Акафист блаженному Василию, Христа ради юродивому, Московскому чудотворцу

И҆збра́нный сосꙋ́дъ бж҃їей блгⷣти, мѵ́ромъ добродѣ́телей преиспо́лненный, достоꙋго́дне васі́лїе, ꙗ҆́кѡ и҆збавлѧ́еми ѿ всѧ́кихъ бѣ́дъ и҆ напа́стей твои́мъ ѡ҆ на́съ ко гдⷭ҇ꙋ те́плымъ предста́тельствомъ, бл҃года́рственное сїѐ тебѣ̀ пѣ́нїе приносѧ́ще зове́мъ:

А҆гг҃лоподо́бнѡ житїѐ твоѐ бы́сть бг҃обл҃же́нне и҆ чтⷭ҇ота̀ вои́стиннꙋ нескве́рна: вѣ́дый бо, ꙗ҆́кѡ любвѐ мі́ра сегѡ̀ вражда̀ бг҃ꙋ є҆́сть, не восхотѣ́лъ є҆сѝ дрꙋ́гъ мі́рꙋ бы́ти, но преда́лъ є҆сѝ всего̀ себє̀ бг҃ꙋ, таково́мꙋ вели́чїю по́двига твоегѡ̀ дивѧ́щесѧ вопїе́мъ:

Ви́дѣ, ꙗ҆́кѡ всѧ̑ ꙗ҆́же въ мі́рѣ: по́хоть пло́ти, по́хоть ѻ҆че́съ и҆ го́рдость жите́йскаѧ, ᲂу҆чи́лъ є҆сѝ, пребл҃же́нне, презира́ти пло́ть, прехо́дитъ бо: прилежа́ти же ѡ҆ дꙋшѝ безсме́ртной, воспѣва́ѧ непреста́ннѡ бг҃ꙋ: А҆ллилꙋ́їа.

Ра́зꙋмъ неꙋразꙋмѣ́ненъ, трꙋды̑ и҆ пѡ́двиги твоѧ̑, достобл҃же́нне васі́лїе, и҆́миже се́дмьдесѧтъ и҆ два̀ лѣ́та во гра́дѣ се́мъ москвѣ̀, пло́ть твою̀ ᲂу҆дрꙋча́лъ є҆сѝ. Мы́ же, многострада́льнымъ терпѣ́нїемъ твои́мъ ᲂу҆милѧ́еми, зове́мъ:

Си́лою блгⷣти ѿ бг҃а свы́ше ᲂу҆крѣплѧ́емь, жела́нїемъ къ нбⷭ҇номꙋ возгорѣ́лсѧ є҆сѝ, всебл҃же́нне, и҆ чтⷭ҇ото́ю житїѧ̀ твоегѡ̀ ѻ҆би́телей вѣ́чныхъ дости́глъ є҆сѝ, въ ни́хъ ны́нѣ вопїе́ши бг҃ꙋ: А҆ллилꙋ́їа.

И҆мѣ́ѧй въ се́рдцѣ сло́во гдⷭ҇не: ка́ѧ бо по́льза чл҃вѣ́кꙋ, а҆́ще прїѡбрѧ́щетъ мі́ръ ве́сь, и҆ ѿщети́тъ дꙋ́шꙋ свою̀: всѧ̑ кра̑снаѧ мі́ра сегѡ̀ во ᲂу҆мє́ты вмѣни́лъ є҆сѝ, тѣ́мже прославлѧ́юще тѧ̀, зове́мъ:

Бꙋ́рю ве́лїю ѕло́бы многомѧте́жный дїа́волъ воздви́же на тѧ̀, бг҃обл҃же́нне васі́лїе, ты́ же ᲂу҆бѣжа́лъ є҆сѝ ловле́нїѧ льсти́вагѡ сегѡ̀ мїроде́ржца, и҆ ᲂу҆вѧ́злсѧ є҆сѝ вѣнце́мъ нетлѣ́нїѧ, воспѣва́ѧ бг҃ꙋ: А҆ллилꙋ́їа.

Слы́ша хрⷭ҇то́вꙋ за́повѣдь: и҆щи́те пре́жде всегѡ̀ црⷭ҇твїѧ бж҃їѧ и҆ пра́вды є҆гѡ̀, ѡ҆трѧ́слъ є҆сѝ всѧ́кое мїрско́е пристра́стїе. Восхвалѧ́юще таковꙋ́ю ѡ҆ бз҃ѣ ре́вность твою̀, вопїе́мъ:

Бг҃оте́чнѣй ѕвѣздѣ̀, свѣтоза́рный пꙋ́ть сп҃се́нїѧ показꙋ́ющей, ᲂу҆подо́билсѧ, бл҃же́нне, на́съ, во тмѣ̀ грѣхо́внѣй блꙋжда́ющихъ, на пꙋ́ть пра́вый наста́ви, да сп҃се́ннїи тобо́ю, воспое́мъ бг҃ꙋ: А҆ллилꙋ́їа.

Ви́дѧ ѕлохи́трство дїа́вола, и҆́щꙋща жите́йскими попече́ньми ѡ҆держи́мыхъ въ сѣ́ти своѧ̑ ᲂу҆ловлѧ́ти, противꙋста́лъ є҆сѝ ко́знемъ вра́жїимъ, ни ѡ҆ че́мъ же земнѣ́мъ печа́сѧ. Ви́дѧще сицево́е твоѐ бл҃го́е произволе́нїе, зове́мъ тѝ:

Проповѣ́дꙋѧ па́че всѧ́кагѡ сло́ва житїе́мъ твои́мъ не люби́ти мі́ра, ни ꙗ҆́же въ мі́рѣ, добродѣ́телей кꙋ́плю мно́гꙋ стѧжа́лъ є҆сѝ и҆ влⷣцѣ хрⷭ҇тꙋ̀ ꙗ҆́кѡ всепло́дїе же́ртвенное прине́слъ є҆сѝ, вопїѧ̀ є҆мꙋ̀: А҆ллилꙋ́їа.

Возсїѧ̀, ꙗ҆́кѡ свѣти́ло лꙋчеза́рное, по́двиги твоѧ̑, всебл҃же́нне, ре́вностїю дꙋхо́вною разгорѣ́всѧ, ко мно́жайшемꙋ трꙋдꙋ̀ просте́рлъ є҆сѝ себє̀: а҆да́мꙋ первозда́нномꙋ подо́бѧсѧ, на́гъ на землѝ ходи́лъ є҆сѝ, пло́ть свою̀ ᲂу҆дрꙋча́ѧ. Таковꙋ́ю крѣ́пость дꙋшѝ твоеѧ̀ восхвалѧ́юще, зове́мъ:

Хотѧ́й мꙋ́дрости нбⷭ҇ныѧ сподо́битисѧ, послѣ́довалъ є҆сѝ гла́сꙋ па́ѵла а҆пⷭ҇тола: а҆́ще кто̀ мни́тсѧ мꙋ́дръ бы́ти въ вѣ́цѣ се́мъ, ю҆ро́дъ да быва́етъ, да премꙋ́дръ бꙋ́детъ, и҆ хрⷭ҇та̀ ра́ди ю҆ро́дъ бы́лъ, ꙗ҆́кѡ безꙋ́мна ꙗ҆влѧ́ѧ себѧ̀ мі́рꙋ, ᲂу҆мꙋдри́вшемꙋ же тѧ̀ гдⷭ҇ꙋ воспѣва́ѧ: А҆ллилꙋ́їа.

Ди́внѡ и҆ пречꙋ́днѡ ю҆ро́дство твоѐ бы́сть, пребл҃же́нне, всѧ́кое нече́стїе и҆ беззако́нїе небоѧ́зненнѡ ѡ҆блича́лъ є҆сѝ, мно́гїѧ досаждє́нїѧ и҆ ра̑ны за то̀ претерпѣва́ѧ. Таково́й вели́кїй по́двигъ тво́й ᲂу҆бл҃жа́ѧ, зове́мъ тѝ:

Стра́нникъ и҆ прише́лецъ бы́лъ є҆сѝ, пребл҃же́нне васі́лїе, нбⷭ҇нагѡ гра́да і҆ерⷭ҇ли́ма взыскꙋ́ѧ, є҆го́же дости́глъ є҆сѝ, и҆ ны́нѣ воспѣва́еши та́мѡ бг҃ꙋ немо́лчнѡ: А҆ллилꙋ́їа.

Ве́сь къ бг҃ꙋ впери́въ тво́й ᲂу҆́мъ, и҆ возлюбѝ нбⷭ҇наѧ, земно́е всѐ ѡ҆трѧ́слъ є҆сѝ, тѣ́мже на́съ ны́нѣ землѝ приве́рженныхъ къ нбⷭ҇номꙋ ѡ҆братѝ, да и҆зба́вльшесѧ ѿ земна́гѡ пристра́стїѧ и҆ сꙋеты̀ мїрскі́ѧ, бл҃года́рственнѡ возопїи́мъ тѝ:

Всѧ̑ чи́нове а҆́гг҃льстїи съ нб҃съ на зе́млю мы́сленными прини́кше ѻ҆чи́ма и҆ ви́дѧще твоѧ̑ по́двиги, во ᲂу҆миле́нїи воспѣва́хꙋ бг҃ꙋ: А҆ллилꙋ́їа.

Вѣті́йствовати хотѧ́щїй ѧ҆зы́къ на́шъ безгла́сїемъ свѧзꙋ́етсѧ, ꙗ҆́кѡ не могꙋ́щїй по достоѧ́нїю восхвали́ти добродѣ̑тели твоѧ̑. Не пре́зри на́съ, зовꙋ́щихъ тѝ:

Сп҃стѝ хотѧ́й ѿ бꙋ́ри въ мо́рѣ потоплѧ́емыхъ и҆ къ тебѣ̀ ѡ҆ сп҃се́нїи свое́мъ возопи́вшихъ, ꙗ҆ви́лсѧ є҆сѝ и҆́мъ на мо́ри, во гра́дѣ москвѣ̀ неѿстꙋ́пнѡ пребыва́ѧ, и҆ ѿ потопле́нїѧ и҆зба́вилъ є҆сѝ, да восхвалѧ́ютъ бг҃а, чꙋде́снѣ тобо́ю и҆̀хъ спа́сшаго, и҆ возопїю́тъ є҆мꙋ̀: А҆ллилꙋ́їа.

Гдⷭ҇а бг҃а непреста́ннѡ ᲂу҆мо́мъ зрѧ̀, не да́лъ є҆сѝ ѻ҆чи́ма свои́ма сна̀, ни вѣ́ждома дрема́нїѧ, въ мл҃твѣ цр҃ко́внѣй но́щи пребыва́ѧ. Лю́дїе же ви́дѧще таково́е твоѐ къ бг҃ꙋ ᲂу҆се́рдїе, взыва́хꙋ тѝ:

Пѣ́нїе всеꙋмиле́нное тебѣ̀, всебл҃же́нне, приносѧ́ще, вопїе́мъ: ꙗ҆́коже дре́влѣ чꙋдодѣ́йствꙋѧ, разсла́бленныхъ и҆сцѣлѧ́лъ є҆сѝ, слѣпы̑мъ прозрѣ́нїе дарова́лъ є҆сѝ, та́кѡ и҆ ны́нѣ дꙋ́ши на̑ша, грѣха́ми разсла́бленныѧ и҆ похотьмѝ ѡ҆слѣпле́нныѧ, и҆сцѣлѝ, да вопїе́мъ бг҃ꙋ: А҆ллилꙋ́їа.

Свѣтопода́тельна свѣти́льника вели́кагѡ зри́мъ тебѐ, пребл҃же́нне васі́лїе, наставлѧ́юща на пꙋ́ть пра́вый блꙋжда́ющихъ во тмѣ̀ и҆ сѣ́ни сме́ртнѣй. Тогѡ̀ ра́ди вопїе́мъ тѝ:

Блгⷣтїю бж҃їею просвѣща́емый, бг҃обл҃же́нне васі́лїе, просвѣтѝ на́шъ ᲂу҆́мъ и҆ ѡ҆чи́сти на́ше се́рдце, да сподо́бимсѧ и҆ мы̀ воспѣва́ти съ тобо́ю кꙋ́пнѡ бг҃ꙋ: А҆ллилꙋ́їа.

Пою́щихъ твоѧ̑ по́двиги, восхвалѧ́ющихъ твоѧ̑ ѕлострада̑нїѧ, прославлѧ́ющихъ твоѐ ю҆ро́дство, дивѧ́щихсѧ твои̑мъ добродѣ́телємъ не ѡ҆ста́ви свои́мъ хода́тайствомъ пред̾ гдⷭ҇омъ, да воспое́мъ тѝ:

Ѽ пребл҃же́нне и҆ достоꙋго́дне васі́лїе, ма́лое сїѐ похвале́нїе ѿ на́съ ꙗ҆́кѡ пло́дъ бл҃годаре́нїѧ прїимѝ, ꙗ҆́кѡ гла́съ проше́нїѧ ᲂу҆слы́ши, да и҆зба́вимсѧ твои́ми ѡ҆ на́съ бг҃ꙋ мл҃твами ѿ ѡ҆быше́дшихъ ѕѡ́лъ и҆ напа́стей, и҆ возопїе́мъ бг҃ꙋ, сп҃си́телю на́шемꙋ: А҆ллилꙋ́їа.

А҆гг҃лоподо́бнѡ житїѐ твоѐ бы́сть бг҃обл҃же́нне и҆ чтⷭ҇ота̀ вои́стиннꙋ нескве́рна: вѣ́дый бо, ꙗ҆́кѡ любвѐ мі́ра сегѡ̀ вражда̀ бг҃ꙋ є҆́сть, не восхотѣ́лъ є҆сѝ дрꙋ́гъ мі́рꙋ бы́ти, но преда́лъ є҆сѝ всего̀ себє̀ бг҃ꙋ, таково́мꙋ вели́чїю по́двига твоегѡ̀ дивѧ́щесѧ вопїе́мъ:

И҆збра́нный сосꙋ́дъ бж҃їей блгⷣти, мѵ́ромъ добродѣ́телей преиспо́лненный, достоꙋго́дне васі́лїе, ꙗ҆́кѡ и҆збавлѧ́еми ѿ всѧ́кихъ бѣ́дъ и҆ напа́стей твои́мъ ѡ҆ на́съ ко гдⷭ҇ꙋ те́плымъ предста́тельствомъ, бл҃года́рственное сїѐ тебѣ̀ пѣ́нїе приносѧ́ще зове́мъ:

Ѽ вели́кїй ᲂу҆го́дниче хрⷭ҇то́въ, и҆́стинный дрꙋ́же и҆ вѣ́рный ра́бе всетворца̀ гдⷭ҇а бг҃а, пребл҃же́нне васі́лїе! Оу҆слы́ши ны̀ многогрѣ́шныѧ, ны́нѣ вопїю́щыѧ къ тебѣ̀ и҆ призыва́ющыѧ и҆́мѧ твоѐ ст҃о́е: поми́лꙋй ны̀ припа́дающыѧ дне́сь къ ра́цѣ моще́й твои́хъ: прїимѝ ма́лое на́ше и҆ недосто́йное сїѐ моле́нїе, ᲂу҆милосе́рдисѧ над̾ ᲂу҆бо́жествомъ на́шимъ, и҆ мл҃твами твои́ми и҆сцѣлѝ всѧ́къ недꙋ́гъ и҆ болѣ́знь дꙋ́ши и҆ тѣ́ла на́шегѡ грѣ́шнагѡ, и҆ сподо́би ны̀ тече́нїе жи́зни сеѧ̀ невреди́мѡ ѿ ви́димыхъ и҆ неви́димыхъ вра̑гъ безгрѣ́шнѡ прейтѝ, и҆ хрⷭ҇тїа́нскꙋю кончи́нꙋ непосты́днꙋ, ми́рнꙋ, безмѧте́жнꙋ, и҆ нбⷭ҇нагѡ црⷭ҇твїѧ наслѣ́дїе полꙋчи́ти со всѣ́ми ст҃ы́ми во вѣ́ки вѣкѡ́въ. А҆ми́нь.

Ѽ бл҃же́ннаѧ дꙋшѐ, ѽ премꙋ́дрости и҆спо́лненный ра́зꙋме: возсїѧ̀ бо на́мъ свѣтонезаходи́мое со́лнце весе́лїѧ, просвѣща́ѧ рѡссі́йское ца́рство: ѿ бѣсѡ́въ ᲂу҆ѧ́звленныхъ и҆сцѣли́тель, па́че же и҆ сами́хъ бѣсѡ́въ прогони́тель, слѣпы́мъ прозрѣ́нїе, хромы̑мъ хожде́нїе, слѧ́чєннымъ и҆справле́нїе, болѧ́щымъ всѣ̑мъ и҆сцѣле́нїе и҆ здра́вїе: ѿ бѣ́дъ и҆ скорбе́й и҆збавле́нїе, печа̑льнымъ ᲂу҆тѣше́нїе.

Ѽ ᲂу҆го́дниче хрⷭ҇то́въ, пребл҃же́нне васі́лїе! Оу҆слы́ши ны̀, многогрѣ̑шныѧ, ны́нѣ вопїю́щїѧ къ тебѣ̀: поми́лꙋй ны̀, ра́бъ бж҃їихъ (и҆́мⷬ҇къ), и҆ ᲂу҆млⷭ҇рдисѧ над̾ ᲂу҆бо́жествомъ на́шимъ. И҆ мл҃твами твои́ми и҆сцѣлѝ всѧ́къ недꙋ́гъ и҆ болѣ́знь дꙋ́ши и҆ тѣ́ла на́шегѡ грѣ́шнагѡ, и҆ сподо́би ны̀ тече́нїе жи́зни сеѧ̀ невреди́мо, ѿ ви́димыхъ и҆ неви́димыхъ вра̑гъ, и҆ безгрѣ́шнѡ прейтѝ, и҆ хрⷭ҇тїа́нскꙋю кончи́нꙋ непосты́днꙋ, ми́рнꙋ, безмѧте́жнꙋ, и҆ нбⷭ҇нагѡ црⷭ҇твїѧ наслѣ́дїе полꙋчи́ти, со всѣ́ми ст҃ы́ми, во вѣ́ки вѣкѡ́въ.