйся, благаго корене святое прозябение; радуйся, христолюбивых отца и матере дщерь боголюбезная.
Радуйся, от чрева матерня на служение Христу предызбранная; радуйся, Жениху Нетленному девство свое обручившая.
Радуйся, божественнаго к людям милосердия явление; радуйся, молитвы кадило непрестанное.
Радуйся, ленивых обличение; радуйся, сумнящихся благое утверждение.
Радуйся, преподобномученице Христова, Параскево всеславная.
Кондак 2
Видевши мира суету и непостоянство, Параскево Богомудрая, от мира удалитися вожделела еси, да возможеши непрестанно благоугождати Христу Богу и невозбранно иго Его благое понести, в молитвах же присно прилежати, зовущи Ему: Аллилуиа.
Икос 2
Разум небесный стяжавши, преподобномученице Параскево, по кончине родителей твоих вся имения нищим раздала есть, в путь исповедания Христова усердно потекши, того ради восхваляем тя сице:
Радуйся, красотою душевною просиявшая; радуйся, о телесной доброте небрегшая.
Радуйся, благодатию Святаго Духа душу твою исполнившая; радуйся, исповедания имене Его не убоявшаяся.
Радуйся, исповеднице Христова непоколебимая; радуйся, страстотерпице Иисусова многострадальная.
Радуйся, благовестнице Евангелия богомудрая; радуйся, добродетелей многих вместилище.
Радуйся, преподобномученице Христова, Параскево всеславная.
Кондак 3
Силою Божиею свыше укрепляема, святая преподобномученице Параскево, немощь естества женскаго отложила еси и, в броню исповедания Христова облекшися, со идолослужители крепко ратовала еси, иже аще и лютыми мученьми от любве Христа Бога тя отвратити тщахуся, но терпением твоим побежденни явишася, и со Ангелы Богу воспевала еси: Аллилуиа.
Икос 3
Имела еси душу, мужеством о Христе преисполненную, Параскево богомудрая, мучителей нечестивых крепко посрамила еси, темже мучительству их посмевающеся, аки в чуждем телеси бывши, Христа ради вся претерпела еси, нас же научила еси воспевати ти сицевая:
Радуйся, громогласная Божия исповеднице; радуйся, Сладчайшего Иисуса невесто прекрасная.
Радуйся, девство непорочное Ему в дар принесшая; радуйся, кровь твою за Него пролиявшая.
Радуйся, пред судии и мучители имя Его небоязненно исповедавшая; радуйся, свидетелей мучений твоих к вере приведшая.
Радуйся, в молитвах наших теплое прибежище; радуйся, нашего на Господа упования утверждение.
Радуйся, любителем временных наслаждений обличение; радуйся, горних ищущих ободрение.
Радуйся, в борениих сущим помощнице; радуйся, обидимым благое утешение.
Радуйся, преподобномученице Христова, Параскево всеславная.
Кондак 4
Бурею неверия одержимый царь Антонин удивися, егда тя виде в котле кипящем невредиму; егда же руце свои, от котла исполнивши, на лице мучителя повергла еси, той опален вопияше: «Помилуй мя, рабо истиннаго Бога, и даждь ми свет очей моих, да уверую в Бога, Его же ты проповедуеши, и пою Ему купно с тобою: Аллилуиа».
Икос 4
Слышавше многая и лютая страдания твоя, Параскево преславная, и мы, грешнии, терпению твоему умиленно дивимся: како и железо разженное на главе твоей носила еси и биения лютая многажды претерпела еси; темже тя ублажающе зовем:
Радуйся, язвы Господа Иисуса на теле твоем носившая; радуйся, Того Единаго возлюбившая.
Радуйся, об укрепляющем тя Господе вся возмогшая; радуйся, чудеса многая во уверение идолослужителей сотворившая.
Радуйся, терпением мучителей твоих препобедившая; радуйся, невернаго царя покаравшая.
Радуйся, исцеление тому милостиво подавшая; радуйся, среди народа римскаго имя Христово вельми прославившая.
Радуйся, всем языком образ долготерпения явившая; радуйся, всем родом исполнение веры показавшая.
Радуйся, восхваляющим подвиги твоя благодатное просвещение дарующая; радуйся, о гресех их Господа умоляющая.
Радуйся, преподобномученице Христова, Параскево всеславная.
Кондак 5
Боготечней звезде уподобилася еси, святая преподобномученице Параскево, грады и страны многия обходящи и Имя Христово проповедающи, за Него же многажды даже до крове пострадала еси, темже днесь томужде Господу предстоиши, непрестанно воспевающи ангельскую песнь: Аллилуиа.
Икос 5
Видевше людие преславное чудо твое, преподобномученице, како дракона великаго Имени Божия призыванием поразила еси, во Христа абие увероваша, глаголюще ти:
Радуйся, Господа и Христа твоего страданьми и чудесы прославившая; радуйся, спасения многих душ человеческих виновнице.
Радуйся, добропобедная страстотерпице Христова; радуйся, многочудесная свидетельнице Иисусова.
Радуйся, насадительнице веры истинныя; радуйся, милостивая целительнице недугов человеческих.
Радуйся, и грешныя люди любовию твоею не оставившая; радуйся, о просвещении душ наших возревновавшая.
Радуйся, труды многия Евангелия ради подъявшая; радуйся, сего ради велия в Царствии Небеснем пронареченная.
Радуйся, лика девственниц украшение; радуйся, полка мученическаго похвало преславная.
Радуйся, преподобномученице Христова, Параскево всеславная.
Кондак 6
Проповедником Христовым, богоносным Апостолом верно подражала еси, Параскево многострадальная, и в проповедании Евангелия чрез все житие твое подвизалася еси, человеки во спасение уловляющи. Темже чудес дарованием от Христа Бога обогатилася еси, о них же и невернии в веру приидоша и воспеша Богу: Аллилуиа.
Икос 6
Возсияла еси, яко звезда, на тверди Церкви Христовой, Параскево добропобедная, и всем нам образом жития твоего светиши ясно, темже верою и любовию память твою святую почитающе, вопием ти:
Радуйся, подвижнице Божия, постом и молитвою воспитанная; радуйся, голубице непорочная, кротости и незлобия преисполненная.
Радуйся, за своя мучители молитвы Господеви приносившая; радуйся, Христу, Спасителю нашему, тем уподобившаяся.
Радуйся, злобу врагов добром препобедившая; радуйся, Стефана первомученика венцу поревновавшая.
Радуйся, евангельских заповедей верная исполнительнице; радуйся, неверия грозная обличительнице.
Радуйся, кающихся прощения от Бога скорая подательнице; радуйся, верных ко спасению добрая наставнице.
Радуйся, сердца наша умиления исполняющая; радуйся, помыслы наша к Богу возносящая.
Радуйся, преподобномученице Христова, Параскево всеславная.
Кондак 7
Хотящи душу свою за Христа положити, Его ради многая мучения претерпевши, от нечестиваго мучителя Тарасия во главу усечена была еси, но от Христа венец нетленный на главу свою прияла еси, душею же твоею в горния обители райския востекла еси, идеже со Ангелы и всеми святыми сладце поеши Богу: Аллилуиа.
Икос 7
Новый живот вечный прияла еси, богохвальная, егда мечною кончиною от плоти разрешившися, на брак Небеснаго Жениха возшла еси. Его же молити не престай за ны, грешныя, любовию страдания твоя чествующия и глаголющия присно:
Радуйся, мученическое течение твое мечною кончиною увенчавшая; радуйся, тем главу невидимаго змия стершая.
Радуйся, во гласе пения ангельскаго на небо душею твоею воспарившая; радуйся, мученический лик на небесех возвеселившая.
Радуйся, постнический полк возрадовавшая; радуйся, девственнаго сонма веселящее украшение.
Радуйся, постническое житие, мученическую же кончину в себе сочетавшая; радуйся, и нас о добродетелех ревновати подвизающая.
Радуйся, свято и непорочно на земле пожившая; радуйся, идольскую лесть обличившая.
Радуйся, демоны посрамившая; радуйся, мучителю помысл покаяния вложившая.
Радуйся, преподобномученице Христова, Параскево всеславная.
Кондак 8
Странно есть неверным видети, како от единаго молитвеннаго призывания имени твоего святаго, Параскево многострадальная, недужным исцеления подаются и духи нечистии от человек отбегают, нам, грешным, тебе в помощь призывающим и поющим Богу: Аллилуиа.
Икос 8
Вся Церковь Христова честная страдания твоя, святая и всехвальная преподобномученице, прославляет, исцелений же благодать от тебе приемлет и радостно взывает ти, глаголющи:
Радуйся, в житии по смерти многими чудесы прославленная; радуйся, дары целебныя независтно подающая.
Радуйся, любящим и чтущим тя любовию сугубою воздающая; радуйся, во благих прошения наша скоро исполняющая.
Радуйся, в недузех страждущия благодатно посещающая; радуйся, неисцельныя болезни скоро исцеляющая.
Радуйся, болезни терпети хотящим помощь дарствующая; радуйся, душевныя страсти поборати помогающая.
Радуйся, яко на подвиг долготерпения твоего зряще, малодушия нашего устыждаемся; радуйся, яко мужество твое воспоминающе, воинствовати на плоть подвизаемся.
Радуйся, в животе твоем многия люди просветившая; радуйся, по преставлении твоем множайшия роды во благочестии утвердившая.
Радуйся, преподобномученице Христова, Параскево всеславная.
Кондак 9
Вси Ангели Небеснии и святых лицы радостно тя, преподобномученице, сретоша, егда во врата Царствия Небеснаго возшла еси, воеже мзду твоим подвигом и страданиям от Господа прияти; убо и нам, недостойным, наследие вечное со святыми испроси, молящи да сподобит нас Господь купно с тобою пети Ему во Царствии Небеснем: Аллилуиа.
Икос 9
Витийство человеческое не довлеет, воеже по достоянию тя, Параскево всеблаженная, прославити, обаче любовию твоею побеждаеми, приносим ти хваления сицевая:
Радуйся, со Христом вечно царствующая и о нас Его умоляющая; радуйся, дары Его Божественныя молитвами твоими щедро нам подающая.
Радуйся, кающимся снизхождение; радуйся, подвизающимся благое наставление.
Радуйся, от горних высот к земнородным милостию приникающая; радуйся, искушения демонская молитвою твоею отражающая.
Радуйся, ветвь победную в шуицу свою приявшая; радуйся, всем, во спасении труждающимся, помощь невидимо подающая.
Радуйся, Ангелом прореченная; радуйся, и собеседнице Ангелов явившаяся.
Радуйся, ум наш горе возносящая.
Радуйся, преподобномученице Христова, Параскево всеславная.
Кондак 10
Спастися молящимся ти пособляющи, святая преподобномученице, с верою приходящим в храм твой святый, дары благодатныя присно подаеши и всякое во благих прошение наше скоро исполняеши, яко дерзновение велие ко Христу Богу стяжавши. Ему же радостно поеши победную песнь: Аллилуиа.
Икос 10
Стеною молитв твоих, преподобномученице, от всякаго искушения диавольскаго нас огради, да не порадуется враг падениям нашим, но тобою крепко да посрамится в нас, хвалебно зовущих ти:
Радуйся, по Бозе и Богородице крепкое наше упование; радуйся, непостыдное в бедах предстательство.
Радуйся, в сонних видениих верных посещающая; радуйся, и неверным дары целебныя милостиво подавающая.
Радуйся, звездо Божия благодати, еюже мрак в нас прогоняется; радуйся, чудес пучино, всех нас неоскудно напояющая.
Радуйся, воздержанием древней Иудифи уподобившаяся; радуйся, мужеством сию превозшедшая.
Радуйся, яко Христовы мироносицы Христа возлюбившая; радуйся, Тому верная в мучениях своих пребывшая.
Радуйся, по глаголу Его прославленная; радуйся, Того выну лицем к лицу созерцающая.
Радуйся, преподобномученице Христова, Параскево всеславная.
Кондак 11
Пение наше хвалебное не довольно есть к прославлению многих и предивных чудотворений твоих, святая преподобномученице, обаче, яко благая и милостивая Христова подражательница, благосердием твоим на нас грешных воззри и святыми и благомощными твоими молитвами ко Господу мир душевный нам испроси, воеже взывати Богу: Аллилуиа.
Икос 11
Светлыми лучами чудес немерцаемо сияеши, Параскево Богохвальная, вся же, благочестно жити хотящия, благодатно к незаходимому Солнцу правды, Христу Богу, путеводиши, зовущих ти сице:
Радуйся, целомудрия цвете драгий и прекрасный; радуйся, мировместилище ароматы райскими преисполненное.
Радуйся, от исполнения твоего и нам дары благодатныя неискудно источающая; радуйся, доблестная исповеднице Христова, благодатию облеченная.
Радуйся, во смирении твоем на Небеси и на земли дивно возвеличенная; радуйся, нищетою временною богатство нетленное стяжавшая.
Радуйся, о Царствии Божием плач духовный выну явльшая; радуйся, в мучениях телеси своего плачу не предавшаяся.
Радуйся, кротостию твоего языка Христу унаследовавшаяся; радуйся, правды Его алкавшая.
Радуйся, о пище тленней Его ради забывшая; радуйся, милость Божию и на неверных молитвою твоею призывавшая.
Радуйся, преподобномученице Христова, Параскево всеславная.
Кондак 12
Благодать Господня молитвами твоими источнику воды от лет древних зде даровася. Темже и храму Божию со обители дев создатися тамо во имя твое благоволила еси. Сию убо выну присещай и не забуди духовных чад твоих, в преподобии тебе подражати хотящим и поющим Богу: Аллилуиа.
Икос 12
Поюще твоя подвиги и страдания и многая чудеса твоя, святая и всехвальная Параскево, молимся ти прилежно: молися о нас к прославльшему тя Владыце о еже избавитися нам от погибели вечныя, часть же спасаемых улучити, благодарно зовущим:
Радуйся, венценосице, от руки Христовы увенчанная; радуйся, чистотою сердца Боговидения сподобившаяся.
Радуйся, многия люди, Христу тобою уверовавшия, Богу примирившая; радуйся, ненависть от человек Христа ради приявшая.
Радуйся, страшныя муки Его ради подъявшая; радуйся, с светлою свещею на брак Жениха Небеснаго пришедшая.
Радуйся, свеще Божия ревности, елеем милости исполненная; радуйся, душы наша мастию Духа Святаго, в тебе живущаго, умащающая.
Радуйся, дщерь благословенная Отца Небеснаго; радуйся, яко мзда твоя многа на Небеси.
Радуйся, яко молитвы твоя действенны на земли; радуйся, яко силы твоея трепещут преисподнии.
Радуйся, преподобномученице Христова, Параскево всеславная.
Кондак 13
О, святая и многострадальная преподобномученице Параскево! Приими милостивно моление сие наше и умоли Святую и приснопокланяемую Троицу избавити нас от мучений вечных и сподобити вкупе с тобою Царствие Небесное улучити и вечно Создателю нашему пети: Аллилуиа.
Этот кондак читается трижды, затем 1-й икос «Ангел Господень…» и 1-й кондак «Взбранной невесте Христовой…».
Молитва
О, святая и многострадальная преподобномученице Параскево! К тебе, аки теплей за ны к Богу молитвеннице, припадаем и прилежно молимся: умоли Господа и Владыку нашего пробавити милость Свою к нам, недостойным рабом Его, даровати же нам душевное и телесное здравие, земли плодоносие, воздуха благорастворение, во благочестии христианстем преуспеяние, к житию временному нужная и довольная, и вся ко спасению потребная; да мирно и благочестно поживше, сподобимся благую кончину христианскую улучити и Царствие Небесное наследити. Ей, предстательнице наша благая! Не посрами упования нашего, еже по Бозе и Пресвятей Богородице крепкое на Тя возлагаем, но буди нам ходатаица во спасение, да сподобимся вкупе с тобою и всеми святыми в радости блаженства вечнаго славити во твоем заступлении великую милость Бога нашего, Отца, и Сына, и Святаго Духа ныне, и присно, и во веки веков. Аминь.
Тропарь, глас 1
Тщание имущи сообразно имени твоему, тезоименитая, равноимянную тебе веру в сожительство избрала еси, Параскево победоносная, темже изливаеши исцеления и молишися о душах наших.
Кондак, глас 4
Храм твой, всечестная, яко врачебницу душевную обретше, в нем вси вернии велегласно почитаем тя, преподобномученице Параскево славная.
Ин кондак, глас 8
Страстотерпице, вернии, песнь Параскеве, приидите, согласно воспоим, облиставает бо чудесы в мире, отгоняющи прелести тьму, и дающи верным благодать независтную, зовущим: радуйся, мученице многострадальная.
Величание
Величаем тя, страстотерпице Христова Параскево, и чтим честное страдание твое, еже за Христа претерпела еси.
Краткое житие преподобномученицы Параскевы Римской
Преподобномученица Параскева Римская была единственной дочерью родителей-христиан, дарованной им по их усердной молитве. С молодых лет она посвятила себя Богу, а после смерти родителей раздала все свое имущество нищим, приняла иночество и, подражая святым апостолам, начала проповедовать язычникам о Христе, многих обращая в христианство.
Святая Параскева, переходя с одного места на другое и творя чудеса, пришла с проповедью Евангелия в город, где правителем был жестокий идолопоклонник. Ни обещание почестей и материальных благ, ни угрозы мучениями и смертью не поколебали твердости святой и не отвратили ее от Христа. Она была предана зверским истязаниям и приняла мученическую кончину через усечение мечом.
Полное житие преподобномученицы Параскевы Римской
Преподобномученица Параскева была единственной дочерью родителей-христиан и с молодых лет посвятила себя Богу. Живя в родительском доме, она много времени уделяла молитве и изучению Священного Писания. После смерти родителей святая Параскева раздала все свое имущество нищим, приняла иночество и, подражая святым апостолам, начала проповедовать язычникам о Христе, многих обращая в христианство.
О ее деятельности было донесено императору Антонину Пию (138–161), и святая Параскева предстала перед судом. Бесстрашно исповедала она себя христианкой. Ни обещания почестей и материальных благ, ни угрозы мучениями и смертью не поколебали твердости святой и не отвратили ее от Христа. Она была предана зверским истязаниям. Ей на голову надели раскаленный шлем и бросили в котел с кипящей смолой. Однако силой Божией святая мученица осталась невредимой. Когда император заглянул в котел, святая Параскева бросила ему в лицо несколько капель раскаленной смолы, и он ослеп. Император стал просить ее об исцелении, и святая мученица исцелила его. После этого император отпустил святую Параскеву на свободу.
Переходя с проповедью Евангелия с одного места на другое, святая Параскева пришла в город, где правителем был Асклипий. Здесь святую опять судили и приговорили к смерти. Ее повели к огромному змею, жившему в пещере, чтобы он пожрал ее. Но святая Параскева сотворила над змеем крестное знамение, и он тут же издох. Асклипий и горожане, видя такое чудо, уверовали во Христа и отпустили святую. Она продолжала свою проповедь. В городе, где правителем был некто Тарасий, святая Параскева приняла мученическую кончину. После жестоких истязаний ее обезглавили.
Иное жизнеописание преподобномученицы Параскевы Римской
Мощи святой мученицы Параскевы находятся в районе Афин, который так и называется "Параскеви", в храме, посвященном ее имени. Она родилась в семье благородных римлян около 130 года, во времена правления императора Адриана, когда принадлежность к Христианской Церкви считалась преступлением. Родители девочки, Агафон и Полития, долгие годы прожили в браке бездетными, поэтому появившееся у них на склоне лет дитя они в благодарность Небу посвятили Господу. Они призвали для воспитания и образования дочери умелых наставников, и, вдохновленная добрым примером родителей, она после их кончины раздала свое наследство бедным. В возрасте двадцати лет поступила в обитель христианских дев — подобие будущих монастырей, — где посвятила себя служению Богу. Достаточно преуспев в духовной жизни, покинула общину и стала проповедовать на улицах Рима.
Параскева была настолько преисполнена Божией благодати и так горела духом, что, по сведениям агиографов, множество людей обращалось ко Христу, просто услышав ее проповедь. Совершенно очевидно, что она была сильной личностью и на многих оказала влияние, поскольку Римские власти преследовали ее с неуемной энергией. Ей удалось избежать преследований лишь перебравшись в Малую Азию, где она продолжала проповедовать на территории нынешней Турции. Наконец, ее схватили в Терапии солдаты императора Антония Пия (138 — 61 г.). Обвинили не только в оскорблении богов, но и в том, что именно она стала причиной всех несчастий, случавшихся с империей в те времена!
Параскеву привели на суд к императору Антонию, который сначала попытался уговорить ее отречься от своей веры, а когда она отказалась, велел заточить ее в темницу и подвергнуть мучениям. Ежедневные пытки оказались безрезультатны, каждое утро стражники снова и снова находили ее в добром здравии, без каких бы то ни было следов пыток, напротив, она была бодра и весела, будто ничего и не происходило. Видя это, правитель приказал бросить ее в котел с кипящей смолой, маслом и водой. У него на глазах ее погрузили в эту кипящую смесь по самую шею, однако она вела себя так, будто эта жижа была едва теплой. Он подумал, что всему виною его солдаты, их халтурное отношение к делу, и начал бранить их. Он потребовал, чтобы Параскева плеснула на него немного смеси. Она повиновалась и плеснула на него ладонью. Кипящая смола и масло ослепили его. Он начал умолять ее о помощи, обещал стать христианином, если она вернет ему зрение. Она вышла из котла, направилась к ближайшему источнику и, помолившись, умыла ему глаза ключевой водой. Зрение вернулось к нему, после чего он, как и обещал, крестился и прекратил гонения.
Параскева вернулась к апостольской деятельности, но во времена правления Марка Аврелия, преемника императора Антония, была снова взята под стражу и на этот раз обезглавлена по приказанию наследника престола Тарасия 26 июля 180 года. Позднее ее мощи были перенесены в Константинополь, а при Обмене Населением в 1922 году часть их попала в Афины.
Источник: Евлогите! Благословите! Путеводитель по святым местам Греции
См. также: "Страдание святой преподобномученицы Параскевы" в изложении свт. Димитрия Ростовского.
