Акафист Пресвятой Богородице пред иконой «Избавительница»

Возбранѝ врагѡ́мъ на́шимъ ѡ҆ѕлоблѧ́ти на́съ и҆ ѿ гдⷭ҇а на́шегѡ ѿлꙋчи́ти коне́чнѣ и҆ наꙋчѝ на́съ пѣ́ти тебѣ̀ ве́селѡ:

А҆́гг҃лѡвъ мно́жество по твоемꙋ̀, мт҃и на́ша, повелѣ́нїю ѡ҆полча́ютсѧ на и҆збавле́нїе на́ше гро́знѡ. Ты́ же прїимѝ мл҃твꙋ сїю̀:

Ви́дѧтъ бѣ́дствꙋющїи толи́кꙋю и҆ мно́гꙋю по́мощь твою̀ серде́чнѡ тѧ̀ призыва́ющимъ и҆ наставлѧ́ютсѧ тѣ́мъ пѣ́ти сн҃ꙋ твоемꙋ̀ непреста́ннѡ: А҆ллилꙋ́їа.

Разꙋмѣ́ютъ мно́зи, ꙗ҆́кѡ мі́рови дарова́ тѧ сн҃ъ тво́й и҆зба́вительницꙋ бѣ́дствꙋющымъ, тѣ́мже пое́мъ тѝ си́це:

Си́ла вы́шнѧгѡ дарова́сѧ тѝ на по́мощь и҆ сп҃се́нїе мі́рꙋ и҆ на́съ, въ бѣда́хъ погиба́ющихъ. И҆ кто́ же тобо́ю не и҆зба́вленъ бы́сть; и҆ кто́ же не пое́тъ сн҃ꙋ твоемꙋ̀: А҆ллилꙋ́їа.

И҆мꙋ́щи непостижи́мꙋю любо́вь къ ро́дꙋ человѣ́чꙋ, ка̑ѧ воздыха̑нїѧ не прїѧ́ла є҆сѝ, кі̑ѧ слє́зы не ѡ҆те́рла є҆сѝ, и҆ кого̀ не принꙋ́дила є҆сѝ призыва́ти тѧ̀, вопїю́ще:

Бꙋ́рѧ несча́стїй налетѣ̀ на ны̀, сп҃сѝ ᲂу҆́бѡ на́съ погиба́ющихъ, и҆зба́вительнице на́ша, бꙋ́рю поги́бельнꙋю на землѝ ᲂу҆кроти́вшаѧ и҆ прїе́млющаѧ на́шꙋ пѣ́снь: А҆ллилꙋ́їа.

Слы́шаша чл҃вѣ́честїи ро́ди всю̀ твою̀ къ хрⷭ҇тїа́нѡмъ ди́внꙋю любо́вь и҆ твоѐ мо́щное и҆збавле́нїе ѿ всѧ́кихъ находѧ́щихъ на ни́хъ лю́тыхъ, наꙋчи́шасѧ пѣ́ти тебѣ̀:

Бг҃оте́чнѣй ѕвѣздѣ̀ подо́бѧщасѧ, мра́къ и҆ темнотꙋ̀ въ грѣ́шныхъ сердца́хъ разгонѧ́еши, да во свѣ́тѣ твоеѧ̀ любвѐ ᲂу҆́зрѧтъ гдⷭ҇а и҆ воспою́тъ є҆мꙋ̀: А҆ллилꙋ́їа.

Ви́дѣша лю́дїе рѡссі́йстїи твоѐ неча́ѧнное ѿ многоразли́чныхъ бѣ́дъ и҆збавле́нїе, ра́достнѡ пою́тъ тебѣ̀ си́це:

Проповѣ́дꙋютъ по́мощь и҆ любо́вь твою̀, мт҃и, и҆сцѣле́ннїи, ᲂу҆тѣ́шеннїи, ѡ҆бра́дованнїи и҆ сп҃се́ннїи тобо́ю ѿ бѣ́дъ, и҆ пою́тъ твоемꙋ̀ высокодержа́вномꙋ сн҃ꙋ: А҆ллилꙋ́їа.

Возсїѧ̀ на́мъ свѣ́тъ сп҃се́нїѧ во мглѣ̀ поги́бели, ѡ҆крꙋжи́вшей на́съ, и҆ наста́ви пѣ́ти тебѣ̀:

Хотѧ́щимъ на́мъ коне́чномꙋ ѿча́ѧнїю преда́тисѧ, ѿвсю́дꙋ бѣда́мъ належа́щимъ, помы́слихомъ же ѡ҆ тебѣ̀, и҆зба́вительнице, и҆ ѡ҆бодри́хомсѧ и҆ ᲂу҆тѣ́шихомсѧ, пою́ще сн҃ꙋ твоемꙋ̀: А҆ллилꙋ́їа.

Но́вꙋю и҆ нежда́ннꙋю показа̀ на́мъ млⷭ҇ть свою̀, под̾ держа́внꙋю рꙋкꙋ̀ твою̀ на́съ воспрїѧ́вши, и҆ ѿвсю́дꙋ вопїе́мъ тѝ, бцⷣе:

Стра́нное чꙋ́до: на поги́бель ѡ҆брече́нныхъ и҆ въ нꙋ́ждахъ томѧ́щихсѧ безчи́сленныхъ, внеза́пꙋ сп҃се́нїе и҆ и҆збавле́нїе полꙋча́ютъ ѿ тебѣ̀, вселю́бѧщей, пою́ще бг҃ꙋ: А҆ллилꙋ́їа.

Всѝ сꙋ́щїи во мра́цѣ скорбе́й, всѝ ѡ҆бꙋрева́емїи несча́стїй бꙋ́рею, прїиди́те къ до́бромꙋ приста́нищꙋ и҆ на́шемꙋ поможе́нїю, покро́вꙋ дв҃ы и҆зба́вительницы, вопїю́ще є҆́й:

Всѐ сꙋщество̀ чл҃вѣ́ческое хва́литъ тѧ̀, всѝ воспѣва́ютъ тѧ̀, многоразли́чное и҆збавле́нїе несꙋ́щꙋю, вмѣ́стѡ печа́лей ра́дость подаю́щꙋю пою́щымъ сн҃ꙋ твоемꙋ̀ и҆ бг҃ꙋ: А҆ллилꙋ́їа.

Вѣті̑и многоꙋ́мнїи ѡ҆безꙋ́мѣша, ви́дѧще твоѐ ско́рое и҆ чꙋде́сное ѿ бѣ́дъ стра́ждꙋщихъ и҆збавле́нїе, и҆ ᲂу҆молко́ша на́мъ, пою́щимъ тѝ:

Спастѝ хотѧ̀ всѧ́кꙋ дꙋ́шꙋ чл҃вѣ́чꙋ, все́ю любо́вїю пече́шисѧ ѡ҆ не́й, до́ндеже наꙋчи́ши ю҆̀ пѣ́ти сн҃ꙋ твоемꙋ̀: А҆ллилꙋ́їа.

Стѣно́ю, мі́ръ хрⷭ҇тїа́нскїй хранѧ́щей и҆ всѧ́кꙋ дꙋ́шꙋ ѿ врагѡ́въ ѡ҆гражда́ющей, ꙗ҆ви́сѧ і҆кѡ́на твоѧ̀, и҆зба́вительнице, въ мі́рѣ правосла̑внѣмъ и҆ чꙋдесы̑ просла́висѧ. Тебѣ̀ лю́дємъ бж҃їимъ воспѣва́ющимъ:

Пѣ́нїе непреста́нное прино́сѧтъ тѝ, влⷣчце, тобо́ю и҆зба́вленнїи и҆ тобо́ю па́ки ра́дость ѡ҆брѣ́тшїи, и҆ бж҃е́ственномꙋ сн҃ꙋ твоемꙋ̀ пою́тъ ра́достнѡ: А҆ллилꙋ́їа.

Свѣтосїѧ́ющимъ свѣти́ломъ лꙋчеза́рнымъ во мра́цѣ грѣха̀ ꙗ҆ви́сѧ на́мъ і҆кѡ́на твоѧ̀, и҆зба́вительнице, наставлѧ́ющаѧ на́съ пѣ́ти тебѣ̀:

Бл҃года́ть, ѿ і҆кѡ́ны твоеѧ̀, и҆зба́вительнице, текꙋ́щаѧ, и҆сцѣле́нїй стрꙋѝ ѡ҆би́льнѡ подаю́щаѧ и҆ сердца̀ весе́лїемъ ѡ҆живлѧ́ющаѧ, побѣжда́етъ всѣ́хъ во́лею пѣ́ти тебѣ̀, мт҃и, и҆ сн҃ꙋ твоемꙋ̀ и҆ бг҃ꙋ: А҆ллилꙋ́їа.

Воспѣва́емъ и҆сцѣле́нїѧ, ѿ ст҃ы́ѧ і҆кѡ́ны твоеѧ̀ быва́ємаѧ, воспѣва́емъ наипа́че воскреше́нїе а҆наста́сїѧ ѻ҆́трока и҆ воспѣва́юще пое́мъ:

Ѽ, всепѣ́таѧ и҆ вселюби́маѧ на́ша мт҃и! ᲂу҆милосе́рдисѧ ны́нѣ и҆ поми́лꙋй, въ лю́тыхъ и҆ безысхо̑дныхъ сꙋ́щихъ на́съ ско́рбѣхъ и҆збавлѧ́ющи, наꙋчѝ на́съ серде́чнѡ воспѣва́ти бг҃ꙋ, проща̑ющемꙋ на́съ: А҆ллилꙋ́їа.

А҆́гг҃лѡвъ мно́жество по твоемꙋ̀, мт҃и на́ша, повелѣ́нїю ѡ҆полча́ютсѧ на и҆збавле́нїе на́ше гро́знѡ. Ты́ же прїимѝ мл҃твꙋ сїю̀:

Возбранѝ врагѡ́мъ на́шимъ ѡ҆ѕлоблѧ́ти на́съ и҆ ѿ гдⷭ҇а на́шегѡ ѿлꙋчи́ти коне́чнѣ и҆ наꙋчѝ на́съ пѣ́ти тебѣ̀ ве́селѡ:

Ѽ, мт҃и бж҃їѧ, по́моще и҆ защи́та на́ша, при́снѡ бꙋ́ди на́мъ и҆зба́вительница, на тѧ́ бо ᲂу҆пова́емъ и҆ всегда̀ вседꙋ́шнѡ тѧ̀ призыва́емъ: ᲂу҆милосе́рдисѧ и҆ помозѝ, пожале́й и҆ и҆зба́ви, приклонѝ ᲂу҆́хо твоѐ и҆ на̑ша скѡ́рбныѧ и҆ слє́зныѧ моли́твы прїимѝ, и҆ ꙗ҆́коже хо́щеши, ᲂу҆споко́й и҆ ѡ҆бра́дꙋй на́съ, лю́бѧщихъ твоегѡ̀ безнача́льнагѡ сн҃а и҆ бг҃а на́шегѡ. А҆ми́нь.